من مسوي في بيته صالون نسائي خاص يدخل

[أم البنات]

بغيت أسألكم وأستشيركم
هل فكره عمل صالون نسائي خاص فيني وببناتي بالبيت فكره عملية وحلوه واجيب لي فلبينيه خاصه للبيت وتعمل لي كل شي لي ولبناتي
من مسوي صالون في بيته يدخل يعطينا رايه
شنهي العيوب شنهي المزايا
وكم راتب الكوافيرة الخاصه

[MAZEN37]

في قوانين وايد بهالموضوع
بالتوفيق

[بوعلى 1]

بغيت أسألكم وأستشيركم
هل فكره عمل صالون نسائي خاص فيني وببناتي بالبيت فكره عملية وحلوه واجيب لي فلبينيه خاصه للبيت وتعمل لي كل شي لي ولبناتي
من مسوي صالون في بيته يدخل يعطينا رايه
شنهي العيوب شنهي المزايا
وكم راتب الكوافيرة الخاصه

صالون في البيت!!!!!!!!!!
ليش يعني معناتها تمكيج في تمكيج ونتوا داشين وطالعين فكرة غير مستحبة

[أم البنات]

ما فهمتوا أيش أقصد

عندي غرفة صغيرة بالبيت وبغيت أحط فيها مغسله للشعر لأن أنا من النوع الي أدهن بناتي على شعر مغسول ونظيف وعقب ارجع اغسل شعرهم فما في داعي اسبحهم مرتين قبل وبعد

المغسله بتسهل على هالامر غير أني باخذ جهاز البخار مال الشعر حتى اسوي لي ولبناتي حمام زيت للشعر وما روح الصالون وبغيت بعد اشتري معقم للفراشي والمشوط والادوات الثانيه مثل المقاريض لان تعقيم المشط ضروري للقضاء على الفطريات

مثلا بحط بالغرفه معدات البديكير والمنكيير واجهزة تنظيف البشرة وجهاز البخار للجسم وادوات التجميل وتنظيف الجسم كلها الي عندي

غير اذا بغيت اتحنا اتحنا بالغرفه ويتحنون اليهال بالغرفه وما يخيسون البيت والحمامات الي بالبيت

واذا بغيت اسوي استشوار لي او للبنات وارتب اشعورهم واقص اقذلهم وشعورهم يكون بهالغرفة
انا من النوع الي اسوي كل شي اقدر عليه بالبيت مب قصدي المكياج لا والله


القصد به استعمال شخصي مب بزنس لا ما حب حد غريب يدخل بيتي والحمدلله حالتي الماديه زينه


ان شاء الله وضحت الفكره

[وطن]

فكرة حلوة
هالفكرة كانت حلمي يوم كنت في مرحلة المراهقة :shy:

بس ما طبقت الفكرة ونسيتها يوم كبرت
لان ما نحتاجها في بيتنا كثير
كل وحده معتمده على نفسها
تعلمنا نسوي تقريبا كل شي حق نفسنا

بخصوص الراتب ما عندي فكرة اختي

بس انا اشجعج على هالخطوة
لانها فعلا حلوة وفيها خصوصيه وراح توفرين على نفسج وايد

:victory:


اذا طبقتيها قولي لنا النتيجه شلون

بالتوفيق

[abu abdulla]

فكره ممتازه وانظف واريح واكيد الفلبينيه ماراح يزيد راتبها عن الف ريال وخليها تكون مسئوله عن الغسيل وكي الملابس على شان يكون عندها شغل ،،،، وتجهيز الصالون مايكلف ويمكن الكرسي والمغسله تكون اغلى شي وبتلاقينهم في النزيه اعتقد بشارع سلوى والمحل الثاني في مبنى الصالون الازرق القديم بشارع السد

[أم البنات]

نزيه مسوي تخفيضات في فرع من فروعه كل شي 40% تخفيض عليه

يعني مغسلة الراس بـ 1100 تقريبا وهو الكرسي البسيط العادي مافيه مساج وهالحركات

دروج الرولات والمشوط بـ 180 ريال جهاز تعقيم الفراشي والمقاريض بـ 300 ريال من بعد ما كان بـ 500 ريال

وهكذا

لين الحين اتشاور ومثل ما قلتي يا وطن اخاف كلن يعتمد على نفسه وينسون هالغرفه الي افكر احط فيها ملابس السهره بعد مع أن ملابس السهره خلاص نلبسها مره وحده مرتين وتنقط

شاكرتلكم مروروكم ومشاركتكم لي حلمي

يا ريت المزيد من الآراء والافكار والتجارب

[al saad]

الشيخه توكلي ع الله وافتتحي الصالون في البيت ابرك واوفر
انا سويت في البيت عندي غرفه كبيره فوق السطح مع حمام عود فقسمت الحمام قسمين صالون وحمام صغير
والاغراض ماتكلف كرسي ١٥٠٠ واجهزه وفراشي ومواد ب ٣٠٠٠ ان كثر كل شي اقل من ٥٠٠٠ ريال
وجبت عامله صالون ب ١٥٠٠ وشرطي انه تشتغل في البيت بس وابشرج طلعت قيمه الصالون في البيت وقمت اشغلها بفلوس بعد اشياء بسيطه عشان اطلع راتبها كل حد يعطيها ٥٠ ولا ١٠٠ على الزياره وطول اليوم ماعندها شعل واتساعد الخدامه بطيب خاطر

الله يوفقك وتوكلي على الله مشروع ناااااجح

[روح الاطلس]

حلوة الفكرة ليه محتارة؟ طبقيها اريح لكم من الصالونات اذا انتو من مرتادي الصالونات بكثرة بيكون اوفر لكم واحسن لكم

وبعد حلو لو تخلينه بزنس على الضيق يعني جيرانكم واهلكم ممكن تخلون الفلبينية تشتغل لهم وبنص المبلغ اللي يدفعونه بالصالونات فترة معينة لين تغطين تكلفة تجهيز الصالون ^_^

[QAT2020]

فكره رائعه ..!
بس كيف اقدر اجيبها هل يعطوني الجوازات فيزة كوافيره ..؟ ياليت تفاصيل اكثر ..؟

[البعد الخامس]

فكره حلوه واشجعك عليها

وساوافيك بالتفاصيل لاحقاً

[أبو البنات]

فكرة ممتازة

وشكلي بافكر فهالموضوع بشكل جدي

بالتوفيق واتمنى تفيدينا بالنتائج

[اعالي الجنان]

ياليت اختي تعطيني كل التفاصيل لانه المشروع عجبني كل شي فبيتي مايحتاي اروح للصالون
اشجعج عليه وموفقه ان شاءالله

[clouds]

انا عندي وحده هي كانت تشتغل من قبل بصالون ومعاشها معاش الشغاله عادي وتشتغل في كل شي واذا ابيها تسوي لي منكير وبدكير تسوي لي وشريت لها كل الاغراض من النزيه صار لي سنه مرتاحه من الصالون وحتى الاستشوار تسوي لي نفس الصالونات ..واعرف ناس كثير بعد عندهم..دوري لج وحده مشتغله في صالون قبل وجييها فيزا شغاله لان مايعطونج فيزا كوفيره

[خزامئ]

فكره ممتازه اذا بناتش واجد الله يحفضهم
اذا شوي مايسواء انتي احسبي كم مره تروحين لصالون
في الشهر
وشوفي الفرق مع معاشها
واستقدامها اذا بتجيبينها عن طريق مكتب
والله يوفقش

[أم البنات]

انا عندي وحده هي كانت تشتغل من قبل بصالون ومعاشها معاش الشغاله عادي وتشتغل في كل شي واذا ابيها تسوي لي منكير وبدكير تسوي لي وشريت لها كل الاغراض من النزيه صار لي سنه مرتاحه من الصالون وحتى الاستشوار تسوي لي نفس الصالونات ..واعرف ناس كثير بعد عندهم..دوري لج وحده مشتغله في صالون قبل وجييها فيزا شغاله لان مايعطونج فيزا كوفيره

مشكورين جميعاً على الردود
اختى زين حصلتي وحده ومعاشها معاش شغاله انا حصلت وحده بس قالت تبي 1500 ريال

[حياة]

انا علمت فلبينيتي وشريت كل شي من نزيه ومن سنتين ماعاد رحنا صوالين
كل شي نسويه في البيت من صبغ واستشوار وفير وبديكير وكلللل شي
والحمدلله مرتاحه جدا

[أم هشام]

طيب سؤال مهم
لل حابة تفتح نفس الفكرة ببيتها بس للبزنس بشكل بسيط
يعني تجيب زباين
شو الاجراء المطلوب هل يتم فتح سجل تجاري للعلم والتذكير بيكون غرفة الملحق مال البيت

[بصمة قطرية]

فكرة ممتازة اختي ..
ابدي هالشي لج و لبناتج الله يحفظهم ..
و ان شاء الله لما يكبرون و يعتمدون على نفسهم خليها بزنس لج في البيت ..
الكل قام يسوي جذي ..
اذا بتشتغل في البيت و في الصالون اللي بتسوينه في البيت
اعتقد راتب 1000- 1200 مناسب ..
بشرط تكرفينها كل يوم استشوار خخخخخ
اذا كانت ما تعرف للشعر في دورات كم ساعه او كم يوم في مراكز كثيرة
و حتى للمكياج في دورات تتعلم بسهولة ..
بس اهم شي اذا بتجيبينها وهي ما عندها خبرة اخذي رقمها من المكتب وكلميها بنفسج
و قولي لها انا ابيج تسوين كذا وكذا وراح اعلمج ..
عشان ما توصل وتتوهقين فيها ..

الله يوفقج ~:)

[أم البنات]

مشكورين جميعا على النصائح

[hyamm]

الفكره وايد حلوه ... والله يوفقج

[قطرية مثقفة]

ماشاءالله عليكم يالحريم عندكم أفكار بس كله مالت تخسر :):)
اتغشمر واااايد حلوه الفكره @@ بس اشوي غريبه @@