المساعد الشخصي الرقمي

مشاهدة النسخة كاملة : الله ستر اليوم


بوهلال
30-10-2011, 04:17 PM
ويستمر مسلسل هروب الخدم اليوم الله ستر على عيالي عندي بنتين صغار وحده في الروضه تمهيدي
وثانيه اصغر منها بسنه المراد قدر الله على الفروضه وما راحت اليوم مريضه
طعبا انا في العمل ومهم كذالك بعد ماودت باقي اخوانهم المدارس. يوم جات الساعه9 الصبح جانياتصل من البيت بابا احنا ماعندنا احد في البيت وانا قبل معلم البنت الفروضه الاتصل وامحفضها رقمي
قلتلها وين الخدامه قالت دورتها في البيت محد قلتلها طيب امي قفلي باب الصاله وقعدي انت وختك عند التلفزيون انا احين باجيكم. استذنت من العمل وتصلت على تلفون الخادمه ماترد

وعند حضوري لم اجد الخادمه ولاشنطتها يعني شردت وخلت عيالي ابروحهم في البيت
على فكره صار للخادمه عندي 4 سنوات اعاملها حسن معامله وطعمها من طعامنا ولااقصر معاه في شي
وراتبها ولا تحلم في بيت ثاني 1500 وسلامتكم
Miss
30-10-2011, 04:21 PM
شووف من قص عليها وراحت معاه
خلها تذلف باللي ما يحفظهاا بس اهم شي اليهال الحمد لله انهم بخير
الله يعينكم لين تجيكم خدامه جديده
@north_star@
30-10-2011, 04:21 PM
الحمد لله انه البنات بخير وهذا اهم شي ....وثانيا الله لا يبارج بهالخدامة الي بدون قلب تترك عيال صغار بروحهم وخاصة بهالطريقة...... والله يعينك اخوي وان شاء الله تحصلها وتسفرها
sara jsm
30-10-2011, 04:24 PM
باللي مايحفظها ان شاءالله ,,
الحمدلله ان عيالك بخير والله حفظهم ,,
شرده الخدم صارت موضه هالايام ,, لا بارك الله فيهم ,,
Red rose
30-10-2011, 04:33 PM
الحمد لله ان الله حفظ عيالك

اخوي شوفوا أغراضكم عدل يمكن سارقه أشياء او مئويه شي في البيت
ابوعلي
30-10-2011, 04:55 PM
الحمدلله ان اعيالك بخير

وان شاء الله بلغت عنها

وللاسف الخدم شر لا بد منه في هالوقت والله يعنيا
SOUD.QA
30-10-2011, 05:23 PM
الحمدلله على سلامة بناتك ياخوي وزين انك حفظتهم الرقم ويتصلون فيك في هالحالات

الخدم والدريوليه لو تعطيهم 10 وتعيشهم عيشة ملوك نادر اللي يبين بعينهم هالشي

الله يحفظهم لك ويبلغك فيهم يارب
بوهلال
30-10-2011, 08:22 PM
الله يجزاكم خير
المهاجر
30-10-2011, 08:36 PM
بداية الحمد لله ان العيال بخير والله حفظهم من شرها

والخدامه تروح وتجي غيرها وزين انك معلم عيالك يتصلون فيك وقت الحاجه
وهذي نقطه مهمه تشكر عليها واكيد بيستفيد منها الكثير

انصحك بتغيير مفاتيح البيت احتمال مسويه نسخ ومحتفظه فيهم

كاجراء احتياطي ومثل ما قال اخوي ابوعلي بلغ عنها في ادارة البحث والمتابعه

لتخلي مسؤوليتك

والله يحفظكم من كل مكروه
بوهلال
30-10-2011, 09:39 PM
بلاغة عنها اليوم الله لايردها بس انا مستغرب قالولي اذا جات قبل شهر تدفع تذكرتها وذا جات بعد الشهر هي تتحمل تذكرتها اذا كذا صارت العمليه خربطه كل خدامه او سايق بعد 3 شهور اي وقت ماعجبه الشغل او تممل يشرد ويروح لهم قبل الشهر وتعال يالكفيل ادفع
R 7 A L
30-10-2011, 09:40 PM
الحمدلله على سلامه العيال

والخدامة حصلت أكثر من 1500 في بيوت العوائل الاجانب المشتركة
تخيل 10 عوايل كل عايلة تعطيها 500 ريال


اتمنى نشوف حملات تفتيشية على بيوت الاجانب المشتركة
كازانوفا
30-10-2011, 09:47 PM
حسبي الله ونعم الوكيل فيهاااا
حلم وردي
30-10-2011, 09:55 PM
الحمدلله على سلامه بناتك ... بس الغريبه صاير لها اربع سنوات المفروض تعودت على اهل البيت وارتاحت لهم .. اخبر الي يشردون يكونون جداد ماصاير لهم كم شهر .. الحذر ثم الحذر من العماله الوافده
بوسلمان 2010
31-10-2011, 11:06 AM
الحمدالله على سلامة اعيالك والله فكك من شرها حسبي الله ونعم الوكيل وشوف اغراض البيت لابد وانها باقت



شي واذا باقت عليك بمركز الشرطة وانشر صورتها في الجرايد انها مطلوبة بجرم جنائي اذا ماخذه شي وكلن



بيخاف ماراح يشغلها
أسير الاسهم
31-10-2011, 11:26 AM
انا ما يقهرني الا تعال أدفع التذكره عند البحث والمتابعه
بوحارب
02-11-2011, 07:26 AM
1500 وشردت !!!

شكلها حصلت مكان يعطيها 2500


حسبي الله عليهم

والله يحفظ لك البنات يارب
بصمة قطرية
02-11-2011, 07:34 AM
باللي ما يحفظها
الحمدلله عيالك بخير
وافضل شي انك محفظهم الرقم ..
قلعة تقلعها مالت عليها
ياخوي على كثر ما تكرمهم ما ينقع في عينهم
قهر لما يدفعونك تذكرتها
للأسف القوانين كلها مع الخدم ضد المواطن ..
الله يكون في عونك ..
فيصل 89
02-11-2011, 04:21 PM
اهم شيء اعيالج سالمين

الخدامه تتعوض

بس العيال من يعوضهم
قطري33
02-11-2011, 04:33 PM
الحمدالله على سلامة بناتك وزين انك حفظت وحده من البنات رقمك عشان تتصل لك وقت الضروره
اخوي ... اللي يروح يروح بشــرة معاه تاكد من هالشي
والله يعوضك خير ان شاء الله
فيزيائية
02-11-2011, 05:04 PM
اهم شي سلامة البنات الله ستر

حسبي الله عليها من شغالة .