متوهق ياهالربع حدي > ابي منكم مساعدة الله لايهينكم

[عضو قديم]

السلام عليكم

انا حاليا متواجد في لندن للدراسة ومعطي الاهل بطاقة الصراف الألي الخاصة بحسابي في بنك قطر الوطني الاسلامي علشان يستخدمونها اذا احتاجوا مصاريف وعندي بطاقتين من نفس حسابي في بنك قطر الوطني الاسلامي باضافة للبطاقة اللي عند الاهل يعني صاروا ثلاث بطاقات

الموضوع ان الاهل حبوا يسحبون من الصراف الالي الخاص ببنك الدوحة فرع معيذر اللي صوب شارع الفروسية والماكينة اسحبت البطاقة>>> طيب والحل

حاولت اني اطرش بطاقة من البطاقات اللي عندي عن طريق شركة Parcel Force ودفعوني تقريبا 67 باوند وقالوا لي خلال يومين بالكثير ثلالث ايام هذا الكلام بتاريخ 22/10 والحين نحن في 28/10 وماوصلت البطاقة للدوحة

في حد يشتغل في بنك الدوحة قسم بطاقات الصراف الالي او بنك قطر الوطني الاسلامي يمكن يحصل بطاقتي وانا مستعد ارسل فاكس بعدم ممانعه من تسليم البطاقة للسايق بس اهم شي قبل العيد تكون عندهم البطاقة

انتظر منكم الرد السريع وكل عام وانتوا بخير
ودعواتكم لي بالتوفيق
تحيتي للكل

[الحـ(درب)ـب]

والله اليوم في برودكاست جاني على البلاك بيري

اكثر من واحد مشكي من الصراف الآلي وانه في مشكله


ننتظر الإجابة من اصحاب الأختصاص

[أخت التفاؤل]

يسر الله أمركم

[بريق الماسه]

ياجماعه مافيكم حد يعرف موظف بالبنك يسأله

اخوكم في غربه

[ألوان]

المفروض الاهل يروحون للبنك يستلمون البطاقة المسحوبة طبعاً بعد ماتبلغهم ان البطاقة انسحبت في فرع معيذر ، وانت ترسل فاكس للبنك بتفويض للشخص اللي بيستلم البطاقة
واكيد اذا فيه اي حلول بديله بيفيدونك الاخوان وبصراحة اكبر خطأ ارتكبته انك ترسل البطاقة بدون ماتتصل للبنك لانهم بالتأكيد بيعطونك حلول أفضل ..
عموماً البنك مداومين السبت اتصل في الـ call center واشرح الوضع وان شاء الله بيخلصون موضوعك ويمديك تخلص موضوعك قبل اجازة البنوك .

[المليونير الفقير]

قطر الوطني فيه خدمه الفاكس الكتابي اتصلهم على 44407777واشرح الموضوع وهم بيطلبون منك بعض البيانات ويساعدونك لانها صارت معاي تقريبا موضوع مشابه وانا مسافر وماقصرو بشي

[أساور حلم]

أول شي المفروض تتصل للبنك وأكيد أنهم بيعطون لأهلك بطاقة ثانية والله يييسرلكم الأمور

[diver]

اعرف واحد يشتغل في الوطني يقدر يساعدك ويسلم الأهل البطاقة في نفس اليوم بس شلون أتواصل معاك لأني ماقدر أرسلك رساله خاصه لان عدد مشاركاتي قليله

[صعبة وصوفه]

عندي اقتراح ثاني أسهل وأسرع،،
حول المبلغ اللي تبيه عن طريق western union وبنفس الدقيقة يستلمون أهلك الفلوس،، طبعا اقتراحي هذا لانك مستعجل والشركة مضمونة،،

الله يوفقك في دراستك وعيدكم مبارك مقدما،،

[fahad123]

الله يعينك اخخوي << حصلت لي نفس المشكله بعد :(


ب النسبه للبطاقه اخوي خل اهلك يشيكون البريد اذا انت مرسله مستعجل يعني

ثاني يوم يوصل للدوحه

لآن حصلت لي نفسك وانا حـآليـآ ادرس بلندن ><

لكن سويت تفويض ف البنك وارسلت لهم فاكس بس سوولي سالفه >< طووووووووويله

[R 7 A L]

الحل اخوي وكون الوقت ضيق وحرج ومابقى شي على العيد

اسحب من عندك من بريطانيا وطرش لهم على الويسترن يونيون

[monatee]

أي بطاقة صراف ألي تسحب بأحد الصرافات داخل الدوله تتلف البطاقه تلقائياً ولا ترد لصاحبها

أسرع طريقة مثل ماقالوا لك الاخوان عن طريق تحويل المبلغ بالويسترن

ولتفادي مثل هالمشاكل مستقبلاً :

احسن طريقة تخلي ايي حد من الاهل يفتح حساب توفير على نفس البنك وتحول له المبلغ اللي تبغيه من حسابك والتحويل يكون بنفس اللحظه بالانترنت لان الحساب بنفس البنك

[عضو قديم]

الله لايهينكم ان شاءالله
ولا خلا ولا عدم
كل اشكر لبو فلان ( طلب بعدم ذكر اسمه) اللي خلص الموضوع وسلم البطاقة المسحوبة للسايق اليوم الصبح وجزاك الله عنا كل خير والله يكثر من امثالك
والشكركم جميعا اللي رد على مشاركتي او قرأها و تفاعلكم مع مشكلتي

والله يبي اي شي من لندن تراني حاضر لاني ان شاءالله برجع الدوحة في اجازة الكريسماس

تحيتي للادراة ولكل الاعضاء
شكراً*

[عيد823]

الحمدالله ان موضوعك انتهى ولقيت لك حل والله يجزيه خير الي ساعدك وكل من سعى في الموضوع .

[Best Man]

جزاه الله خير الي ساعدك