الفــحـص يبــطل الشاري والبايع للسيارة

[الدوحة 2010]

عندي سيارة هليوكس موديل 2008 قاطعة 68 الف كليو جديدة علي يدي من الوكالة وتم عرضة للبيع وانا شخصيا عارف سيارتي ايش فيها وتم الاتفاق على سعر البيع المهم رحت فحص الطائر عندي الفلبيني وتم انتهاء من الفحص وتبين كالتالي

الصدام الامامي الرفرف مصبوغ + صوت في الصبابات + نسبة قوة المكينة 96 %
للعلم سيارة تحت يدي من الوكالة وماحد ياخذها مني ابدا كيف صار صدام مصبوغ هل عدم خبرة في تخصص فني للسيارة من والى فتم تنزيل من سعر سيارة لم يتم الاتفاق على سعر وفتم ابطال البيعة وذلك بسبب فحص الخطا من قبل الفلبيني

[بوطويشم]

السلام عليكم

بعض محلات الفحص تكون فيها اخطأ

أخبر من فترة قريت رد واحد من الأعضاء يقول ان عنده لكزس مطلعها من الوكالة ويوم بغا يبيعها طلع فيها صبغ جنب كامل

جرب محلات فحص ثانية مع انه الي اعرفه ان الطائر احسنهم

بالتوفيق في البيعة

ومكان الموضوع غلط

[الدوحة 2010]

السلام عليكم

بعض محلات الفحص تكون فيها اخطأ

أخبر من فترة قريت رد واحد من الأعضاء يقول ان عنده لكزس مطلعها من الوكالة ويوم بغا يبيعها طلع فيها صبغ جنب كامل

جرب محلات فحص ثانية مع انه الي اعرفه ان الطائر احسنهم

بالتوفيق في البيعة

ومكان الموضوع غلط



اخوي تم فحص سيارة في مركز الطائر الفلبيني بس للاسف يقول الرفرف الامامي مصبوغ
شلون وسيارة على يدي من الوكالة مالك اول سيارة

[.Q a T a R.]

ايصير اخوي ايكون مصبوغ قبل لا يطلع من الوكاله يكون انضرب وهو نازل من الباخره او التريله

ويتم صبغه في الوكاله وانت تاخذه على انه مافيه شي

هالسوالف بكثره في كل الوكالات تقريبا

كذا سالفه سمعتها من كذا وكاله المناعي والجيده وحتى البنتلي

وسلامتك

[الدوحة 2010]

ايصير اخوي ايكون مصبوغ قبل لا يطلع من الوكاله يكون انضرب وهو نازل من الباخره او التريله

ويتم صبغه في الوكاله وانت تاخذه على انه مافيه شي

هالسوالف بكثره في كل الوكالات تقريبا

كذا سالفه سمعتها من كذا وكاله المناعي والجيده وحتى البنتلي

وسلامتك


بس موتر جديد ومافي احد ياخده مني استخدامة حق طلعات بسيطة في تحميل وتنزيل اغراض البيت بس

[فواز1976]

فعلاً تاكيداً على كلام الاخ Qatar .... من فتره بعيده كنا مشترين سياره وكاله وبعد سنين ما اذكر التفاصيل لكن تبين انه السياره مصبوغه من فوق والجمب ويوم اكدنا للورشه انه معنا من الوكاله ولا عمرها انصدمت قال عادي يصير تكون من السيارات الي انقلبت ولا انصدمت مع الشحن

[الدوحة 2010]

فعلاً تاكيداً على كلام الاخ qatar .... من فتره بعيده كنا مشترين سياره وكاله وبعد سنين ما اذكر التفاصيل لكن تبين انه السياره مصبوغه من فوق والجمب ويوم اكدنا للورشه انه معنا من الوكاله ولا عمرها انصدمت قال عادي يصير تكون من السيارات الي انقلبت ولا انصدمت مع الشحن



معقولة غش من الوكالات للسيارات المباعة الجديدة

[بـن عدوان]

معقولة غش من الوكالات للسيارات المباعة الجديدة

ارفع عليهم قضية


يا زين بعض قوانين امريكا بس

[نورالهدى]

لاحول ولا قوة الا بالله العلي العظيم

[الجوكر90]

السلام عليكم

بعض محلات الفحص تكون فيها اخطأ

أخبر من فترة قريت رد واحد من الأعضاء يقول ان عنده لكزس مطلعها من الوكالة ويوم بغا يبيعها طلع فيها صبغ جنب كامل

جرب محلات فحص ثانية مع انه الي اعرفه ان الطائر احسنهم

بالتوفيق في البيعة

ومكان الموضوع غلط

صحيح اخوي
موترنا والي اخبره ان سنه 2008 طلعت هالمشكله حق وايد ناس
يلا فذمتهم

[جرح الزمان]

فعلاً في سيارات مضروبه في الوكاله

وصارت مع واحد اعرفه واكتشف الموضوع

ورفع عليهم قضيه وكسبها وعوضوه قيمة السيارة

بس انت الحين سيارتك مو 2008 يمكن الموضوع

يكون صعب اثباته ضدهم

[النهار]

المهم كم طالب في الموتر سعرك على الخاص لوسمحت

[FCB 123]

ايصير اخوي ايكون مصبوغ قبل لا يطلع من الوكاله يكون انضرب وهو نازل من الباخره او التريله

ويتم صبغه في الوكاله وانت تاخذه على انه مافيه شي

هالسوالف بكثره في كل الوكالات تقريبا

كذا سالفه سمعتها من كذا وكاله المناعي والجيده وحتى البنتلي

وسلامتك


هذا الكلام الصح .. لأنه صادتني نفس السالفة والله وتهاوشنا مع الوكالة بهاي الخصوص

[محاسب]

مع وكالاتنا المفروض نشتري منهم الجديد بعد الفحص
وإذا رجعت السيارة لهم في التشييك الاول يسرقون ويستبدلون قطع الغيار الاصليه منها :tease:

[بوسلمان 2010]

بعض الوكلات يكون السيارة مضروبه اثناء النزول من الباخره ويتم اصلاحها وبيعها انها مو مدعومة للاسف


وواحد من الربع شرى سياره ولما راح يبي السيارة قالو له الين الحين في الصناعيه بتاخر الين بكره وطلع من


عندهم على الصناعية ويعرف واحد في الكراج وسأله عن السياره رد عليه وقاله هذي السياره يصلحونها فيها



دعمه في الرفرف اليمين وتم تبديله وماقلوا له راح الشركة وتهاوش معاهم ونزلو من سعرها حوالي 10،000 ريال


بس لللاسف المفروض ياخذ السياره ويرفع عليهم قضيه الحبيب ماصدق نزلو السعر خذ السياره على طول



يااخوي ماعد تثق لافي وكالة ولا معرض

[الفا برافو]

ايه اخوي معقوله انه السياره تم صبغ الخدوش او الضربه في الوكاله قبل لا انت تستلمها

الذمة وسيعه ونا خوك

[tawareq]

بعض الوكلات يكون السيارة مضروبه اثناء النزول من الباخره ويتم اصلاحها وبيعها انها مو مدعومة للاسف


وواحد من الربع شرى سياره ولما راح يبي السيارة قالو له الين الحين في الصناعيه بتاخر الين بكره وطلع من


عندهم على الصناعية ويعرف واحد في الكراج وسأله عن السياره رد عليه وقاله هذي السياره يصلحونها فيها



دعمه في الرفرف اليمين وتم تبديله وماقلوا له راح الشركة وتهاوش معاهم ونزلو من سعرها حوالي 10،000 ريال


بس لللاسف المفروض ياخذ السياره ويرفع عليهم قضيه الحبيب ماصدق نزلو السعر خذ السياره على طول



يااخوي ماعد تثق لافي وكالة ولا معرض

كلامك صحيح

تحصل الوكالة يخلون بعض السيارات لنهاية السنة قبل ما تنزل الموديلات الجديدة ( ستوك )
ويبيعونهم باسعار اقل من سعر الجديدة ويقولك خصم خاص
قبل ما تستلم السيارة تاكد من ضربات البدي واللون

[الرايــق]

غريبة مع ان فحص الطاير احسنهم !
يمكن مثل ما ذكر اخوي qatar
عالعموم بالتوفيق ان شاء الله ....
ويا ريال ليش ما نزلت من سعرك "الف ولا الف وخمسمية" وبعت الموتر وفكيت نفسك من عوار الراس

[الـخـالـدي]

يصير كل شي .. مع الوكالات هذي الود ودك تطلع السياره وتشيك عليها بنفسك برى الوكاله اريح لك

مره من المرات شريت موتر وطلع لي الفحص ان فيه ربلات متقطعه ودخلت السياره التشيك وقلت لهم عن موضوع الربلات للأسف الوكاله خذت مبلغ التشيك و ماطلعو العيب وعند ماقلت لهم قالولي مافيها شي !!!

المشكله اللي عندنا مافي قانون يحمي العميل القوانين كلها تحمي البايع

[Rider]

والله هذي مشكلة اذا الواحد بياخذ سيارة جديدة من الوكالة واخر شي تطلع مصبوغه

[نبض الخفوق]

ايه اخوي معقوله انه السياره تم صبغ الخدوش او الضربه في الوكاله قبل لا انت تستلمها

الذمة وسيعه ونا خوك



صح كلامك اخوي المادة اهم شي عندهم

[بوحارب]

نفس الشي صار معاي في فحص الطائر وقالي مصبوغ جمب كامل والموتر على يد الوالد ومافيه اي شمخ ههههههه

طبعا الشاري قالي انا مصدقك انت وماعلي من الفلبيني لأنه يبي اذا الموتر مصبوغ او لا !!!

[ابو خليفه]

نعم يصير تكون السياره مصبوغه لاني انا من 3سنوات كان عندي جي اكس 2007 وماخذه من الشركه وبعد ماتفقت مع الشاري تبين ان السياره مصبوغه من الاجناب ورحت للشركه على اساس ارفع دعوى عليهم قالوا لي احنا نشتريها بسعر اغلى من الشاري بس لاترفع دعوى علينا وبعتها عليهم وسكرنا الموضوع ...

[البحار00]

الوالد دفع قيمه فيكسار ٢٠٠٩ في سنه ٢٠٠٩ للوكاله كاش طبعا

ولما راح يستلم الموتر طلع الموتر مدعوم في الرفرف وكانو بيصبغونه

بس خافو يصبغونه ويتوهقون

وفي الاخير عوضوه بموتر ثاني

[الدوحة 2010]

فعلاً في سيارات مضروبه في الوكاله

وصارت مع واحد اعرفه واكتشف الموضوع

ورفع عليهم قضيه وكسبها وعوضوه قيمة السيارة

بس انت الحين سيارتك مو 2008 يمكن الموضوع

يكون صعب اثباته ضدهم



يعني ماقدر ارفع عليهم قضية الحين وسيتم اثبات الصبغ عند خبراء الفنينين

[الدوحة 2010]

نفس الشي صار معاي في فحص الطائر وقالي مصبوغ جمب كامل والموتر على يد الوالد ومافيه اي شمخ ههههههه

طبعا الشاري قالي انا مصدقك انت وماعلي من الفلبيني لأنه يبي اذا الموتر مصبوغ او لا !!!




الله مستعان

[الدوحة 2010]

الوالد دفع قيمه فيكسار ٢٠٠٩ في سنه ٢٠٠٩ للوكاله كاش طبعا

ولما راح يستلم الموتر طلع الموتر مدعوم في الرفرف وكانو بيصبغونه

بس خافو يصبغونه ويتوهقون

وفي الاخير عوضوه بموتر ثاني

زين اكتشف الشي بدري ولا كان حقه ضايع

[الدوحة 2010]

والله هذي مشكلة اذا الواحد بياخذ سيارة جديدة من الوكالة واخر شي تطلع مصبوغه





خلاص ماعد اثق في الوكالة مرة ثانية

[الـقـاسـي]

اخوي اذا انت متأكد روح اشتك عليهم لاتسكت وتمشيها لهم حتى لو قديمه السالفه بيقدرون يتاكدون

[جرح الزمان]

يعني ماقدر ارفع عليهم قضية الحين وسيتم اثبات الصبغ عند خبراء الفنينين

هالموضوع بيستعينون فيه بوكالات أخرى

اذا مصمم انك تشتكي أسئل محاميين ذو أختصاص
وهم أدرى مني بهالأمور ..

بس الموضوع مع الرجال خذ اكثر من سنه

تعرف المحاكم وطولة بالها

[راشد محمد]

روح اشتك عليهم

[khalid.qtr]

فعلاً أخوي ، حتى شركة المرسيدس والـ والفردان ، آنا عندي نفس المشكلة في المرسيدس وتوني مكتشفها ، ووحاد من ربعي عنده بيئم مصبوغة كاملة وعوضوه .