شركات المقاولات والبناء

[بوالبيض]

السلام عليكم ورحمة الله وبركاته
حبيت منكم كل واحد يعرف شركة مقاولات او تعامل معاها او سمع عنها عن طريق احد من ربعه يفيد المشاركين باحسن شركه وافضل مقاول... وعن المقاول التعبان الي مخرب بيوت الشباب والشركه التعبانه عشان محد يطيح في نفس مشكلة رفيجي ..
عندي واحد من الربع راح حق شركه اسمها ( شمال الجزيره ) يالربع لحد يسوي عندهم
شي خربوا بيته وخسر فوق 150 الف فوق السعر ويخاف يشتكي بيته يوقف ويتبهدل
ولا المهندس مصري بهدله تبهدل
عشان جي الي يعرف عن شركه تعبانه يحط اسمها والي يعرف شركه ممتازه يحط اسمها
فقط للاستفاده .. وشكرا

[فنجان قهوة]

اقتراح جيد ...... لان هذي بيت العمر مو حياالله.....بس نتمنى الامانه .... وانا عن نفسي ماخذه عهد على نفسي ما اتعامل مع جنسيات عربية قد ما اقدر.

[بودحوم]

السلام عليكم ورحمة الله وبركاته
حبيت منكم كل واحد يعرف شركة مقاولات او تعامل معاها او سمع عنها عن طريق احد من ربعه يفيد المشاركين باحسن شركه وافضل مقاول... وعن المقاول التعبان الي مخرب بيوت الشباب والشركه التعبانه عشان محد يطيح في نفس مشكلة رفيجي ..
عندي واحد من الربع راح حق شركه اسمها ( شمال الجزيره ) يالربع لحد يسوي عندهم
شي خربوا بيته وخسر فوق 150 الف فوق السعر ويخاف يشتكي بيته يوقف ويتبهدل
ولا المهندس مصري بهدله تبهدل
عشان جي الي يعرف عن شركه تعبانه يحط اسمها والي يعرف شركه ممتازه يحط اسمها
فقط للاستفاده .. وشكرا

تقصد المهندس نبيل ؟؟ وشركته في فريج بن محمود ؟؟

إذا هو . كنت ماخذ من عنده سعر والحمدلله ماوقعت معاه بالرغم اني وصلت معاه على الأتفاق النهائي بنسبة 90% . ولكن في الأخير تراجعت وقلت باصبر شوي .

بس للأمانه
شفت شغله في أكثر من فيلا منها العظم ومنها اللي أنهى تشطيبها وأستلموها أصحابها وسألت أصحاب الفلل وكلهم يمدحونه .

[ولد المنصور]

اعرف شركه ماعليها كلام ممتازه ومتعامل معاها من سنين والحين قاعد يبني بيتي الخاص احترااااام لي ابعد الحدود وسريع ماشالله واشرافي بعد راعي ذمه ومحترم ويشرف دايما حتى المهندس المقاول يشرف تقريبا يوميا على المشروع ...
شركه الركائز للتجاره والقاولات المهندس يعرب او انس ...
شركه الفن والهندسه للاستشارات ....
المهندس عبدالرحمن...
صراحه يبيضون الوجه وان شالله الاخوان يستفيدون ...
وموضوع جدا مهم والله الموفق

[متعاون000]

السلام عليكم ورحمة الله وبركاته
حبيت منكم كل واحد يعرف شركة مقاولات او تعامل معاها او سمع عنها عن طريق احد من ربعه يفيد المشاركين باحسن شركه وافضل مقاول... وعن المقاول التعبان الي مخرب بيوت الشباب والشركه التعبانه عشان محد يطيح في نفس مشكلة رفيجي ..
عندي واحد من الربع راح حق شركه اسمها ( شمال الجزيره ) يالربع لحد يسوي عندهم
شي خربوا بيته وخسر فوق 150 الف فوق السعر ويخاف يشتكي بيته يوقف ويتبهدل
ولا المهندس مصري بهدله تبهدل
عشان جي الي يعرف عن شركه تعبانه يحط اسمها والي يعرف شركه ممتازه يحط اسمها
فقط للاستفاده .. وشكرا


اقتراح جيد ...... لان هذي بيت العمر مو حياالله.....بس نتمنى الامانه .... وانا عن نفسي ماخذه عهد على نفسي ما اتعامل مع جنسيات عربية قد ما اقدر.


تقصد المهندس نبيل ؟؟ وشركته في فريج بن محمود ؟؟

إذا هو . كنت ماخذ من عنده سعر والحمدلله ماوقعت معاه بالرغم اني وصلت معاه على الأتفاق النهائي بنسبة 90% . ولكن في الأخير تراجعت وقلت باصبر شوي .

بس للأمانه
شفت شغله في أكثر من فيلا منها العظم ومنها اللي أنهى تشطيبها وأستلموها أصحابها وسألت أصحاب الفلل وكلهم يمدحونه .


اعرف شركه ماعليها كلام ممتازه ومتعامل معاها من سنين والحين قاعد يبني بيتي الخاص احترااااام لي ابعد الحدود وسريع ماشالله واشرافي بعد راعي ذمه ومحترم ويشرف دايما حتى المهندس المقاول يشرف تقريبا يوميا على المشروع ...
شركه الركائز للتجاره والقاولات المهندس يعرب او انس ...
شركه الفن والهندسه للاستشارات ....
المهندس عبدالرحمن...
صراحه يبيضون الوجه وان شالله الاخوان يستفيدون ...
وموضوع جدا مهم والله الموفق

السلام عليكم

والله ياشباب انا ضد الأقتراح هذيه لنا لزم قبل مانظلم الشركات نعرف الي صار ونحكم

تراء حرام التشهيير في الناس ورزاقهم

[ولد المنصور]

السلام عليكم

والله ياشباب انا ضد الأقتراح هذيه لنا لزم قبل مانظلم الشركات نعرف الي صار ونحكم

تراء حرام التشهيير في الناس ورزاقهم .... اختلف معاك ياخوي اللي شغله عدل انقول عنه ونمدحه واللي شغله مب عدل ننصح الناس عنه ولا يتعاملون معاه ...

[بوالبيض]

تقصد المهندس نبيل ؟؟ وشركته في فريج بن محمود ؟؟

إذا هو . كنت ماخذ من عنده سعر والحمدلله ماوقعت معاه بالرغم اني وصلت معاه على الأتفاق النهائي بنسبة 90% . ولكن في الأخير تراجعت وقلت باصبر شوي .

بس للأمانه
شفت شغله في أكثر من فيلا منها العظم ومنها اللي أنهى تشطيبها وأستلموها أصحابها وسألت أصحاب الفلل وكلهم يمدحونه .

ايو هو المهندس نبيل اذ تبي تشوف البيت ولا اعطيك رقم صاحب البيت ما عندي مشكله تعال
وشوف البيت عافسه عفيسه ولين الحين ما خلصه والله قاعد يدعي عليه مشكين بهدله
ابتعد عنه احسن الله يحبك ان ما سويت عنده .. موفق اخوي

[بوالبيض]

بالعكس ما اشهر في الناس ولا الربع جزاهم الله خير بالعكس الناس تستفيد بيت العمر يطيح في
مقاول لا ذمه ولا ضمير ياخذ بيوت الناس ويعفسها فوق تحت واذ اشتكيت توقف بيتك ومحاكم
ليش زين كل هي البهدله شنو المشكله اذ قلت هي الشركه ممتازه ولا مو ممتازه بالعكس تفيد
الناس وتوفر عليهم التعب ... ينقطع الساني ولا اشهر في الناس حشي علي الحمد الله النيه
صافي يوم كتبت الموضوع

[بوالبيض]

.... اختلف معاك ياخوي اللي شغله عدل انقول عنه ونمدحه واللي شغله مب عدل ننصح الناس عنه ولا يتعاملون معاه ...

وهي الصح الي شغله عدل نقول شغله عدل ولا شغله تعبان نقول شغله تعبان بالعكس
الناس تستفيد خاصه هل قطر ما يظلمون احد ويصبرون لكن المقاولين ولا المهندس
الي ماسك المشروع زفت ومخرب الشركه وين عنه صاحب الشركه ليش ما يحاسبه مخلي
الشركه سايبه مبهدل خلق الله

[kayed]

انا الحمدلله توفقت مع شركة عبدالله الناصر للتجاره والمقاولات
شغلهم نظيف وسريع مع اني في البدايه كنت متخوف
لاني ماقد سمعت عنها بس يوم شفت لهم كذا مشروع بصراحه شغلهم نظيف وسريع واللي
خوفني اخوي كان يقولي لا تعال بنبني عند شركه وحده والمقاول اعرفه لكن الحمدلله
اني مابنيت عند نفس الشركه اللي هو بنى فيها لان بدينا مع بعض في تاريخ 25\7\2011
هو الحين صبوا له السقف الدور الاول وشغالين في الطابوق وانا بيتي في البلستر وهو الله
يعينه متلعوز مع المقاول ودايم شغله متأخر لكن الحمدلله التوفيق من الله ورضى الوالدين
وراعي الشركه ماقصر معاي من قبل لا نبتدي في البيت علمني اخطاء الاستشاري في
الخريطه وعدلتها الله يهديه الاستشاري شوي خرايط المعماري تختلف عن الانشائي لكن الحمدلله ماشفت المشاكل اللي الناس تتكلم عنها مع اني ملعوز المقاول كل
يوم لي تعديل ومسكين مايقولي لا وحتى في الدفعه حزات تتأخر الدفعه وهو يكمل الشغل
مايوقف الشغل الله يبارك له انشاالله

[باتريوتP]

بسم الله الرحمن الرحيم
بصراحه يا اخوان مجال المقاولات صعب مب سهل
ومانقدر نحكم على اي مقاول او شركه او حتى مالك عقار الا اذا نعرف شنو بنود العقد
واحنا ياجماعة المفروض ما ننظر على البيت بالعين المجرده
على سبيل المثال قد يكون البيت متأخر في الانجاز واحنا ماندري السبب , فما يجوز مثلا نقول الشركة الفلانيه تعبانه , بلشو بفيلا س من الناس من تسع شهور وللحين ما خلصو , لانك ماشفت بنود العقد وما ندري مدي التزام المالك بتسديد الدفعات
لان اي مشروع نجاحه من تعاون المالك والمقاول والاستشاري
وبعد يا اخوان لون ان شركة شمال الجزيرة خربوا وعفسوا بيت صديق صاحب الموضوع , وين الاستشاري ؟
وشلون يوقع على المراحل واصلا العمل فاشل ؟
وهل يعقل بأن المالك يرضى بفيلا تعبانه وشغل غلط من اجل انه مب فاضي محاكم ؟؟
يعني كأننا نقول لو حد سرق موترك اسكت لاتشتكي ؟؟
وبعد الاخ ابو دحوم شهد لشركة شمال الجزيرة وشاف شغلهم
فيأخوان انتبهوا من التشهير بحد لانها قبل كل شي ارزاق ناس ولقمت عيش
وانا اشوف الحمدالله اذا في عقد واضح وصريح وبنوده واضحه وسليمة وفي مخطط هندسي صحيح وفي استشاري فاهم وواعي ومواظف على العمل والاشراف , اعتقد انه مستحيل تصير مشاكل
لان المقاول نقدر نقول عنه شخص يطبق الرسومات الهندسيه وخلاص
وبالنسبه عن الحديد الاستشاري يقدر يشيك والخرسانه لها مختبر والطابوق 7 نيوتن متوفر والبلاستر شغله واضح
ومش عيب ان الاستشاري يوجه المقاول وينصحه ويعطية تعليمات مش عيب
احنا كشركه مقاولات دائما احنا نتصل بالاستشاري لاخذ رائيه بامور كثير وهذا مش عيب
بالعكس نجاح لان بناء اي فيلا او عقار يعتبر امانه
هذا وارجوا واتمنى لي ولكم ولجميع الاخوة التوفيق
بارتريوت للتجاره و المقاولات

[kayed]

بسم الله الرحمن الرحيم
بصراحه يا اخوان مجال المقاولات صعب مب سهل
ومانقدر نحكم على اي مقاول او شركه او حتى مالك عقار الا اذا نعرف شنو بنود العقد
واحنا ياجماعة المفروض ما ننظر على البيت بالعين المجرده
على سبيل المثال قد يكون البيت متأخر في الانجاز واحنا ماندري السبب , فما يجوز مثلا نقول الشركة الفلانيه تعبانه , بلشو بفيلا س من الناس من تسع شهور وللحين ما خلصو , لانك ماشفت بنود العقد وما ندري مدي التزام المالك بتسديد الدفعات
لان اي مشروع نجاحه من تعاون المالك والمقاول والاستشاري
وبعد يا اخوان لون ان شركة شمال الجزيرة خربوا وعفسوا بيت صديق صاحب الموضوع , وين الاستشاري ؟
وشلون يوقع على المراحل واصلا العمل فاشل ؟
وهل يعقل بأن المالك يرضى بفيلا تعبانه وشغل غلط من اجل انه مب فاضي محاكم ؟؟
يعني كأننا نقول لو حد سرق موترك اسكت لاتشتكي ؟؟
وبعد الاخ ابو دحوم شهد لشركة شمال الجزيرة وشاف شغلهم
فيأخوان انتبهوا من التشهير بحد لانها قبل كل شي ارزاق ناس ولقمت عيش
وانا اشوف الحمدالله اذا في عقد واضح وصريح وبنوده واضحه وسليمة وفي مخطط هندسي صحيح وفي استشاري فاهم وواعي ومواظف على العمل والاشراف , اعتقد انه مستحيل تصير مشاكل
لان المقاول نقدر نقول عنه شخص يطبق الرسومات الهندسيه وخلاص
وبالنسبه عن الحديد الاستشاري يقدر يشيك والخرسانه لها مختبر والطابوق 7 نيوتن متوفر والبلاستر شغله واضح
ومش عيب ان الاستشاري يوجه المقاول وينصحه ويعطية تعليمات مش عيب
احنا كشركه مقاولات دائما احنا نتصل بالاستشاري لاخذ رائيه بامور كثير وهذا مش عيب
بالعكس نجاح لان بناء اي فيلا او عقار يعتبر امانه
هذا وارجوا واتمنى لي ولكم ولجميع الاخوة التوفيق
بارتريوت للتجاره و المقاولات

حياك الله ياخوي بالنسبه للكلام هذا انا يوم تكلمت الله يسلمك تكلمت عن فلة اخوي وانا اعرف ان اخوي يسلم المقاول الدفعه واكون معاه والمقاول الله يسامحه يوم ينزل العمال وعشره ايام مانشوفهم وانا يالغالي يوم قلت شغل الشركه نظيف مب بس بشوف العين لا والله لاني الله يسلمك كلمت كذا واحد من اللي هو باني لهم وهم بصراحه امدحوا لي الشركه وبعدين وانا اخوك الشي العدل يبين والشي الغلط يبين فديت خشمك

وبالنسبه للكلام الثاني ان المقاول ينفذ وخلاص الله يرحم والديك يعني لو ان المقاول ماتهمه
سمعته كمقاول كان ماعلمني بالخطاء اللي موجود عندي في الخريطه لان بيكون همه الربح المادي فقط يعني نفذ سواء صح او خطاء اهم شي انه ياخذ فلوسه هذا معناة كلامك لكن المقاول الله يجزاه خير مهب من هالنوع الرجال قعد معاي وعلمني الخطاء واتصلنا على الاستشاري وفهم الاستشاري بالخطاء وبالعكس المقاول ماقالي ان الاستشاري مهب زين
لا والله بالعكس قالي جل من لا يسهوا والاستشاري انسان والانسان مش معصوم عن الخطاء

[MAZEN37]

اول ما تشوف جملة ( شركة مقاولات) يعني = حراميه ونصابين ووو
ليش ما يكون راعي البيت هو الحرامي والنصاب والي اصلا ما يفهم
ويتفلسف ومسو نفسه ابو العريف
براي محد يشهر باي شركه مقاولات ويحكم على كيفه
ما نعرف شلصار وظروف الاتفاق والعقود والرسومات وووووو
ابسط شيء يجيك المالك بكل سهوله ويقول حق المالك عند الصبيه للسقف
ارفع لي السقف لين 4 متر ( تحصل كومار دريولهم شار عليه)
يجيك المقاول طبعا يقولك انا ملتزم بالخرايط و و
طبعا المالك يغتاظ لانه دافع فلوس وحسباله المقاول ما يساعده
وسبحان الله الشيطان شاطر بهالامور وتوصل محاكم
نفس هالموضوع قدام عيني براي المالك هو الغلطان
المختصر لازم اسمع من الطرفين

[بوالبيض]

انا الحمدلله توفقت مع شركة عبدالله الناصر للتجاره والمقاولات
شغلهم نظيف وسريع مع اني في البدايه كنت متخوف
لاني ماقد سمعت عنها بس يوم شفت لهم كذا مشروع بصراحه شغلهم نظيف وسريع واللي
خوفني اخوي كان يقولي لا تعال بنبني عند شركه وحده والمقاول اعرفه لكن الحمدلله
اني مابنيت عند نفس الشركه اللي هو بنى فيها لان بدينا مع بعض في تاريخ 25\7\2011
هو الحين صبوا له السقف الدور الاول وشغالين في الطابوق وانا بيتي في البلستر وهو الله
يعينه متلعوز مع المقاول ودايم شغله متأخر لكن الحمدلله التوفيق من الله ورضى الوالدين
وراعي الشركه ماقصر معاي من قبل لا نبتدي في البيت علمني اخطاء الاستشاري في
الخريطه وعدلتها الله يهديه الاستشاري شوي خرايط المعماري تختلف عن الانشائي لكن الحمدلله ماشفت المشاكل اللي الناس تتكلم عنها مع اني ملعوز المقاول كل
يوم لي تعديل ومسكين مايقولي لا وحتى في الدفعه حزات تتأخر الدفعه وهو يكمل الشغل
مايوقف الشغل الله يبارك له انشاالله

الحمد الله زين اهم شي يكون المقاول ممتاز بالتوفيق اخوي

[بوالبيض]

اول ما تشوف جملة ( شركة مقاولات) يعني = حراميه ونصابين ووو
ليش ما يكون راعي البيت هو الحرامي والنصاب والي اصلا ما يفهم
ويتفلسف ومسو نفسه ابو العريف
براي محد يشهر باي شركه مقاولات ويحكم على كيفه
ما نعرف شلصار وظروف الاتفاق والعقود والرسومات وووووو
ابسط شيء يجيك المالك بكل سهوله ويقول حق المالك عند الصبيه للسقف
ارفع لي السقف لين 4 متر ( تحصل كومار دريولهم شار عليه)
يجيك المقاول طبعا يقولك انا ملتزم بالخرايط و و
طبعا المالك يغتاظ لانه دافع فلوس وحسباله المقاول ما يساعده
وسبحان الله الشيطان شاطر بهالامور وتوصل محاكم
نفس هالموضوع قدام عيني براي المالك هو الغلطان
المختصر لازم اسمع من الطرفين

صح اخوي بس انا اكلمك عن التنفيذ يعني شغل البلاستر الصب التاخير مدة العقد ..ااااخ
بالعكس انا بنيت والمقاول ابد رايته بيضه لكن انا كتبت هل الموضوع رفيجي ذبحه المقاول
وبيته واقف لو ما جاب عمال وسوا وخسر جان علوم لو اشتكس تاخر ويبي يخلص شسوي
لزم يدفع من جيبه شنو 150 الف من جيبه ولا لين الحين ما خلص الي خربه المقاول

[راشد1]

فكرة زينة..

[راشد1]

بس أنا لاحظت أنو إدارة المنتدى لهم مصلحة بالتسويق لبعض الشركات ويسمحون للأعضاء بوضع اسماء الشركات وأرقامهم وعناوينهم اللي يبونهم في حين يمنعون أعضاء آخرين من وضع اسم ورقم أي شركة هو يعرفها...؟!! أعتقد أنو في شي مو بصح... والا متعاونين بشكل أو بآخر...

[وحش الصناعات]

مشكووووووور اخوي على هذا الموضوع

وبالعكس انا عن نفسي اشوف الموضوع ممتاز وينعرف الشخص الي يدافع بحق وغير حق ،،
يا اخوان تعبنا من النصب لين متى واحنا نشوف وننتظر واخرتها كذب في كذب المقاول من صوب والعمال من صوب وكلن عامل نفسه ابو العريف وهم ما يدرون وين الله حاطهم ،،
واغلب الشركات تاخذ اكثر من بيت وهي مش باستطاعتها على هذا الكم بس عشان الربح ، وفي الاخير المالك هو المتضرر ، فيجب الضرب من حديد حق ذول الخمه وانتوا بكرامه،،

ويجب اخيراً ان تعمل الدول قانون تحد من هذه الظاهر وكل شركه تعمل لها عدد معين من المنازل بحد أقصى خمسه عشان الكل ياخذ حق في البناء وتأكثر الشركات.

[مرحوم قطر]

في شركه ممتازه و الي قايم فيها قطري الشركه و ماعليها كلام

اسمها فخر قطر شغلهم ممتاز و سريع و اسعارهم زينه

هذا رقم صاحب الشركه 55558334

[بوسياف]

بسم الله والصلاة والسلام على رسول الله ..

الأخوان الي لهم تجارة دوم يدورون الأعذار لانهم يتخيلون نفسهم مكان المقاول الثاني ...

على العموووم ...هذا الموضو مميز جداا ومهم لأهل قطر ...

لخاطر مايطيحون في مقص المقاولين الي يكونون بوجه وتتفأجاء بوجه ثاني ...

وللعلم انا قابلت قطريين قائمين على شركاتهم .. وهم مثال سئ لنشاط شركتهم لان هدفهم

الربح السريع .. ولايهتمون بالزبائن ولا يخافون الله ..اول ماتدخل عليهم بوجه الشمس بيد والقمر بيد ،، وهم العكس صحيح...


وهم انصحكم فيه اعضاء بالمنتدى يمكن يغشونكم بالكلام او النصح بالشركات بدون قصد وعن حسن نية ...

وانا ما اقول الكل ... اقول ممكن فيه ... لان فيه اخ الله يسامحه غشني وعطاني شركة اسوأ من السوء

واتضح ان الشركة مشاكلها اكثر من منافعها ....

زبدة الكلاااااااام ... اخواني ...

المقاول مايهتم وانا اراهن واتحدى بانه ما لايقل عن 70% من شركات المقاولات بقطر شغلهم اي كلام ...

وكلامي هذا موب من المخبأ ،، لا لاني اتعامل معاهم بشكل يومي...

والمقاولين مايهتمون لان المواطن لو كنسل العقد مع الشركة بيخسر لايقل عن 100 الف فوق البيعه تروح

للمقاول خصوصا الي على بنك التنمة ...

انا كان لي تجارب سيئة .. وهم لي تجارب مميزة ...

من تجاربي السيئة شركتين مقاولات تعبانين .. ونصابين وانصح الكل بالبعد عنها بدون ذكر اسماء على العام

على الخاص ممكن ...

وهم من جهة ثانية حصلت شركتين اشتغلت ويا وحدة والثانية مستقبلاً بإذن الله ....

واحد منهم فعليا فوق الوصف والانجاز والسرعه والدقة ...

والشركة الثاني .. مدحها لي عشرين قطري .. من لسته اسماء وارقام اعطاني اياها المقاول ...

وهم فيه واحد من اعضاء المنتدى مدح لي فنيين تكييف وصراحة طلعوا اي كلام وصلحوا المكيف مرتين وراء

بعض وللأسف هم المشكلة ما انحلت .....

علشان كذا ....

اتمنى من اخواني واخواتي .. مايذكرون شركة او عمال او فنيين .. الا مجربينهم وواثقين فيهم ...

واتقوا الله في انفسكم وفي اخوانكم واخواتكم ...

اذا واثق من الي عندك علمنا عنه .. واذا ماتعاملت وياه لاتذكره لنا على شغله عند واحد من قرايب جيرانكم

وموب لازم تشارك اذا ماتعرف ... يعني بلا تفلسف توهق الناس فيه ...

من جهة ثانية انا اشكر المنتدى وكل الاعضاء دون استثناء لاننا اكتسبنا خبرات ومعلومات ،،واشياء افادتنا

في بنياننا وفي شغلنا ... ويكفي ان شبكة الاسهم القطرية اهو اول مرجع ارجع له دوم ..

[بن غيث]

اتعرفون كم شركة مقاولات في قطر ......؟؟؟؟
اكثرمن 12000 شركة مقاولات
ليش ..؟؟؟؟
بيع ويز والمتاجرة في العمال
95% شركات غير متخصصة في المقاولات
ولا عندهم مهندسين اوفنيين
ويــــــــــــن الرقابة على هلبشر
والعمالة السايبة الي تخرب شغل الناس
مشكلة كبيرة ومالها حل ..
وهذا الكلام تكلمته في جريده العرب الاسبوع الماضي
http://www.alarab.qa/pdf_pages.php?pdfurl=188621204_economy 12&issueId=1433&pp=1217&sel=17]

[شقردي]

اول ما تشوف جملة ( شركة مقاولات) يعني = حراميه ونصابين ووو
ليش ما يكون راعي البيت هو الحرامي والنصاب والي اصلا ما يفهم
ويتفلسف ومسو نفسه ابو العريف
براي محد يشهر باي شركه مقاولات ويحكم على كيفه
ما نعرف شلصار وظروف الاتفاق والعقود والرسومات وووووو
ابسط شيء يجيك المالك بكل سهوله ويقول حق المالك عند الصبيه للسقف
ارفع لي السقف لين 4 متر ( تحصل كومار دريولهم شار عليه)
يجيك المقاول طبعا يقولك انا ملتزم بالخرايط و و
طبعا المالك يغتاظ لانه دافع فلوس وحسباله المقاول ما يساعده
وسبحان الله الشيطان شاطر بهالامور وتوصل محاكم
نفس هالموضوع قدام عيني براي المالك هو الغلطان
المختصر لازم اسمع من الطرفين



اخوي احب اقولك الشركه النضيفه اللي شقلها تمام ومحترم صدقني ماعليها من اي تشهير

الكل بقول اللي شاف واللي سمع خل العالم تاخذ حذرها من بعض الشركات السيئه وصدقني الشركه اللي شغلها عدل ماعليها من احد لو كل طعن فيها والمقال التعبان المفروض يشهر فيه بلاك لست ويسحب الترخيص منه حتى يكون عبره لغيره

[ضوى]

ابي احد يقولي رايه في شركة المعماريون ، والوارث وبن غيث وراحة ؟؟ احد جربهم ؟؟؟ تعامل معاهم ؟؟

[بوشاهين2]

ياأخوان دشوو على موقع وزارة الأقتصاد والتجارة وأدخلوا وشوفوا الشركاة المصنفة بدون مجاملة ومن واقع تجربتي مع الشركة حق واحد قطري مع عيلة الخاطر بس أنا أتعاون مع المهندس وبنيت 4 فيلل عنده وأمريحني آخر راحه وأي شي أبيه يسويه أهم شي يرضي الزبون وأسم الشركة (الشركة القطرية للأعمال الهندسية) تصنيف 2 بالدولة وهذا رقم المهندس 55002218

[بن غيث]

التصنيف للمناقصات الحكومية فقط ..
والشركات المصنفة الكبرى ما عندها عماله اصلا ...
اهي توزع البنود على الشركات الصغيرة
وتجمع الفلوس في النهايه

[بوشاهين2]

ليش أتعورون راسكم وتختارون شركات مش مصنفه وتتمشكلون وياهم .. على فكره أي شركة من الشركاة المصنفه عند لجنة المناقصات المركزية وعلى حسب شغلها بالسنه ترتفع نقطه قصدي أن لو معدلها نزل عن من ناحية مشاريع معينه ومعدل مدخولها نزل تنتقل من تصنيف ألى تنصنيف أنزل منه مثال إذا قل شغله ينزل من التصنيف الثاني ألى التصنيف الثالث وهكذا .. وألي حاب يشوف الشركاة المصنفه أيدش على (موقع لجنة المناقصات المركزية - تصنيف الشركاة - قائمة الشركاة المصنفه ). وأتمنى أني فدتكم

[بوسياف]

فعلياً

وكلام اخوي بو شاهين صحيح ...

الشركات لايتم تصنيفها عشوائيا .. لكن وفق اداءها وممتلكاتها ,...

لكن من جهة ثانية تقييمها يكون على ماتملك من معدات وراس مال وموظفين ومهندسين ..

يعني ليش تقييم على الجودة والعايير وليس على الالتزام بتسليم المشاريع ....

يعني بس تصنيف تعرف الدولة فيه حجم الشركات وامكانياتها المادية ...

يعني التصنيف مهم لكن موب دوم صح ودقيق ....

[بوسياف]

ابي احد يقولي رايه في شركة المعماريون ، والوارث وبن غيث وراحة ؟؟ احد جربهم ؟؟؟ تعامل معاهم ؟؟

بالنسبة لشركة راحة ...

انا ماجربتها لكن مستلمه شغل كثير ويشيدون فيها الكل ....

وهم عندج شركة الي ذكرها اخوي بو شاهين لاني سالت عنها اكثر من عشرة قطريين

والكل يشيد فيها وفي ادائها ودقتها والتزامها بالوقت ....

وبالتوفيق للكل...

[محمد الجفيري]

بالتوفيق

[KSK Logistic]

الصراحة الاستشاري الصح ، الفن والهندسة

[قـطـ QA ــر]

السلام عليكم ورحمة الله وبركاته
اولا اهنئكم بهذا الشهر الكريم واسأل الله العلي القدير ان يبلغني واياكم ليلة القدر
ثانيا اقدم الشكر لصاحب الموضوع موصولا للإخوه الكرام
ثالثا اتمنى أن كل من يملك شهادة حق في هاتين الشركتين ان يبديها ولا يكتمها فمن استُشهد لابد وان يشهد بالحق ...
الشركه الاولى (( شركة الإنشاءات المدنيه للمقاولات والتجاره ))
الشركه الثانيه (( شركة القبس للإنشاء والتعمير ))

وجزاكم الله عني وعن المسلمين كل خير ودفع عنكم بهذه الشهاده كل سوء