معاناتي مع التيوتا , وانعدام قطع الغيار من الوكاله

[بو طالب]

السلام عليكم ورحمة الله وبركاته جميعا

مادري من وين ابتدي بس بحااول اختصر معاناتي مع شركة التيوتا ...

قبل يومين رحت وكالة التيوتا اللي في الصناعيه عشان ابدل سفايف حق الكامري والسكويا لانها قربت تنتهي ..
المهم دشيت الوكاله سحبت رقم وصل دوري بعد طول انتظار
جيت الموظف قلت له ابي سفايف حق كامري 2010 وسكويا 2010 قال دقيقه بشييك لك عل كمبيوتر بس اظن انه ما في

المهم شييك وقال لي (( ما في ))
انا ما استوعبت كلامه قعدت اناظر فيه وانا ساكت ومصدوم
قلت كيف مافي ... ووووين يالحبيب
قال مافي يمكن تجي بكره او بعد يومين او 3 الله اعلم .. هذا الكلام قبل امس
رحت امس ونفس الشي ونفس الكلام
رحت اليوم قالو لي ما وصلت للحين وشدعوووه
كيييف مافي سفايف
والحل ؟؟

قلت بركب تجاري مؤقتا وامري لله
رحت يوني بارت اللي في 10 ما عنده
رحت بارت لاند اللي في الوكالات بعد ما عنده ... يقول لي الهندي زلزال اليابان
كييف زلزال اليابان ؟؟ .... وكييف التيوتا بتنزل موديلات 2012 بعد فتره قصيره
يعني المصنع شغال على قدم وساق ... يعني ما تأثروا بالزلزال

حتى تجاري ما حصلت

يا اخوان انا لو اقدر اسافر بجيبهم من صناعية الدمام او الخبر ما عندي مشكله ...
بس ماقدر اسافر لانه عندي ارتباطات ومواعيد مهمه ودوامي مب حكومي .. يعني دوامي غير عن العالم وعطلتي غيرر كللللللش عن العالم





وانا ماقول غير
حسبي الله على كل واحد يضيق على الناس
ويا الله يا كريم تفرجها على كل واحد يساعد الناس

وان شاء الله احصل القطع قريبا سواء في الوكاله او غيرها

[@north_star@]

للاسف أخوي معظم الوكالات بنفس الطريقة ....القطع الاستهلاكية الي المفروض تكون متوفرة بشكل مستمر مثل السفايف كما ذكرت ما تحصلها الا بالموت وعلى العموم الله يفرجها عليك وتحصل القطع الي تبغيها

[الرايــق]

بوطالب شيك الخاص ..

[بوعلي2]

الله المستعان يالذيب

امرنا لله ولاحول ولاقوة الا بالله

الله يبلغك مرادك ان شاء الله

[عيد823]

عيل ابشر بالزيادة وارتفاع سعرها وادفع يا مواطن .

الله المستعان ،،،

[الكبير الله]

بخصوص سفايف السكويا .. ركبله سفايف كروزر وتركب نفس الشي

[عليه العوض]

يخفونها من اجل رفع اسعارها وهذه العادة معروفه اي سلعه يريدون رفع سعرها تختفي من السوق
وتظهر بسعر اعلى وسمعت وحد يقول انه اشتراء سفايف كامري 250 ريال وكان اسعارهم 180 ريال

[نورالهدى]

اي

بنبطل نركب سيارات

المشي رياضه


لعوزونا


حسبي الله ونعم الوكيل

[OM_OMAR_QATAR]

الله يعين بس

[بوطويشم]

السلام عليكم

مريت على نوبل و الا القطري ؟؟؟؟

[الزجاجي]

^^^^ اهم شي يمر او يتصل لهم

عندك الموزعين .. نوبل والقطري وهوازن و الوطنية
وغيرهم نفس بومطر والفارس و على انترناشونال

المشكله مش القطعه .. المشكله ربعنا البياعين يمشون على رقم القطعه والكمبيوتر يقول مافيه لكن بطل القطعه وعطه بدون ما تتكلم بيعطيك نفسها !!

[Best Man]

مر على نوبل والقطري وشوف والله يعينك ان شاءالله

[بوتين]

السلام عليكم اخوي

والله يعينك وان شاء الله تحصل

انا سويت حادث قبل اسبوعين على موتري في اكس ار

والاضرار يوم شفتها قلت بسيطه صدام وشبك وليتات وكشافات والبانه رحت لوكالة انصدمت من سعر قطع الغيار 17000 ريال :cry2:

رحت القطري 15000 بعد الخصم 11500

الليتات الزينون بس ب ٧٨٨٠ ريال

قالي واحد من الربع خل نروح الحسا نجرب قلت له توكل على الله تتقوع كم حصلتها في الحسا ب 7000 ريال :omg:
يعني قطع غيار موتري + بترول موتري حق الخط + التامين السعودي + عشا في مطعم الشوايه + اغراض من الدكان =ارخص من سعر ليتات في الدوحة :eek5:

[بوحارب]

اخوي خذلك لفه على الموزعين وبتحصلهم في الفرجان بدال الصناعية وعوار الراس

ونصيحة لاتركب سفايف تجارية :)

[نيساني]

نفس الحاله في كل الشركات

عندنا وعندكم خير

وشكراً

[بوسلمان 2010]

هذا الاحتكار بعينه وعلمة لا وابشركم زادو اسعار القطع غيار لارقيب ولا حسيب الله يصبحكم باالخير ياحمايت



المستهلك ارحمونا من جشع الوكلات عندنا وفرق الاسعار في الدول المجاوره الله المستعان

[ثابت]

للاسف انة هذي الشركة تفتقر الي ادارة نزيها و اصحاب خبرة ممتازة لكسب الزبون

والدليل كثرة الشكاوي على هذي الشركة و انا من الاشخاص الي غيرت كل سيارات بيتي الي شركة اخرى بسبب هذا الشي

[fhd4]

تدري شنهو الغريب …

ان قطع غيار تويوتا مايصنعونها في اليابان …

الزلزال ماله علاقة … عذر اقبح من ذنب … لرفع الاسعار …

[بو طالب]

للاسف أخوي معظم الوكالات بنفس الطريقة ....القطع الاستهلاكية الي المفروض تكون متوفرة بشكل مستمر مثل السفايف كما ذكرت ما تحصلها الا بالموت وعلى العموم الله يفرجها عليك وتحصل القطع الي تبغيها

صحيح اخووي وهذي ((( سياسة بعض الشركات ))) في انعدام قطع الغيار من وكالاتها

اما باقي الاشياء والقطع (( الغير استهلاكيه )) بتكون موجوده

بارك الله فيك وبيض الله وجهك اخووي

[بو طالب]

بوطالب شيك الخاص ..

بارك الله فيك يالرايق وكثر الله من امثالك
وان شاء الله كل خير

[بو طالب]

الله المستعان يالذيب

امرنا لله ولاحول ولاقوة الا بالله

الله يبلغك مرادك ان شاء الله

الله كريم اخووي بو علي

والله يزين حالك

[بو طالب]

عيل ابشر بالزيادة وارتفاع سعرها وادفع يا مواطن .

الله المستعان ،،،

لسبب واحد بسيط بتكون الزياده .. الا وهو (( الاحتكار )) لوكالة تيوتا وقطع غيارها ( الاصليه )

[بو طالب]

بخصوص سفايف السكويا .. ركبله سفايف كروزر وتركب نفس الشي

ما عندي فكره اخووي اذا ترركب او لا لاني ما جربت
بسأل عنهم ان شاء الله

[بو طالب]

يخفونها من اجل رفع اسعارها وهذه العادة معروفه اي سلعه يريدون رفع سعرها تختفي من السوق
وتظهر بسعر اعلى وسمعت وحد يقول انه اشتراء سفايف كامري 250 ريال وكان اسعارهم 180 ريال

احتمال كبير وارد والله اعلم

لاني يوم رحت بارت لاند الهندي سأل 4 هنود وقعدو يتكلمون شوي (( ما فهمت عليهم )) بس الاحساس يقول انهم قالو له لا تعطيه قول له مافيه قطع

[بو طالب]

السلام عليكم

مريت على نوبل و الا القطري ؟؟؟؟

وعليكم السلام ورحمة الله وبركاته

لا اخووي نوبل ما عرف مكانه وين

القطري اعرفه صوب شارع الوكالات بس نسيت اروح له

[بو طالب]

^^^^ اهم شي يمر او يتصل لهم

عندك الموزعين .. نوبل والقطري وهوازن و الوطنية
وغيرهم نفس بومطر والفارس و على انترناشونال

المشكله مش القطعه .. المشكله ربعنا البياعين يمشون على رقم القطعه والكمبيوتر يقول مافيه لكن بطل القطعه وعطه بدون ما تتكلم بيعطيك نفسها !!


الفارس مب حق تيوتا على ماظن لاني شفت عنده قطع اي سي دلكو حق الامريكي والله اعلم

والموزعين اللي ذكرتهم اخووي فعلا بتكون اسعارهم اقل من الوكاله لانها بتكون تجاري الا القطري عنده الاصلي

[بو طالب]

مر على نوبل والقطري وشوف والله يعينك ان شاءالله

ان شاء الله

ويعين الجميع ان شاء الله

[بو طالب]

السلام عليكم اخوي

والله يعينك وان شاء الله تحصل

انا سويت حادث قبل اسبوعين على موتري في اكس ار

والاضرار يوم شفتها قلت بسيطه صدام وشبك وليتات وكشافات والبانه رحت لوكالة انصدمت من سعر قطع الغيار 17000 ريال :cry2:

رحت القطري 15000 بعد الخصم 11500

الليتات الزينون بس ب 7880 ريال

قالي واحد من الربع خل نروح الحسا نجرب قلت له توكل على الله تتقوع كم حصلتها في الحسا ب 7000 ريال :omg:
يعني قطع غيار موتري + بترول موتري حق الخط + التامين السعودي + عشا في مطعم الشوايه + اغراض من الدكان =ارخص من سعر ليتات في الدوحة :eek5:


وعليكم السلام ورحمة الله وبركاته
والحمد لله على السلامه اخووي وما تشوف شر

القطري اسعاره غاليه شوي وتقريبا نفس اسعار الوكاله لانه القطع اللي يبيعها قطع اصليه مب تجاري

وفعلا الاسعار خارج قطر بتكون ارخص بفرق كبير لانه التيوتا في السعوديه مب محتكره بس حق عبداللطيف جميل ( وكيل التيوتا )

وقطع الغيار تارسه السعوديه يعني مشوار لمدة 5 او 10 دقايق في صناعية الدمام او الخبر بتشتري كل اغراضك وبأقل بأكثر من نص السعر في الدوحه واللي وفرته من اسعار القطع تقدر تحطه في اشياء ثانيه مثل ما ذكرت

[بوطويشم]

وعليكم السلام ورحمة الله وبركاته

لا اخووي نوبل ما عرف مكانه وين

القطري اعرفه صوب شارع الوكالات بس نسيت اروح له

مب لازم الصناعية

عندك نوبل له فرعين فالغرافة واحد فصفت الكراجات الي عند ميزانية دبي و الفارس بعد هناك و النوبل الثاني عند اسواق الغرافة شفت محلات الجواويل قبل الأشارات بتلقاه

واذا رحت السوق الجديد الي هو عقب الأشارات عند دوانية البخاري بتلقى القطري

و التركيب كالعاده اركب فكراج الفارس

بالتوفيق

[Q.p.R]

على ما فهمت من الموضوع ان المشكله في انعدام قطع الغيار من الوكاله

حتى لو متفره في محلات اخرى فلا يلغي مشكله الوكاله

العيب مش في الوكاله - العيب في تنفيذ القانون و الجهات المعنيه

كلهم يعرفون ان هناك تعمد احتكار في وكالات السيارات وحتى سمو الامير قال ان هناك احتكار و يجب كسره

مع وجود القوانين الا انها لا تنفذ

مثل شروط ترخيص وكالات السيارات
و فيها يلتزم الوكيل او الموزع بتوفير قطع غيار للسيارات المباعه و تفعيل الضمان

كم وكاله توفر قطع الغيار فعلا - غير الامور البسيطه مثل السفايف وهنا في الموضوع حتى السفايف مش متوفره

الضمان
سيارات التويوتا و غيرها بضمان الشرق الاوسط لكن عندنا لا يفعلونه للسيارات الخليجيه اذا صاحبها قطري
لكن الخليجي اذا زار الدوحه و تعطل موتره يصلحونه على ضمان المصنع

هناك قوانين اخرى و تخالف علنا

مثل قانون تجريم استلام قيمه او جزء من قيمه بضاعه وهي غير متوفره في الدوله
و لنحدد اكثر - غير مصنعه اصلا

منذ فتره كان وكيل التويوتا و غيره يفرضون قيمه 5 الاف و 25 الف لانواع من السيارات و الستلام بعد 6 شهور اي انها لم تصنع بعد في موطنها الاصلي

حد تكلم او خالف الوكالات على مخالفه قانون واضح بعدم بيع بضاعه او استلام مبلغ وهي لم تصنع بعد

في تلك الفتره اتصلت على جريده قطريه في قسم الشكاوى وحددت هذه المخالفه من وكاله سيارات
و استلام مبلغ قبل وصول البضاعه الى قطر و قبل تصنيعها اصلا

لكن الغريب ان الشكوى لم توضع في الجريده في قسم الشكاوى و أراء المجتمع لكن بعدها بايام الغت الوكاله عمليه دفع مقدم للسيارات عندها

نفوذ والات السيارات متغلغل حتى في الجهات الحكوميه

كيف؟

ابسط وضع ممكن ان يحدث هو ان الموظف الذي عنده سلطه يحتاجها اصحاب التجاره يحصلون على خصومات كبيره و بعدها تسهل الامور و يتحول الموظف الى مخلص شخصي للتاجر و شركته

و اعتقد ان البعض يفهم ما اقصده عن سلطه التجار و المال في جذب القلوب قبل العقول

الخلاصه
العيب من الجهات المعنيه بتنظيم التجاره و الرخص و تطبيق القانون و الرقابه

اما التجار فلا يلامون لان اي شخص سيسيئ الادب ان امن العقاب

[بوخالد911]

هلا

معظم الوكالات ما عندها خدمة ما بعد البيع !!!

[بو طالب]

على ما فهمت من الموضوع ان المشكله في انعدام قطع الغيار من الوكاله

حتى لو متفره في محلات اخرى فلا يلغي مشكله الوكاله

العيب مش في الوكاله - العيب في تنفيذ القانون و الجهات المعنيه

كلهم يعرفون ان هناك تعمد احتكار في وكالات السيارات وحتى سمو الامير قال ان هناك احتكار و يجب كسره

مع وجود القوانين الا انها لا تنفذ

مثل شروط ترخيص وكالات السيارات
و فيها يلتزم الوكيل او الموزع بتوفير قطع غيار للسيارات المباعه و تفعيل الضمان

كم وكاله توفر قطع الغيار فعلا - غير الامور البسيطه مثل السفايف وهنا في الموضوع حتى السفايف مش متوفره

الضمان
سيارات التويوتا و غيرها بضمان الشرق الاوسط لكن عندنا لا يفعلونه للسيارات الخليجيه اذا صاحبها قطري
لكن الخليجي اذا زار الدوحه و تعطل موتره يصلحونه على ضمان المصنع

هناك قوانين اخرى و تخالف علنا

مثل قانون تجريم استلام قيمه او جزء من قيمه بضاعه وهي غير متوفره في الدوله
و لنحدد اكثر - غير مصنعه اصلا

منذ فتره كان وكيل التويوتا و غيره يفرضون قيمه 5 الاف و 25 الف لانواع من السيارات و الستلام بعد 6 شهور اي انها لم تصنع بعد في موطنها الاصلي

حد تكلم او خالف الوكالات على مخالفه قانون واضح بعدم بيع بضاعه او استلام مبلغ وهي لم تصنع بعد

في تلك الفتره اتصلت على جريده قطريه في قسم الشكاوى وحددت هذه المخالفه من وكاله سيارات
و استلام مبلغ قبل وصول البضاعه الى قطر و قبل تصنيعها اصلا

لكن الغريب ان الشكوى لم توضع في الجريده في قسم الشكاوى و أراء المجتمع لكن بعدها بايام الغت الوكاله عمليه دفع مقدم للسيارات عندها

نفوذ والات السيارات متغلغل حتى في الجهات الحكوميه

كيف؟

ابسط وضع ممكن ان يحدث هو ان الموظف الذي عنده سلطه يحتاجها اصحاب التجاره يحصلون على خصومات كبيره و بعدها تسهل الامور و يتحول الموظف الى مخلص شخصي للتاجر و شركته

و اعتقد ان البعض يفهم ما اقصده عن سلطه التجار و المال في جذب القلوب قبل العقول

الخلاصه
العيب من الجهات المعنيه بتنظيم التجاره و الرخص و تطبيق القانون و الرقابه

اما التجار فلا يلامون لان اي شخص سيسيئ الادب ان امن العقاب


اخووي ..

هذي ( وعلى ماظن ) سياسة بعض الشركات المحتكره لبعض الماركات من السيارات والالعاب وغيرها
وهي عدم توفر القطع الاستهلاكيه في السيارات مثل السفايف او درامويلات او في غيرها مثل الاعاب وغيرها كثير ...
ونقدر نقول انها سياسه ( خبيثه ) بعض الشيء ((( لايهام )))العميل بعدم توفر االسلعه في السوق الا عندهم ( سياسة الاحتكار ) او حتى بالطلب ( ادفع زياده ) لذلك يضطر العميل او الزبون بدفع مبلغ اكبر كي يحصل على السلعه التي يريدها


اما بالنسبه لدفع مبلغ او عربون لسلعه لم تصنع اصلا فهذي على ماظن تكون في شركات السيارات للي يبي السياره سواء تكون فيها مواصفات خاصه او حتى جديده لم تنزل في السوق ويكون اول من يحصل عليها مثل بعض السيارات الرياضيه

نفوذ وكالات السيارات متغلغل حتى في الجهات الحكوميه ..
لانه كلنا نعرف من هو (( التاجر الاصلي ))
والتاجر الصيني اذا صح التعبير
التاجر الاصلي يكون مدعوم من (( عدة جهات )) ولا يهمه اذا وقف البيع في وكالة السيارات مثلا لانه عنده اكثر من باب رزق يدر عليه الملايين بل حتى من الممكن ان تكون مليارات الريالات
اما التاجر ( الصيني ) التقليد .. والله يكون في عون هالتاجر ... اذا وقف على رجليه اليوم بيطيح بكره .. يوم يوقف ويوم يطيح

اما بالنسبه ( لبعض ) الجهات المعنيه التي تريدها ان تتحكم بهؤلاء التجار ( الاصليين )
مابالك اذا كانو هم انفسهم يديرون هذه الجهات

كيف تريدها ان تتحكم فيهم....

ونتمنى ان نرى قريبا ( او حتى نسمع ) ان احدهم كسر باب احتكار ( شركه معينه )

[بو طالب]

تدري شنهو الغريب …

ان قطع غيار تويوتا مايصنعونها في اليابان …

الزلزال ماله علاقة … عذر اقبح من ذنب … لرفع الاسعار …


وهذي نقطه انا لاحظتها من فتره قريبه جدا ولم انتبه لها ..
اختربت ثلاجة السياره عندي من فتره قريبه فرحت شريت ثلاجه جديده للمكيف ولاحظت انه مكتوب عليها made in australia يعني فعلا عذر اقبح من ذنب

[رأس بروق]

اذا ادخلت سيارتك عندهم راح يبدلونها لك اما تجـــي وتاخذ وتطلع مايعطونكــ ...هاي هي سياسة الشركة

[مواقف النجادة]

اقترح الغاء احتكار الوكالات و فتح باب استيراد السيارات و قطع الغيار للجميع ..

[الزجاجي]

الفارس مب حق تيوتا على ماظن لاني شفت عنده قطع اي سي دلكو حق الامريكي والله اعلم

والموزعين اللي ذكرتهم اخووي فعلا بتكون اسعارهم اقل من الوكاله لانها بتكون تجاري الا القطري عنده الاصلي

الفارس من سنه 98 وانا اشتري واركب سفايف الكروزر عنده (أعرف راعيه:shy:)

الموزعين لدى عبدالغني معروفين الا اذا قالولك انه تجاري هذا شي ثاني .. وهوازن يوم من الايام كان اقوى موزع قطع غيار .. وحاليا اذا ابي اصلي اروح الوطنيه وهم موزع معتمد اصلي من عبدالغني :)

[Q.p.R]

يا هلا

اخوي تعليقي بين السطور بالاحمر






اخووي ..

هذي ( وعلى ماظن ) سياسة بعض الشركات المحتكره لبعض الماركات من السيارات والالعاب وغيرها
وهي عدم توفر القطع الاستهلاكيه في السيارات مثل السفايف او درامويلات او في غيرها مثل الاعاب وغيرها كثير ...
ونقدر نقول انها سياسه ( خبيثه ) بعض الشيء ((( لايهام )))العميل بعدم توفر االسلعه في السوق الا عندهم ( سياسة الاحتكار ) او حتى بالطلب ( ادفع زياده ) لذلك يضطر العميل او الزبون بدفع مبلغ اكبر كي يحصل على السلعه التي يريدها

وتحصل ايضا في السيارات نفسها و ليس فقط قطع الغيار

سيارات التويوتا و خصوصا الكروزر نزل في 2008 بالحجز فقط و تدفع 5 الاف ريال للجي اكس و 25 الف للكزس و الفي اكس ار -

كان الجي اكس بسعر 157 الف ريال في البدايه و ضل احتكار الحجز لمده 6 شهور لترتفع اسعارها في السوق ببيع الحجز او توفرها ي المعارض بسعر اعلى بحدود 7 الى 12 الف ريال
فتم زياده السعر في الوكله من 157 الف الى 162 الف و 168 الف و 175 الف و 181 الف تباعا
لا لسبب في التكاليف بل لان وضع نظام الحجز لمده 6 شهور فتح سوق سوداء متعمده ليكون سعر السياره في المعارض اعلى من الوكيل فيقوم برفع السعر كل فتره بسيطه بحجه ان المعارض تبيع بسعر اعلى فلماذا لا نرفع السعر و الفائده في جيوبا بدلا من المعارض
من حاسب الوكيل عن رفع سعر سياره 30 الف اضافيه بلا سبب
والان وكاله النيسان رفعت سعر النيسان الباترول 30 الف ريال بعد الزيادات مباشره فمن يحاسب


اما بالنسبه لدفع مبلغ او عربون لسلعه لم تصنع اصلا فهذي على ماظن تكون في شركات السيارات للي يبي السياره سواء تكون فيها مواصفات خاصه او حتى جديده لم تنزل في السوق ويكون اول من يحصل عليها مثل بعض السيارات الرياضيه

اعرف ماذا تقصد اخوي لكن لم يكن هذا هو مقصدي
انا اقصد السيارات العاديه - جي اكس - جي اكس ار - رنج روفر -مرسيدس - الخ

وكاله المرسيدس في 2006 كانت تطلب 30 او 50 الف مقدم لحجز سياره s-class العاديه و تصل السياره بعد 3 شهور - يعني لم تصنع بعد

وكاله التويوتا - تدفع 5 الاف ريال مقدم لجي اكس و تستلم بعد 6 شهور
و 25 الف مقدم حجز للفي اكس ار و اللكزس فورويل و تستلم بعد 6 شهور ايضا
وكلهم لم يصنعوا عند دفع المقدم

هذه لست طلبيه خاصه لتصنع بدفع مبلغ حجز و ضمان عدم تراجع العميل عن طلبيته بل سيارات عاديه جدا و القانون واضح بان لا يجوز دفع قيمه او جزء من القيمه لبضاعه ليست في حيازه الوكيل او لم تصنع بعد

حد حاسب او حد طلب توضيح من الوكالات

نفوذ وكالات السيارات متغلغل حتى في الجهات الحكوميه ..
لانه كلنا نعرف من هو (( التاجر الاصلي ))
والتاجر الصيني اذا صح التعبير
التاجر الاصلي يكون مدعوم من (( عدة جهات )) ولا يهمه اذا وقف البيع في وكالة السيارات مثلا لانه عنده اكثر من باب رزق يدر عليه الملايين بل حتى من الممكن ان تكون مليارات الريالات
اما التاجر ( الصيني ) التقليد .. والله يكون في عون هالتاجر ... اذا وقف على رجليه اليوم بيطيح بكره .. يوم يوقف ويوم يطيح

اما بالنسبه ( لبعض ) الجهات المعنيه التي تريدها ان تتحكم بهؤلاء التجار ( الاصليين )
مابالك اذا كانو هم انفسهم يديرون هذه الجهات

كيف تريدها ان تتحكم فيهم....

هنا مربط الفرس

السوق القطري كعكه و اناس معينه تقطعها على المزاج
هذا الجزء لك و هذا الجزء لي - في غياب رقابه حقيقيه و قوانين لا تفعل الا ضد من يشاء وقف حاله او يغرد خارج السرب و ينافس اناس معينين في السوق

قطاع السيارات له ناس و قطاع الفنادق له ناس وقطاع التأمين له ناس- العقارات - الطيران - المواد الغذائيه - الزراعيه

تصدق ان حتى تجاره تأجير الابراج على الدوله لها ناس ايضا

اكيد سمعت عن شخصيه باسم احمد عز
هذا نهب خير مصر اكثر من حني مبارك لانه يستقطع جزء من كل كعكه و تجاره في مصر
احنا عندنا كذا احمد عز - الله موجود ولكل احمد عز نهايه - ونحن في عصر انفتاح العقول ضد امثال احمد عز


ونتمنى ان نرى قريبا ( او حتى نسمع ) ان احدهم كسر باب احتكار ( شركه معينه )


رياح التغيير قادمه لا محاله و ارى ان تسارع وتيره الاحتكار هذه الايام دليل على خوف المحتكرين و سعيهم لجمع اعلى مبالغ يمكن جمعها قبل الانقلاب التجاري المحتمل مع اعتراف الدوله بوجود الاحتكار و بدايه اتخاذ الاجراءات الاداريه مثل ضبط عمليه تأجير الابراج على الدوله و وضعها تحت رقابه سمو رئيس مجلس الوزراء مباشره

و الغاء نظام الوكيل للسيارات قبل بضعه اشهر و الان الغاء نظام الوكيل لتجاره الادويه

الان اللعب على المكشوف بين وكلاء الادويه و الجهات المعنيه لكن مع وكلاء السيارات لم تحدد استرتيجيه الدوله معهم بعد و ضلت في خانه التخويف فقط لما لحجم هذه التجاره من تأثير على سوق قطر ككل

[أبو يووسف]

على فكرة نفس الشيء تقريباً صار معي في مكة المكرمة قبل اسبوعين ماهندهم سفايف كامري 2010