موضوع بيتي عالق في كهرماء ( برج السليطي ) !!

[بوغزلان28]

السلام عليكم ورحمة الله وبركاته

صبحكم الله بالخيــر شباب وبنات

انا بنيت فله والحمدلله اني خلصتها ولو اني تأخرت في الاستلام , بس المشكله الحالية في كهرماء ( برج السليطي ) عندي رقم الكهربه والماي بس لازم يطلع مفتش عشان يشيك ويقول يالله دخلوا له كهربه !


بس كل مره اروح يقولون لي الاسبوع الجاي وعلى نفس الموااااال ! والمشكله ما عندي واسطه مثل غيري عشان اخلصها !!

السؤال وش الحل او احد له معرفه اهناك يقدر يخلصني واكون له شاكر

وجزاكم الله خير على المتابعة

اخوكم بوغزلان

[A.L.I]

ابشر يابوغزلان كم رقم الكهرباء

[بوغزلان28]

جعل ربي يسلمك

[ألماسة]

طرش رقم الكهربا ع الخاص ومايصير خاطرك الا طيب ^_^

[بوغزلان28]

طرش رقم الكهربا ع الخاص ومايصير خاطرك الا طيب ^_^

ارسلت لج اختي الماسه عالخاص

وما اتقصرين انتي واخوي علي ولا يهونون باقي الربع فيهم الخير والبركه

[حكآية آحسآس]

الله يجزاكم خيررر ,, وكثر لله امثالكم

[كود نمبر]

شدعوه الحين مفتش الكهرباء اذا بيطلع لازم واسطه

انا بيتي على وشك الانتهاء يعني من الحين اركض وراهم

[الـراسي]

والله الحال من بعضة اخوي بو غزلان

البيت بعد اسبوع بيخلص باقي البلاط شغال عليه والكهرباء والماي ما خلصت

يقولون بعد ثلاث شهور ليش مب حرام

[رجل الجزيرة]

شدعوه الحين مفتش الكهرباء اذا بيطلع لازم واسطه

انا بيتي على وشك الانتهاء يعني من الحين اركض وراهم

طال عمرك هذي تسمى مساعدة ولا هي بواسطة وجزاهم الله خير.

[بوغزلان28]

الله يجزاكم خيررر ,, وكثر لله امثالكم

امين يا رب

[بوغزلان28]

شدعوه الحين مفتش الكهرباء اذا بيطلع لازم واسطه

انا بيتي على وشك الانتهاء يعني من الحين اركض وراهم

السالفه مب واسطه بالمعنى اللي انت متخيله , بس يبيلك اتروح كل يومين واتحسسهم ان بالك على بيتك لانه لو شافووك ما سئلت بهملون دورك

[DOHA_QATAR]

بوغزلان اخوي انا بيتي خالص ومركب كل شي وانطر يحطون الكيبل

ويوم احفرو الحفره قالو مب حاطين الكيبل لان بيتك على محول ثاني والمحول سالفه

يعني شنهوالحل

ولا الى قاعدين يحطون ارصفه حق المنطقة وقار

باقي بيتي الى اقرب من كل البيوت ماحطولي القار ينطرون لين يسكرون الحفره انا متوهق اكثر منك

يعني البيت بدون محول وبدون كيبل كهربا وبدون قار

شنهو الحل يالربع

اجيب مكينة علشان اسكن

[ومن الغباء ماقتل]

بوغزلان اخوي انا بيتي خالص ومركب كل شي وانطر يحطون الكيبل

ويوم احفرو الحفره قالو مب حاطين الكيبل لان بيتك على محول ثاني والمحول سالفه

يعني شنهوالحل

ولا الى قاعدين يحطون ارصفه حق المنطقة وقار

باقي بيتي الى اقرب من كل البيوت ماحطولي القار ينطرون لين يسكرون الحفره انا متوهق اكثر منك

يعني البيت بدون محول وبدون كيبل كهربا وبدون قار

شنهو الحل يالربع

اجيب مكينة علشان اسكن


انا عندي لك الحل ، ادعو هالدعاء العجيب : "الهم عجل فرج المفتش صاحب الكهرباء والماء" صدقني بيجيك يركض على طوووووول.

[نيسان قديم]

هلاو الله اخوي بوغزلان ياريت تمر على بكره ان شاءالله او تتصل فيني اشان افهمك الموضوع عدل وانشاءالله احل مشكلتك وحاضرين لك وحق جميع الاعضاء المنتدي الي يبي يوصل حق بيته كهربا او ماء لانه معضم امور تاخير تكون من الكهربائي نفسه الي ماسك البيت يكون ماقدم على تفتيش داخلي لانه المفروض يقدم قبل 3 شهور او4 شهور قبل تسليم الفله لانه في امور متعلقه في كذا جهه حكوميه مثل اشغال وكيوتل والصرف الصحي او بعض الحين تكون شبكه فيها صغط المهم الموضوع مش موضوع واسطه المهم كلمنى وفالك طيب

[بوخالد911]

الله يسهل

[kayed]

الله يعينك اخوي وحنا لاحقينك قريب بس ان شاالله ماانشوف اللي تقول عنه

[Bu 7amad]

ااااااااااه هلكت لين وصلوا لي الكهربا

سوو فيني مثل طاش ماطاش

اللي في برج السليطي يقولون راجع اللي في التضامن
والتضامن يقولون لا لا لا معاملتك مب عندنا معاملتك في برج السليطي

واخرتها طلعت معاملات الكهربا مالت الدوله بكبرها عند شخص هندي
اسمه شافي في برج السليطي
وحظي النحس انه شافي طلع اجازه وجان ينقعوني لين يرجع الحبيب من الهند
وماصدقت انه رجع بالسلامه وقلتله تكفا ياشافي خلصني قالي ابشر بابا
وفي اسبوع حفروا وشبكوا الكيبل والاسبوع اللي عقبه وصل المفتش
وقالي كل شي تمام ورحت دفعت 2400 تامين العداد وجوني البيت ركبوا العداد
ووصلوا الكهربا بعد عنااااااااااااااااطوييييييل

[حورية]

ااااااااااه هلكت لين وصلوا لي الكهربا

سوو فيني مثل طاش ماطاش

اللي في برج السليطي يقولون راجع اللي في التضامن
والتضامن يقولون لا لا لا معاملتك مب عندنا معاملتك في برج السليطي

واخرتها طلعت معاملات الكهربا مالت الدوله بكبرها عند شخص هندي
اسمه شافي في برج السليطي
وحظي النحس انه شافي طلع اجازه وجان ينقعوني لين يرجع الحبيب من الهند
وماصدقت انه رجع بالسلامه وقلتله تكفا ياشافي خلصني قالي ابشر بابا
وفي اسبوع حفروا وشبكوا الكيبل والاسبوع اللي عقبه وصل المفتش
وقالي كل شي تمام ورحت دفعت 2400 تامين العداد وجوني البيت ركبوا العداد
ووصلوا الكهربا بعد عنااااااااااااااااطوييييييل

هلا اخواني
يعني الحين انا ايش لازم اسوي خلصت البيت بس باقي الصبغ الداخلي وقالو لي لازم ادخلين الكهرباء وبعدين نصبغ لج وانا للحين ما حصلت على اتمام البناء وما ادري ايشلون اطلع اتمام البناء وبعدين ايش لازم اسوي الكهرباىي ايقول ان دخل الكهرباء بس يبي الساعة بس ما ادري ايش يقصد ممكن اتفهموني يا اخوان ايش لازم ايصير لما ايدخلون لي الكهرباء والماي واكون شاكرة لكم

[فتى الجود]

السلام عليكم

الله يوفقك وويسر امرك

[نيساني]

بالتوفيق يابوغزلان

بس نصيحه استعين بالله

بالنسبه لي خلصت اموري عن طريق جاري الله يجزاه خير بس بصراحه ما كنت حاط في بالي اني اكلمه
لين ماتصادفنا في المسجد وفتح لي الموضوع

والحمدلله على كل حال

[نيساني]

اختي حوريه

بالنسبه لموضوعج يعتمد اللي اعرفه ان الكهربا والماي ماتدخل البيت الا لين ماتحصلين على شهادة اتمام البناء
بالنسبه لاتمام البناء لازم ينزل مفتش من البلديه يشيك على مخلفات البناء يعني لازم يكون برا البيت نظيف
بعدها ينزل مفتش ثاني يشيك على الخرايط وقياسات الغرف والبيت من ارتداد وما شابه

اذا الامور كلها اوكيه اهني تاخذين شهادة اتمام البناء وتروحين المبنى الرئيسي اللي صوب التضامن

اما من ناحية صبغ البيت اتوقع لازم ينصبغ عيل ليش سموها شهادة اتمام بناء والعمال ممكن يشتغلون الصبح

وكل التوفيق لج

[الـخـالـدي]

الله يسهلك امورك

[بوغزلان28]

تسلمون يالاسنافيه ع التواصل وما تقصرون