أرجوا الإفادة بأفضل ( سخان مركزي + مبرد )

[المـــــ$$$ـــــتثمر]

السلام عليكم ورحمة الله وبركاته

قريباً سيكون البيت جاهز لتركيب نظام ( السخان المركزي + المبرد )

مريت على ( شركة تدمر ) + ( شركة إلكترو ستي ) + ( شركة عربي عند محطة التيسير )
وبصراحة محتار كثير ما ادري وش افضل شركة
خصوصاً الجودة + خدمة ما بعد البيع
كل ما مريت على شركة من هالشركات يقعدون يمدحون لي نظامهم لين اقتنع

إلي عندة أي معلومة عن جودتهم أو خدمات ما بعد البيع
أو يذكر تجربته معهم ( لا يبخل علينا :) )

وأبي نصيحتكم في المبرد
1 - إلي عند تدمر ( نظام بيبات النحاس الي داخلة في الخزان ) شكلة مثل الوحدة الخارجية للسبلت يعني شكلة زي المكيف من برى ( اللهم انه بيبات النحاس داخلة في الخزان )
2 - إلي عند الشركات الثانية ( نظام مبرد بطريقة تدوير المياه في الخزان )
يعني يسحب الماء من أسفل الخزان يمر على المبرد ويرجع ثاني مرة للخزان من الأعلى
يتم التدوير عن طريق مكينة صغير لتدوير المياه


crazy والله العظيم البنيان اكبر حوسة شفتها بحياتي


تحياتي للجميع

[الســـهم]

هلا أخوي المستثمر ..

بما اني ماوصلت هذي المرحلة , فما اقدر اعطيك رأي عن تجربة , ولكن خذت فكره عن نظام السخان المركزي ..

بالإضافه للشركات الثلاث اللي ذكرتهم تقدر تضيف عليهم شركة البحرية وسمعتها ممتازة بالسوق , والكل يمدح خدمات مابعد البيع عندهم , وكذلك عندك شركة الطيب التجارية ايضا الناس يمدحون بضاعتهم ولكن ما سمعت اي شي عن خدمات مابعد البيع سواء بالايجاب او السلب ..

وبناء على اكثر الآراء اللي سمعتها بأن المبرد السيركيولر ( بنظام التدوير ) افضل بكثير من نظام المبرد اللي ينحط بالتانكي ( النحاس ) , وافضل السخانات المركزية هي الأمريكية , والفيتنق يكون انجليزي ( الولفات والبرشر والدينمه ) ..

هذا اللي اقدر افيدك فيه حاليا , وبصراحة اكثر المدح سمعته من الناس اللي تعاملوا مع شركة البحرية , بالرغم من اني حاط ببالي اما شركة الطيب او الكتروسيتي , واكثر الناس تذم في خدمة مابعد البيع عند شركة تدمر , بالرغم من جودة بضاعتهم وتميزهم في وكالاتهم للشركات العريقة ..

[فويرط]

crazy والله العظيم البنيان اكبر حوسة شفتها بحياتي




ههههههههههههههه

اسكت ، الواحد لين يركب سيارته قام يروح صوب بيته الجديد لا ايرادي

ههههه

قريب وباوصل هذه المرحلة ، وباستفيد وايد من موضوعك

جزاك الله خير

وننتظر آراء أصحاب الخبرة

[المـــــ$$$ـــــتثمر]

أخوي الســـهم ( رحم الله والديك )
يعطيك العافية على المشاركة ( والله ان قلبي كان ينغزني من تدمر ) ما ارتحت لهم مرة
اكتفيت بمشاركتك لإلغاء تدمر من الحسبة نهائياً

وبخصوص المبرد ( أنا كنت اقول كذا ) متفق معك ( احساسي يقول نظام التدوير احسن )
لكن الشخص الي في تدمر يقنعني بعكس ذلك ( خلاص حطيت عليهم x )



أخوي فويرط
الله يعينك ,,, والله اني حاس فيك ,,,
صبراً يا آل فويرط ,, فإن الفرج لقريب
كلها فتره وتعدي





في إنتظار مشاركات بقية الأخوان

[al saad]

انا افكر في شركه إلكترو ستي مادر ليش ارتحت لهم
ومتابع الموضوع ....

[بوالبيض]

السلام عليكم ورحمة الله وبركاته

قريباً سيكون البيت جاهز لتركيب نظام ( السخان المركزي + المبرد )

مريت على ( شركة تدمر ) + ( شركة إلكترو ستي ) + ( شركة عربي عند محطة التيسير )
وبصراحة محتار كثير ما ادري وش افضل شركة
خصوصاً الجودة + خدمة ما بعد البيع
كل ما مريت على شركة من هالشركات يقعدون يمدحون لي نظامهم لين اقتنع

إلي عندة أي معلومة عن جودتهم أو خدمات ما بعد البيع
أو يذكر تجربته معهم ( لا يبخل علينا :) )

وأبي نصيحتكم في المبرد
1 - إلي عند تدمر ( نظام بيبات النحاس الي داخلة في الخزان ) شكلة مثل الوحدة الخارجية للسبلت يعني شكلة زي المكيف من برى ( اللهم انه بيبات النحاس داخلة في الخزان )
2 - إلي عند الشركات الثانية ( نظام مبرد بطريقة تدوير المياه في الخزان )
يعني يسحب الماء من أسفل الخزان يمر على المبرد ويرجع ثاني مرة للخزان من الأعلى
يتم التدوير عن طريق مكينة صغير لتدوير المياه


crazy والله العظيم البنيان اكبر حوسة شفتها بحياتي


تحياتي للجميع

حوسه الا سنداره مخك يفتر فر:)

[بوالبيض]

انا مركب سخانات شركة تدمر قول لي ليش اقول لك اول شي المقاول يتعامل معاهم
من زمان ثاني شي شركه قديمه والصيانه فيها ممتازه واهم شي في الشركه الصيانه قبل
كل شي ... والله يوفقك اخوي

[خالد32]

اشوف نظام تبريد الخزان من الداخل احسن من التدوير و اخف على الكمبريسر. و تكلفته اقل

[المـــــ$$$ـــــتثمر]

أخي (كاد الهندسية)

مادري ؟؟؟ يعني أنت في كل موضوع بتحط إعلانك هذا
لا رد ولا سلام ولا مشاركة

سلبي جداً

معليش لا تزعل مني

أنا انزعجت من كثر ما اشوف إعلانك في كل موضوع