غسيل السيارات في السيتي

[مرتبش]

مرحبا
ارتفع سعر غسيل السيارة في الستي سنتر الى 15 ريال..سابقا كان ب 10 ريال وقبلها ب 8 ريالات

لن يتوقف احد عن رفع الاسعار متى ما اراد..حرية مطلقة

[monatee]

قاطعوهم

مب منزين غسيلهم اصلاً

سياراتنا ماتشمخت الا من طريقة غسيلهم وفوق هاي يستخدمون ماي خالي بدون صابون

[بذرة غلااا]

اصلا كل إلي في المجمعات كان الغسيل السيارات 15 ريال مافي شب تغير

[أسد الجزيرة]

في السيتي كان ٨ ريال

[ll vip ll]

امس مغسل
قبل كان ١٠ والحين ١٥
ومب بس بالسيتي كل الاماكن لنفس الشركه

[UniCorn-80]

والله مادري اذا تغيرت او لا الاسعار بس فاللاند اغسل ب 15

[MAZEN37]

مغسل بالحياة بلازا ب 20

[كازانوفا]

قاطعوهم حسبي الله عليهم وعلى غسيلهم السياره تشمخت وتشوهت لا بارك الله فيهم وبشغلهم

[الرايــق]

من اكثر من شهرين ب 15 !

[بوحارب]

صحييح قبل كان ب 8 ريال ويعطونك كوبونات واذا جمعت 5 كوبونات الغسلة السادسة تكون مجانا



مغسل بالحياة بلازا ب 20

قصوا عليك هههههههههه:tease:

[الخبــره]

ب ١٠ ريال كان وبالفعل قبلها كان ب ٨ ريال

[مرتبش]

تعيش الحرية

قطر بلد الحرية "للتجار"

ولن يتوقف ارتفاع الاسعار الصاروخي.. مثال اخر على مغسلة سيارات في طريق الوكرة ( بين اشارة الدائري الرابع وشارع المطار القديم)

حاطين لوحة شكبرها وشعرضها بالاسعار الجديدة 25 ريال غسيل للكروزر والهامر 30 والميني باص مادري كم.. ولذكاء المحل المفرط الاسعار القديمة معلقة داخل غرفة الانتظار .. وكانت اقل بخمس ريالات

[سليم للعقار]

وياريت يكون الغسيل اوكي اي كلام

[الحال مايساعد]

أذكر من فترة العامل إللي في الستي قالي الباركنج إللي فوق بـ 15 وإللي تحت بـ 10 وأنا مقااااااطع أصلا النوع هذا من الغسيل ، باقي المحطات صحيح إني بتأخر 15 دقيقة لكن الموتر ينغسل صح

[kayed]

قاطعوهم

[al3grab]

يازين غسيل الدريول في البيت

[khaldoon]

والله يا اخوي كلامك صحيح بس قديم جدا لاني من زمان اغسل السياره في السيتي و اللاند مارك و فيلاجيو ب 15 ريال

اعتقد فيلاجيو و اللاند مارك نفس الشركه بس السيتي سنتر شركه ثانيه

اول كان تنظيفهم زين الحين تلاقي الزجاج و المرايات وسخه و غير منظفه بطريقة جيدا

[مرتبش]

أذكر من فترة العامل إللي في الستي قالي الباركنج إللي فوق بـ 15 وإللي تحت بـ 10 وأنا مقااااااطع أصلا النوع هذا من الغسيل ، باقي المحطات صحيح إني بتأخر 15 دقيقة لكن الموتر ينغسل صح

كلامك مثير للانتباه..فعلا 15 ريال كنت موقف فوق ويوم شفته ب 15 قلت له ليش مو 10 ..ما عطاني جواب وظنيت انه للطابقين

بس كيف المجمع فيه سعرين..غرايب قطرية..

والغسيل صحيح تعبان بس احيانا مريح عن زحمة المغاسل

[النواخذة]

اللة المستعان انا اغسل سيارتى عندى احيانن 15ريال سعر مب غالى كثير سعر معقول اشوى لانة المغاسل الى برع اغسل عندهم على 25 و30 ريال لا وزحمة عندهم على طول لازم تنقع عندهم \لين مايخلصون سيارتك

[حسين بن عاقول]

يا ريال روح مغاسل الي عند استاد الدوحة مب سبورت الثاني نسيت اسمة ابجر مادري شسمة ب 20 يغسل السيارة وينظف السيارة من داخل الله لا يحيجك للمجمعات
تحياتي واشواقي الحارة لكم

[al saad]

مافي احسن من غسيل لبيت
يعني فكر فيها تتسبح بفوطه امبلله بتنظف لا
السياره نفس الشي اذا ماتغسلت عدل بالماي ماتنظف الا يشمخها وهو يفرك الوصخ بالفوطه

[طلعة الروح]

فعلا انا معاكم انه غسيلهم وصخ

[محمد_ قطر]

الدريول يغسل السياره في البيت ومن شهرين شريتله برشر لغسيل السيارات مثل المغاسل وستانس عليها الدريول يغسل السياره بسرعه بدون تعب