مرحبا ياخوان .. ابي استفسر عن الجبس ؟؟؟؟

[ولد المنصور]

السلام عليكم .....
ياليت الاخوان يد لوني على واحد مختص وشغله نظيف ومجربه في الجبس والديكورات لاني قاعد ادور على واحد .. ومشكورين مقدما

[هدوء العاصفة]

اخوي اعرف واحد ممتاز برسلك رقمه على الخاص ..

[بودحوم]

اعرف مغربي اشتغل في مباني نادي الفروسية
بس للأمانه ماشفت شغله على الطبيعة .

هذا رقمه وتفاهم معاه

(( يمنع وضع رقم الهاتف -- الإدارة )) عبدالإله

[ولد المنصور]

مشكورين يا بودحوم وهدوء العاصفه وجزاكم الله خير ...

[المـــــ$$$ـــــتثمر]

هذة نصيحة خذها على محمل الجد (( لا تستهين فيها أبداً أبداً أبداً ))

لا تتعاقد مع أي أحد إلا لين تشوف شغلة في أكثر من مكان


يجب أن تكون كل التصاميم المتفق عليها معموله بالأوتوكاد
يعني يقومون بعمل رسومات تفصيلية ومخططات لكل التصاميم
ولا ترضى أبداً بغير ذلك
(( إذا ما فيه مخططات يعني العمال بيشتغلون على كيفهم ))
(( تعطيهم صورة من النت // يسوون لك شي ثاني )) والله العظيم خرابيط

أي احد يقولك إحنا ما نسوي مخططات
مباشرتاً قلهم مع السلامه


ركز على مدة العقد
وخلهم يكتبون شروط جزائية

(( لأن الشركة الي سوت لي الجبس في بيتي ,, كنت متفق معاهم على شهر ونص ))
(( والله العضيم انها 6 شهور وهو يشتغل )) لكن الحمد لله اني ماسك عليه فلوس



في شركة (إذا ما خاب ضني) اسمها جلفار تقوم بأعمال الجبس
شفت بيت في الدفنة كانوا يشتغلون فية ,, دخلت عليهم وهم يشتغلون
بصراحة لو عندي شوي فلوس زيادة كان تعاقدت معهم على طول
شغلهم مرتب // الكرانيش الي يسوونها نظيفة جداً ومستقيمة // كل غرفة حاطين فيها المخطط الخاص بأعمال الجبس


بالتوفيق ان شاء الله

[راشد1]

أخوي كنت بدلك على شركة ممتازة بس إدارة المنتدى ما تسمح لي أضع اسم أو رقم أي شركة مادري ليش..!! مع العلم أنهم يسمحون لأعضاء آخرين...

[ولد المنصور]

مشكورين جميعا الله لايهينكم ........
.عطيت خرايط بيتي سحر الشرق منتظر رده وبيسويلي رسومات وبشوفهم