عندي حل بسيط للزحمه الي تزداد كل يوم!!!!!!!!!!!

[الروقي]

الحل بكل بساطه تغيير الدوامات كالاتي:

1-تغيير دوام المدارس من الساعه 9 الى الساعه 3
2-الشركات من الساعه 8 الى الساعه 12 وايضا 4 الى 8 مساءا
3-الحكومه من 7 الى 2 كما هوالان
4-القوات المسلحه يبقى كما هو من 6 الى الواحده

وهكذا نقضي على الزحمه

شنهو رايكم

[R 7 A L]

اخالفك الرأي بالترتيب

المفروض الشركات والجيش فقط هم الى يدامون بدري على شان يلحقون على برودة واعتدال الجو في الصباح الباكر

اما موظفين المكيفات المفروض من 9 الى 4 نفس امريكا ولو يزودونهم ساعه عمل يكون افضل على شان اهل الشركات والعسكريين اذا خلصوا دوام يقدرون يراجعون موظفين الحكومة يعني ياليت يكون من 9 الى 5 مساء


وشكراً

[خليفـة]

5 - منع الحريم من سواقه السيارات والاكتفاء فقط بشركة كروة بالمهمة هذه لتوصيل الموظفات الى اماكن شغلهم والاسواق

هههههههه
الحمدلله والشكر

تذكرها يا طارق ولا نسيتها ؟؟
:nice:

[سلطان23]

هذا النظام يستخدم في دبي

وهو نظام جيد جدا

وهناك نظام يستخدم في الكويت

وهو منع اي شخص مب سنير ( اي منع العمال ) من السياقة

وهو نظام طبقته المرور ثم منع بعد اسبوع لاسباب مجهولة

[الحياة الخالدة]

5 - منع الحريم من سواقه السيارات والاكتفاء فقط بشركة كروة بالمهمة هذه لتوصيل الموظفات الى اماكن شغلهم والاسواق


الحمد للــــــه ان محد ياخذ باقتراحاتك


أعتقـــــــد ان توصيل الحريم مهمة أزواجهم و أولياء أمورهم .. مب شركة كروة

[qatara]

5 - منع الحريم من سواقه السيارات والاكتفاء فقط بشركة كروة بالمهمة هذه لتوصيل الموظفات الى اماكن شغلهم والاسواق

:nice:

[الفهد1]

عندي حل بسيط لحل الزحمة فرض رسوم من الساعة الرابعة لغاية الساعة التاسعة مساء وتكون الرسوم رمزية تقدر بعشر ريال ولك حرية التنقل في الحركة وتكون ريعها لوحدة غسيل الكلى مجرد اقتراح

[مهره]

والله الدمار من الرياييل وسواقتهم التعبانة نصهم هنود

[kayed]

الحمد للــــــه ان محد ياخذ باقتراحاتك


أعتقـــــــد ان توصيل الحريم مهمة أزواجهم و أولياء أمورهم .. مب شركة كروة


صدقتي اختي أولياء الامور هم المسؤلين عن شوفاتهم

[بوخالد911]

صعبة تقسيم الاوقات

الحل : ترحيل وتسفير العمالة الوافدة بعد الانتهاء من المشاريع
والتضييق على اللي يجلب أسرهم وعوايلهم

[الجوكر90]

السلام عليكم
اخوي انا اخالفك في موعد المدارس
لان لو المدارس الساعه ٩ في ناس راح يضطرون يودون عيالهم من الساعه ٧ او ٨ وهاي ظلم لهم
لان مب كل واحد عنده دريول
بس لو خلينا المدارس نفس الوقت والموظفين بعد المدارس راح نحصل الناس يوصلون عيالهم ع رواقه لان هو ماراح يتاخر عن دوامه وماراح نحصل هالتجاوزات والحوادث الي مالها معنى
بس فكرتك حلوه يبيلها تضبيط للمواعيد لا اكثر

[فتى الجود]

السلام عليكم

اخوى بالنسبة لحلك

اذا واحد موظف وعنده اطفال بالمدارس
وماعنده دريول او مثلا الدريول يوصل واحد من العيال والاب بيوصل واحد ثاني

وبقتراحك ان المدارس الساعه 9
وهو بيروح شغله 7


مين بيودي اليهال ؟؟


اشلون تحل لنا هالمعضله

اخوى
اى حل يوضع للناس لازم يكون فيه تقدير احوال الناس
ويفكرون به عدل


مب كل الناس عندهم دريولية

[العقل المدمر]

5 - منع الحريم من سواقه السيارات والاكتفاء فقط بشركة كروة بالمهمة هذه لتوصيل الموظفات الى اماكن شغلهم والاسواق


خل امك واخواتك ومرتك وبناتك يروحون فكروه
الحمد لله احنا عندنا اهل يوصلونا :shy:

[العقل المدمر]

صعبة تقسيم الاوقات

الحل : ترحيل وتسفير العمالة الوافدة بعد الانتهاء من المشاريع
والتضييق على اللي يجلب أسرهم وعوايلهم

:victory:

[gulfstar]

السلام عليكم ورحمة الله وبركاتة
اعتقد المشكلة في توصيل المدارس والجامعات والشركات اعتقد لو كان هناك باصات كبيرة للنقلهم واجبار الجميع على التنقل في الباصات ومنع السيارات الخاصة صدقني بتشوف الشوارع مافيها زحمة بس الموضوع لازم ايكون اجبارى من قبل وزارة التربية ووزارة الداخلية وشوف النتيجة بعدين وشكرا لكم

[العقل المدمر]

شدعوة هلي يركبون كروة انا اقترحت هذا الاقتراح اللي مثلج اللي مسببين زحمة بالشوارع على الفاضي . . .

يالله روحي انتي وهلج وقفو بستراحة كروة اللي في الشارع خاصة الحين الجو معتدل نسبياً مع فرصة لسقوط الامطار


الحمد لله والشكر عالنعمه عندنا لياسن ومواتر
خلينا كروه لك ولاهلك :shy:

[بوجبر]

السلام عليكم ورحمة الله وبركاتة
اعتقد المشكلة في توصيل المدارس والجامعات والشركات اعتقد لو كان هناك باصات كبيرة للنقلهم واجبار الجميع على التنقل في الباصات ومنع السيارات الخاصة صدقني بتشوف الشوارع مافيها زحمة بس الموضوع لازم ايكون اجبارى من قبل وزارة التربية ووزارة الداخلية وشوف النتيجة بعدين وشكرا لكم


استخدام جميع الطلبة في جميع المراحل الدراسية للباصات فكرة حلوة وايجابية من جميع النواحي ..

اتمنى ان يطبق...

[الجوكر90]

كالعاده الموضوع خذ طريق ثاني وصار كل شي شخصي

[شميرام]

من 9 الى 4 نفس امريكا
ما يطبق في امريكا ما ينفع تطبقه هنيه اول شي في اوقات في سنه يأذن المغرب الساعه اربع يعني نهارنا كله الوجيه الرئسيه الغداء والذي تتجمع عليه العائله ،،ثانيا اوقات معينه من السنه والشروق عندنا يكون ست أوست ونص اما دول الاجنبيه بعضها الشروق الساعه 8 طبيعي يداومون 9 و النهار طويل و في الشتاء يغيرون الساعه يعني لو إحنا داومنا نفس ما تقول جان نهارنا كله راح علينا ولا بر ولا بحر ولا حياه اجتماعيه لا قيلوله يعني الوحده ترجع من الدوام تتعشاء تدرس العيال وترقدهم و الويكند بتروح بيت اهلها ول اهل ريلها ول تتقضى الكلام ينطبق بعد عل الريال لا بر ولا بحر ولا ميلس
ثاني شي الإدارات الحكوميه ما عليهم ضغط شغل مثل الشركات والمؤسسات ليش تقعدهم لين اربع
لا اللي قلته ما ينفع *

[شميرام]

جبر طلاب المدراس استخدام الباص بنحلتهم مشكله اليهال اللي اعمرهم 16 وطالع من ان يمسكون سياير
نشجع العمال والأجانب علي استخدام السياكل ،،،،الدلفيري لازم يكون بطبطه توسيع شوارع ،، يخلون الموظفين يشتغلون علي كيفهم مهم يلتزم عدد ساعات العمل المهم يكون في حد يغطيه اذا كان يتعامل مع الجمهور

[بوحارب]

مشكور على الأقتراحات اللي مالها داعي :(

[عازف العود]

5 - منع الحريم من سواقه السيارات والاكتفاء فقط بشركة كروة بالمهمة هذه لتوصيل الموظفات الى اماكن شغلهم والاسواق

هههههههههههههههههههههه كروة حق الحريم

[ام ناصر1]

كنت اعتقد ان هالحل ( تقسيم اوقات الذهاب والخروج من الدوام ) افضل حل ...
ولكن الافضل باعتقادي حاليا ...تقليل استخدام المواصلات الخاصة واعتماد النقل الجماعي ...
للموظفين والفصل بين نقل النساء والرجال وبغيره لن تحل المشكلة ...ماعاد فيه داعي الكل يروح بسيارته الشغل ...
او اجبار الرجال على النقل الجماعي وترك النساء يذهبن بالنقل الخاص ...والا كله نقل خاص اكيد ستستمر الازمة

[روعة الجوري]

الحل بكل بساطه تغيير الدوامات كالاتي:

1-تغيير دوام المدارس من الساعه 9 الى الساعه 3
2-الشركات من الساعه 8 الى الساعه 12 وايضا 4 الى 8 مساءا
3-الحكومه من 7 الى 2 كما هوالان
4-القوات المسلحه يبقى كما هو من 6 الى الواحده

وهكذا نقضي على الزحمه

شنهو رايكم

لا والف لا :anger1:

المدارس من 9-3 ليش؟

المفروض المدارس من 7 لين 1 للهيئة التدريسية وللطلاب لين 12:30 الطلاب ما تجي الحصة السادسة الا خلاص منتهيين ولا لهم خلق لشي :victory:

الحكومة من 8 الى 2

الشركات من 9 الى 3

العسكريين ما يتغير دوامهم لانه الافضل لهم


والله ياليت هالشي يتطبق

[meandme]

يا جماعه عندي فعلا استفسار يراودني من 10 سنوات في هذا الموضوع...ولا أعرف ماهو سبب عدم تنفيذ مشاريع الأنفاق والجسور...في الوقت اللي كانت تنشال فيه الدواوير هني و يتم تركيب إشارات ضوئية مكانه مثل دوار رمادا والمنتزه والسينما هذا الكلام من أكثر من 10 سنين...كانت الأردن تشيل الإشارات الضوئية و تحفر نفقين في اتجاهين وفوقيهم دوار...مما قلل نسبة استخدام الدوار ل 50 بالمئة...يعني الحين أشغال تذكرت تسوي أنفاق في طريق سلوى ....واللي يقهرني أكثر إنه دوار التضامن والمول حولوهم لإشارات بدل أنفاق أنا متأكد انه موب الاتساع هوه السبب ...لانه في الاردن في كل شارع صغير يوجد نفق ..شوارع اصغر من اللي هني...نفسي أحد يفسرلي سبب هذا التأخر وهل فعلأ الصخر في قطر قاسي جدا عشان جي المشاريع تقعد سنين ؟؟ علما ان النفق في الأردن يأخذ فقط من 3 -4 شهور وأنا متأكد من كلامي لاني كنت أتابع سنة بسنة...

[قطري2012]

الحل نخلي سياراتنا ونستعمل وسائل النقل العام
ومانستعمل السيارات الخاصه الا في مشاوير خارج المدينه
او في الويك اند مثا اوروبا
بس الين اترتب وتكون مواعيدها دقيقه