المساعد الشخصي الرقمي

مشاهدة النسخة كاملة : استفسار عن الرنج روفر



متهور
31-10-2011, 02:20 PM
السلام عليكم

اريد بعض المعلومات عن الرنج روفر موديل 2007 او 2008 من نحية السيرفس وقطع الغيار هل هيا غالية لدرجة كبيرة او لا
وياليت الي يعرف بعض اسعار قطع غيار للسيارة يوضح اسعارها
والي استخدم السيارة يوضح بعض الجوانب الايجابية والجوانب السلبية للسيارة

الله يجزاكم الجنة ان شاء الله

QaTaRViP
31-10-2011, 05:12 PM
مرحبا الشيخ اذا ناوي تاخذ رنج نصيحه اخذ لك واحد عليه ضمان وبخصوص السيرفز ع حسب اذا معه ادرامات ويل وسفايف تقريبا 4500 لا اذا السيرفز العادي من 1200 لين 1600 واذا انت عندك موتر غير الرنج لا تحاتي والسيرفز كل 12000 الف كيلو بس اهم شي الضمان وان شاء الله الشباب بعد ماراح يقصرون معاك وبيفيدونك اكثر........ والله يوفقك ويوفق الجميع



تحياتي لك

بني تميم
31-10-2011, 05:37 PM
اخوي سفايف اماميه وخلفيه مع درام ويل خلفي ب 2900 :nice:

ارخص من لتيوته :victory:

بويعقوب
01-11-2011, 11:01 AM
اخوك من عشاق الرنج روفر :nice:

بس اذا الموتر ماشي واجد لاتاخذه لان خراباته تطلع

واذا على الضمان يكون احسن

وبالنسبة للسيرفس اقل شئ آيل المكينه اعتقد بـــ 800 ريال كل 12000 كم

والسفايف اماميه وخلفيه بدون درامات ماتتعدى 2000

واذا الموتر اخترب فيه شئ ,, خذ القطع من الامارات ارخص بوايد .

الله يعطيك خيره ويكفيك شره

الفا برافو
01-11-2011, 01:25 PM
خذ 2008 نفس ال 2009 و يختلف عن ال 2007 موتر ماعليه كلام الرنج عموما

بس مثل ماقالوا الاخوان خذ شي عليه ضمان سنتين على الاقل ولو من عند الفردان مستعمل تقدر تشتري ضمان زياده

وبالتوفيق

احساس رابح
02-11-2011, 03:07 AM
السلام عليكم

اخوي انا مستخدم النوعين الفوج والسبورت

اذا الموتر عليه ضمان طبعاً لازم تشيك في الوكاله وفي الوكاله غالي جداً السيرفس

واذا ماعليه ضمان وهو احسن شي عندي انا اشيك الموتر برى في محلات خاصه للرنج
وقطع غياره معقول ويمكن ارخص من التيوتا

وهذي الاسعار في المحلات اللي برى عندك في محل في شارع سلوى وفيه محل في محطه التيسير

والاسعار ::

السفايف ورى وقدام مع درام ويل بدتهم بـ 1400 تقريبا او اقل

الايل ابدله كل مره ((بـ 500 ريال 20 الف كيلو )) في المركز الالماني

في محطه التيسير (( بـ 350 ريال 20 الف كيلو ))

عموماً اي سياره استخدامك لها استخدام معقول ماراح تخرب وياك سواء يااباني او الماني او ...

والرنج صراحه موتر جيد وحلو وهيبه

بس السبورت في وعوره شوي يعني ماينفع حق سفر

أكتتاب
02-11-2011, 03:29 AM
السلام عليكم .. بعد اذن صاحب الموضوع

عندي سؤال يالربع

لو الرنج تحت الضمان ..
السيرفيس ببلاش ؟ نفس نظام البي ام ولا غير ؟؟

متهور
03-11-2011, 03:19 PM
يعطيكو الف عافية لكل من شارك في الموضوع
وان شاء الله يكون الاعضاء استفادت من المعلومات
لاول مرة بعرف ان قطع غيار الرنج مب غالية