مطعم لمزاني بيرفع نصف ريال على السيخ من 07/11/2011

[khaldoon]

مطعم لمزاني بيرفع نصف ريال على السيخ من 07/11/2011

يعني السيخ اللي ب 2.5 ريال بيصير 3 ريال من 07/11/2011

يعني الزيادة بتكون 20%

سألته الحين ليش الزياده قال كل محل زاد في قطر ليش ما ازيد....بعدين قال اللحمة و الخضار ارتفعت اسعارهم

يالله عاد بنشوف مين فيكم بقاطع
:waiting:

[هدوء العاصفة]

نص ريال ؟ عليه بالعافية في وين هالمطعم ؟

[Northqatar]

السلام عليكم

ماله حق يرفع لانه كذاب

في رمضان الحكومة حدت الاسعار وظبطتها
ما شفنا احد نزل اسعارة
و هل المطاعم نزلت من اسعارها ؟؟؟

طبعاً مقاطعه

[لابس بشت]

لا قول غيرها
الا لمزاني:weeping:

[khaldoon]

نص ريال ؟ عليه بالعافية في وين هالمطعم ؟



اخوي شكلك ما تعرف هالمطعم و لا جربته....قول في المنتدى وين الذ كباب في قطر و شوف كم واحد بيرشح اسمه ....له شعبية كبيرة جدا و هو فعلا لذيذ

الاسياخ عنده صغيره يعني انا امس مثلا اكلت لوحدي لا يقل عن 7 او 8 اسياخ ...على اساس ما ابي اثقل وايد... خخخخ

مكانه عند العالم الجديد ( نابينا )
قبل لاتوصل بتلقى لفه على طوول ادخلها وروح سيده وبتلقاه على يمينك ,,

[khaldoon]

السلام عليكم

ماله حق يرفع لانه كذاب

في رمضان الحكومة حدت الاسعار وظبطتها
ما شفنا احد نزل اسعارة
و هل المطاعم نزلت من اسعارها ؟؟؟

طبعاً مقاطعه

و عليكم السلام و رحمة الله و بركاته

والله يا اخوي هذا اللي راح يسويه و هو فعلا شكله كذاب لانه بالاول قالي كل محل زاد في قطر ليش ما ازيد....بعدين قال اللحمة و الخضار ارتفعت اسعارهم يعني عدل في كلامه علشان ما يبين انه ارتفاع بس جشع و لؤم و تقليد لغيره

لو تشوف فعلا انه ما له حق فتقدر تشتكي عليه لو حبيت بس لا حياة لمن تنادي

[khaldoon]

لا قول غيرها
الا لمزاني:weeping:

ايه والله يا اخوي هذا اللي راح يصير...طابع ورقه بيقول فيها هذا الكلام و موزعها على كل الحيطان داخل و خارج المطعم و عند الصندوق ...يعني مع سبق الاصرار و الترصد

[بوحارب]

وش هالأخبار خلدون من الصبح

انا اذا رحتله اقل شي اخذ من عنده 8 صياخ واتمزمز فيهم !!

ياريت حماية المستهلك يوقفونه عن حده ولو انه مافيه امل :(

[khaldoon]

وش هالأخبار خلدون من الصبح

انا اذا رحتله اقل شي اخذ من عنده 8 صياخ واتمزمز فيهم !!

ياريت حماية المستهلك يوقفونه عن حده ولو انه مافيه امل :(

والله انا مثلك زعلت بس ما في اليد حيلة

فعلا كل واحد ياخذ له على الاقل 8 اسياخ يتسلى فيهم فشوف لما تجيب طلبية لعشر اشخاص بتدفع 40 ريال زيادة :(:(:(

[MAZEN37]

هالمطعم لمذلة الناس
ما قد رحت له وطلعت مب معصب كانك طر منه
مالكم الا العنن والشوي

[بو الجوري]

:(

الصراحه انا ماستمتع الا عنده :(

و توني من اسبوعين كنت عنده :(
وانا ماكل اقل من ١٠ صياخ :( يعني بدفع ٥ ريال زياده


بس تدري :.. انا عن نفسي مب مقاطعه الصراحه :(

[كازانوفا]

لان عارف نفسه ان الناس ما راح نقدر تقاطعه الا السعر الموضوع مش موضوع علا سعر الخضار والا البطيخ

[بـارود]

الله يالدنيا !!!
قبل كم(ن) سنة كان سعر السيخ بـ 1.5 ريال وخمس حبات كباب
قاطعوه ترى خوش كباب موجود :nice:

[بن رومي]

الله يالدنيا !!!
قبل كم(ن) سنة كان سعر السيخ بـ 1.5 ريال وخمس حبات كباب
قاطعوه ترى خوش كباب موجود :nice:

انت تقول قبل

انا من كم يوم جربت (( خوش كباب ))

موقعه بعد لمزاني ببنايتين

بالنسبه لي افضل من لمزاني ولا خلطة الفلفل اف اف اف

بس قالي السيخ 3 ريال

وشريت منه

اسم على مسمى


شكراً خلدون عالموضوع


بن رومي

[khaldoon]

هالمطعم لمذلة الناس
ما قد رحت له وطلعت مب معصب كانك طر منه
مالكم الا العنن والشوي

:omg::omg::omg:

شاكر مرورك اخوي العزيز مازن و كل عام و انت بخير

[khaldoon]

:(

الصراحه انا ماستمتع الا عنده :(

و توني من اسبوعين كنت عنده :(
وانا ماكل اقل من ١٠ صياخ :( يعني بدفع ٥ ريال زياده


بس تدري :.. انا عن نفسي مب مقاطعه الصراحه :(

تعجبني صراحتك اخوي العزيز بو الجوري و اعتقد انا مثلك ما راح اقاطعه بس انا ما اروح عليه الا قليل جدا جدا


جزاك الله كل خير على مرورك المميز و كل عام و انت بألف خير

[khaldoon]

لان عارف نفسه ان الناس ما راح نقدر تقاطعه الا السعر الموضوع مش موضوع علا سعر الخضار والا البطيخ

المشكله هم عارفين انه الكل بيتم يروح عليهم يعني لو احنا في المنتدى قاطعنا الناس اللي بره المنتدى ما يعرفون ولا يقاطعون

كل الشكر على مروركي المميز و كل عام و انت بخير

[كازانوفا]

المشكله هم عارفين انه الكل بيتم يروح عليهم يعني لو احنا في المنتدى قاطعنا الناس اللي بره المنتدى ما يعرفون ولا يقاطعون

كل الشكر على مروركي المميز و كل عام و انت بخير


خلاص بننشر الخبرر قدام محله وبنفضحه :nice:

وانت بالف خيرر يارب يا خلدون

[ROSE]

والله البارحه كنا عنده وقال لولدي انه بيرفع السعر


قال له ولدي تحمل ترى بيسوون لك مقاطعه وشبكة الاسهم كتبت هالشي

ولا اهتم قال وانا شاسوي الايجارات ارتفعت وسعر اللحوم ارتفعت قال له الله واكبر عليك

من متى ارتفعت وانت محدد بالضبط متى بترفع السعر

فاشوف مقاطعته ياجماعه افضل حل عشان مايستغل الناس وشكله استغلالي

[فارس قطر]

احنا كنسلنا المزاني وخوش كباب احسن منة وانظف منة واسرع منة ونفس السعر


خمس اصياخ يامال العافية وايد اشوفها واحد من شلة

ياكل حدود العشرة شتقول عنة

تشكرات موضوعك نايس.

[ll vip ll]

اي حماية تكلمون عنها

اتوقع نص التجار في حماية المستهلك

[khaldoon]

الله يالدنيا !!!
قبل كم(ن) سنة كان سعر السيخ بـ 1.5 ريال وخمس حبات كباب
قاطعوه ترى خوش كباب موجود :nice:


ما جربت خوش كباب مع اني اشوف الاعضاء يمدحون فيه ....بس ما تعتقد انهم مثل بعض و الاسعار نفسها؟

[khaldoon]

انت تقول قبل

انا من كم يوم جربت (( خوش كباب ))

موقعه بعد لمزاني ببنايتين

بالنسبه لي افضل من لمزاني ولا خلطة الفلفل اف اف اف

بس قالي السيخ 3 ريال

وشريت منه

اسم على مسمى


شكراً خلدون عالموضوع


بن رومي

الشكر لك اخوي العزيز بن رومي على تشريفي بمرورك الرائع

مثل ما توقعت ...نفس الاسعار للمطعمين

[khaldoon]

خلاص بننشر الخبرر قدام محله وبنفضحه :nice:

وانت بالف خيرر يارب يا خلدون


حياكي الله و بارك الله فيكي يا كازنوفا :victory:

[khaldoon]

والله البارحه كنا عنده وقال لولدي انه بيرفع السعر


قال له ولدي تحمل ترى بيسوون لك مقاطعه وشبكة الاسهم كتبت هالشي

ولا اهتم قال وانا شاسوي الايجارات ارتفعت وسعر اللحوم ارتفعت قال له الله واكبر عليك

من متى ارتفعت وانت محدد بالضبط متى بترفع السعر

فاشوف مقاطعته ياجماعه افضل حل عشان مايستغل الناس وشكله استغلالي

هو اكيد استغلالي و شاف الكل يرفع الاسعار فشاف انه يركب الموجه و يرفع السعر مثلهم خصوصا انه مطعم عليه طلب و يعرف انه الناس راح تستمر بالتعامل معاه

كل الشكر و التقدير على تشريفي بمرورج المميز و حمد لله على السلامة....نورت الدوحة:nice:

[khaldoon]

احنا كنسلنا المزاني وخوش كباب احسن منة وانظف منة واسرع منة ونفس السعر


خمس اصياخ يامال العافية وايد اشوفها واحد من شلة

ياكل حدود العشرة شتقول عنة

تشكرات موضوعك نايس.

حياك الله و كل الشكر على اضافتك القيمة

خلاص لازم اجرب مطعم خوش كباب

[khaldoon]

اي حماية تكلمون عنها

اتوقع نص التجار في حماية المستهلك

:secret::secret::secret:

جزاك الله كل خير على المرور

[النواخذة]

السلام عليكم ورحمة اللة وبركاتة

انا اشوف اهل قطر من مطعم ايرفع نصف ريال ولا ريال ولا ريالين كلن قام علية
وشركات السيارات ترفع قطع الغيار اضعاف ماحد قال شى
والسيارات ارتفعت اسعارها بـــــــ 20000ريال و40000ريال ماحد تكلم ولا قال خلونا نقاطهم
هاى الشركات
عبدالغنى كل يوم يرفع اسعارها سياراتها وماحد قال شى وكل ما ريفع الاسعار تراكضت الناس علية علشان يشترون منا

[سلامي للكل]

ما جربت خوش كباب مع اني اشوف الاعضاء يمدحون فيه ....بس ما تعتقد انهم مثل بعض و الاسعار نفسها؟

انا معاك اخوي في هالنقطــة انهم نفس الاسعــار (السيــخ بـ 3 ريال)

بس الي يفرق انه لحم الكباب عند خوش كباب لحم (استرالي) فرش ذبح محلي والدجاج بعد حي فرش :nice:

والي عند اللمزاني لحم مستــودر مبرد :omg:

بس عيب مطعم خوش كباب ان الخبـز والخضره (الجرجير) كل واحد وسعره يعني مايجون مع الكباب :(

بس الصراحة يستاهل كفاية الخبز المسمسم الي عنده ودك تاكله بدون اي شي

والاهم من هذا اني اكل لحم فرش ومحلي ذبح الدوحــة

جرب من عنده وعطني رايك

وعليك بالعافية

[بو الجوري]

khaldoon

إذا رحـت خوش كباب كلمني عشان أجربـه معاك :..:nice:

سلامي للكل

في ذمتي إنك منـّور :.. :omen2: وين غطيـــت :.. !!!!

[سلامي للكل]

khaldoon

سلامي للكل

في ذمتي إنك منـّور :.. :omen2: وين غطيـــت :.. !!!!

النور نورك ياطويل العمــر

مشاغل الحياة وكنت مسافر الحج هالسنة ولله الحمــد :)

بس ماعليك متابع اول بأول بس مشاركاتي قليلة

والبركة فيكم

:victory:

[بو الجوري]

تقبل الله حجي :)

و الحمدلله عالسلامـه و عساك عالقوه :.. :)

شي طيـب الصراحـه :..

[شموخ-qtr]

دلوني وين مكان محل لمزاني ومحل خوش كباب ؟

من كلامكم يشهي اليوم بالليل بروح له انشالله

[بو الجوري]

تعرف مركز الراشدي و مركز العالم الجديد ؟ ( صوب إشارات السيفين )
شارع حمد الكبير
في دخلـه بينهم :.. إدخلها و روح سيده بتلاقي لمزاني :.. و عقبـه خوش كباب :..

[شموخ-qtr]

بو الجوري

يسلمو دليته

[بو الجوري]

^
الله يسلمك و بالعافيه

[مساهم عادي]

اغلب مطاعم الكباب سعر السيخ عندهم 3 ريال ... مع انه كباب لمزاني كان افضلهم في نظري لكنه كان اقل منهم بنص ريال ....... بما انه رفع نص ريال وصار السيخ 3 ريال ...فاعتقد هو تساوى مع الباقين

[بومحمد911]

اهم شيء انه ايراني سني

الله يبارك له في حلاله

[الخاطف]

عندنا بالاحساء مطعم شعبي وعليه كباب كويس مره

السيخ الواحد بريال

ويكفيك 7 او 8 اسياخ

الله يعينكم يا اهل قطر على الغلاء الفاحش بالاسعار

[ROSE]

دلوني وين مكان محل لمزاني ومحل خوش كباب ؟

من كلامكم يشهي اليوم بالليل بروح له انشالله

حصلت مكان احسن منه وللحين مارفع ولا نص ريال


اشارات السينمات ،، تدخل كانك رايح منطقة النجمه ،، اول لفة يمين

بعدين ثاني لفة اسمه مطعم كباب الشباب اتوقع جذي ممتاز كبابه

[بـارود]

حصلت مكان احسن منه وللحين مارفع ولا نص ريال


اشارات السينمات ،، تدخل كانك رايح منطقة النجمه ،، اول لفة يمين

بعدين ثاني لفة اسمه مطعم كباب الشباب اتوقع جذي ممتاز كبابه

بصراحة عجيب بس سمعت انه شيعي والعهدة على الراوي :omen2:

[ROSE]

بصراحة عجيب بس سمعت انه شيعي والعهدة على الراوي :omen2:

لا المسكين وين شيعي سني ،، تقدر تسأله

ولدي قعد يسولف معاه ،، الريال مسكين والله

[نجدي قطري]

بصراحة لمزاني أوّل مرّة أسمع عنّه، بس ذيك المنطقة أخبر فيها مطعم كباب شجاع ما أدري طرزان.
واللي عنده خبر عن مطعم كباب الشعب اللي كان عند مدرسة الصناعة القديمة وين ودّوه، الله يجزاه خير يعلّمنا.
عن نفسي كنت آخذ من هالمطعم ومن مطعم السفير اللي مجابل مطعم الزرقاء القريب من سناء.

[alkatalony]

بصراحة الدجاج عنده عجييييب حده احلى من الكباب حتى

اذا الشباب يروحون يمزمزون على 8 اصياخ وانا ذاك اليوم ومعاي اثنين ضربنا على 47 صيخ يامال العافية وين بنقاطعه

راح احاول اني اقاطعة وعموما انا مش دايما امزمز عنده مره كل كمن شهر عن الخاطر بس لان المطاعم زادت في البلاد ولازم ناخذ لفه عليهم

[alkatalony]

:victory:
بصراحة لمزاني أوّل مرّة أسمع عنّه، بس ذيك المنطقة أخبر فيها مطعم كباب شجاع ما أدري طرزان.
واللي عنده خبر عن مطعم كباب الشعب اللي كان عند مدرسة الصناعة القديمة وين ودّوه، الله يجزاه خير يعلّمنا.
عن نفسي كنت آخذ من هالمطعم ومن مطعم السفير اللي مجابل مطعم الزرقاء القريب من سناء.

ابشر بعزك يا الحبيب مطعم الشعب فتح في أم غويلينه جنب مطعم اليازي للمجابيس وعجيب الصراحة في رمضان انا كنت امطيح عنده

[بنت مريخ]

ماعرفت هلمطعم الا منكم
سئلته ليش رفعت الاسعار رد علي كل الناس ارفعت اسعارها
خذت منه خبز مهياو عذااااااااااااااااااااااااااب
اللحم ماحبيته استرالي

[راشد محمد]

كل الناس رفعت جات عليه هو

[ريتويت]

ياجماعه دلوني على احسن مطعم كباب صج صج حلو

[بوحارب]

ياجماعه دلوني على احسن مطعم كباب صج صج حلو

لمزاني حلو وفيه محل عقبه بشوي الناس كلها تمدحة بس للحين ماجربته :victory:

[ريتويت]

لمزاني حلو وفيه محل عقبه بشوي الناس كلها تمدحة بس للحين ماجربته :victory:

اقرب مكان لي شارع ال شافي بس توني ماكتشفت اذا عندهم مطاعم كباب او لا

[نجدي قطري]

:victory:

ابشر بعزك يا الحبيب مطعم الشعب فتح في أم غويلينه جنب مطعم اليازي للمجابيس وعجيب الصراحة في رمضان انا كنت امطيح عنده

يه.
ياخي آنا يا أخباري بايتة يا مغلوطة.
أخبر قالوا اليازي اللي في أم غويلينة سكّروه. قمت أتحسّر على الهريس.
بس ما دامه مفتوح يبشر سلمان بسعده.
ومشكور الحبيب على معلومة كباب الشعب. بصراحة ما له حل.

[HelperIT]

من صجكم لمزاني ! هو صج كبابهم حلو بس كلش كلش ما يتقارن بالي جنبه ...اقصد خوش كباب !

خوش كباب حكايه والله !

[khaldoon]

السلام عليكم ورحمة اللة وبركاتة

انا اشوف اهل قطر من مطعم ايرفع نصف ريال ولا ريال ولا ريالين كلن قام علية
وشركات السيارات ترفع قطع الغيار اضعاف ماحد قال شى
والسيارات ارتفعت اسعارها بـــــــ 20000ريال و40000ريال ماحد تكلم ولا قال خلونا نقاطهم
هاى الشركات
عبدالغنى كل يوم يرفع اسعارها سياراتها وماحد قال شى وكل ما ريفع الاسعار تراكضت الناس علية علشان يشترون منا

و عليكم السلام و رحمة الله و بركاته

معقول يا اخوي هالمقارنه هذه غير المنطقيه؟!!!!!!

هي منطقية من ناحية نظريه بس اما مع وكالة عبدالغني فلكل قاعدة شواذ

يعني تقارن وكالة عبدالغني حبيبة الجميع بالمطاعم

اخوي وكالة عبدالغني لانها تعرف اشكثر الناس تحبها و تموت فيها بتتدلل كل يوم على الشعب و بترفع الاسعار و تعرف انها ايش ما رفعت مستحيل الناس ترفض لها طلب و توقف عن التعامل معاها و شراء السيارات منها

اما المطاعم فنقدر نغيرها :rolleyes2:

[khaldoon]

انا معاك اخوي في هالنقطــة انهم نفس الاسعــار (السيــخ بـ 3 ريال)

بس الي يفرق انه لحم الكباب عند خوش كباب لحم (استرالي) فرش ذبح محلي والدجاج بعد حي فرش :nice:

والي عند اللمزاني لحم مستــودر مبرد :omg:

بس عيب مطعم خوش كباب ان الخبـز والخضره (الجرجير) كل واحد وسعره يعني مايجون مع الكباب :(

بس الصراحة يستاهل كفاية الخبز المسمسم الي عنده ودك تاكله بدون اي شي

والاهم من هذا اني اكل لحم فرش ومحلي ذبح الدوحــة

جرب من عنده وعطني رايك

وعليك بالعافية

جزاك الله كل خير و اكيد المره الجاية ما راح اروح الا على خوش كباب :victory:

[khaldoon]

khaldoon

إذا رحـت خوش كباب كلمني عشان أجربـه معاك :..:nice:

سلامي للكل

في ذمتي إنك منـّور :.. :omen2: وين غطيـــت :.. !!!!

حياك الله يا الغالي

والله شكلي بروح الاسبوع الجاي او اليوم

[khaldoon]

دلوني وين مكان محل لمزاني ومحل خوش كباب ؟

من كلامكم يشهي اليوم بالليل بروح له انشالله


تعرف مركز الراشدي و مركز العالم الجديد ؟ ( صوب إشارات السيفين )
شارع حمد الكبير
في دخلـه بينهم :.. إدخلها و روح سيده بتلاقي لمزاني :.. و عقبـه خوش كباب :..


بو الجوري

يسلمو دليته

ان شاء الله بس عجبك الاكل؟

هنيئا ان شاء الله :victory:

[khaldoon]

اغلب مطاعم الكباب سعر السيخ عندهم 3 ريال ... مع انه كباب لمزاني كان افضلهم في نظري لكنه كان اقل منهم بنص ريال ....... بما انه رفع نص ريال وصار السيخ 3 ريال ...فاعتقد هو تساوى مع الباقين

هو رفع مع الخيل يا شقرا و الا هو مب محتاج يرفع و هو قاله بصراحه لي و اكدها بعض الاعضاء انه رفع لانه كل رفع اسعاره و هذه نقطة الخلاف الرئيسية في الموضوع

يعني احنا المستهلكين مثل الفريسة اللي واقعة بين انياب و مخالف التجار الجشعين و تلاقي واحد منهم ينظر اشلون زملاؤه ياكلون بالفريسه فبدل انه يشفق على هذه الفريسه يروح يشاركهم و ياخذ له نصيب منها ....و كأنه فلوسنا حلال لهم و مب تعبانين فيها و الا مثل ما يقولون لاقيين فلوسنا بالشارع

[khaldoon]

اهم شيء انه ايراني سني

الله يبارك له في حلاله

ايراني سني مب معناته اخوي انه يكون جشع و استغلالي

شوف الرد اللي فوق لو سمحت و بتفهم قصدي

في دولة عربية تلاقي المواطن فيها يمشي لاخر الشارع علشان يشتري من تاجر سني و اغلى بعد مع انه تلاقي تاجر مسيحي او شيعي يبيع ارخص منه و تحت البيت و العكس صحيح ....ما نبي نكون مثلهم و نتعامل بعنصريه طائفيه بهالشكل

والا بنصير بكره نلاقي عيادة الدكتور الشيعي فلان الفلانه للشيعة فقط او للسنة فقط او للكاثوليك فقط او للاورثوذكس فقط ...ما نبيع نتعامل بناء على الطائفيه


ما ارضى واحد سني يستغلني برضاي بس لانه سني مثلي...هذا الكلام بصراحه غير مقبول

نبي التجار ينظرون لنا نظره انسانية و اخويه قبل كل شيء

[khaldoon]

عندنا بالاحساء مطعم شعبي وعليه كباب كويس مره

السيخ الواحد بريال

ويكفيك 7 او 8 اسياخ

الله يعينكم يا اهل قطر على الغلاء الفاحش بالاسعار

الله يبارك لكم و يهنيكم

يا ريت التجار الجشعين عندنا يروحون ياخذون دورة عند تجاركم

[khaldoon]

حصلت مكان احسن منه وللحين مارفع ولا نص ريال


اشارات السينمات ،، تدخل كانك رايح منطقة النجمه ،، اول لفة يمين

بعدين ثاني لفة اسمه مطعم كباب الشباب اتوقع جذي ممتاز كبابه

خلاص بجربه ان شاء الله

كل الشكر مشرفتنا الفاضلة :victory:

[الســـهم]

دامك تحب الكباب يا خلدون وبتدفع 3 ريال عند لمزاني ..

ايش رايك تجرب مشويات الكشتة بفريق كليب بين سوبرماركت الطائف ومطابخ الدوحة الشعبية ..

اذا انت تشوف كباب لمزاني شي بالنسبة لك , اشهد ان هذا الكباب بيعجبك اكثر منه ..

[khaldoon]

بصراحة عجيب بس سمعت انه شيعي والعهدة على الراوي :omen2:




لا المسكين وين شيعي سني ،، تقدر تسأله

ولدي قعد يسولف معاه ،، الريال مسكين والله

حياكم الله :nice:

[khaldoon]

بصراحة لمزاني أوّل مرّة أسمع عنّه، بس ذيك المنطقة أخبر فيها مطعم كباب شجاع ما أدري طرزان.
واللي عنده خبر عن مطعم كباب الشعب اللي كان عند مدرسة الصناعة القديمة وين ودّوه، الله يجزاه خير يعلّمنا.
عن نفسي كنت آخذ من هالمطعم ومن مطعم السفير اللي مجابل مطعم الزرقاء القريب من سناء.


كل الشكر على تفضلك بالمرور

[khaldoon]

بصراحة الدجاج عنده عجييييب حده احلى من الكباب حتى

اذا الشباب يروحون يمزمزون على 8 اصياخ وانا ذاك اليوم ومعاي اثنين ضربنا على 47 صيخ يامال العافية وين بنقاطعه

راح احاول اني اقاطعة وعموما انا مش دايما امزمز عنده مره كل كمن شهر عن الخاطر بس لان المطاعم زادت في البلاد ولازم ناخذ لفه عليهم

صحتين و عافية

صحيح كلامك.....والله الواحد لما يكون معاه صحبه ياكل باستمتاع اكثر ولا يحسب

كل الشكر على مرورك الحلو

[khaldoon]

ماعرفت هلمطعم الا منكم
سئلته ليش رفعت الاسعار رد علي كل الناس ارفعت اسعارها
خذت منه خبز مهياو عذااااااااااااااااااااااااااب
اللحم ماحبيته استرالي

بارك الله فيكي على تأكيد كلامي في بداية الموضوع و هو انه رفع سعره تقليدا لغيره من غير الحاجه لرفع السعر بس جشع و دناوة نفس منه

[khaldoon]

كل الناس رفعت جات عليه هو

crazycrazy

تم الرد من قبل على هذه النقطه

شرفني مرورك

[khaldoon]

ياجماعه دلوني على احسن مطعم كباب صج صج حلو


لمزاني حلو وفيه محل عقبه بشوي الناس كلها تمدحة بس للحين ماجربته :victory:


اقرب مكان لي شارع ال شافي بس توني ماكتشفت اذا عندهم مطاعم كباب او لا

:victory::victory:

[khaldoon]

من صجكم لمزاني ! هو صج كبابهم حلو بس كلش كلش ما يتقارن بالي جنبه ...اقصد خوش كباب !

خوش كباب حكايه والله !

للحين ما جربته بس اكيد لازم اجربه طالما الكل يمدح فيه

[khaldoon]

دامك تحب الكباب يا خلدون وبتدفع 3 ريال عند لمزاني ..

ايش رايك تجرب مشويات الكشتة بفريق كليب بين سوبرماركت الطائف ومطابخ الدوحة الشعبية ..

اذا انت تشوف كباب لمزاني شي بالنسبة لك , اشهد ان هذا الكباب بيعجبك اكثر منه ..

جزاك الله كل خير على النصيحه و ان شاء الله بجربه قريب :victory: