بنك التنميه وبداية خصم للإقساط

[بوحمد4]

السلام عليكم ورحمة الله وبركاته

بالأمس وصلتني رسايل خصم من البنك مرتين بنفس المبلغ

استفسرت من البنك عن الخصميه قالوا لي هذي الخصميه

من بنك التنميه مع العلم أني موقع العقد معهم في 12/2010

ومثل ماتعرفون ان الخصم يبدأ بعد سنتين او شهادة إتمام البناء

أيهم اسرع اتصلت فالجماعة في بنك التنميه قالوا لي ان الخصميه

تبدا من حين ينتهي القرض الاساسي او الاضافي اللي تكمله اول

مع العلم أني ماحسبت حساب الخصميه في هالوقت

ياليت اللي عنده فكره عن هالموضوع اودرايه تامه يفيدني

[البحار00]

الخصم يبتدي من بعد ما تخلص ال ٦٠٠ الف الاولانيه

[الموضوعي]

المفروض بنك التنمية يصبر شوي على المستفيد حتى احضار شهادة اتمام بناء او مرور سنتين من صرف القرض

[Marriott]

أنا خصموا علي هالشهر مع اني ما خلصت سنتين
من استلام الدفعة الاولى
وحجتهم ان الخصم بعد سنتين من توقيع العقد!!

هذي اول مره تصير وسالت باقي المنتفعين ماصار لهم في السابق نفس حالتي

واعتقد ان بنك التنمية بدأ يضيق على هل قطر

منا إلى رئيس مجلس إدارة البنك وأعضاءه الكرام
للتدخل وعدم تغيير الإجراءات السابقة المعروفة

حسبنا الله ونعم الوكيل

[حمد بن سعد]

نفس الطريقه واحد من الربع ايقولي والله قبل اشوي خاصمين وهو للحين ماخلص بيته وباقي كم دفعه

هذا دليل على عجز البنك ويبون ايعوضون المدفوع بطريقه اسرع .

مساكين اهل قطر ماتسوى علينا الزياده حتى بنك التنميه مب مخلينا في حالنا


حسبي الله ونعم الوكيل
حسبي الله ونعم الوكيل
حسبي الله ونعم الوكيل

[بو الجوري]

يا جماعه النظام واضح ومكتوب ليش ماتقرون :)

الخصم يبدا في حالتين

مرور سنتين على توقيع العقد
او
بعد شهر من اخذ اخر دفعه من القرض

سواء خلصت بيتك او لا :..

[الجري]

يا جماعه مثل ما قال بوجوري الخصم يبدء بعد سنتين من توقيع العقد او استلام اخر دفعه وبالنسبه للخصم من القرضين حسب النظام السابق قبل دمج القرضين فانه يتم الخصم كل قرض على حدى بمعنى اذا انتهى القرض الثاني قبل الاول فانه يتم الخصم للقرض الثاني فقط

[مضارب دوسري]

يعطيكم العافيه على التوضيح
عندي استفسار

هل بعد ماخلص المليون وميتين فيه قرض اثاث 50000 ريال
ولا هذا الكلام اشاعه؟

[العنود55]

يعطيكم العافيه على التوضيح
عندي استفسار

هل بعد ماخلص المليون وميتين فيه قرض اثاث 50000 ريال
ولا هذا الكلام اشاعه؟

نعم صحيح ولكنها منحه والحمدلله رب العالمين .

[مضارب دوسري]

نعم صحيح ولكنها منحه والحمدلله رب العالمين .

منحه ؟
يعني مب قرض !
الحمدلله رب العالمين ومايقصرون :p

[الجري]

اخوي هي منحة اثاث وراح تنزل في حسابك بشكل تلقائي بعد استلامك للقرض الاول في حالة كنت علي النظام القديم قبل دمج القرضين

[دهــن العود]

اخوي هي منحة اثاث وراح تنزل في حسابك بشكل تلقائي بعد استلامك للقرض الاول في حالة كنت علي النظام القديم قبل دمج القرضين


وماذا عن القرض الجديد ؟؟ المليون والـ200 ؟؟

متى تنزل ؟؟

[qatari1]

ما عندكم إلا التحندي!

الخصم يبدأ من تاريخ صرف الدفعة الأخيرة أو مرور سنتين على توقيع العقد أيهما أقرب!

[وافق شنن طبقة]

أنا سحبو مني من قبل لأخلص القرض الثاني

والحين توني مسوي إتمام بناء وسحبو 1680

[الـراسي]

أنا سحبو مني من قبل لأخلص القرض الثاني

والحين توني مسوي إتمام بناء وسحبو 1680

تقصد 1682 لا تنسى الريالين

نسيت والعشرة ريال حق البنك على قولتهم رسوم تحويل

البنك صايدنا بزاوية

[مضارب دوسري]

صايدك بزاويه ولا كورنر !
احمدوا ربكم وقولو الحمدلله ان الحكومه تعطيكم قرض تبنون فيها بيوت تستر عليكم وعلى عيالكم
اعتبر نفسك ساكن في فيلا واجارها 3365 ريال فالشهر

هذي وين تقدر تلقاها
ولا يجيك المؤجر وكل فتره رافع الايجار
قولوا الحمدلله واشكرووه

[بو الجوري]

^
^
الحمدلله على كل حال :..
بيت أجار بـ 3365
و إذا بتزيد كيفك و عقب 35 سنه تتملكه ، حلو و الحمدلله :)

[مضارب دوسري]

3365 في 35 سنه يعني 1413300

نقص منها المليون وميتين
وال 50000

بيكون فوايدهم في 35 سنه تساوي 163300 ريال
جيبولي بنك في العالم كله كان ياخذ فوايد مثل هالفوايد في 35 سنه

الحمدلله اولا واخيرا

[همر]

اخوي هي منحة اثاث وراح تنزل في حسابك بشكل تلقائي بعد استلامك للقرض الاول في حالة كنت علي النظام القديم قبل دمج القرضين


مافي شي تماتيك هالايام .. عقب ماتجيب لهم شهادة اتمام البنا يعطونك ورقه توديها الاسكان قدام الديهاتسو .. وانتظر كم اسبوع على مايطلع الشيك ويوقعه الوزير ويروح الماليه ويرجع من الماليه وروح استلمه ..:shy: .. بس الحمدلله دامها بلوشي تستاهل.. :nice:

[السندان]

الحمدلله اولا واخرا

والله يديم لنا بومشعل بصحته وعافيته

ويرزقه البطانة الصالحه

[فيصل 89]

تقصد 1682 لا تنسى الريالين

نسيت والعشرة ريال حق البنك على قولتهم رسوم تحويل

البنك صايدنا بزاوية

مو ملاحظ انه عيب تسوالف بهالطريقه

دوله معطتك مليون 200 الف وانت تقول خصمو 10 ريال والله انك تفشل

لهدرجه في ناس ماعنده ذوق

[يونيك ^ قطر]

بصراحه هل المعلومه جديدة لان كنا حاطين في بالنا ان القسط يبدء اول ما تخلص البيت بس اذا بيكون بطريقه هذي بتكون صعبه للي ساكنين بالاجار يعني بيزيد عليه القسط عكس لو كان بعد مايتم البناء بيكون قسط واحد كانه مستاجر والله حاله محن بمرتاحين في الاجارات ولا حتى اذا بنينا شل الحل ؟

[SomeOne]

عندي بدا الخصم وذلك مرورا سنتين على توقيع العقد ،، وقيمة الخصم 850 ريال ، فقط

[يونيك ^ قطر]

يعني الحين لو حبيت ابني وابي الخصم بعد السنتين او بعد إتمام بناء يصير يعني أنا احدد ولا شي الزامي لانها بصراحه تفرق واااايد مع ذوي الدخل المحدود واللي يسكنون في الاجارات ووفي هل الحاله بتزيد عليه الاقساط ....
اتمنى اتفيدوني في هل الموضوع ...