مطلوب : سواق امين في ماليزيا

[قلبى طيب]

يوم السبت واحد من الربع رياح شهر عسل يبى سواق يوديه الاماكن السياحيه هناك

ويكون امين وسعره حلو ويسال هل ياخذ معاه دولارات ويغير العمله هناك ولا ياخذ عملتهم

[Hamad7788]

خل يستخدم عملتهم

ويقدر يسحب من اي صراف هناك

ورقم السواق طرشته لك عالخاص

مسلم و وايد زين .. خل يكلمونه من الدوحه عشان ينطرهم في المطار

[المتحدث الرسمي]

.....

خله يصرف دولارات من هني و يوديها معاه احسن له

لانه مكاين الاي تي ام عندهم ما تسحب اكثر من 1500 رينجت في اليوم

بالنسبه للسواق يقدر يتعامل مع اي واحد هناك الماليزيين عامة حليوين و متعاونين

لكن خله يبعد عن السواقين الصينين والهنود لانهم نصابين و استغلاليين

.....

[شبح الصمت]

اخوي نصيحه

يصرف الرنقت من اهنيه

لانه اهناك بيتوهق انا صرفت دولار يوم رحت اهناك انصرف اقل

خله يصرف من الدوحة ابرك لك نصيحه ياخذ معاه 5 آلاف رنقات والباقي في البطاقة ..

وعن التاكسي لا امين والا بطيخ خله ياخذ التاكسي الي يوقفون قدام الفنادق ولا يحسسهم انه ما يعرف ويكاسرهم يعني يقولون له 100 يقولهم لا 60

يعني لا يقصبونه انا كنت اسوي جذيه انزل من الفندق اخذ لي تاكسي واطلع وسهلات ولا ياخذ تاكسي الفنادق لانه بيضربون عليه بغالي اكثر من التاكسي الخارجيه

والله يحفظهم

وزين ما دبر

[XXX]

انا انصحه ياخذ بحدود 5000 رنقت من الدوحه والباقي دولارات يخليهم حق الحاجه

اما عن السواق اذا كان شهر عسل يقدر ينسق مع رجنسي مثلا

يطرشون له موتر سنع مثل مرسدس او غيره ياخذه من المطار الى الفندق واخر السفره من الفندق الى المطار

اما الاياالباقيه ف يقدر ياخذ تكاسي (( معاملتهم روعه وما راح يتوهق ابدا ))

ملاحظه : كل الفنادق عنهم جداول رحلات في مكتب السياحه داخل الفندق
وواسعار التكسي تكون ارخص اذا الفندق حجز لك بدال ما تحجز ات من نفسك

وتقدر تخلي التكسي وياك طول اليوم

بالتوفيق انشالله

الله على
((افا موسى))

وفندق ذتاي ف لنكاوي

من اروع الاماكن الي رحتها

[الريمي قطر]

ماليزيا رووعه بصراحه خل يروح ويستانس
التكاسي في كل مكان بيلقاهم وخله بروحه يروح اسيا اير لاين في كوالالمبور ويحجز جزر مثل لنكاوي وبينينق بيستانس واذا يبي اكثر يستفيد خل يدخل منتدى العرب المسافرون روعه خل يقرا ويستفيد منه وايد

[راسيه]

تبي نصيحه مني

خل يصرف الفلوس دولارات افضل له ويجوف سعر الدولار هناك بجم بيتبدل بالرنقت

لان صح كلام اخوي المكينه ماتعطيك اكثر من 1500 ف اليوم

وعلى التوصيله يقدر ياجر سيارة من الفندق نفسه
او ياخذ تكسي من الشارع اوفر له

انا اذكر كنا نمشي ولما نتعب نوقف تكسي لان الجو كان وايد حلو
والناس كلها تمشي

وانصحه يروح جنتق لانها وايد روعه وجوها يهبل وتنفع للمعاريس
وهناك مابيحتاج مواصلات :)

[lobna123]

التاكسي ياخذ من المطار في تاكسي خاص بالمطار ب 100 رنقة وداخل كوالالمبور التاكسي في كل مكان واذا بيروح لانكاوي في المطار يكون في ناس يعطونه بروشورات لرحلات يتفق معهم على الرحلة اللي بيروحها ما يحتاج تاكسي خاص

[yajannah]

ما شاء الله ... الربع تخصص ماليزيا ... والقلوب هافة لهالبلد

[احساس رابح]

احسن شي يصرف فلوسه من هني نصهم رنقت والنص الثاني دولارات

وفيه موقع اسمع دليل ماليزيا يقدر يحجز سواقين من الموقع وانصحه لا يتعامل مع التكسي
لان اسعارهم غاليه اما السواقين يحصل معاهم سيارات فخمه ويتمون معاه باليوم كامل واذا انتقل الى مكان ثاني يضبطون له الوضع مع سواقين غيرهم

و شعب ماليزيا طيبين ومحترمين ويكفيك ان الاكثريه مسلمين