شراء سيارة من شخص مرهونة لبنك اخر

[يراعٌ فراتي]

السلام عليكم ورحمة الله وبركاته

الاخوة الاعزاء مساكم الله بالخير

في موتر عند شخص اجنبي " عنقليزي " وابي اشتريه منه ولكن الموتر مرهون للبنك البريطاني وابي طريقة مضمونة اشتري فيها الموتر
لانه ما يملك المبلغ الكامل لفك الرهن
وفي نفس الوقت انا ما ابي اعطيه فلوس يفك رهنها لاني ما عرفه واخاف يسحب علي
وخصوصا انه فك الرهن ممكن ياخذ اسبوع بعد دفع كامل المبلغ

ابي اجراء قانوني مضمون
حتى لو اخذت السيارة منه وخليتها عندي لين يجي كتاب فك الرهن
ممكن يسافر وحزتها البنك يقدر اي وقت يسحب الموتر :weeping:

وتروح علي الفلوس ويروح الموتر :eek5:


مشورتكم يالربع

جزيتم خيرا

[SOUD.QA]

اخوي اتصل فخدمة العملاء لبنكه واسألهم عن هالتفاصيل وبيردون عليك الجواب الاكيد عندهم

هذا رقمهم

44424722

[Qatari 1980]

أحجز الريال أحسن بدال الموتر :eek2:

[يراعٌ فراتي]

مشكور اخوي soud

باتصل واشوف


اخوي قطري
لو بيدي حجزته
بس ياالذيب هذا عنقليزي عيونه زرق واشقراني اصلي
يعني الاسطول بيتحرك عشانه

[متعاون000]

مشكور اخوي soud

باتصل واشوف


اخوي قطري
لو بيدي حجزته
بس ياالذيب هذا عنقليزي عيونه زرق واشقراني اصلي
يعني الاسطول بيتحرك عشانه

نفس الي صار لي بس معا ......... اقولك لاتخاطر وخل قروشك في جيبك

[وجه السعد 2]

اذا بتشتري السيارة كاش روح البنك البريطاني مع صاحب السيارة و اطلب منهم سداد مديونية السيارة وكتاب فك الرهن مع التسجيل بإسمك - في نفس الكتاب- موجه للمرور .. واذا بتشتري السيارة عن طريق بنكك اطلب من صاحب السيارة شهادة مديونية السيارة من بنكه وانه راح يتم فك الرهن اذا تم سداد هاذي المديونية و تاخذ هاذي الشهادة البنك اللي انت فيه و هم راح يتولون عمليه السداد .. يعني في كل الاحوال لا تعطي صاحب السيارة اي مبلغ الا عن طريق البنوك *

[@north_star@]

روح اي معرض سيارات انت والعنقليزي وسوي مبايعة
وخل الموتر بالمعرض وروح معاه البنك عشان يفك الرهن ولا تعطيه الفلوس بيده وبالتوفيق ان شاء الله
والافضل بجميع الحالات انك تتصل بالبنك البريطاني وتسالهم عن الطريقة

[الرايــق]

اسال البنك وتنور ..
وانا اشوف حل اخونا northstar هو الافضل !

لكن نصيحة لا تغااااااامربشي مش متاكد فيه !

فالك التوفيق ..

[وجه السعد 2]

روح اي معرض سيارات انت والعنقليزي وسوي مبايعة
وخل الموتر بالمعرض وروح معاه البنك عشان يفك الرهن ولا تعطيه الفلوس بيده وبالتوفيق ان شاء الله
والافضل بجميع الحالات انك تتصل بالبنك البريطاني وتسالهم عن الطريقة

المعرض راح يطلب عمولة على حسب قيمة السيارة *

[@north_star@]

المعرض راح يطلب عمولة على حسب قيمة السيارة *

المعرض بياخذ فلوس التسجل يعني تقريبا 350 ريال اخوي

[يراعٌ فراتي]

بيض الله وجوهكم

والله ما قصرتوا

اخوي وجه السعد

اذا بغيت اخذها كاش تهقى البنك يرضون يعطوني كتاب تسجيل باسمي ؟

بشوف بنكي اذا بياخذها لي بكون فالسليم

[يراعٌ فراتي]

ياجماعة المعرض حتى لو خذا له 1000 مب مشكلة اهم شي اكون فالسليم
ويكون هو مسؤول اذا صار شي لاسمح الله

[وجه السعد 2]

المعرض بياخذ فلوس التسجل يعني تقريبا 350 ريال اخوي

هاذي رسوم التسجيل للمرور .. بس هل المعرض بيسوي الخدمة مجانا ..

[يراعٌ فراتي]

حتى المعرض ياشباب لو خله الموتر عنده وسوى مبايعة للريال
والريال حط ريله

الموتر فالنهاية يقدر البنك ياخذه

[وجه السعد 2]

طالما السيارة مرهونة للبنك ما عندك مشكلة مع صاحبها لأنك في حال سددت مديونية السيارة في بنكه و طلبت كتاب فك الرهن مع التسجيل بإسمك في المرور حقك مضمون قانونا .. و ثرا هالجماعة ما يخوفون و يلتزمون معاك .. لا تحاتي *

[يراعٌ فراتي]

مشكور يالذيب بكرة نشوف البنك ويصير خير
والله يعطيك الف عافية وعساك ع القوة انت والربع

[الوهم 1]

انا معطي واحد مبلغ مقابل شيك ورحت اشتكيت عليه من 6 اشهر وللحين وش تشورون علي الله يخليكم ابي فزعتكم

[MAZEN37]

روح اي معرض سيارات انت والعنقليزي وسوي مبايعة
وخل الموتر بالمعرض وروح معاه البنك عشان يفك الرهن ولا تعطيه الفلوس بيده وبالتوفيق ان شاء الله
والافضل بجميع الحالات انك تتصل بالبنك البريطاني وتسالهم عن الطريقة
:nice::nice::nice: