الخياطين ذبحونا بالاسعار وينكم يحماية المستهلك!!!!

[الروقي]

الخياطين ذبحونا رفعوا اسعارهم اضعاف مضاعفه...
امس ابي افصل غمصان وبنطلونات وكنت مفصل من قبل الغميص 60 ريال والبنطلون 80 ريال قبل شهر ويومرحت له رفع السعر وقال الغميص 100 والبنطلون 120 ريال قلت ليش قال كل شيء غالي

ياجماعه الاجانب يفصلون الغميص 40 ريال والبنطلون 60 الى 70 ريال وهذا كلام الهنود الي يشتغلون معنا في العمل لكن في كل مكان القطري له السعر دبل وضعاف مضاعفه والجانب لهم نصف السعر شنهو الحل في بالدنا وقاصين علينا والله ماصارت نبي حل ..نبي حل






ياحماية المستهلك انقذونا من الاجانب الجشعين

[بو نايف]

اي خياط هذا

[حمد بن سعد]

افصل الثوب في سوق العلي 120 اريال

ونفس الخلق في الريان 250 اريال


الله المستعان

[الروقي]

`هذا الخياط في مركز التسوق العائلي الي في الريان بجانب مكتبة جرير خباط طماع يعطي القطريين اسعار دبل والاجانب اسعار نص

[AL-MAYSTRO]

تفصيل الثوب الحين وصل 250 و 300 ريال

الله يرحم ايام الثوب ب 90ريال :weeping:

[الروقي]

هذا الخياط في الريان في مجمع التسويق العائلي الي بجانب مكتبة جري

[OREO]

الحمدلله فصلت ثياب و طلع الثوب الواحد ب ١٠٠ ريال و كل ستة شهور افصل ١٢ ثوب ب ١٢٠٠ ريال ،،،

شي حلو الواحد يفكر قبل ليخطي خطوته و الشي الاحلي بأن الشخص يكون مؤمن و مقتنع بأن يصرف قد مقدرته ،،

[بوحارب]

تفصيل الثوب الحين وصل 250 و 300 ريال

الله يرحم ايام الثوب ب 90ريال :weeping:

اخوي العيد اللي راح مفصل 6 ثياب ب 80 ريال الواحد

والخلق ياباني ومن النوع الزين مب اي كلام

عالعموم خيايط سوق العلي يبيلهم واحد يعطيهم على راسهم وبينزلك في السعر :nice:

[محمد 93]

طاقه شكيبو بسعر 400 ريال عند رامين والفصيل بخياط بسوق العلي عند خياط مبارك سعر التفصيل للثوب الواحد 40 ريال لو نحسبهم سويا :

سعر تفصيل الثوب 40 ريال×6=240 ريال + سعر الطاقه 400 ريال =640 ريال لعدد 6 اثياب ويطلع سعر الثوب الواحد 640÷6=106 ريال للثوب الواحد .

[الكنج]

وين مكانه رامين للاقمشة ؟

[الحال مايساعد]

[b]

وهذا كلام الهنود الي يشتغلون معنا في العمل



ياخي الله لا يهينك إسأل الهنود عند من يفصلون وروح حق نفس المحل
لكن خذ باللك تفصيلهم كله خاااااااااااايس

[الروقي]

اخوي العزيز هذا الي يبط المراره الهنود الي عندنا في العمل يقولون روح للمحل الفلاني يفصل لنا الغميص 45 مع الخلق والبنطلون 60 مع الخلق لما اروح له لاني قطري يقول لي القميص مع الخلق 100 ريال تصور الجشع والبنطلون مع اخلق 140 واقول له فيه ناس مفصلين بسعر كيت وكيت يقول لي مستحيل ولما اقول للهنود كلموه يخافون يعصب عليهم ولا يفصل لهم

الي ابي اقوله ان احنا في بلادنا مقصوص علينا من هذيلا الجانب بحجة ان فلوسنا زي الرز وايد
ولا تهمنا الاسعار يعن القطري سعره غير وغير القطري تنزيلات 50% الى متى نصبر على هذا الوضع لازم يشوفون لنا حل مش الخياطين بس بل جميع المحلات والسلع للقطري سعر والاجنبي سعر

وشكرا

[ثابت]

بصراحة شي يفقع المرارة كل من فتح محل حط سعر بكيفة ليش يبة وين عايشين
انا اطالب ادارة المستهلك تحدد اسعارهم ويحطون لوحة مبين فيها كل التسعيرات والي يغش مثل الي صاير الحين يتحاسب
مثل امس رحت افصل لخوي الصغير عمرة 6 سنوات قال لي 180 على شنو !!!

[فيصل 89]

الي يبي السعار المناسبه والله بيحصل وخصوصاً الخياطين

بس انت تبي تفصل بخياط يفصلون فيه ربعك والي تعرفهم او عاجبك الخياط بسعر الي تبيه

انا واحد من الناس اخيط قبل بسوق العلي احسن ثوب 100 ريال مع الخلق وتفصال


الحين اخيط بقباء لنه الحين موظف وربع بالدوام كل ثيابهم الي تجيك النظام الجديد الكلر بلاستيك والزرار مادري شلون
وسعره من 270 - 400
فا كل شيء بحقه

يعني المطاعم الي موجوده بالفنادق من قبل 10 سنين وهي هي غاليه بس الي برى ارخص الي يبي الفخفخه بيدفع ويحصل والي يبي الشيء المناسب والسعر المناسب بيحصل والي يبي الرخص بيحصل وبالاخير كلً ينام على الجنب الي يرتاحله