الخطوط الجوية راس الخيمة (Rak airways)

[we-r-sawa]

خطوط جديدة تابعة لامارة راس الخيمة ولها فرع بالدوحة وهذا رقمهم:44444403
فأرجو أن أفدتكم بهذه المعلومة

[Mohammed.a]

السلام عليكم ورحمة الله
كل يوم لها رحله الى الدوحة
وتقدر تشتري التذكره من الدوحة الي راس الخيمه مع ( توصيل الي دبي ) ب ٧٠٠ريال تقريبا

http://rakairways.com/ar/index.asp

راس الخيمه تصلح ويك اند و السكن في منتجع هيلتون

[البحار00]

نصيحه لحد يروح عليها

ما تنفع بريال كل يوم وحده من هالطيارات متعطله

طياراتهم تجارية ومستهلكه

[SOUD.QA]

تسلم we-r-sawa على المعلومه الحلوه

Mohammed.a اشكرك عالاضافه القيمه

البحار00 اخوي اسطولهم يعتبر جديد لان طيرانهم ابتدأ سنة 2007 شهر مايو واسعارهم جدا مغريه للعائلات خصوصا ان المسافه معقوله بين راس الخيمه والشارقه ودبي

[we-r-sawa]

جزاك الله خير يالبحار على ملاحظتك وربما تؤخذ في الاعتبار ولكن الناس يبون بدائل ومهب كلهم قادرين على أسعار القطرية والاماراتية والاتحاد المولعة..ولا بد من وجود شركات طيران منخفضة التكاليف التي تناسب أغلب الناس ذوي الدخل المحدود..
وعلى سالفة التعطيل أشوف القطرية على أسعارها الخيالية ماتمشي بوقتها الا نادرا بسبب خلل بالطائرة!!ومحد يحاسبها وياكثر ماكتبت لخدمة العملاء والله بالخير ولا اعتذار ولا تعويض!!وحصلت معاي أكثر من مرة لدرجة ان أنا شخصيا أغمى علي في مرة من المرات من سنتين لما الطعونا ساعتين بالطيارة في الحر ومافي تكييف وكل هذا بالصيف!! من يومين ولدي راح دبي عالقطرية والطعوهم بالطيارة ساعة ونص وماقدموا لهم حتى شراب والسبب تعطل الطيارة ومع هذا القطرية يعتبرون نفسهم 5 نجوم!!

[الخزرجي قطر]

شكرا على المعلومات

[مهره]

سالت عنها الكل مايمدحها يقولك مب زينة من اي ناحية ماتعرف