هل يحق للبنك استغفال عملائه؟؟

[zaina27177]

بإختصار شديد انا صارلي فتره لا تتجاوز شهرين محتفظه برصيدي الجاري بمبلغ وما صرفت منه..وتفاجأت بمسج من البنك برقم وديعه ويوم اتصلت قالولي ان البنك بيشغل المبلغ وبيكونلي فايده 6 ريال عن كل يوم..ماذكر التفاصيل من الصدمه ولكن السؤال:
بأي حق يقوم البنك بمثل هذا الاجراء بدون استشارة العميل..وشلون يجبرونك على الحرام يعني انا مابي فايدتهم وتعذرلي بعض الاشخاص ان اذا ماتبي الفايده تبرع فيها..يعني شلون اتبرع بمبلغ حراااااااام..ومن وجهة نظري ما يحق لهم ابدا اللي سووه لانهم بهالحركه يضيعون بركة المال الحلال بالفوايد اللي يدخلونها..

فعلا شعرت بعد هذا الموقف بإستياء شديد اصبحنا في زمن مجبرين على ارتكاب المعاصي..لا حول ولا قوة إلا بالله
انا من شهر كنت ناويه احول على بنك اسلامي ولكن تأجل الموضوع والصاعقه كانت هالتصرف منهم اللي خلاني ابي اسكر حسابي اليوم قبل باجر..
وحاسه انه من واجبي عالاقل اعبر عن استيائي وابي مشورتكم اذا في طريقه للاحتجاج على التلاعب اللي يصدر من كثير من البنوك..
وشكرا

[خليفـة]

يزاج الله خير على حرصج على تجنب مال الحرام
وكثر الله امثالج

قانونيا لا يحقق للبنك التصرف بمالج الا بموافقتج الخطية
ولا يحق للبنك ان يحرك او يحول ريال واحد من حسابج الا بعد موافقتج واخطارج بذلك

اختي لو تكرمتي اكتبي لي اسم البنك على الخاص
واذا حابه اقول لج شنو المفروض تسوين عشان توقفينهم عند حدهم انا حاضر
:)

بالتوفيق .. والله يرزقج من فضله

خليفــة

[R 7 A L]

ياكثر الريالات الى تزيد وتنقص عندنا ولا ندري بها

الله يغفر لنا

[الأصيلة]

أنا في المصرف الإسلامي
و هالشهر بس صار يجيني كل صباح مسج سحب 6 ريال...
والبنك ما أحتفظ فيه بشيء ..
يوميا سحوبات
الراتب أول ماينزل ينسحب ...
وآخر الشهر مايتبقى شيء ومافيه رصيد متوفر...
فـ ليش السحب اليومي...

[ANONYMOUS]

طلعي ل بنك اسلامي وانهي الموضوع

[Abdullah_89]

عندي حساب توفير في بنك الدوحة الاسلامي

وكذا مره جاني مسج ايداع في الحساب بمبالغ قليله ولما اتصلت يقولون ان البنك يوزع ارباح على الفلوس اللي ماتحركت شهر كامل وكل شهر بينزلي

وكل مازاد المبلغ بيزيد الربح

[المليونير الفقير]

البنوك كلها لعبة في لعبه والمركزي في سبات عميق او يحاول ينام عن بعض الاشياء لعلمج اختي البنك فالدوحه ممكن يستثمر افلوسج فتره ويرجعها ولامن شاف ولامن دري

[zaina27177]

مشكورين على المرور الرائع
و البنك لو بيستفيد من المبلغ بدون علمي وبدون فوايد الاثم عليهم خاصه اني ماعندي علم باللي يصير بس المشكله ان الحرام صار عيني عينك يعني هم قاعدين يستفيدون من فلوسي ومجبريني على الإثم بحجة الفوايد..لا حول ولا قوة الا بالله
فعلا الحل الوحيد احول على بنك اسلامي بس شلون بالنسبه للناس اللي صار ويصير معاهم هالشي وللاسف في ناس ضعاف قدام الفلوس..صراحه هذا منكر وواجبنا تغييره بأي طريقه..يعني انا كتبت الموضوع واتمنى من كل شخص بإيده يغير لو تغيير بسيط لا يتردد بهالشي وياليت يكتبون عن هالموضوع بالجرايد..اللي يعرف صحفي يطلب منه يسوي دراسه على هالموضوع ويتناوله جزاكم الله خير.

[@north_star@]

أصلا الحساب الجاري المفروض ما عليه ارباح وبناء على ايش يشغلون المبلغ ويعطون ارباح !!!!! لا وارباح حرام .... والله نصيحة اختي افتحي حساب ببنك اسلامي ابركلج

[zaina27177]

فعلا وهذا اللي اعرفه ان الحساب الجاري ماعليه ارباح بس الظاهر البنوك يبون يستفيدون من المبالغ اللي عندنا بأي طريقه..انشاله النيه احول على بنك اسلامي..

[BuFaisal]

طلعي ل بنك اسلامي وانهي الموضوع

:victory:

[The Watcher]

اعتقد ان البنوك مداومة اذا كنتي جادة في موضوع النقل للحلال

[zaina27177]

الحمدلله نقلت على بنك اسلامي وريحت راسي

[أحلى وسيطه]

الحمدلله نقلت على بنك اسلامي وريحت راسي

أحسن ماسويتي أختي

عسى ربي يبارك لج في رزقج:victory: