مشتآآقْ أنا اسمع منه اليوم لبيه ~

[بصمة قطرية]

مشتاقه اسمع منه أنا اليوم ( لبيه )


ودي أعيش بجوها لو ثواني



بس أتلهف كلمته يوم أناديه
وليا نطق لبيه طحت بمكاني



أعيش في عينه وأنا ميت فيه
في وسط عينه كون من نوع ثاني



فديت خصلة قذلته يوم تذيه
حتى جبينه صار منها يعاني



الموت لاجاه الهوى وصار مشقيه
ثم انشغل فيها وأنا الموت جاني



ويا ويل قلبي لا بكى يوم ألاقيه
عقب البطا لا شفت زوله لفاني



يقول أنا مشتاق والشوق يعنيه
وأقول أنا اللي فيك ربي بلاني



وقمنا نسولف عن هوى عاش ماضيه
وبعض الكلام إن قيل زلزل كياني



وقام يتمنى قلت أحقق أمانيه
وأثره تمنى الموت كانه نساني



يا زين هرجه لا تكلم يغنيه
حتى كلامه صار مثل الاغاني



وإذا أنتهى وقت اللقى قمت أهديه
وأقول لا تعجل ترى العمر فاني



يقول أنا ما أقدر وأعاند وأسليه
من عقبها يضحك ويجلس ثواني



وأزعله ويفز وأرجع وأراضيه
ويقول أحبك والمصيبة أناني



كان اللقى عشرة دقايق وأخليه
وصار اللقى ساعة وساوت زماني



وراح يتمشى ماخذٍ قلب غاليه
بس يتلفت وبعيونه معاني



فزيت له مجنونه ثم صحت أناديه
ثم قالها ( لبيه ) وطحت بمكاني


راقت لي ~

[شيط ويط]

رووووعه .. ذوقج راقي تتسامى معه ارواحنا

سلمت يمينج

[بصمة قطرية]

رووووعه .. ذوقج راقي تتسامى معه ارواحنا

سلمت يمينج

الأروع وجودك شيط ويط ..
يسلمك الرحمن يارب ~
نورت ~ :)

[sara jsm]

هههههههههههههههه عجيبه الابيات قريتها مرتين ,,
قمت اتخيل الموقف :shy: صج شيطانه هالبنيه :p
لاهنتي على هالذوق بصمة ^ ^

[المسك1969]

وااايد حلوووه

[بو الجوري]

وأزعله ويفز وأرجع وأراضيه
ويقول أحبك والمصيبة أناني

إختيارج حلو إختي بصمه :.. صج الأبيات عجيبه :..

أحب القصايد اللي فيها سالفه بين إثنين و كلماتها بسيطه :..
خاصه إذا جات عالـعوووق :)

[بصمة قطرية]

هههههههههههههههه عجيبه الابيات قريتها مرتين ,,
قمت اتخيل الموقف :shy: صج شيطانه هالبنيه :p
لاهنتي على هالذوق بصمة ^ ^

احلى شي لما تعيشين الخيال :shy:
وتتخيلين نفسج مكانها :shy: خخخخخخخ
نورتي حبيبتي ~ :)

[بصمة قطرية]

وااايد حلوووه

حلت دنياج ياااارب ..
الأحلى وجودج حبيبتي ..
نورتي ~ :)

[بصمة قطرية]

وأزعله ويفز وأرجع وأراضيه
ويقول أحبك والمصيبة أناني

إختيارج حلو إختي بصمه :.. صج الأبيات عجيبه :..

أحب القصايد اللي فيها سالفه بين إثنين و كلماتها بسيطه :..
خاصه إذا جات عالـعوووق :)

الأحلى وجودك أخوي بوالجوري ..
فعلاً هالنوعية من القصايد وايد حلوة ..
وتجذبك لأن اسلوبها قصصي ..
وتعيش الأحداث .. :shy:
نورت أخوي ~ :)

[دااانة قطر]

أبيات راائعه
كلك ذوق

[بـــــــنت النوخـّــــذه]

فزيت له مجنونه ثم صحت أناديه
ثم قالها ( لبيه ) وطحت بمكاني


انا اشهد ان هالكلمة من سمعها من شخص غالي يغمى عليه مهب يطيح بس اههههههههه

[راويه]

ويا ويل قلبي لا بكى يوم ألاقيه
عقب البطا لا شفت زوله لفاني

يقول أنا مشتاق والشوق يعنيه
وأقول أنا اللي فيك ربي بلاني

غاليتي بصمه

الصراحه ابيات طالعه من الخاطر
وذوق ماطرحتي يالغاليه
تقبلي مروري
لاخلا ولا عدم

[بصمة قطرية]

أبيات راائعه
كلك ذوق

الأروع وجودج دانة قطر ..
نورتي حبيبتي ~ :)

[بصمة قطرية]

فزيت له مجنونه ثم صحت أناديه
ثم قالها ( لبيه ) وطحت بمكاني


انا اشهد ان هالكلمة من سمعها من شخص غالي يغمى عليه مهب يطيح بس اههههههههه

اي والله صاادقة .. :shy:
نورتي حبيبتي بنت النوخذه ~

[بصمة قطرية]

ويا ويل قلبي لا بكى يوم ألاقيه
عقب البطا لا شفت زوله لفاني

يقول أنا مشتاق والشوق يعنيه
وأقول أنا اللي فيك ربي بلاني

غاليتي بصمه

الصراحه ابيات طالعه من الخاطر
وذوق ماطرحتي يالغاليه
تقبلي مروري
لاخلا ولا عدم

الاروع وجودج حبيبتي راوية ..
نورتي ~

[dr glp]

صح السان الشاعر


يعطيج العافيه على الاختيار

[قلبي قاسي]

صـــح السانـــــك ولاهنـــــت

[بصمة قطرية]

صـــح السانـــــك ولاهنـــــت

صح بدنك أخوي ..
حياك الله ~

[المهاجر]

جميله تلك الكلمات وما تحمله من مشاعر واحساس

بس المهم ان تكون صادقه نابعه من القلب

وليست مجرد كلمات تقال فقط

دائما اختيارج ذوق اختي بصمه

تحياتي وتقديري

[بصمة قطرية]

صح السان الشاعر


يعطيج العافيه على الاختيار

الله يعافيك أخوي ..
نورت ~

[بصمة قطرية]

جميله تلك الكلمات وما تحمله من مشاعر واحساس

بس المهم ان تكون صادقه نابعه من القلب

وليست مجرد كلمات تقال فقط

دائما اختيارج ذوق اختي بصمه

تحياتي وتقديري

تسلم أخوي المهاجر ..
الذوق هو تواجدكم و تذوقكم لاختياراتي ..
نورت ~