استفسار لو سمحتم

[TZ71]

صبحكم الله بالخير
وصلت الى مرحله تركيب النوافذ في البيت وأخوكم محتار مادري ايش اركب من الدرايش ناس تقول دبل ألمنيوم احسن وناس تقول اليوبي في سي .
ياليت حد يفيدني من اهل الخبره
جزاكم الله خير

[A.L.I]

اليوبي في سي اخوي

[شموخ دائم]

,

,


مرحبا


اخوي الكريم

لا تحتار الاثنين جيدين الباقي يعتمد عليك انت وشنو تحب وشنو ذوقك
من ناحيه المتانه والكوالتي الاثنين 100%
انا عن نفسي احب الالمنيوم
لاني ماحب المواد المصنعه في الشبابيك والابواب
احب الالمنيوم طبيعي واحب الخشب طبيعي واحب الحجر طبيعي ... الخ

الباقي عليك تقرر الي ترتاح له نفسك وتأكد ان الاثنين ممتازين جدا جدا جدا

,

,

اخوك

شموخ دائم

[TZ71]

اخوي علي بيض الله وجهك.

[كبير المتداولين]

الالمنيوم افضل

يو بي في سي ممكن تلاقي تقليد يجيبونه من تركيا الحين الخامات اقل جوده مع الزمن والحراره قد تبدى مشاكله بالظهور

[TZ71]

اخوي شموخ دايم بيض الله وجهك انا اشهد انك دايم موجود لتقديم المشورة لأعضاء المنتدى وجعله الله في ميزان حسناتك والله يكثر من امثالك الصادقين في مشورتهم
السؤال هل يمنع الألمنيوم الغبار والأصوات الخارجيه و المياه مثل آليو بي سي
شورتك وهدايه الله

[TZ71]

بارك الله فيك وأخوي كبير المتداولين ورحم الله والديك

[ولد المنصور]

انا اشور عليك اليو بي في سي عندك شركات معروفه مثل القطريه الكويتيه مركبين عندهم ومعاملتهم ممتازه وسعرهم جيد .........

[بوالبيض]

نصيحتي يو بي في سي سماكه وعازل ما يدخل الهواء ولا الماي وقت المطر عندك قطر يو بي سي
الماني وانا مركب عنده والمقاول الي عندي قطري ونصحني فيه الالمنيوم محد صار يركبه الحين
والله يوفقك اخوي

[راشد1]

استشير شركة ديكور هم مختصي ويعرفون أحسن..

[QTR-SOUL]

يو بي في سي ولاغيره
روح حق الناس اللي مركبين وجوف الفرق