أفضل مكان رومــــــــانسي من تجاربكم ؟؟

[مهرة]

السلام عليكم ورحمة الله وبركــــــــــــــــــــاته ,, اخواني وخواتي الكرام من خلال خبرتكم وأرائكم ويش تنصحوني فيه لأفضل دولة سياحية لقضاء أول ذكرى زواج ؟؟ علماً بأن السفرة ان شاءالله اذا توفقنا والله سهل علينا بتكون بشهر فبراير وهذي شغلات احب أنوه عليها كالتالي .. * يكون مكان رومانسي وجوه حلو وبارد مب فريزززززينج .. * موقعه مميز ويكون فيه كل المرافق العامة والمراكز التجارية والمطاعم يكون أكلهم حلال .. * مخطط للرحلات والأنشطة الأكثر رواجاً في مختلف المناطق .. * حبي وعشقي للمتاحف والأماكن الأثرية ..!! * التكلفة التقريبة تبدأ 50 ألف ,, ومدة الرحلة ان شاءالله بتكون 10-12 يوم .. وأخيراً رجائي لا تنصحوووني بدول آســـــــــــــــــــــــيا .. أرجو الجدية بالموضوع ويعطيكم العافــــــــــــــــــــــــــية .. ودمتـــــــــــــــــــــــــم بــــــــــــــــــــــــــــــــود ..

[غير البشر]

اختي كنت بنصحج في زيلامسي بس ماتنفع

لانها فريزززززينج :(

بحاول اشوف لج مكان ثاني

[بوفهد 5555]

استراليا منطقة جولد كوست الجو في فبراير خيالي

[Bin Hood]

شوفي موقع المسافرين العرب

[التيما]

يعني ماتبون برد ولا اسيويه واكل حلال ههههههههه صعبتوها .. عالعموم الله يبارك لكم ولا يير عليكم .. وانا اايد الاخ بوفهد استراليا رووعه في هالوقت .. *

[مهرة]

اختي كنت بنصحج في زيلامسي بس ماتنفع

لانها فريزززززينج :(

بحاول اشوف لج مكان ثاني

يعطيك العافية اخوي وماتقصر وناطرة اختياراتك الجاية,, مع انه خاطري اروح فينـــــــــــــــا..

[مهرة]

بوفهد والتيما يعطيكم الف عافية بس استراليا 20 ساعة او اكثر وهذا من ســـــــــــــــــــــــــــــابع المستحيلات اسافر هالدولة وتسلمون ..

[.Q a T a R.]

المدينه المنوره وبعدها مكه

[مستر قطر]

بيروت

بيروت

بيروت

[panda]

روما وبعد اختميها بفينيسيا

[صقر بلادي]

جزر المالديف 4 ايام وبعدها 6 ايام في هونغ كونغ وانصحك في فندق ديزني لاند

بالتوفيق

[بوخالد353]

بالنسبه لي افضل مكان رومنسي احتفل فيه بعيد زواجي ,, بر النعيريه بالاخص بشهر 7 قمه الرومنسيه .. مع ان الكلفه عاليه اذا الواحد بيقضي 5 ايام تو صل الي 700 ريال قيمه الماجله والشموع والورد

[تحداني]

اقتراحي كان " المالديف .. وسيشل ... شي من هالجزر "
هاذي مو بس رومانسيه .. الا اعاده برمجه الدماغ والاحساس والعيون
طبيعه وهدوء فوق الوصف

لكن اختيارج غير
خلينا نقول " جنوب افريقيا "
مكان يستحق التعني والسفر من اجله


جملك الله برضاه

[مهرة]

قطر ومستر قطر وباندا شكراً ويعطيكم العافية ..

[مهرة]

بالنسبه لي افضل مكان رومنسي احتفل فيه بعيد زواجي ,, بر النعيريه بالاخص بشهر 7 قمه الرومنسيه .. مع ان الكلفه عاليه اذا الواحد بيقضي 5 ايام تو صل الي 700 ريال قيمه الماجله والشموع والورد



حلوة منك .. بتقبلها بكل رحابة صدر بس انا جادة بالموضوع والله يهنيك بالنعيرية وجوها يالعبيط ..

[مهرة]

صقر بلادي وتحداني الزمن شكراً لكم ولختياراتكم ..

[مهرة]

اخواني وخواتي الأفاضل أشكركم للتفاعل مع الموضوع وأتمنى أكثر الأختيارات شمولية مع عرض لمخطط الرحلة كرماً لا أمراً ولكم جزيل الشكر ..

للأهمية ,,

[بوخالد353]

حلوة منك .. بتقبلها بكل رحابة صدر بس انا جادة بالموضوع والله يهنيك بالنعيرية وجوها يالعبيط .. اعتبر كلمة (عبيط) مدحه مثلا والى ظرب تحت الحزام ,, وتعالي علينا احنا يالطبقه الكادحه الي حدنا بر النعيريه والصمان اذا بنسافر:weeping: انتي الله معطيج والله يزيدج ..بتصرفين 50 الف ريال ب سفره 10 ايام انا لو عندي 5 الاف ريال مانام الليل ,, اركظ بالشارع مينون:rolleyes2: مشكووووره

[بوخالد353]

مالج الى الكويت :nice:بفبراير الجو حلو ومولات وفله حجاج ,, تعالي انتي وزوجك وانا بظبط لكم خوش جدول وبصير لكم سواق وحمالي بعد وعطيني عيديه.. اقصد 5 الاف ...شرايك بالفكره:victory:

[قطريه ماركه]

النمسا (( زيلامسي ))

[كازانوفا]

بالنسبه لي افضل مكان رومنسي احتفل فيه بعيد زواجي ,, بر النعيريه بالاخص بشهر 7 قمه الرومنسيه .. مع ان الكلفه عاليه اذا الواحد بيقضي 5 ايام تو صل الي 700 ريال قيمه الماجله والشموع والورد

هههههههههههههههه:nice:

هاي اظن بيكون اجمل ممكان للرومانسيه
قريبه

[كايد الوكره]

لندن ومافيه غيرها

.
.
.

السكن في ماربل آرتش
والمولات قريبه

[مهرة]

ماركة قطرية مشكورة يالغالية وكايد الوكرة مشكور اخوي ..

[XP.Qatar]

sorry for typing in english

best target is south of spain and france ..

Barcelona - 6 days in Le Meridien which on Rambla street
Malga - 4 days which on Costa de sol sea , one of the most romantic places

then you if you have spare time you can check Madrid for 2 days , Gran Via not bad place at all

my best wishs

[مهرة]

sorry for typing in english

best target is south of spain and france ..

Barcelona - 6 days in le meridien which on rambla street
malga - 4 days which on costa de sol sea , one of the most romantic places

then you if you have spare time you can check madrid for 2 days , gran via not bad place at all

my best wishs


مشكور اخوي اكس بي قطر على الاقتراح المتميز وراح أحطها بعين الأعتبار ومخططه حلو وجيد لحد الآن.. يعطيك العافية و دونت بي سوري اف يو رايت ان انجليش .. اتز اوكي ..

[طماطه]

انتي ذكرتي ان تحبين الاماكن الاثريه .. اقترح عليج تركيا ..

[آلنـجــلآ]

عاد اتصدقين اني ماداني الاماكن الاثريه
من جذي انصحج خلي جوّج فالرومانسيه و تركي عنج الاثار لوووول

ماعرف بلدان رومانسيه :(
يعني لو بختار انا .. بختار جزيره .. هممم سيشل مثلا

وبعد منطقة مونت كارلو في فرنسا احس تصلح حق هالاجواء

بس عاد مطاعم حلال شدخل؟ كل الناس عادي ياكلون في اي مطعم :/

[مهرة]

انتي ذكرتي ان تحبين الاماكن الاثريه .. اقترح عليج تركيا ..

مشكورة حبيبتي تركيا من أحلى البلدان الي زرتها وماخليت متحف الا وزرته وخاصة يوم شفت الأغراض المتبقية من زمن الرسول عليه الصلاة والسلام والصحابه رضي الله عنهم...

تسلــــــــــــــــــــــمين ..

[مهرة]

عاد اتصدقين اني ماداني الاماكن الاثريه
من جذي انصحج خلي جوّج فالرومانسيه و تركي عنج الاثار لوووول

ماعرف بلدان رومانسيه :(
يعني لو بختار انا .. بختار جزيره .. هممم سيشل مثلا

وبعد منطقة مونت كارلو في فرنسا احس تصلح حق هالاجواء

بس عاد مطاعم حلال شدخل؟ كل الناس عادي ياكلون في اي مطعم :/


حلو جو الرومانسية والمعرفة العامة,,, مو حلوة اروح بلاد ويوم حد يسألني عن معلم او حضارة او اي شي بالصدفة وتطلع بهالبلاد الي رحتها وماعرف شي عنها شكلي بيكون مو حلو بالمرة .. شاسوي كيميائية نوعا ما .. وبصراحة لين الحين محتارة بين فرنسا والنمسا والله يقدم الي فيه الخير ... مشكورة ياحلوة ..

[Amal_QTR]

لوس انجلوس
تجنن و جوها حلوه
كل شي فيها
و للاكل الحلال في مطاعم عربيه
و اخذوا الاماراتيه تروح مباشر هناك و ارخص من القطريه و خدمه رهيبه
لوس انجلوس روعه

[Amal_QTR]

عاد اتصدقين اني ماداني الاماكن الاثريه
من جذي انصحج خلي جوّج فالرومانسيه و تركي عنج الاثار لوووول

ماعرف بلدان رومانسيه :(
يعني لو بختار انا .. بختار جزيره .. هممم سيشل مثلا

وبعد منطقة مونت كارلو في فرنسا احس تصلح حق هالاجواء

بس عاد مطاعم حلال شدخل؟ كل الناس عادي ياكلون في اي مطعم :/



مونو كارلو تملل مافيها الا الكازينو فالنص و محلات حوله
بس لو نيس ولا كان ممكن
على انهم مصيف بس وحده من هلي راحت في فبراير العام و تقول خيال

[مهرة]

يعطيج العافية اختي أمل مشكورة على الاقتراح الحلو ..

[مخطط قطري]

البندقية فنيسيا ( جووووو بارد مش افريز) في متاحف في ساحه حلوه ومسارح وكل جولتها بقوارب والقطريه تروح لها دايركت . واذا رحتي انصحك بفندق اسمه وستون يوروب فندق 6 نجوم وسعره حلوووو وقريب منه قصر رميو وجوليت واكتبوا اسمايكم:) وذكرى زواجكم

[مهرة]

البندقية فنيسيا ( جووووو بارد مش افريز) في متاحف في ساحه حلوه ومسارح وكل جولتها بقوارب والقطريه تروح لها دايركت . واذا رحتي انصحك بفندق اسمه وستون يوروب فندق 6 نجوم وسعره حلوووو وقريب منه قصر رميو وجوليت واكتبوا اسمايكم:) وذكرى زواجكم


يعطيك العافية اخوي على اقتراحك الحلو .. وان شاءالله نتوفق فيه ..

[عازف العود]

تركيا منطقه طرابزون

[مهرة]

ان شاءالله لي زيارة ثانية لشمال تركيا..

[قطر70]

اختي المشكله ان شهر فبراير في اوربا بارد
مثل ماقالوا الاخوان والاخوات شوفي تركيا احسها بتصلح لج
بما انج تحبين الاماكن الاثريه او مثل ماقالت اختي امل قطر لوس انجلوس حلوه وكل شي فيها
لكن عيبها انها 16 ساعه دايركت على الاماراتيه وكل مكان يبعد عن الثاني ومسافات طويله
وان شاء الله بنزل عنها موضوع وصور لسفرتي لنيويورك ولوس انجلوس ولاس فيغاس
تقبلي تحياتي

[بو علي]

فلوريدا لا يعلى عليها. فيها اورلاندو و تامبا و كي ويست اماكن خياليه وأسعارها معقوله مقارنه مع اوروبا واليويو المولع حاليا.

ايطاليا بعد حلوه. فينيسيا وفلورنس او روما القديمه عند الكولوسيوم الروماني. واشوي ادفى من باقي اوروبا.

وبالتوفيق ان شا الله.

[SOUD.QA]

بالمبارك اختي مقدما والله يسخره لج ويرزقكم بالذريه الصالحه إن شاء الله

انصحج في فينيسيا قمة الرومانسيه ومن اروع الاماكن لاول سفره للعرايس تستاهل ليلتين او ثلاث بالكثير وفي فبراير يصادف الكرنفال بتاريخ 11 لحد 21 بتكون اجواء ممتعه لكم وإذا ناويين عليها احجزوا من الحين لان مع الكرنفال الفنادق بتكون فل

هذا رابط الكرنفال ونشاطاته

http://www.venice-carnival-italy.com/

انصحج بالسكن في سان ماركو بفينيسيا

فلورانس وروما فيهم متاحف تستحق الزياره وزعي باقي الليالي عليهم وميلان إذا حابه تزورينها لا تطولين فيها لانها ممله بس سوق وبمكان واحد حدها ليلتين بالنسبه لي

إذا اعجبج الاقتراح بين هالمدن خبريني وبعطيج مخطط تفصيلي بالنشاطات والفنادق والمتاحف اللي تستحق الزياره



الله يحفظكم

[مهرة]

اختي المشكله ان شهر فبراير في اوربا بارد
مثل ماقالوا الاخوان والاخوات شوفي تركيا احسها بتصلح لج
بما انج تحبين الاماكن الاثريه او مثل ماقالت اختي امل قطر لوس انجلوس حلوه وكل شي فيها
لكن عيبها انها 16 ساعه دايركت على الاماراتيه وكل مكان يبعد عن الثاني ومسافات طويله
وان شاء الله بنزل عنها موضوع وصور لسفرتي لنيويورك ولوس انجلوس ولاس فيغاس
تقبلي تحياتي

يعطيك العافية اخوي ماقصرت ,, بالنسبة لتركيا أنا زرتها ودولة رائعة جداً ولي زيارة قريبة لها ان شاءالله ,, بالنسبة لأمريكا بصراحة ودي اروح لها من زمان والكل يمدح بنيويورك ولوس أنجلوس بس ماقدر بسبب رحلتها وساعاتها الطويله والله يمكن أجن ..:rolleyes2:

موفق ان شاءالله ..

[مهرة]

فلوريدا لا يعلى عليها. فيها اورلاندو و تامبا و كي ويست اماكن خياليه وأسعارها معقوله مقارنه مع اوروبا واليويو المولع حاليا. ايطاليا بعد حلوه. فينيسيا وفلورنس او روما القديمه عند الكولوسيوم الروماني. واشوي ادفى من باقي اوروبا. وبالتوفيق ان شا الله.



يعطيك العافية واقتراحات حلوة وبالفعل حسيت اني أميل لأوروبا أكثر لأنها أكثر الدول شاعرية ومناظر طبيعية وأماكن آثرية ..

[مهرة]

بالمبارك اختي مقدما والله يسخره لج ويرزقكم بالذريه الصالحه إن شاء الله انصحج في فينيسيا قمة الرومانسيه ومن اروع الاماكن لاول سفره للعرايس تستاهل ليلتين او ثلاث بالكثير وفي فبراير يصادف الكرنفال بتاريخ 11 لحد 21 بتكون اجواء ممتعه لكم وإذا ناويين عليها احجزوا من الحين لان مع الكرنفال الفنادق بتكون فل هذا رابط الكرنفال ونشاطاته http://www.venice-carnival-italy.com/ انصحج بالسكن في سان ماركو بفينيسيا فلورانس وروما فيهم متاحف تستحق الزياره وزعي باقي الليالي عليهم وميلان إذا حابه تزورينها لا تطولين فيها لانها ممله بس سوق وبمكان واحد حدها ليلتين بالنسبه لي إذا اعجبج الاقتراح بين هالمدن خبريني وبعطيج مخطط تفصيلي بالنشاطات والفنادق والمتاحف اللي تستحق الزياره الله يحفظكم


مشكور اخوي الكريم ويعطيك ألف عافية ,, انا شفت الكرنفال من خلال اللينك وبصراحة وايد عجبني وانبهرت فيه وحسيت اني بغير وجهتي إلى ايطاليا مهرجانهم حلو ومايتفووت .. كرماً لا أمراً اخي العزيز ان تسهب أكثر في الرد التالي مع ادراج المخطط لهذة الرحلة لو سمحت ..

وموفق ان شاء الله ..

[مهرة]

اشكر كل أخواني وخواتي الي تفاعلو مع موضوعي يعطيكم ألف عافية وماقصرتو وكلكم فيكم الخير والبركة .. وفعلا الواحد لازم يستشير وياخذ بمختلف الأراء والخبرات وبيلاقي أفكار جديدة وبتتغير نظرته من الأساس وأنا كانت وجهتي أو اختياري الأول هي فرنسا بس محد لين الحين مدحها أو تكلمو عنها؟؟ مع انها وجهة كل المعاريس والي يدورون الرومانسية؟؟ وثاني اختيار كانت دولة النمسا لما لها من أصداء جميلة جداً من أغلب السايحون العرب.. وأخيراً بعد المشاهدات الأخيرة أعجبتني ايطاليا ..

ملاحظة.. بليز من فضلكم ,, حد يعرف أسم الفندق الي مثل فيه جوني ديب وأنجلينا المطل على البحر أوالنهر مش متأكدة في فينيسيا { اسم الفيلم ذا توريست}

[SOUD.QA]

مشكور اخوي الكريم ويعطيك ألف عافية ,, انا شفت الكرنفال من خلال اللينك وبصراحة وايد عجبني وانبهرت فيه وحسيت اني بغير وجهتي إلى ايطاليا مهرجانهم حلو ومايتفووت .. كرماً لا أمراً اخي العزيز ان تسهب أكثر في الرد التالي مع ادراج المخطط لهذة الرحلة لو سمحت ..

وموفق ان شاء الله ..


العفو اختي والله يعافيج

ما انصحج في باريس كشهر عسل والنمسا حلوه بس فينيسيا غير بالنسبه للرومانسيه بتلاقين جبال وبحيرات في اماكن كثيره بس فينيسيا ما منها اثنين خصوصا وقت الكرنفال ولمعلوماتج لو تلاحظين الاسعار قبل وبعد الكرنفال فرق شاسع اسعارهم تولع وقت الكرنفال بس تستاهل

هذا رابط الفندق اللي مثلوا فيه انجلينا وجوني

http://danieli.hotelinvenice.com/

ياليت تخبريني إذا ناويه على ميلان او لا وعدد ليالي سفرتكم بالضبط والحد الاقصى لميزانية سفرتكم من فنادق ومواصلات داخليه بين المدن من غير قيمة التذاكر من قطر لإيطاليا

[مشتاقة لقطر]

سفرة سعيدة

ننتظر تقرير حلو منج

[clouds]

انتي ماتبين اسيا قلنا مو مشكله..ماتبين استراليا وامريكا لان بعيده مو مشكله...اذا تقصدين اوروبا وتركيا..قلتي ماتبين برد!!!!وهم ام البرد وابوه في هالوقت!!!مالج الا الجزر بس للاسف مافيهم اثار ولامجمعات!!!!و50 الف ل10-12 يوم شوي ماتكفيج لو بتروحين اوروبا ولاحتى الجزر..ترى الجزر مكلفه وايد ومايبيلها اكثر من 4-5 ايام..مالج الا دول اسيويه..شوفي يمدحون سنغافوره وايد روحي لها وجوها زين في هالوقت ويتصور لي المبلغ يكفيها..ايطاليا لو فكرتي فيها ترى غاااااااليه خاصه روما وفينيسيا ناااار ونفس الشي تركيا غاليه مواصلات ومطاعم وسوق زيدي البجت لو حابه تروحين لهم..واذا هاي اللمت عليج باسيا..

[clouds]

توني اشوف ردود هالصفحه...شفتها بعد ماكتبت ردي الاول..اذا استقريتي على ايطاليا زيدي المبلغ لان مايكفي ابد..فينيسيا حلوه ورومانسيه بس حدها 3 ايام انا سكنت في فندق وايد حلو نفس طريقه الفندق اللي تسالين عنه..اتوقع ان اغلب فنادقهم بنفس الطريقه جزء يطل على الماي وجزء على الساحه..اذكر لما شافو ان احنا في شهر العسل سوولنا اب غريد على سويت وبلكونه تطل على منظر حلو..بس ترى بتكون بااااارده لان انا رحتها في الصيف جوها حلو...روما كانت حر وموت فبتكون في الشتا حلوه...كلها اثار نفس اللي طلبتيه وفي حديقه حلوه بعيده بس تستاهل فيها قصر قديم ونوافير جنج في الافلام.. بس اكل حلال مافي...اكلي بيتزا جبن باستا وتحملو من التراميسو لان فيه كحول وحتى السي فود كله يطبخونه بكحول
وباريس عاد مدينه الرومانسيه..تهبل لو فكرتي فيها بكتب لج تقرير عنها..انا بالنسبه لي احلى مدن اوروبيه هي باريس اول شي بعدين زيلامسي بس ماتنفع شتا بتكون منطقه ميتهالا حق اللي يحب السكي..
بعدين اليونان لاني احب البحر
وبعدين ايطاليا روما وفينيسا حلوين بس ميلان لو تحبين السوق كفايه عليها يومين لان مافيها شي غيره
ماعجبتني المانيا الشعب بالذات ماكانو فرندلي
ولاسويسرا بلد العيايز..تحسينها بلاد ميته
ولالندن اللي كل اهل قطر فيها...يعني تروحينها مره عن العين والنفس انج رحتي..بس فيها غزو خليجي مخيف
تركيا حلوه حق كم يوم واكلهم لذيذ وحلال بس جوهم بارد وايد وفيها اثار يمكن هي اكثر بلد تناسب اللي تبينه

[مهرة]

انتي ماتبين اسيا قلنا مو مشكله..ماتبين استراليا وامريكا لان بعيده مو مشكله...اذا تقصدين اوروبا وتركيا..قلتي ماتبين برد!!!!وهم ام البرد وابوه في هالوقت!!!مالج الا الجزر بس للاسف مافيهم اثار ولامجمعات!!!!و50 الف ل10-12 يوم شوي ماتكفيج لو بتروحين اوروبا ولاحتى الجزر..ترى الجزر مكلفه وايد ومايبيلها اكثر من 4-5 ايام..مالج الا دول اسيويه..شوفي يمدحون سنغافوره وايد روحي لها وجوها زين في هالوقت ويتصور لي المبلغ يكفيها..ايطاليا لو فكرتي فيها ترى غاااااااليه خاصه روما وفينيسيا ناااار ونفس الشي تركيا غاليه مواصلات ومطاعم وسوق زيدي البجت لو حابه تروحين لهم..واذا هاي اللمت عليج باسيا..


يعطيج العافية حبيبتي وللمرة الألف ارد وأقول انا رحت تركيا شهر العسل وفعلاً بلد روعة وجوهم يرد الروح وبنزورها للمرة الثانية بس حابة اتكون وجهتنا مختلفة هالمرة بما انها ذكرى الزواج الأولى واختيارات الأعضاء لمثل هالأجواء جدا جميلة وحيرتوني والله .. ولكن اذا الله راد بتكون الوجهة إلى ايطاليا.. ويعطيج العافية حبوبة على هالتفاعل الجميل ..

موفقة ان شاءالله..

[مهرة]

سفرة سعيدة

ننتظر تقرير حلو منج


ان شاءالله حبيبتي اذا الله وفقنا ..

[qatar6]

من خلال خبرتي اقولج
ابتعدي عن الدول الاوربيه وامريكا في شهر فبراير، الجو يكون بارد جدا وكثير منها تموت بالشتاء
المالديف سجن خمس نجوم ' عبارة عن فلل وكل فله لها ساحل خاص بيها ،مافيها سوق او تمشي
جنوب افريقيا روعة بس تحتاجين سيارة وسواق طول الوقت

استراليا فكرة رائعة اذا كانت السفرة اكثر من اسبوعين ، لا تثيقلين المسافة ،اصبحت للقطرية خط مباشر ،احجزي على درجة رجال الاعمال وراح تكون السفرة ممتعة ،هذا الشهر عليج ابلمبورن وسدني ثم فندق مطل على المحيط في كولد كوست

اما اذا انتي امصممه على ايطاليا فعليج بسوق ميلانو ،وخذيلج ليلتين في فلنسيا (البندقية) تجربة فريدة وتفرق عن كل دول العالم
واي فكرة عن اي دوله حاضرين ، كوني زايرة كل دول العالم تقريبا
والحمد لله

[مهرة]

من خلال خبرتي اقولج
ابتعدي عن الدول الاوربيه وامريكا في شهر فبراير، الجو يكون بارد جدا وكثير منها تموت بالشتاء
المالديف سجن خمس نجوم ' عبارة عن فلل وكل فله لها ساحل خاص بيها ،مافيها سوق او تمشي
جنوب افريقيا روعة بس تحتاجين سيارة وسواق طول الوقت

استراليا فكرة رائعة اذا كانت السفرة اكثر من اسبوعين ، لا تثيقلين المسافة ،اصبحت للقطرية خط مباشر ،احجزي على درجة رجال الاعمال وراح تكون السفرة ممتعة ،هذا الشهر عليج ابلمبورن وسدني ثم فندق مطل على المحيط في كولد كوست

اما اذا انتي امصممه على ايطاليا فعليج بسوق ميلانو ،وخذيلج ليلتين في فلنسيا (البندقية) تجربة فريدة وتفرق عن كل دول العالم
واي فكرة عن اي دوله حاضرين ، كوني زايرة كل دول العالم تقريبا
والحمد لله



مشكورة حبيبتي ويعطيج العافية واختيارج لجنوب افريقيا الي كان له عدة اصوات راح يكون ان شاءالله في الرحلات الجايه.. وتسلمين

[فيصل 89]

فينــــــــــــــــــا<< وبقوووه

[qatarman8008]

ماليزيا وبس... جزيرة لانكاوي

[مهرة]

فيصل وقطر مان شكراً لكم ..

[ريتويت]

السودان

[مهرة]

السودان

ههههههههههههههه ,, عادي بنروح دارفور بنحل السلام هناك ونسوي خير ليش لا:victory:

[ريتويت]

ههههههههههههههه ,, عادي بنروح دارفور بنحل السلام هناك ونسوي خير ليش لا:victory:

افا والله مادريت ان الفكره بتعجبج