بسبة قرار عشوائي بروح السعوديه اصلح التاير

[QaTaR49999]

السلام عليكم
من شهر تقريبا مريت بنجري وركبت تواير بالون بمبلغ وقدره المهم اليوم وانا راجع من البر قدر الله ودست مسمار وركبت التاير السبير وانا رجع قلت بصلحه وكل مامريت بنجري قالي بالون ماصلحه 10 محلات مريت وكلهم رفضو التصليح ورحت حق اللي شريت التواير منه قلت صلح قال ممنوع قلت انا شاري التواير من عندك من قال طلع قرار ممنوع البالون وممنوع نصلحه قلت الحل قال ركب تواير غيرها

انا عندي كم سؤال لصاحب القرار العشوائي ؟
وياليت اللي يعرف صاحب القرار يعلمنا من هو عشان ارجع له التواير وويعوضني بدال فلوسي اللي راحت اذا هو على قوله يحب مصلحة المواطن

س1-الحين انا مركب بالون ونص هل قطر ولي شاريها من شهر ولي شهرين وتعتبر جديده اذا بنجر تايره يروح يصلح في السعوديه؟

س2-ليش ياصاحب القرار ماخفت على فلوس هل قطر دامك طلعت قرار خوفا على هل قطر من البالون النووي يعني روحو بدلو غصبن عنكم لانه محد بيصلحه لكم؟

[abo saif]

طيب سؤال
أبوي الشيبه اذا بنجر وين يروح يصلح التاير؟؟؟
مركب بالون ويروح فيه البر ويمدحها مافيه ازين منها ريفه ومريحه للموتر

ما اقول الا المستعان

تقبلوا تحياتي

[.خالد]

الغلط منك هم منبهين من اكثر من ستة اشهر

[بوعلي-Qtr]

والله مافي الا تظبطلك هندي من طريق سلوى .. ولا واحد قديم تتعامل معاه وتقوله جيب سامانك وتعال البيت ظبطلي التاير
احنا نجيب الهنود من بوعبود يركبونلنا مخفي كامل فالبيت
وجننننب القوانين المتخلفه

وجرب تروح بيريلي وميشلان وغيره من الشركات الكبيره يمكن يرقعونه لك ..
او روح القراجات اللي في دواعيس .. يمكن تحصلك واحد

[مستثمر 999]

روح الوكره قوانينهم غير


حتى تواير مستعمله يبيعون

[البحار00]

شباب قطريين مسوين امس حادث على طريق الحسى وهم راجعين

والله يعلم بحالتهم ويشفيهم

والسبب انهم كانو متعنين للحسى يشترون بوالين


جعلها في ذمته الي منعها وتسبب على الناس

[بوعلي-Qtr]

^
الحين يطلعلك مسؤول يقولك هذي بسبب البوالين ..

[مضارب دوسري]

اخوي هم منبهين من زمان ان البالون بينمنع
طبعا انت قلت في نفسك خلني التف على القرار واركب بوالين وانت تدري ان بيمنعونها
وعقب اللي صار تبي تستريجع فلوسك ؟

سؤال لك هل القانون تطبق بين يوم وليله ؟
طبعا لا
ليش سويت فيها عنتر وعقب جيت تطالب بفلوسك ؟

[QaTaR49999]

سلامتك ياخالد الغلط مب مني من شهر وشي تكلم الخرجي مدير المرور وقال البالون مش ممنوع
والمخفي الثلاثين في الاميه مش ممنوع وفي حالة الحادث شركات التامين ماتجبر حد وتاخذ نسبه منه لقطع الغيار

وكل هذا كلام جرايد اللي قاله كله ممنوع
هم لو يبون مصلحتنا ردوو شركات التامين وماخذو نسبه علينا من قطع الغيار

ولا خشو الرادارات وهم يقولون مانخشها

وبنسبه لموضوع البالون مب اكبر همي البالون بس شلون يمنعون تصليها ياخي اذا توايري جداد يجبروني اغيرها ياخي اذا هم رواتبهم قويه ويقدر يغيرون ويبدلون تواير سيارتهم في اي وقت في ناس مشينها بلعافيه

اتمنى من المسؤول هذا يصرح ويقول انا منعت البيع وتصليح البالون مب ينحط قانون والقانون ضايع ماندري من حطه

[hamoor4ever]

بصراحه قرار منع البالون كان قرار صحيح لكن استغرب من منع التصليح خلو الناس تتهنى واللي امكانياته ماتسمح ان يبدل التواير حاليا شيسوي بصراحه قرار خاطئ والله اعلم من اللي مفكر فيه ، منعتو البالون جزاكم الله خير لكن عطو الناس فرصه تعدل وضعها

[QaTaR49999]

هذا الكلام ياهامور فور ايفر

لا هم يبونا نبدل التواير بلغصب

[جرح الزمان]

من اللي اصدر مثل هالقرار ؟؟؟؟

ما حسب فترة استهلاك لبعد تنفيذ القرار ؟

اقل شي سنتين من تاريخ المنع

[البحار00]

أنا متعجب !!!!!


ياترى من مصلحته يتم منع البوالين ؟؟؟

وبعدين وين المواصفات والمقاييس طول هالسنين البوالين تنباع في قطر من سنه جدي

ولا توهم صاحيين وبدو يشتغلووون!!!!!

[قلبى طيب]

والله شى مستغرب مره وحده يمعون البالون يعنى يسبب حوادث كم نسبه اللى ماتوا بسبب انه تاير البالون انفجر ولا انسلخ عليه بس قرار وتعال ووقع عليه

نفس قطاع الغيار تعال وخذوا نسبه عليها ورفع قيمه التامين


اشياء تافه يركزون عليها ويخلون الاهم

[ولد البدر]

ركب له تيوب أو الواحد يشتري معدات البنشر شكلها ما تكلف شي فتيلة واغرأ وسكروب مشرشر لو عندي بالون كان شريت الأغراض ورقعت بنفسي شفت البنشري وعرفت الطريقة ما تاخذ 5 دقائق

[البحار00]

ركب له تيوب أو الواحد يشتري معدات البنشر شكلها ما تكلف شي فتيلة واغرأ وسكروب مشرشر لو عندي بالون كان شريت الأغراض ورقعت بنفسي شفت البنشري وعرفت الطريقة ما تاخذ 5 دقائق

أنا والله ياخوي عندي عده التيوبلس

مكلفتني حول 40 ريال ومكينه هوا

لكن تدري لو رقعت التاير وهو توه بادي ينسم ماعندك مشكله

لكن لو راح هواه ورجعت ترقعه اختلفت ميزانيته اهنيه المشكله

[قناص 787]

ليتهم امنعوا الخمر والمصخره اللي صايره في البلاد بدل البالون

اللي حاله من حال باقي التواير ويمكن هو افضل منهم

لكن مانقول غير حسبي الله ونعم الوكيل في اللي كان السبب

صج قرار عشوائي من غير دراسه ولا تخطيط بس تعال خذوه

فغلوه

[بوسلمان 2010]

الله المستعان ولاحول ولاقوة الاباالله

[سهم طويل الأجل]

شباب قطريين مسوين امس حادث على طريق الحسى وهم راجعين

والله يعلم بحالتهم ويشفيهم

والسبب انهم كانو متعنين للحسى يشترون بوالين


جعلها في ذمته الي منعها وتسبب على الناس


صادق أنا مريت على الحادث يوم الجمعة كان بين مرسدس جيب قطري محمل تواير وتريله يسوقها سوري

محد عنده خبر عن حالة الشباب ؟ لأني كلمت السوري راعي التريلة قال لي واحد منهم حالته خطيرة جداً .

[R 7 A L]

الى اذكره اني سمعت القرار قبل 6 شهور

المفروض مدام فية قانون وكلنا ان شاء الله نحترم القانون ليش مانطبقه من اول مانسمعه !

[al-buainain]

في الاساس ما عندهم سالفة يمنعون البالون الاول كان ينباع بضمان وعقب المحلات كنسلت الضمان

ليش

والمفروض ان اي قرار يتخذ له تبعيات وتاخذ في الحسبان يعني اذا انا مركب تواير جديدة من شهرين ما احصل حد يصلح لي التاير لانه ممنوع كلام غير منطقي .

هذا الخمر حرام

وعليه قوانين صارمه من قبل الدولة وينباع في الفنادق .

[بوحارب]

سمعنا بقرارات غبية بس نفس هالغباء انا ماشفت


الحين الواحد اشدخل ينحرم من تاير قيمتة فوق ال 800 ريال ومحد راضي يصلحه له !!!!!

وطني الحبيب صباح الخير :)

[قدها وقدود]

المفروض المحلات اتصلح التواير

الله يعينك

[الحال مايساعد]

أعتقد منع التصليح يعتبر تكمله لقرار منع البيع
الحين كل واحد بيروح السعودية ويشتري ويصلح هنا يعني القانون أصبح غير ذو جدوى
اخوي نصيحتي لك ، غير توايرك والله يعوض عليك

[البحار00]

صادق أنا مريت على الحادث يوم الجمعة كان بين مرسدس جيب قطري محمل تواير وتريله يسوقها سوري

محد عنده خبر عن حالة الشباب ؟ لأني كلمت السوري راعي التريلة قال لي واحد منهم حالته خطيرة جداً .

هم 2

واحد توفى فيهم الي هو العجمي عمرة 19 سنه

والثاني من عيال ال ثاني يقولون انه طيب

[الملكي 111]

بسم الله الرحمن الرحيم

اولاً : استغرب جداً من قرار منع البالون ولا ادري شنهي الحكمه من ورا هالقرار .

ثانياً : لا استبعد ان يتم ترخيص شركه معينه لواحد من الكباريه باستيراد اطارات بوالين .. جايز جداً .

ثالثاً : اذا سلمنا بان القرار لامحال من تطبيقه يجب اعطاء فرصه لاصحاب الاطارات البوالين اللي مركبينها حالياً وهي فتره زمنيه لاتقل عن ستة اشهر وبعدها يمنعون اصلاحها نهائياً .

واخيراً
مضارب دوسري
كان من باب اولى يمنعون الشركات من استيرادها وبيعها دامهم ناوين ايقافها من فتره وخصوصاً ان فيه شريحه في المجتمع مايتابعون وسائل الاعلام ومنهم على سبيل المثال كبار السن ولا مايقدرون الا على الغلابه والمساكين .

ودمتم بود

[The Blade]

بسم الله الرحمن الرحيم

اولاً : استغرب جداً من قرار منع البالون ولا ادري شنهي الحكمه من ورا هالقرار .

ثانياً : لا استبعد ان يتم ترخيص شركه معينه لواحد من الكباريه باستيراد اطارات بوالين .. جايز جداً .

ثالثاً : اذا سلمنا بان القرار لامحال من تطبيقه يجب اعطاء فرصه لاصحاب الاطارات البوالين اللي مركبينها حالياً وهي فتره زمنيه لاتقل عن ستة اشهر وبعدها يمنعون اصلاحها نهائياً .

واخيراً
مضارب دوسري
كان من باب اولى يمنعون الشركات من استيرادها وبيعها دامهم ناوين ايقافها من فتره وخصوصاً ان فيه شريحه في المجتمع مايتابعون وسائل الاعلام ومنهم على سبيل المثال كبار السن ولا مايقدرون الا على الغلابه والمساكين .

ودمتم بود

:nice:
اسأل وكيل اطارات (مالون)

[Rashid554]

صراحه ما ينعرف لكم
ان حطوو قانون عدل قلتوو توكم حاطين هالقانون وينكم زمان
وان ماحطو القانون قالو يبون فلوس
امركم عجيب !

[البحار00]

:nice:
اسأل وكيل اطارات (مالون)


منهو وكيل مالون ياخوي

ياترى عنده تواير ولا لا

توايري نحل وعندي ستاندر 2007

وشكله بيطلع غلط بدون البالون

مب عارف شركب:rolleyes2:

[بـارود]

ثالثاً : اذا سلمنا بان القرار لامحال من تطبيقه يجب اعطاء فرصه لاصحاب الاطارات البوالين اللي مركبينها حالياً وهي فتره زمنيه لاتقل عن ستة اشهر وبعدها يمنعون اصلاحها نهائياً .



كلامك صحيح
أوافقك الراي

:)