مشكلة سفايف اللكزس الفوروييييل من عنده الحل

[الخبــره]

ما ادري هل توجد سفايف افضل من اللي موجودة بالوكالة

لان السفايف كل فترة تطلع صوت

وانا ما ادني هالصوت وتروح الوكالة يسوون لك تورنه

ويغيروون السفايف وترجع نفس المشكلة

فما ادري ايش الحل

وهالمشكلة تخليك تكره الموتر وتحس كان موترك قديم مع ان الموتر موديل 2009

انا اتكلم عن اللكزس الفورويل

ياليييت حد يفيدنا

[أسير الاسهم]

انا موديل 2011 وغاثني .. الموتر ما عليه كلام بس لما اسمع صوت السفايف انغث

توني مبدل سفايف ومسوي تورنه وشارط مابي اسمع صوت .. وعقب ما استلمته بفتره رجع الصوت مثل أول .. ولاحظت بعد انه الرنقات اللي قدام بالذات يتجمع عليها سواد بسبب السفاايف


شوفووو لنا حل

[الخبــره]

بالضبط نفس المشكلة

وهالشركة الكجره الله لا يرووييييك

[بويعقوب]

مرحبا اخوي

واحد من الربع طالب طقم كامل درامات مع سفايف نوع سيراميك

http://www.autoanything.com/brakes/10A50530.aspx

ادخل هالموقع يمكن تحصل عندهم

[أسير الاسهم]

الظاهر لازم نشتكي الوكاله عند الوكالة الأم الرئيسية ليما يحلوون لنا المشكله بشكل نهائي وبدون مقابل .. الموتر قيمته حدود الـ400 ألف شلون فيه مثل هالمشاكل

خلونا نشتغل سواا لحل هالمشكله لازم توصل للوكالة الأم ويتم إستدعاء السيارات كلها وتعديل المشكله كما حدث في الكثير من السيارات قبل وفي أكثر من وكالة

[MR.STOP]

ركبو درام ويلات ريس .. و انسو الصوت والتبديل كل 5000 كيلو


ادفع 4 فالبدايه ومع الايام انت الربحان

[سطح القمر]

مشكلة البريكات في تويوتا ولكزس وماحلوها انا عندي في اكس ار ٢٠١١ ونفس المشكله

[لابس بشت]

انا ركبت درام ويل وسفايف سيراميك
وصار البريك من احسن مايمكن ولي اليوم ماعليه كلام
بس بعد استخدام 4 شهور تقريبا طلع لي الصوت ولي اليوم فيه صوت :(

[بوهلال]

في سفايف اجبونها من دبي كرتونها ابيض صناعة امريكا مصنوعه خصيصا حق تويوتا تندار وارد امريكا تحصلها في كراج بن حوفان في المصفح ابوظبي استعملها وراح تدعيلي (ونصيحه لا تعمل تورنه حق الدرام ويل هو مع السفايف راح عدل نفسه بنفسه من تجربه

[بوعلي-Qtr]

يمدحون السيراميك
بس عيبها تيود عدل مع الحراره
كل ماكان الدرامويل حار يمسك بشكل اقوى حسب ماقريت
لانها مخصصه حق ريس
جرب ؛)

[العساس]

الحل بيع اللكزس وخذ نيسان وريح راسك

[AL-RAYYANI]

شبااب جربوو الصنفره لسفاايف ودراام الوييل ماا ضمن لكم على طووول بس كل فتره سو له صنفرره لدرام الوييل وسفاايف و30 ارياال عند اي بنشري يركب سفاايف قولو له ابي اسوي صنفره بس ودعوااتكم

[الخبــره]

الله يعطيكم العافية جميعاً

والصراحة الموضوع ماله حل شكلها السالفة هشكل

[ll vip ll]

اخوي نفسك كنت اعاني من صوت السفايف
وماطول عندي خذت لي من الامارات السفايف والحمدلله مافيها صوت
والله مادري من جوده اللي عندنا بالشركه الظاهر النوع تجاري

[برشلوني قطر]

اذا ع الصوت مقدور عليه...لاكن اذا يهرب ايل والموتر ماشي 38 الف ويغيرون نص مكينه

شتسوي:weeping:

[قطري33]

مالكم الا سفايف التاندرا مثل ما قال اخونا بوهلال لين الوكالة اتحل مشكله سفايفهم

[بوجاسم566]

اخوي يمكن في وصاخة متجمعة على الدرام ويل

جرب تغسلة جيـك

او ركبـ درام ويلات trd ((مالت التندرا))

[أسير الاسهم]

يعني الحين درام ويل التندراا .. أحسن .. وهل يركب على اللكزس .. والسفايف سفايف تندرا والا لكزس بعد ؟؟ أبي افهم التفصيل

وهل آخذها من قطر والا من الأمارات ؟؟

[ALJokar]

نفس المشكله عندي سيارتي مرتين اردها وهي ماشيه 10000 بس و2 مره ركبو لي يقولون ان فيه سفايف مطوره غير عن الي كانت قبل وركبوها ولا احس في فرق ورحت اخذت درامات ويل استراليه الي اتجيك مثقبه وفيها اخروق واحس الا الان تمشي الحال والوصخ يتجمع برا يكون الرنق اسود وهذي قبل كانت فيه بعد

بس في شي لاحظته ان يطلع ريحه هالدرمات ويل ما ادري حد جرب او لا لاني ركبتها على سفايف الوكاله وانا شفت سفايف بالنت لونها اصفر وتسمى ebc حسب الظاهر ممكن اشتريها اذا حد جربها ويمدحها ياليت تلقون لنا حل

[@north_star@]

اخوي حط الدرامويلات اللي فيها فتحات وان شاء الله امورك طيبة

[قطر ديلر]

انا مركب درامويلات تي ار دي من الامارات وماعليها كلام ابدل سفايف كل 5 شهور


موجوده عند التيسير هو وكيلها ف الدوحه ركبها ومابتتحسف

[ALJokar]

انا مركبها وبعد طالب لي سفايف من برا لونها اخضر من نوع ebc


وما ادري كيف استعمالها ؟

[الجوكر90]

انا رفيجي باع موتره اللكزس عشان هالسبب
الله يعينكم

[بوحسن 779]

تويوتا زبالة في السفايف وبصراحه السفايف أهم شي في السيارة ومافي مقارنه بين تويوتا ونيسان في السفايف والسيفتي وعلي فكره انا ابدل سفايف ارمادا عندي كل سنتين والحمد لله

[sout qatar]

هالعيب الوحيد فاللكزس لدرجة ان اذا كنت على سرعة وواحد لف عليك تضرب بريك يسحب عليك تقول راكب عراوي والعرواي يمكن بريكه احسن

انا عندي لكزس 2010 ركبت عليه درامويلات وسفايف TRD وهي نفسهم الي حق التندرا والسيكويا وخذتهم من بن حوفان فالامارات على 12 ألف وركبتهم فالتيسير وهم يجون حق قدام بس

وماشاء الله الحين بعد ماركبتهم فرق كبييييييييير عن الشركة اول ماتضرب بريك يوقف عالطول واذا بتاخذهم من موقع ال TRD تحصلهم ارخص على 8000 ريال ويركبون على رنجات العشرين بس وهاي موقعهم عالنت
http://www.toyotaterritory.com/Scripts/default.asp

[al-erada]

ياجماعة الخير جربوا سفايف السكويا 5.7 وبتدعولي كثر ما اشتكيت من موضوع السفايف في الوكالة ما في جربوها وهاي رقم القطعة سفايف امامي (044650c020) موجود عنداي قطع غيار عبد اللة عبد الغني بس لا تقولة عندك لكزس او تويوتا وبعدها روح لاقرب فرع للتيسير وركبهم وبتدعولي ان شاء الله

[ALJokar]

الحين اذا ركبنا سفايف السكويا بكم سعرها وهل هي أطول من المده العاديه

[تاجر]

يا جماعة ترى الاستعمال له دور بعد. ..
استخدمت الفي اكس ار 2007 والحمد لله قبل لا ابيعه سويت له تورنه يعني مشى معاي 160000 كيلو بدون تورنه بس سفايف

والحين عندي 2010 الحمد لله نفس الشي بس سفايف واللي قدام بس ..
ولا تقولون محافظ على الموتر .. الا كارفه وسفرات واروح شمال .. والحمد لله لا صوت ولا شي ..

الاستعمال في النهايه هو اللي يحدد .. اعرف شباب ماشاء الله عليهم كل شهرين يبدلون سفايف .. لانه كله مسرع ويوصل عن الدوار والا الاشاره وبريييييك حده اقولك ليتات البريك ودها تطلع .. انزين اشحادك !!
ياخي خفف قبل الدوار والا الاشاره بمسافه .. تعبت وانا اعدل الغتره معاه ههههه

[عاشق الشهادة]

عندي مشكله صوت السفايف والسيارة ماشيه 700 كيلو فقط :weeping:

[MANSOOR75]

مشكله السفايف في اللكزس تهون - الطقة الي في الشفت لوع الجبد وانت وافق على الدوار وتبي تحرك يطق تكره السياره

[Ţĥę őήę]

انا عندي لكزس 2011 و نفس الحاله

[بوعلي-Qtr]

منصور
وده الوكاله بيعدلونه اول مره بقريز .. واذا رجعت بيبدلون لك الشفت

[ALJokar]

منصور
وده الوكاله بيعدلونه اول مره بقريز .. واذا رجعت بيبدلون لك الشفت

انا عندي بعد هالطقه

يبدلون لي الشفت على حسابي او حساب الضمان موتري 2011