موقف في فيلاجيو .....احذروا من هذه المنقبة

[رمــش الغلا]

السلام عليكم

اليوم صادني موقف غريب الصبح الساعه 10 ونص تقريبا في فيلاجيو
أمرأة منقبة توزع كتيبات وأشرطة من الدعوة والارشاد
وطلبت منا تبرعات على قولتها لأســــر قطريين محكوم عليهم بالاعدام

وطبعا عندها شنطة كبيرة عشان احط فيها التبرعات ومتروسه فلوس :eek5:
عاد احنا ينكسر خاطرنا وانحط لها (المغفلات والمغفلين من أهل قطر) وانا وحده منهم :rolleyes2:

وسألتها عن هويتها قالت الملازم هيــــــا المناعي وراوتني بطاقة مزيفة للأسف امعلقتها على ارقبتها وراحت بسرعة حق غيري


وألحيـــــــــــن وصلني مسج تحذير منها اذا شفتوها بلغوا عنها


تحياتي لكم

[المسك1969]

اشدعوه فديتج ما فكرتي وقتها شلون ملازم وتجمع تبرعات؟ ممنوع أصلا وواضح أنها كذابه

شلون ملازم ويستغل الاسم في جمع التبرعات... ياربي من هالغش

الله المستعان ولا حول ولا قوة إلا بالله العلي العظيم


وأجرج وأجر اللي تبرعوا إن شاء الله ما ضاع

الله أكبر الله أكبر الله أكبر لا إله إلا الله
الله أكبر الله أكبر ولله الحمد

[R 7 A L]

ليش مابلغتي الشرطة في وقتها ؟
!!!

[كتكوت الوحش]

زين حذرتينا

[رمــش الغلا]

ليش مابلغتي الشرطة في وقتها ؟
!!!

مابلغت لأني صدقتها
:secret:

وعندها شنطة ثانية كلها كتيبات وأدعية واتقول في ميزان حسناتكم فرجتوا كربة الأسر المحتاجة.. بصراحة ماشكيت في كلامها إلا يوم وصلني مسج التحذير ألحين

[R 7 A L]

مابلغت لأني صدقتها
:secret:

وعندها شنطة ثانية كلها كتيبات وأدعية واتقول في ميزان حسناتكم فرجتوا كربة الأسر المحتاجة.. بصراحة ماشكيت في كلامها إلا يوم وصلني مسج التحذير ألحين



هذي مشكلتنا انا وانتٍ وغيرنا
خصوصاً في مثل هالمواقف ( المباغته ) نصدق
ونعطي بدون تفكير
الله يعطينا على قد نيتنا

[<اضرب واشرد>]

ملازمة وتجمع تبرعات على باب فيلاجيو ، ولقطريين محكوم عليهم بالاعدام بعد !

لو منها بكذب كذبة تتصدق ..

[أم مشعل]

بس عاد من قولة ( في حزتها ما فكرت ) اذا في حزتها ما فكرنا متى بنفكر؟؟؟؟؟؟؟

اشكثر نقرا من هالمواضيع المفروض يكون صار عندنا مناعة من هالحرامية واللصوص وطرقهم

في ابتزاز أموال الناس بطرق مختلفة

[سلطان23]

وش جنسيتها ؟

[رمــش الغلا]

وش جنسيتها ؟

والله كلامها اقطري بحت وحتى شكلها

[رمــش الغلا]

هذي مشكلتنا انا وانتٍ وغيرنا
خصوصاً في مثل هالمواقف ( المباغته ) نصدق
ونعطي بدون تفكير
الله يعطينا على قد نيتنا

اللهم آميــــــــــن :(

[قطريه ماركه]

الحمدلله ما أصدق اللي يجمعوون تبرعات بهذا الشكل ....

[خذاني الشوق]

انا لو منج اسوي عمري اني عرفتها واقول لها انتي هيا بنت من محمد ولا بنت احمد عاد انتي طلعي اسامي وقولي لها كشفي النقاب نسيت شكلج انا خخخخخخخخخخخخخ

[Northqatar]

السلام عليكم

ملازم وويجمع تبرعات ؟

الا ادارة المجمع وكيمراتهم

وينها ؟ ووين امن المجمع ؟


عموماً تحذيرك وصل

[بوحارب]

شكرا على التحذير بس لو انا مكانج كان بقت الشنطة بكبرها ونفختله

عاد عقب خلي الملازم هيا ادورني ههههههه

[Best Man]

والله كلامها اقطري بحت وحتى شكلها

شلون شكلها وانتي قلتي انها منقبه ؟؟ << كونان :rolleyes2:

[khaleeji]

لازم تتلعلمون تقولون لا ولا تصيرون مقصه

[بصمة قطرية]

ولا شي من اللي قالته يدش العقل .. :secret:

[الأصيلة]

هذي سالفتها نفس اللي كانت تدعي إن اسمها ...شي.. السليطي ( قبل كم سنة )
وتدخل بيوت الناس وترفع النقاب أول ماتدخل عشان مايشكون فيها
وتطلب وتجيب صور وتقول هذي أمي محترقة ومن ها الكلام
وتتعاطف معها الحريم ويعطونها آلاف مؤلفة...
وأنا جاتني مرة بس كنت بطلع وطردتها من البيت ..
لأن ادرعم في وسط الصالة بدون استئذان فـ خفت منها...
لكن في الأخير صادوها الحيــّالــة....

[we-r-sawa]

المفروض بدل التحذير ابلاغ الشرطة فورا بعد ماعرفتي انها نصابة واعطاء أوصافها وهم راح يقومون بالواجب

[عصير رمان]

ههههههههه تلاقينها الحين هذي صارت من اصحاب الأملاك والعقارات

[همسه]

انا مالومج احنا بسرعه ينكسر خاطرنا و نتعاطف مع الناس من طيبتنا

بس من كثر ما سمعت صرت ما اصدق صح ينكسر خاطري واقول يمكن هذي صادقه بس ارجع اقول لا خلاص لازم نتعلم ان ما ينضحك علينا

اليوم لما كنا في الدوام جاتنا زحده و طلبت مساعدات قلت لها روحي للمسئول داخل احنا ممنوع نعطيج و شوفي الكاميرات فوقنا تصور وصح كانت في كاميرات قامت بسرعه دخلت اوراقها في شنطتها وقالت جزاكم الله خير و راحت

ما انكر وهي رايحه كسرت خاطري بس مادري اذا كانت صادقه و محتاجه او من هالنصابين لكن حسيت اني سويت الصح

اهم شي اني وهقت المسئول

ههههههههههههههههه

[ريتويت]

المفروض كنتي مسكتيها من يدها وماخلتيها تمشي وتبلغين الشرطه عشان بسرعه يمسكونها

[نتفـه]

خبركم موسم الاعياد ورمضان يطلعون بكثره ..

[رجل الجزيرة]

هذي مشكلتنا اذا شفنا الواحد منهم ساريناه وعطيناه مبغتنا وبعدييييييييييين شكينا فيه وكتبنا في المنتديات.

[عيون Qatar]

مشكورة الغالية وفي ميزان حسناتج ان شاء الله

زين سويتي على التحذير

[nooora]

انا مالومج احنا بسرعه ينكسر خاطرنا و نتعاطف مع الناس من طيبتنا

بس من كثر ما سمعت صرت ما اصدق صح ينكسر خاطري واقول يمكن هذي صادقه بس ارجع اقول لا خلاص لازم نتعلم ان ما ينضحك علينا

اليوم لما كنا في الدوام جاتنا زحده و طلبت مساعدات قلت لها روحي للمسئول داخل احنا ممنوع نعطيج و شوفي الكاميرات فوقنا تصور وصح كانت في كاميرات قامت بسرعه دخلت اوراقها في شنطتها وقالت جزاكم الله خير و راحت

ما انكر وهي رايحه كسرت خاطري بس مادري اذا كانت صادقه و محتاجه او من هالنصابين لكن حسيت اني سويت الصح

اهم شي اني وهقت المسئول

ههههههههههههههههه

ههههههههههههههههههههههههههههههههههههههه

انا شخصيا ما احب ارجع حد اتصدق بما يرضي الله والله أعلم بالنوايا ينكسر خاطري لما اشوف حد متسول

[الامانه]

كانت يوم الاربعاء موجوده في مستشفى حمد في العيادات الخارجيه
وبعدها انزلت تحت وتواجهت معاها في قسم المواعيد
كنت رايحه اخذ موعد تصوير
وسالت انتوا قطريين قلت لها اي قالت انا الملازم هيــــــا المناعي وراوتني بطاقتها
وعطيتها كل اللي في المحفظه بس قلت لها باخذ ا لمصروف قلت يمكن احتاج حق البترول
واسالت الموظفه انتي قطريه قالت لها لا
بعدها راحت حق واحد كان قاعد ينطر دوره في الموعد وقالت له انت قطري قال لها اي وعطاها المقسوم
بل لهدرجه احنا مغفلين
والله اني اكتب الرد وميتي على عمري من الضحك

[راشد محمد]

زين سويتي على التحذير

[الأصيلة]

لو إنها فعلا قطرية مثل ماتدعي
ماكانت تسأل الناس عن جنسياتهم بـ تعرف على طول...

[كازانوفا]

للاسف اشكالهم هي اللى تخلينا انصدقهم بالفعل ناس منتفه ومحتاجين للقمه

حسبي الله ونعم الوكيل فيهم عندهم صحه تهد جبال كان اشتغلو ابركلهم من الكذب ومد اليد

[نورهان88]

واجد يمرون علينا وما نعطيهم وجهه

[we-r-sawa]

انا مالومج احنا بسرعه ينكسر خاطرنا و نتعاطف مع الناس من طيبتنا

بس من كثر ما سمعت صرت ما اصدق صح ينكسر خاطري واقول يمكن هذي صادقه بس ارجع اقول لا خلاص لازم نتعلم ان ما ينضحك علينا

اليوم لما كنا في الدوام جاتنا زحده و طلبت مساعدات قلت لها روحي للمسئول داخل احنا ممنوع نعطيج و شوفي الكاميرات فوقنا تصور وصح كانت في كاميرات قامت بسرعه دخلت اوراقها في شنطتها وقالت جزاكم الله خير و راحت

ما انكر وهي رايحه كسرت خاطري بس مادري اذا كانت صادقه و محتاجه او من هالنصابين لكن حسيت اني سويت الصح

اهم شي اني وهقت المسئول

ههههههههههههههههه

عداك العيب وتصرف حكيم وللعلم نهى ديننا الاسلامي عن التسول ونهى نبينا الكريم محمد صلى الله عليه وسلم عن ذلك وهذه خطبة لأحد علماء الدين بالسعودية جزاه الله خير عن موضوع التسول والنهي عنه:
(للأسف اتخذ بعض الناس الفقر ذريعة فربطوا التسول بالفقر ثم تعدى هذا الأمر حتى ربطوه بالدين وكأن الدين اليوم يدعوا للبطالة والتسول ويدعوا للكسل ولا غرابة في هذا فالدين اليوم أصبح مطية العلو من أجل الدنيا في الأرض ولو نظرنا إلى إسلامنا لوجدناه انه حارب التسول حربا لاهوادة فيه وبالغ في النهي عن مسألة الناس وعن سؤال الصدقات التي هي أوساخ الناس .
قال تعالى ( للفقراء الذين أحصروا في سبيل الله لايستطيعون ضرباً في الأرض يحسبهم الجاهل أغنياء من التعفف تعرفهم بسيماهم لا يسألون الناس الحافاً ).
أي إن الصدقات ليست لهؤلاء المتسولين القادرين على العمل ولكنها للفقراء الذين لايستطيعون السعي في طلب الرزق ويحسبهم الجاهل أغنياء من التعفف لأنهم لايسألون الناس شيئاً ولا يتسولون ولكن تعرفهم أنهم فقراء بسمات الفقر التي تظهر عليهم ولو حاولوا إخفاءها .
فالذين على أبواب المساجد في كل وقت وعلى إشارات المرور وخاصة في المدن الكبيرة وعلى أبواب البيوت والمجمعات والبنوك وغيرها من الأماكن التي يتواجد فيه الناس .
فهؤلاء قادرون على الكسب وعلى العمل ولو تظاهروا بالبكاء والكذب والدجل فلا تحل على مثلهم صدقة لماذا لأنهم دجالون ...

[بوخالد911]

يسلمو للتنبية

والان حتى محصلين الجمعيات الخيرية ؛ لازم تتاكدون من البطاقة اللي صادرة من وزارة الشؤون الاجتماعية
والله يحفظكم

[vtc_4.8]

هذي مشكلة المنقبة ماتعرف هويتها ولامن تكلم رجال ولا حرمه

[R 7 A L]

هذي مشكلة المنقبة ماتعرف هويتها ولامن تكلم رجال ولا حرمه

في رأيك كيف يتم حل هذه المشكلة ؟

[kitmat]

شلون شكل عيونها كبيرة كانت وحدة معانا في المسار العام كل يوم يايبه لنا ظرف وتيمع فلوس حق ناس وفي الاخير طلعت اهية مديونه بمبلغ كبير واسمها فاطمه التميمي ولا طلعت تقرا على الناس وتاخذ فلوس وطريقة القراءة شعوذة بس اهيه متنقبه وتلبس قفازات ونصبت على ناس وايد وبعدين قامت تطلب من الرياييل اللي في المسار العلمي بدون ماتستحي منهم وياريتنا بلغنا عنها بس مااكتشفنا الاعيبها الامتاخر والله يعين المدرسه اللي تدرس فيها الحين

[vtc_4.8]

في رأيك كيف يتم حل هذه المشكلة ؟


ما أدري بس فرنسا لما امنعت الحجاب اظن لأسباب امنيه ومب عناد في احد

[البرونزي]

اشوفكم مركزين على الهويه وايد
يعني مادري ليش مستبعدين القطريات يسوون هالشغلات
اللي ماعندهم ذمه هالايام وايد سواء قطريات او خليجيات او اجنبيات
واتمنى يتم التبليغ عنهم والغلط غلط وموضوع الجنسيه نتركه على جنب

[MAZEN37]

السلام عليكم

ملازم وويجمع تبرعات ؟

الا ادارة المجمع وكيمراتهم

وينها ؟ ووين امن المجمع ؟


عموماً تحذيرك وصل
:nice:

[ellezeem]

الله يعينها ماندري شنو ظروفها يمكن إنها محتاجه
الله يستر علينا وعليها

[Arab!an]

جاتني قبل فترة في فيلاجيو وما حسيت انها تكذب .. وما اعتقد انها تكذب
من اسلوبها وطريقتها وثقتها

البطاقة اللي حاطتها مكتوب عليها مؤسسة قطر الخيرية اعتقد

قالت انا هيا المناعي .. ما قالت الملازم

انا توقعت انها تقوم بجمع التبرعات بطريقة اكثر جرأة وتروح للناس ما تنطر الناس يجون يتبرعون

اذا ماكان التحذير حقيقي وقائم على اشياء حقيقية لا تظلمون المرة

المرة كانت واثقة من نفسها في كلامها وفي اسلوبها وما كانت خايفة وما كانت تتخشش .. لو كانت تكذب ماراح تستمر طول هالفترة