موقف غريب !! ساعة 2 في الليل .. ممكن بترول ؟!!

[OM_OMAR_QATAR]

السلام عليكم ورحمة الله وبركاته

استهل الموضوع ابارك لكم العيد
عسى يجعل ايامنا وايامكم مليئة برضا الله وكل سنة ونحن الى الله اقرب
كل عام وانتم بخير وصحة وسلامة وعساكم من العايدين

/
موقف حصل لي .. واستغربته وحبيت اطرح هالأمر للنقاش

من ثلاث ايام .. طالع من شغلي اجيب سحور وكانت ساعة 2 في الليل او اكثر شوي ، فما خذت معاي بوكي الا فلوس الأكل وخلص
وقفتني سيارة ترقيمها سعودي
انا وقفت قلت يمكن يحتاج شي مسكين اخر الليل

قال لي : اخوي لو سمحت فضّى علي البترول وما معاي فلوس حقه
والحين ماني قادر ارد ديرتي والي جاي عنده في المنطقة الفلانية
بعيد ومو مكفيني بترول اوصل له
:omg:
انا صراحة زعلت عليه قلت له خلص
انا مو معاي فلوس والي معاي مايفيدك مافي عشرة ريال

خليني افضيلك خزان البترول حقي اعبيه عندك وتوكل على الله

راح قال لي لا والله ما تفضيه حلفت
وخله وجزاك الله خير ماتقصر
قلت يمكن اشوف الشباب في الشغل وارد له

قلت له اكيد ؟ قال خلص توكل على الله ..
ورحت رديت شغلي وانا اكلم الشباب يمكن نشوف له حل

الا واحد من الشباب يقول لي ..
انا من اسبوعين بعد نفس الموقف صارلي وبعد مع سيارة وترقيمها مو بقطر
رحت عطيته 500 ريال قلت مسكين فج له ضيقة

بعدها باربع خمس ايام الا واحد نفس الحالة !
قلت يمكن صدفة ، وكان معي 50 ريال قلت له بس هذي الي معي ؟
قال لي / وش الي اسويه ب 50 اصلا ماتكفي ولاتسوى شي
وانا اكلمه الا سيارة فزعة تمر قريب

قلت له خلص بنوقف فزعة يساعدوك في مشكلتك
هو شاف السيارة قال لاه لاه خلص يخوي محلولة ان شاء الله
ركب سيارته وشرد !

والثاني يقول حد من ربعه صاده نفس الموقف ..
/
السؤال : هل هي ظاهرة جديدة من ظواهر النصب والاحتيال ؟
هي جديدة اصلا والا صدفت اني اكتشفتها جديد ؟؟

<
بعد مو راضي بالـ 50 يشتغل ع الثقيل الحبيب

رأيكم ؟

[clouds]

رايي تبلغ المباحث عنه عن مواصفاته وسيارته والمكان اللي يتردد عليه خل يمسكونه

[Bu 7amad]

لا والله اخوي الظاهره مب جديده
كانت ولازالت تصادفنا نفس الحركه اذا سافرنا الامارات
وكله نفس السالفه. بترولي خلص
وسبحان الله اذا قتلهم تعالوا المحطه بصبلكم بترول يقولون لا خلاص مايحتاج

[الموضوعي]

هذه ظاهرة قديمة واهل قطر طيبين مب متعودين على هالاشكال

[الغالي!]

اخبر هالنوعيه في البحرين في السعوديه في عمان اوصلو الدوحه مشاء الله يكثرهم في محطات البترول اللي في السعوديه يمكن هم جاو والحين يبون يردون هههههههههههههه

[@الأدعم@]

انا صار لي الموقف بي في دبي جت امرأه متنقبه بالمول وانا كنت بمحل مع بناتي وقامت تقول انها وزوجها مسوين حادث والسياره تصليحها بالسعر الفلاني وماعندهم فلوس وقالت ابي مساعده لتصليح السياره عشان يقدرون يرجعون للسعوديه وكلام كثير ماعطتني فرصه المهم عطيتها المقسوم وماعجبها المبلغ قلت ماعندي غيره :( وطلعت السالفه منتشره بدبي وقطر :( الله لايبلانا

[Markato]

بال هذي الحركه اذكر من التسعينات يسونها السعوديين في دبي يتحبلون حق القطرين وكل نفس السالفه البترول خلص

[مستر قطر]

ياكثرهم نفسهم الي يتكلمون بعد صلاة الجمعه

[هنت المهونه]

يالربع الظاهره هاذي مهي بغريبه ..

انا توني قبل شهر فالعزبه فالشحانيه جاينا واحد يابلفيت يبيع غتر ..

المشكله انهم عيال قبايل ..

يفترون على مواترهم ويكون فيها ولد او ولدين ..ويشوفون المجلس الي فيه سيارات واجد

يودخلون عليه وعقب فنجال فنجالين يقول وين رعي المحل ..طبعاّ رعي المحل بيعرف عن نفسه

وعقب بيشتي له الحال انه جا هو واعياله وصار لهم وصار لهم والحين يبون يرجعون ويبون

فلوس البترول بس ...ودليل انه هو وهله بيكون فالموتر ولد او ولدين ..ومنا 200

ومناك300 فالاسبوع يطلع له 10000 ريال ..شي محرز ..

يالربع هم يفترون من منطقه للمنطقه ..

[بوطويشم]

السلام عليكم

ظاهرة قديمة

لكن اكثرت فالفترة الأخيرة

[ريتويت]

حركات قديمه

[R 7 A L]

اخبرهم في المحطات قريب الدمام
انتقلت العدى !

[OM_OMAR_QATAR]

رايي تبلغ المباحث عنه عن مواصفاته وسيارته والمكان اللي يتردد عليه خل يمسكونه

سبحان الله متأخر عرفت انها حالة شاذة مو حقيقية
عالجايات يخوي :nice:

[OM_OMAR_QATAR]

لا والله اخوي الظاهره مب جديده
كانت ولازالت تصادفنا نفس الحركه اذا سافرنا الامارات
وكله نفس السالفه. بترولي خلص
وسبحان الله اذا قتلهم تعالوا المحطه بصبلكم بترول يقولون لا خلاص مايحتاج

اي بالفعل ضبط نفس الي صار مع زميلي
بس هذي بنص الدوحة موب طريق خارجي !

[OM_OMAR_QATAR]

هذه ظاهرة قديمة واهل قطر طيبين مب متعودين على هالاشكال

مشكلة يخوي ! انا ماتوقعت صراحة :omg:

[OM_OMAR_QATAR]

اخبر هالنوعيه في البحرين في السعوديه في عمان اوصلو الدوحه مشاء الله يكثرهم في محطات البترول اللي في السعوديه يمكن هم جاو والحين يبون يردون هههههههههههههه

صراحة خوي كانت السيارة ترقيمها سعودية ! :eek5:

[OM_OMAR_QATAR]

انا صار لي الموقف بي في دبي جت امرأه متنقبه بالمول وانا كنت بمحل مع بناتي وقامت تقول انها وزوجها مسوين حادث والسياره تصليحها بالسعر الفلاني وماعندهم فلوس وقالت ابي مساعده لتصليح السياره عشان يقدرون يرجعون للسعوديه وكلام كثير ماعطتني فرصه المهم عطيتها المقسوم وماعجبها المبلغ قلت ماعندي غيره :( وطلعت السالفه منتشره بدبي وقطر :( الله لايبلانا

هذي الظاهرة بعد كاعد تنتشر بقطر مدري من مسؤول انه يوقفها
لانها صراحة مو حلوة ابد
عند مستشفى عيادة الدوحة بالمواقف كانت حرمة ومنقبة بعد
بعد اسطوانة حزينة وشًي ونفس القصة تتكرر
ازيدك من الشعر بيت ، حلاته لما يكولولك المبلغ انجمع بس باقي عليه 750 ريال ويخلص !
يعني يارجال افهم وعطني 750 :secret: :secret:

الله يحفظنا ويسترنا
:weeping:

[OM_OMAR_QATAR]

بال هذي الحركه اذكر من التسعينات يسونها السعوديين في دبي يتحبلون حق القطرين وكل نفس السالفه البترول خلص

انا خبر خير :nice:


ياكثرهم نفسهم الي يتكلمون بعد صلاة الجمعه

والله مدري بعد :omg:

ظاهرة مو حلوة

[OM_OMAR_QATAR]

يالربع الظاهره هاذي مهي بغريبه ..

انا توني قبل شهر فالعزبه فالشحانيه جاينا واحد يابلفيت يبيع غتر ..

المشكله انهم عيال قبايل ..

يفترون على مواترهم ويكون فيها ولد او ولدين ..ويشوفون المجلس الي فيه سيارات واجد

يودخلون عليه وعقب فنجال فنجالين يقول وين رعي المحل ..طبعاّ رعي المحل بيعرف عن نفسه

وعقب بيشتي له الحال انه جا هو واعياله وصار لهم وصار لهم والحين يبون يرجعون ويبون

فلوس البترول بس ...ودليل انه هو وهله بيكون فالموتر ولد او ولدين ..ومنا 200

ومناك300 فالاسبوع يطلع له 10000 ريال ..شي محرز ..

يالربع هم يفترون من منطقه للمنطقه ..

ياحافظ !
والله خوش وارد ؟؟!!

:omg: :omg:

[OM_OMAR_QATAR]

السلام عليكم

ظاهرة قديمة

لكن اكثرت فالفترة الأخيرة


حركات قديمه

اي يبدو لانها اكثرت مرت بي
انا اول مرة تصادفني !

[OM_OMAR_QATAR]

اخبرهم في المحطات قريب الدمام
انتقلت العدى !

والله اخوي بنص الدوحة قريب منطقة المطار بعد
وهذا الي استغربته

:omg:

[المليونير الفقير]

احسنو الظن مب كلهم نصابين فيهم المحتاج فلازم نسمع ونميز وببين النصاب من المحتاج

[فرقاك عيد]

اليوم,,,, ليله العيد بالمرخيه عند الطواش والمتحجبه جالسة بالسياره الا الدريول الاهبل ينزل الدريشه وانا مش مبين لي الشخص الي واقف عند دريشه السايق ويسلم ويرحب قلت ليكون مشبهه او واحد من الاهل !!

شوي الا يشكي الحال وبأن اخوه مسوي حادث ومطلوب بفديه للقتيل ويدعو الله لنا وقال يابنت الاجواد عرفت انه شايفني ووانا مفتكره انه مو منتبه لي ويشكي للياهل الي قاعد جدام

انحرجت ومديت القسوم ويوم مشى ركزت فيه شاب بالثلاثينات شكله يوحي انه قطري بس الواضح انه سوري ومن بدو سوريا لان كلامه بدوي بنبره سوريه


ياليت يكون فيه امن موزعين بالاماكن العامه ويترصدون لعمليات النصب
صحيح في ناس محتاجين لكن المصيبه المحتالين خربو الصوره العامه وصرنا نشك باي شخص انه محتال

[OM_OMAR_QATAR]

احسنو الظن مب كلهم نصابين فيهم المحتاج فلازم نسمع ونميز وببين النصاب من المحتاج

اي اخوي فيه النصاب وفي المحتاج .. وانا متأكد معظمنا مروّ بهالموقف !

المشكلة هالاشكال تخلط الحابل بالنابل

المحتاج يرضى ، بالبنزين مو ضروري الفلوس ويرضى بالعشرة والعشرين لانه بعد تنفعه ويرحب بمساعدة الفزعة اكيد !

النصاب .. يشرد !
شاكر لك تنبيهك

[OM_OMAR_QATAR]

اليوم,,,, ليله العيد بالمرخيه عند الطواش والمتحجبه جالسة بالسياره الا الدريول الاهبل ينزل الدريشه وانا مش مبين لي الشخص الي واقف عند دريشه السايق ويسلم ويرحب قلت ليكون مشبهه او واحد من الاهل !!

شوي الا يشكي الحال وبأن اخوه مسوي حادث ومطلوب بفديه للقتيل ويدعو الله لنا وقال يابنت الاجواد عرفت انه شايفني ووانا مفتكره انه مو منتبه لي ويشكي للياهل الي قاعد جدام

انحرجت ومديت القسوم ويوم مشى ركزت فيه شاب بالثلاثينات شكله يوحي انه قطري بس الواضح انه سوري ومن بدو سوريا لان كلامه بدوي بنبره سوريه


ياليت يكون فيه امن موزعين بالاماكن العامه ويترصدون لعمليات النصب
صحيح في ناس محتاجين لكن المصيبه المحتالين خربو الصوره العامه وصرنا نشك باي شخص انه محتال

والله مرارا وتكرارا هالموقف عند المستشفيات عند الاماكن العامة
وصرت وين ماتروح تحسهم زي الصكَارة يطالعوك يدرسوك
ابد وجوهم ممزوعه


والله سبحانه مايرضى عن الي يطلب ..

[" Snake "]

ياجماعه بالعقل لو هو متوهق على كلامه وماعنده فلوس يرجع
اظن في سفاره تتكفل فيه اذا كان هو صادق
لان هالاشكال مستحيل اصدقها حتى لو كان صادق

[المهندس عبدالعزيز]

يا أخوان بعضهم في تايلند او البحرين ودبي يصرف كل فلوسه على القمار والخمر وكل مره تجيه فلوس يصرفها على هذي لاشياء فصارت المسألة طراره لأكمال الادمان على القمار والخمر

والله المستعان ولا حول ولاقوة الا بالله

[طاش]

هاذا في كل مكان وتحصل معه اعيالة من الاحترافية بعد هاذولا بلغ عليهم البحث الجنائي وريح نفسك

[El-Asmarani]

ياجماعه بالعقل لو هو متوهق على كلامه وماعنده فلوس يرجع
اظن في سفاره تتكفل فيه اذا كان هو صادق
لان هالاشكال مستحيل اصدقها حتى لو كان صادق

بالضبط ولا اهله في بلاده يحولون له فلوس وفي دقايق يوصل له المبلغ كامل .. شدعوه شهالفقر .. اللي يسافر يحسب الف حساب حق سفرته ..
مثل ما قال اخوي المهندس عبد العزيز هذيلا سفراتهم حق الحرام بكل انواعه وعلشان يعوض اللي ضيعه في الحرام يروح يتكسب من الناس الطيبين بالحرام ..

طيبتنا بتضيعنا يا اهل قطر .. خلونا طيبين بس واعيين وحذرين ترا هالزمن مب مثل قبل والله ما فيه امان .. عقب ما اسهلت طرق الاتصالات والمواصلات سهل على عيال الحرام في ارتكاب جرايمهم .. عسى الله يحفظنا منهم .. والله ما يقدرون يسوون هاللعانه في بلادهم لان الناس هناك عندهم وعي بجرايمهم

[كازانوفا]

يعني من كثرها فضحووو نفسهم
حسبي الله ونعم الوكيل شغل على مستوى كبيررررر وعلني

[المفترسه]

نفس الموقف صادني عند مكتبة ابن القيم اللي فالمرخيه
واحد سعودي محتاج فلوس يصب بترول عشان يرد السعوديه
وعطيته المقسوم قبل ما انزل المكتبه الغريب انه الرجال طرش
زوجته وجات وتشحت الصراحه موقف يفشل انحرجت وعطيتها

طمعوا فينا عقب الزياده

[khaldoon]

هالموقف هذا مب جديد....صار معاي من 10 سنوات يوم كنت اعمل في مشروع ابو سمره و صادفني واحد بسيارة سعوديه يمكن يكون سعودي و يمكن لا بس يتكلم بلهجة اهل السعودية و قالي خلص البترول علي و محتاج فلوس اوصل الحدود بس ....لما جيت اعطيه 20 ريال قالي ما تكفي قلت له تكفي و تزيد و الطريق ما يحتاج اكثر لابو سمره على سيارة صالون و انا هذا طريقي كل يوم و اعرف هالشي

اخذها و هو مب مبسوط ولا شاكر و راح

[Riku3]

صارتلي كثير وفي العاده اقول الله يعطيك لاني ادري انهم كذابين .. بس اخر مره انحرجت لان ما توقعت ان يطلب هالشي وتوقعت انه شخص ضايع ! .. كان يسوق لكزس فورويل ولحيته طويله واسلوبه تقول مطوع واخرتها بترولي خلص >_< .

[روح الاطلس]

امممممممم مدري هي سذاجة ولا غباء ولا شنو بالضبط!!

يعني لما واحد يقول خلص البترول يعني قاط ويهه ويشحذ على ثلاثين ريال بالكثير !! اذا سيارته صالون ثلاثين او 35 بتعبيها فول ! وان كثرت قلنا 100 ريال!!

فهل يعقل مثلا ان هذي حجة للطرارة؟ اوقف الناس واقول لهم ابي بترول عشان طمعان في 100 ريال؟!!

الله اعلم ان كان هالحوادث اللي تكررت معاكم كلهم شحاذين او فعلا صادقين

احنا مرة كنا بالرياض واشوف سيارة برقم كويتي يطالعونا السيارة فخمة واغلى من سيارتنا بعد :) الا طالع منها واحد ويجي صوبنا ويقول عندي مشكلة ومتوهق ومدري شنو الحلو اخوي ماعطاه ويه عرف انه نصاب كان لابس ثوب وغترة بس مبين انه من بدو سوريا يحاول يتكلم كويتي ويقط بدليات

قلت لاخوي شوف سيارته بس الظاهر مطلع قيمتها من الطرارة ^_^

بس الظاهر من يشوفون لوحة قطرية على طول يبدون موال النصب

[حكآية آحسآس]

اشكرك اخووي على هالموضوع المهم والتنبية..

اخوي انا صار لي نفس موقفك من شهر تقريباا وكنت مصدوومة ولين الحين مصووومة..


ساار لي الموقف لما كنت نازلة من السيارة بدخل المحل (قلامور) الي بشارع سلوة اول مانزلت الا السيارة السعودية الي وقفت جنب سياراتنا الا فيهاا رجال وكاشخ بثوب شد وفيه تطريز وسيارة شروكي من الموديلات الجديدة وفيها فروو من داخل يعني الشكل شكل رجال عنده خير مب فقير الا ويناديني .. قلت يمكن يبني اددلــة مكان ..وقفت من بعيد عنه وهو يكلمني من الدريشة حقت السيارة ويقولي اختي انا جاي من طريق بعيد مع اهلي واهلي بسيارة ثانية وسوو حادث بالطريق وانا راجع لهم وماعندي فلوس وانا محتاج ومن ادري شنو..


المهم انا من غير شعور ومن غير ما احس بنفسي عطينة مبلغ وزين يعني مب الا ويقولي وش دعوة عطيني اكثررر..


ههههههههههههههههه طرار ويتشررط.. بعدها خفت منه وشرد عنه.

انا افكر فيه قلت ياغبية ماتشوفين سيارت وحالة زين ليه تصدقينة..

وباين عليه ان ولد قبايل مب عادي ... واستحيت ماعطية شي..


شلون يتجرون يسوون كذاا ...


لو من شبااب قطر مسسستحيل يسووي كذاا احنا حتى لو محتاجين مايطلبون.. فديت القطرين بس..



ديروو بالكم يا اخواني وخوااتي .. ونبهوو اهليهكم ولازم يكون عندنا وعي.. مب يسغفلونا الناس ويقولون هذول اغنياء خلونا نسحب منهم..


.

[لابس بشت]

اذا انه صادق قوله تعال معاي للمحطه باعبي لك السياره ولا تعطيه كاش

[شموخ]

ديروا بالكم تراهم نصابين واناكنت مع اختي بالسيارة يوم شافنا وقف عند دريشةالسيارة وطقها جان يقول انا محتاج وكان طالع من احدى المطاعم حتى مافكر ان اللي جالسين في السيارة حريم والأخ طلع سعووووووووودي-والله صج وجهه بليتة-

[مضارب دوسري]

ماااالت علييييه
جاني فالخور وكسر خاطري وعطيته بس قبل لا اعطيه قلت له ترى ادري انك مب صاج بس ماودي اردك وانت جيت تطلبني وعطيته مبلغ وقلت له هالمبلغ يوصلك لين الحدود

وعقب حسيت بالذنب والحين عقب ماقريت الموضوع دريت انه مب صاج لان شكله اصلا يبين انه مب صاج
طمعوا فينا عشان الزياده وجاو يطرون

[OM_OMAR_QATAR]

ياجماعه بالعقل لو هو متوهق على كلامه وماعنده فلوس يرجع
اظن في سفاره تتكفل فيه اذا كان هو صادق
لان هالاشكال مستحيل اصدقها حتى لو كان صادق
ايوة تمام واحد من يتهوق يبطل يفكر بس ان يساعده
بس كول لو ماعنده بترول علاقل يخلي الي يوصله بالسفارة


يا أخوان بعضهم في تايلند او البحرين ودبي يصرف كل فلوسه على القمار والخمر وكل مره تجيه فلوس يصرفها على هذي لاشياء فصارت المسألة طراره لأكمال الادمان على القمار والخمر

والله المستعان ولا حول ولاقوة الا بالله
الله ياحافظ ، اظن هالأمور الي تحدهم على الطرارة


هاذا في كل مكان وتحصل معه اعيالة من الاحترافية بعد هاذولا بلغ عليهم البحث الجنائي وريح نفسك

اي والله بس امسكه مرة ثانية :nice:

[OM_OMAR_QATAR]

بالضبط ولا اهله في بلاده يحولون له فلوس وفي دقايق يوصل له المبلغ كامل .. شدعوه شهالفقر .. اللي يسافر يحسب الف حساب حق سفرته ..
مثل ما قال اخوي المهندس عبد العزيز هذيلا سفراتهم حق الحرام بكل انواعه وعلشان يعوض اللي ضيعه في الحرام يروح يتكسب من الناس الطيبين بالحرام ..

طيبتنا بتضيعنا يا اهل قطر .. خلونا طيبين بس واعيين وحذرين ترا هالزمن مب مثل قبل والله ما فيه امان .. عقب ما اسهلت طرق الاتصالات والمواصلات سهل على عيال الحرام في ارتكاب جرايمهم .. عسى الله يحفظنا منهم .. والله ما يقدرون يسوون هاللعانه في بلادهم لان الناس هناك عندهم وعي بجرايمهم

حسبي الله عليهم الله الحافظ منهم ومن اعمالهم واوزارهم


يعني من كثرها فضحووو نفسهم
حسبي الله ونعم الوكيل شغل على مستوى كبيررررر وعلني

والله ماكنت متخيل ان الأمر منتشر على هالمستوى :omg:
بس كلت لازم اني افتح الموضوع ولازم الكل يخلي رايه عالطاولة
:eek5:

[OM_OMAR_QATAR]

نفس الموقف صادني عند مكتبة ابن القيم اللي فالمرخيه
واحد سعودي محتاج فلوس يصب بترول عشان يرد السعوديه
وعطيته المقسوم قبل ما انزل المكتبه الغريب انه الرجال طرش
زوجته وجات وتشحت الصراحه موقف يفشل انحرجت وعطيتها

طمعوا فينا عقب الزياده
بل حسبي الله عليه :omg: :omg:


هالموقف هذا مب جديد....صار معاي من 10 سنوات يوم كنت اعمل في مشروع ابو سمره و صادفني واحد بسيارة سعوديه يمكن يكون سعودي و يمكن لا بس يتكلم بلهجة اهل السعودية و قالي خلص البترول علي و محتاج فلوس اوصل الحدود بس ....لما جيت اعطيه 20 ريال قالي ما تكفي قلت له تكفي و تزيد و الطريق ما يحتاج اكثر لابو سمره على سيارة صالون و انا هذا طريقي كل يوم و اعرف هالشي

اخذها و هو مب مبسوط ولا شاكر و راح
10 سنين .. هذا منك بكوله مو عاجبينك هاتها
:(
يبدو انها بدت تنتشر اكثر الحين

صارتلي كثير وفي العاده اقول الله يعطيك لاني ادري انهم كذابين .. بس اخر مره انحرجت لان ما توقعت ان يطلب هالشي وتوقعت انه شخص ضايع ! .. كان يسوق لكزس فورويل ولحيته طويله واسلوبه تقول مطوع واخرتها بترولي خلص >_< .

هذي المشكلة مايبان عليهم محتاجين تحس صج مزنووء على كولة اخواننا

[OM_OMAR_QATAR]

امممممممم مدري هي سذاجة ولا غباء ولا شنو بالضبط!!

يعني لما واحد يقول خلص البترول يعني قاط ويهه ويشحذ على ثلاثين ريال بالكثير !! اذا سيارته صالون ثلاثين او 35 بتعبيها فول ! وان كثرت قلنا 100 ريال!!

فهل يعقل مثلا ان هذي حجة للطرارة؟ اوقف الناس واقول لهم ابي بترول عشان طمعان في 100 ريال؟!!

الله اعلم ان كان هالحوادث اللي تكررت معاكم كلهم شحاذين او فعلا صادقين

احنا مرة كنا بالرياض واشوف سيارة برقم كويتي يطالعونا السيارة فخمة واغلى من سيارتنا بعد :) الا طالع منها واحد ويجي صوبنا ويقول عندي مشكلة ومتوهق ومدري شنو الحلو اخوي ماعطاه ويه عرف انه نصاب كان لابس ثوب وغترة بس مبين انه من بدو سوريا يحاول يتكلم كويتي ويقط بدليات

قلت لاخوي شوف سيارته بس الظاهر مطلع قيمتها من الطرارة ^_^

بس الظاهر من يشوفون لوحة قطرية على طول يبدون موال النصب

هذي ظاهرة خطيرة صراحة مشكلة الي يتهاون او يتعاون سبحان الله
واحنا نقول نفج ضيقة





اشكرك اخووي على هالموضوع المهم والتنبية..

اخوي انا صار لي نفس موقفك من شهر تقريباا وكنت مصدوومة ولين الحين مصووومة..


ساار لي الموقف لما كنت نازلة من السيارة بدخل المحل (قلامور) الي بشارع سلوة اول مانزلت الا السيارة السعودية الي وقفت جنب سياراتنا الا فيهاا رجال وكاشخ بثوب شد وفيه تطريز وسيارة شروكي من الموديلات الجديدة وفيها فروو من داخل يعني الشكل شكل رجال عنده خير مب فقير الا ويناديني .. قلت يمكن يبني اددلــة مكان ..وقفت من بعيد عنه وهو يكلمني من الدريشة حقت السيارة ويقولي اختي انا جاي من طريق بعيد مع اهلي واهلي بسيارة ثانية وسوو حادث بالطريق وانا راجع لهم وماعندي فلوس وانا محتاج ومن ادري شنو..


المهم انا من غير شعور ومن غير ما احس بنفسي عطينة مبلغ وزين يعني مب الا ويقولي وش دعوة عطيني اكثررر..


ههههههههههههههههه طرار ويتشررط.. بعدها خفت منه وشرد عنه.

انا افكر فيه قلت ياغبية ماتشوفين سيارت وحالة زين ليه تصدقينة..

وباين عليه ان ولد قبايل مب عادي ... واستحيت ماعطية شي..


شلون يتجرون يسوون كذاا ...


لو من شبااب قطر مسسستحيل يسووي كذاا احنا حتى لو محتاجين مايطلبون.. فديت القطرين بس..



ديروو بالكم يا اخواني وخوااتي .. ونبهوو اهليهكم ولازم يكون عندنا وعي.. مب يسغفلونا الناس ويقولون هذول اغنياء خلونا نسحب منهم..


.

عشان جي بس انا نزلت الموضوع قلت اكيد مو بروحي واكيد في ناس تظن
انها ساعدت متضايق


اذا انه صادق قوله تعال معاي للمحطه باعبي لك السياره ولا تعطيه كاش

هذا الي كلت له اعبيلك من سيارتي او اخذك المحطة
شرد
:omg:

[قطري2012]

احنا هل قطر دايما طيبتنا موديتنا في داهيه
بس المثل يقول سو خير وقطه بحر
وان شاء الله عند الله ما يضيع

[El-Asmarani]

ضروري ضرووووووووووووووووووووووري ينزل تحذير في الجرايد من هالنصابين ولا القطريين بيضيعون .. احنا صار لنا نفس هالموقف بس في دبي رجال ومرته قالو لنا انهم محتاجين فلوس بسرعه عشان يرجعون السعوديه وابوي الله يرحمه ما قط سمع عن حاله مثل حالتهم الصعبه والله ساعدهم ب ١٠٠٠ ريال انكسر خاطره عليهم وهم تلاقيهم يضحكون على جهلنا والفلوس بيدهم

[alnoida]

السلام عليكم جميعاً
كل عام وأنتم بخير

ملاحظات عامة

1- الجميع متضايق من هؤلاء الناس والذين تم نعتهم " بالنصابيين"
للنصاب شروط أخرى، أما هذه الفئة، فهم متسوليين عصريين

2- البعض يدفع وتطلب الأجر

3- الأغلبية تدفع وتطلب الحماية

الخلاصة

هناك طالب للمساعدة ....... ودافع للمساعدة
لماذا تطلبون الحماية من الأمن هل تم السطو عليكم وسرقتكم أو الطلب مصحوب بالتهديد
جميع المداخلات تفيد بأن الطلب للمساعدة بشكل ودي
وعليه حتى مع طلب المساعدة بهذه الطريقة من وزير الداخلية شخصياً لا يستطيع إتخاذ أي أجراء قانوني حيث إن الطلب للمساعدة للتغلب على مشكل طارئ

نصيحة في هذا الموضوع
في مثل هذه المواقف ، ماعليكم إلا تزويد طالب المساعدة برقم هاتف الجمعية الخيرة التى تتبرع لها بزكاتك وصدقاتك، حيث إن هذه الفئة تحل عليهم الزكاة ( أبن السبيل )

وكل عام وأنتم بخير

[بوراشد82]

أذكر مرة جاتني طرارة وأنا بوكي فاااااااضي مافيه الا خريدة وعندي بس فالبطاقة ,,,
قلت لها والله ما عندي الله يعطيج... قالت معليه تعال أسحب لي من الماكينة !!!
قلت روحي الله يعطيج ...
صرت أتجنب هالأشكال واتعامل مع المؤسسات الخيرية بس,,,

[محمد11]

انا. نفس الشي صادني. هالموقف ... وكنت مع هلي اشوف موتر يعطيييني ليتات بشكل غريب قلت له اوقف واشوف وش سالفته ...
وانا نازل من السياره تفاجئة بموتر سعودي

قال واللي يرحم والديك ابغي فلوس ابغي اتعشى ماعندي فلوس غير شر ... المشكلة ان طاح على الشخص الغلط

قلت ابشر حياك وراي بوديك تحسنومطعم حياك البيت قال لا والله انا مستعجل وجوعان حدي قلت فلوس ماعندي !!!!

قالي يااااااااه وعطاني ظهر

دق سلف وحرك ...

رحت قدامة عطيت ذاك البريك الي في وجه الي مب طبيييعي خليت تحسف ان طلب مني المساعده الغبيه

[نورهان88]

هاي السالفة من زمان سايرة... مره أنا مع أمي في السوق صادفتنا سعودية كاشخة

قالت لأمي حنا جاءيين لقطر مشان مطوع يقرأ قرأن على ولدي ردت عليها الوالدة ياكثرهم

المطاوعة عندكم ... ردت السعودية والحين خلصت أفلوسنا وما عندنا حق البترول ردت الوالدة

من شاف كشختك ماقال محتاجة وأسمحيلي أختي,,,,,,

[tawareq]

ين انكم نبهتونا
الله يجزيكم خير

[جاكم الأعصار]

كثير تصادفنا هالاشكال ولكن عجبني ردود بعض الاخوان مثل الي طلب فلوس بترول وقاله تعال معاي المحطة بعبيلك والي طلب عشا وقاله بوديك احسن مطعم ودليل نصبهم واحتيالهم يرفضون يبون اي مبلغ واذذا عطيته قالك مايكفي وش اسوي فيه

صراحه انا كم مرة صادفني هالموضوع في دبي وفي السعودية وباكثر من منطقة شرق وغرب المملكة وفي قطر كذلك ومثل ذكرتوا انهم مستغلين طيبة وخجل اهل قطر والامارات خاصة
وبصراحه موضوع يضايقني و ينرفزني كثير شباب وجايين كاشخين ويطلبون فلوس وانا متاكد اول ماتعطيه المقسوم راح يقول نصبنا عليه ويتكلم بسوء عنك وعن طيبتك وبالنسبة لهم يعتبرونها غباء (محشومين)
ولكن نصيحه للكل لحد يستهين فيهم واي واحد يقولك قوله بتصلك على سفارتك بقطر وشوف شلون يشرد
تحياتي للجميع ومبروك عليكم المطر ياهل قطر

[OM_OMAR_QATAR]

ديروا بالكم تراهم نصابين واناكنت مع اختي بالسيارة يوم شافنا وقف عند دريشةالسيارة وطقها جان يقول انا محتاج وكان طالع من احدى المطاعم حتى مافكر ان اللي جالسين في السيارة حريم والأخ طلع سعووووووووودي-والله صج وجهه بليتة-

اي حسبي الله عليهم ولا في حيا


ماااالت علييييه
جاني فالخور وكسر خاطري وعطيته بس قبل لا اعطيه قلت له ترى ادري انك مب صاج بس ماودي اردك وانت جيت تطلبني وعطيته مبلغ وقلت له هالمبلغ يوصلك لين الحدود

وعقب حسيت بالذنب والحين عقب ماقريت الموضوع دريت انه مب صاج لان شكله اصلا يبين انه مب صاج
طمعوا فينا عشان الزياده وجاو يطرون
مايستاهلووووون ياخي تعطي واحد مستحق يدعيلك دعوة كد الدنيا
هذا يدعي علينا
صج مالت عليهم



احنا هل قطر دايما طيبتنا موديتنا في داهيه
بس المثل يقول سو خير وقطه بحر
وان شاء الله عند الله ما يضيع
هذي خلصانين منها ان شاء الله مايضيع عند الله
بس لكل ذي حق حقه


ضروري ضرووووووووووووووووووووووري ينزل تحذير في الجرايد من هالنصابين ولا القطريين بيضيعون .. احنا صار لنا نفس هالموقف بس في دبي رجال ومرته قالو لنا انهم محتاجين فلوس بسرعه عشان يرجعون السعوديه وابوي الله يرحمه ما قط سمع عن حاله مثل حالتهم الصعبه والله ساعدهم ب ١٠٠٠ ريال انكسر خاطره عليهم وهم تلاقيهم يضحكون على جهلنا والفلوس بيدهم

والله اخوي ضروووووووووووووووووري في توعية
جرايد واعلانات مافيها شي !

الناس ياغافلين لكم الله

[بوحارب]

صارت معاي مرة في سوق العلي وعطيته خريدة وهالكلام من زمان

لكن الحين لو حد يترجاني مب ماعطه ريال واحد ويروح يطلب من سفارته !

[كاد الهندسية]

أخواني هذه الظاهرة من قبل بعض الأشخاص موجودة منذ زمن وهي بقص التسول بطريقة جديدة ومبتكرة ويعتقد أصحبها أنهم بهذا يتذاكون على الآخرين أصحاب الذمة والقلب الطيب... وقد أصبحت شائعة وملاحظة منذ بعض الوقت في قطر، أتمنى من الأخوة المسؤولين في الداخلية متابعة هذه الظاهرة...

[سلطان23]

أنا اول مرة انخدعت فيها في دبي

بس بعدها محد قدر يسويها معاي

*

[khaldoon]

واضح من كثرة الردود السابقة و تأكيدها لهذه الظاهره انها طريقة تسول قانونيه موجوده من زمان و لا تعرض اصحابها للمسائل القانونيه بحجة انهم ناس عندهم خير بس انقطعوا بالفلوس لانهم عابري سبيل و يستلغون طيبة الناس و حبهم للخير و رغبتهم بكسب الاجر

والله اولاد الحرام ما خلوا لاولاد الحلال شي

[المسك1969]

أنا بعد صارت معاي بس من زماااان وكنت عند الصراف اللي عند صيدليه خلود في المرخيه...

جاني شخص سعودي ونفس الاسطوانه أن ماعندهم فلوس وبترولهم مخلص ويبون يسافرون... وخذوا اللي فيه النصيب بس الصراحة أنا خفت منهم لأن لبسهم مب نظيف وأشكالهم وروحته بسرعه بعد ما أخذ الفلوس كانت غريبة سبحان الله ... وكانوا سعوديين


بس هالقصه الثانيه صارت لي في حياة بلازا عام 2008م في رمضان... وكنت وقتها قاعده عند الكوفي شوب واليهال يتمشون وكان الوقت على الساعه عشر وشي الصبح إلا واحد ياي باكستاني وعنده كوبونات وقال حق زكاة فقلت له أول مره أشوف مؤسسة خيريه تدور بالكوبونات فقال عشان لو في حريم تعبانين أو كبار في السن مايقدرون ييون صوبنا:( وأنا صدقت

وعقب ما أخذ المبلغ كله... عطاني أوراق وتوني أمد يدي أخذها ألا ويمشي بسرعه حتى أني ما مسكت الأوراق... واستغربت عليه ألا واشوف الاوراق وفيها كتابه مب بالعربي وعقب رحت وراه أمشي

بس هو قد طااااار:weeping:... وسألت الأخوان اللي عند الكوانترات قالوا:"اختي احنا ما نمر على الناس وهاي مكانا والكل يعرفه فيجينا... انتي انضحك عليج:omg: وربي يعوضج خير:weeping::weeping::weeping:

وعقبها بشوي ياني واحد يشبهه ويبي يسوي نفس الحركه قلت له: ياويلكم من الله يالحراميه الا ويشرد

طبعا استحيت اركض أو أصارخ في رمضان والموضوع مافيه حياة أو موت ولله الحمد بقدر ماهي فلوس وطااارت:weeping::anger1:

والحمدلله رب العالمين وأسأل الله أن يحتسب لي الأجر فيها وأن يأخذ لي حقي منهم يوم القيامه إن شاء الله

جزاكم الله خيرا


الله أكبر الله أكبر الله أكبر لا إله إلا الله
الله أكبر الله أكبر ولله الحمد
التكبير مقيد دبر كل صلاة

[المدريدي]

ما أقول الا فديت أهل قــطــر أحنا مستحيل نسويها لو الواحد كلش محتاج يستحي يطلب
وما يقدر ما تربى أو تعود على هذا الشي والحمدلله الذي أنعم علينا من غير حول ولا قوة

[بوسلمان 2010]

عليكم بهم ولاتسهينون بالامور هذي يمكن يوكن قصده اشياء ثانيه تخص الامن وعليكم باالداخلية هي بتقوم



بعملها على اكمل وجه والتعاون من المواطن والمقيم لهذي الفئه الضاله واجب علينا كلنا اقل شي خذ رقم سيارته


وبلغ على طول

[alme3mary]

صادني الموقف مرتين .. الأولى وانا بالمكتب وطلع لنا واحد مادري والله وش جنسيته ويقول انا جاي من السعودية وسيارتي خربانه بالجراج وماعندي فلوس اعطيها لراعي الجراج بس كان صاحب المكتب هاليوم موجود وهو يعرف هالسوالف قام مشاه ... المرة الثانية كنت امشي عند منطقة السنتر قريب من شركة ال سريع الا ويوقفني واحد بسيارة ارقامها السعودية وشكله رجال وقور ومحترم وسيارته ماشالله سيارة جديدة ويقولي من فضلك انا عيالي بالفندق وماعندي فلوس وابي اجيبلهم فطور وماعندي فلوس .. انا الصراحة استغربت مبين عليه مايكذب ... المهم عطيته مبلغ مو بكبير الصراحة الا ويقولي لا هذا وش يسوي مايسوي شي عطني 500 ريال ... قلتله ماعندي 500 بمخباي خذ هاللي اقدر اعطيك راح يقولي تعال اركب بوصلك السنتر في ماكينه اسحبلي 500 ريال وعطني اياها .. يوم رفضت ومشيت رجعلي وقالي خلاص جيب اللي بتجيبه مافي مشكله .. المهم اعطيته الفلوس وطلعت شركة ال سريع خلصت موضوع هناك ونزلت بعد حوالي الساعه واتفاجأ بنفس الشخص يسوي نفس السوالف مع واحد ثاني !!!! فكرت ابلغ الداخليه ولكن في اللحظه الاخيرة رجعت بكلامي مادري يمكن لان الرجال كبير بالسن ومطوع

[alme3mary]

صارتلي كثير وفي العاده اقول الله يعطيك لاني ادري انهم كذابين .. بس اخر مره انحرجت لان ما توقعت ان يطلب هالشي وتوقعت انه شخص ضايع ! .. كان يسوق لكزس فورويل ولحيته طويله واسلوبه تقول مطوع واخرتها بترولي خلص >_< .

:):) نفس سيارة ومواصفات الشخص اللي صادني ويبي فلوس ... لايكون بعد قالك انه من مكه :):)

[فواز1976]

الله يهداكم بس هو كل من ركب سياره لوحتها سعوديه ولا قال انا سعودي صار سعودي ..... والله زعلتوني

يا جماعة الخير احنا نعاني من هذي السوالف من اكثر من ثلاثين سنه .. .. وكلهم ما هم من الجنسيه السعوديه .... يا تلقاهم من المتخلفين من الحج او العمره ....... او من الي يدخلون تهريب من الحدود
طبعاً انتم محظوظين يا اهل قطر حدودكم بس مع السعوديه ..... خلي حدودكم تصير مفتوحه علي سبع دول وشواطئ اطوالها آلف الكيلومترات وملايين الحجاج والمعتمرين سنوياً كان تشوفوا العلوم والله

تصدقوا انه بس من الجنسيه اليمنيه بالسعوديه 200فيه الف مخالف لنظام الاقامه هذا على كلام ضابط بالجوازات .... واذ عاشوا فتره انه انا يالسعودي ما افرقهم عن السعوديين لا من اللهجه ولا من السكبه

وخلوني استعرض معكم بعض اساليب الشحاذه الموجوده عندنا ...
- في رمضان عند المكاتب يتعطوا وقبل الافطار يلفوا على البيوت مع عيالهم وتلقى الرجال ينزل له اكثر من حرمه في الحاره وبعدين يلمهم ويمشي
- الي يشيلون صور مرضى ويغون علاج
- الي صاير لهم حادث وهم مغتربين ولا عندهم الي يكفيهم
- والي جاي يبي يحج ونقطع ما ادري اشلون بس هذي السالفه
- والي معه فاتوره كهرب ولا دواء
- ولا بنات مزيونات وابوهم مريض
- وبعضهم يتربصك عند الصراف هذا وين تصرفه شايفك تسحب تبي تقول ما عندي ولا المحفظه بالبيت ..... وصعبه تصده كذا خبط

طبعاً بعد فتره تجيك مناعه .... فما تصدق الا القليل

وترى حنا يالخليجين بالعموم ماخوذ صوره عننا اننا بنك متحرك ..... حتى بره الديره تلقاهم يتصيدونك
انا باخر سفره لي وانا على الطريق من جنيف لباريس وقفت في محطه ونزلت اخذ كوفي ولا يوم رجعت السياره الا ذيك الحرمه تنتظرني عند السياره وتقول انها محتاجه وبطاقة الصراف حقتها ما تشتغل .... طبعاً الحميه اشتغلت واعطيتها الي يكفيها وركبت السياره ..... الا زوجتي تقول تراها ما طلبت من احد غيرك

[shadad]

نفس الموقف لكن تحت عند صالة التمرين ..وتصدق جنب المحطه بعد ! ..تقريبا نفس وصفك . اجل المرة الجايه اوريه شغل ربه .
مشكور على الطرح بارك الله فيك .

[OM_OMAR_QATAR]

الله يهداكم بس هو كل من ركب سياره لوحتها سعوديه ولا قال انا سعودي صار سعودي ..... والله زعلتوني

يا جماعة الخير احنا نعاني من هذي السوالف من اكثر من ثلاثين سنه .. .. وكلهم ما هم من الجنسيه السعوديه .... يا تلقاهم من المتخلفين من الحج او العمره ....... او من الي يدخلون تهريب من الحدود
طبعاً انتم محظوظين يا اهل قطر حدودكم بس مع السعوديه ..... خلي حدودكم تصير مفتوحه علي سبع دول وشواطئ اطوالها آلف الكيلومترات وملايين الحجاج والمعتمرين سنوياً كان تشوفوا العلوم والله

تصدقوا انه بس من الجنسيه اليمنيه بالسعوديه 200فيه الف مخالف لنظام الاقامه هذا على كلام ضابط بالجوازات .... واذ عاشوا فتره انه انا يالسعودي ما افرقهم عن السعوديين لا من اللهجه ولا من السكبه

وخلوني استعرض معكم بعض اساليب الشحاذه الموجوده عندنا ...
- في رمضان عند المكاتب يتعطوا وقبل الافطار يلفوا على البيوت مع عيالهم وتلقى الرجال ينزل له اكثر من حرمه في الحاره وبعدين يلمهم ويمشي
- الي يشيلون صور مرضى ويغون علاج
- الي صاير لهم حادث وهم مغتربين ولا عندهم الي يكفيهم
- والي جاي يبي يحج ونقطع ما ادري اشلون بس هذي السالفه
- والي معه فاتوره كهرب ولا دواء
- ولا بنات مزيونات وابوهم مريض
- وبعضهم يتربصك عند الصراف هذا وين تصرفه شايفك تسحب تبي تقول ما عندي ولا المحفظه بالبيت ..... وصعبه تصده كذا خبط

طبعاً بعد فتره تجيك مناعه .... فما تصدق الا القليل

وترى حنا يالخليجين بالعموم ماخوذ صوره عننا اننا بنك متحرك ..... حتى بره الديره تلقاهم يتصيدونك
انا باخر سفره لي وانا على الطريق من جنيف لباريس وقفت في محطه ونزلت اخذ كوفي ولا يوم رجعت السياره الا ذيك الحرمه تنتظرني عند السياره وتقول انها محتاجه وبطاقة الصراف حقتها ما تشتغل .... طبعاً الحميه اشتغلت واعطيتها الي يكفيها وركبت السياره ..... الا زوجتي تقول تراها ما طلبت من احد غيرك

اخوي بس حبيت انبه احنا مانقصد الشعب السعودي
وكل الي كتب ان شاء الله واعي لنقطة انه السيارة سعودية ومايندرى هو الشخص شنو اصله وفصله ..
ولا كل القصص تخص سيارات سعودية ، وفي كل الالوان والاجناس

والسموحة ابد ما كان القصد الانتقاص من السعوديين نفسهم ..

:nice:

[ولد قحطان]

عطه السسسسسسسسسسسسسين

[الخـود]

انا الظاهرة اللي ملاحظتها هالفترة ، اني كل ما اوقف عند جمعية ولا هايبر ماركت اشوف هندي يوقفني يبي يبيع لي اشيا مثل زيوت او عطور صغيرة او مصحف صغير واذا قلت مابي يتمسكن وانا محتاج ،، المشكلة ان لاحظت انهم مجموعة مب بسيطة ومنتشرين، شفتهم في اكثر من مكان !!!


<< سوري طلعت برى الموضوع

[bohilal191]

الظاهر زيادة الـ60% سوت شغل لهم

[alghalya1]

أنا كنت في دبي من يومين وصار لي نفس الموقف كنت في دبي مول وجاتني سعودية وقالت لي أنا من المدينة المنورة وجاية دبي لدكتور عيون وماخليتها تكمل قطعتها على طول وقلت لها الله يعطيج وكانت ردة فعلها ضحكة استهزاء وأكيد دعت علي هههههه

[كتكوت الوحش]

قدييييييمه هالحركه دوووم اقولهم انطروووا اشوي خلكم بمكانكم بسحب من البطاقه وفالكم طيب واطقع لهم
هههههههههههههه

[OM_OMAR_QATAR]

السلام عليكم جميعاً
كل عام وأنتم بخير

ملاحظات عامة

1- الجميع متضايق من هؤلاء الناس والذين تم نعتهم " بالنصابيين"
للنصاب شروط أخرى، أما هذه الفئة، فهم متسوليين عصريين

2- البعض يدفع وتطلب الأجر

3- الأغلبية تدفع وتطلب الحماية

الخلاصة

هناك طالب للمساعدة ....... ودافع للمساعدة
لماذا تطلبون الحماية من الأمن هل تم السطو عليكم وسرقتكم أو الطلب مصحوب بالتهديد
جميع المداخلات تفيد بأن الطلب للمساعدة بشكل ودي
وعليه حتى مع طلب المساعدة بهذه الطريقة من وزير الداخلية شخصياً لا يستطيع إتخاذ أي أجراء قانوني حيث إن الطلب للمساعدة للتغلب على مشكل طارئ

نصيحة في هذا الموضوع
في مثل هذه المواقف ، ماعليكم إلا تزويد طالب المساعدة برقم هاتف الجمعية الخيرة التى تتبرع لها بزكاتك وصدقاتك، حيث إن هذه الفئة تحل عليهم الزكاة ( أبن السبيل )

وكل عام وأنتم بخير
بالفعل هذا الي اتبعه ..
مشكور اخوي

أذكر مرة جاتني طرارة وأنا بوكي فاااااااضي مافيه الا خريدة وعندي بس فالبطاقة ,,,
قلت لها والله ما عندي الله يعطيج... قالت معليه تعال أسحب لي من الماكينة !!!
قلت روحي الله يعطيج ...
صرت أتجنب هالأشكال واتعامل مع المؤسسات الخيرية بس,,,
عين قوية صراحة !


انا. نفس الشي صادني. هالموقف ... وكنت مع هلي اشوف موتر يعطيييني ليتات بشكل غريب قلت له اوقف واشوف وش سالفته ...
وانا نازل من السياره تفاجئة بموتر سعودي

قال واللي يرحم والديك ابغي فلوس ابغي اتعشى ماعندي فلوس غير شر ... المشكلة ان طاح على الشخص الغلط

قلت ابشر حياك وراي بوديك تحسنومطعم حياك البيت قال لا والله انا مستعجل وجوعان حدي قلت فلوس ماعندي !!!!

قالي يااااااااه وعطاني ظهر

دق سلف وحرك ...

رحت قدامة عطيت ذاك البريك الي في وجه الي مب طبيييعي خليت تحسف ان طلب مني المساعده الغبيه
احسنت !!! :victory:


هاي السالفة من زمان سايرة... مره أنا مع أمي في السوق صادفتنا سعودية كاشخة

قالت لأمي حنا جاءيين لقطر مشان مطوع يقرأ قرأن على ولدي ردت عليها الوالدة ياكثرهم

المطاوعة عندكم ... ردت السعودية والحين خلصت أفلوسنا وما عندنا حق البترول ردت الوالدة

من شاف كشختك ماقال محتاجة وأسمحيلي أختي,,,,,,
والله تكرر معي الموقف من يومين بس ! عساس عيد والناس تعايد
قلت له اعذرني اخوي ، طبعا شخص مجهول


ين انكم نبهتونا
الله يجزيكم خير
يجزاكم كل خير وبركة


كثير تصادفنا هالاشكال ولكن عجبني ردود بعض الاخوان مثل الي طلب فلوس بترول وقاله تعال معاي المحطة بعبيلك والي طلب عشا وقاله بوديك احسن مطعم ودليل نصبهم واحتيالهم يرفضون يبون اي مبلغ واذذا عطيته قالك مايكفي وش اسوي فيه

صراحه انا كم مرة صادفني هالموضوع في دبي وفي السعودية وباكثر من منطقة شرق وغرب المملكة وفي قطر كذلك ومثل ذكرتوا انهم مستغلين طيبة وخجل اهل قطر والامارات خاصة
وبصراحه موضوع يضايقني و ينرفزني كثير شباب وجايين كاشخين ويطلبون فلوس وانا متاكد اول ماتعطيه المقسوم راح يقول نصبنا عليه ويتكلم بسوء عنك وعن طيبتك وبالنسبة لهم يعتبرونها غباء (محشومين)
ولكن نصيحه للكل لحد يستهين فيهم واي واحد يقولك قوله بتصلك على سفارتك بقطر وشوف شلون يشرد
تحياتي للجميع ومبروك عليكم المطر ياهل قطر

الدليل انهم يرفضون القليل
طرار ويتشرط !
شاكر لكم جميعا المرور والتعليق

:nice:

[ولد الخوالد]

ياما صارت لنا سواء في السعودية او هنا في قطر
وكلهم سعوديين
ونفس الكلام
البوك ضاع
خلصت فلوسي
انسرقت فلوسي
نفس الكلااااااااااااام
الله يهديهم بس

[فواز1976]

ولد الخوالد وكيف عرفت انهم سعوديين ....... شفت بطاقتهم الشخصيه مثلاً

ارجوا عدم الحكم او التعميم و شكراً

[mohsen555]

نفس الموقف صارلي في محطه بترول في طريق سلوى . . قلت له امس شايفك . . . حط رجله وشرد

[الـخـالـدي]

لاحول ولاقوة الا بالله

[بوخالد911]

يا ريت لو يغيرون هالنغمة ( ما عندي بتروول )

موضة قديمة

عن نفسي ما اعطيهم ويه

[وطن]

نفس الموقف صادني العام او قبله
كانت معاه مرته في السيارة

صف جنبي وسلم
رديت توقعت مساكين مضيعين ويبون ادليهم

الا يقول لي محتاج حق البترول
قلت له تفضل كاهي المحطه جنبنا
عبي وانا ادفع

قال لا انا رايح منطقة بعيده
قلت له انت اوصل السعوديه وهناك اهلك مب مقصرين معاك
"صايده السالفه ما يلعب علي"
ما عجبه الكلام

الغريب انه ما استحى على وجهه رجال طول بعرض يطلب من مره !!!

[اسباير]

الطراروة بالعربي الله يكافينا وايد عليهم عشره ريال

[ولد الخوالد]

ولد الخوالد وكيف عرفت انهم سعوديين ....... شفت بطاقتهم الشخصيه مثلاً

ارجوا عدم الحكم او التعميم و شكراً

لا يبه ما شفت البطاقة
بس شفت نمرة الموتر
واهل قطر مافيهم عادة (الطرارة) الله يسلمك
وصارت معاي في قطر وفي السعودية
ما يصدقون في السعودية موتر قطري يمر عليهم الا هم مكبسين له ويعطونه هراااااانة بس عشان يطرون منه
ما اعم .. بس الاغلبية من هالنوع
وحياك الله

[قهوجي]

صار معي نفس الموقف في منطقه الريان رقم سعودي
قال مامعي فلوس والبوك انسرق واولادي ولا واحد كل من الصبح
قلته كلم السفاره السعوديه تساعدك ولا سال في وراح

[سارونه]

هالموضوع صاير ومن زمان بقطر مو الحين :(

انا صار لي 4 مرات عند :

1- السوبر ماركت بمسيمير ( وكانت السيارة سوبرمان لوحة السعودية وفيها الزوجة بعد ) .
2- بمواقف سوق واقف .
3- بمواقف الستي سنتر .
4- وفي البيت - جات المرا تشتكي بان فلوسهم خلصت وهم ناوين يسافرون السعودية وما معاهم :(

شيء محزن - لهذا الحد وصلو وهم يقدرون يشتغلون وصغار مو كبار علشان يلفون البلد كلها ..

:) جزاك الله خير على التنبيه ..

[شبح الصمت]

قوله الله يعطيك ..

نفس هالاشكال يبيلها تنقص من اجذورها

الي بيطرق باب المساعدات يدل وين والدولة ما قصرت حطت جمعيات خيرية .

جمعية خيرية تستر علي والا انفضح قدام فلان وعلان

ولحدن يقولي ما يساعدون ..

[بوحارب]

نفس الموقف صادني العام او قبله
كانت معاه مرته في السيارة

صف جنبي وسلم
رديت توقعت مساكين مضيعين ويبون ادليهم

الا يقول لي محتاج حق البترول
قلت له تفضل كاهي المحطه جنبنا
عبي وانا ادفع

قال لا انا رايح منطقة بعيده
قلت له انت اوصل السعوديه وهناك اهلك مب مقصرين معاك
"صايده السالفه ما يلعب علي"
ما عجبه الكلام

الغريب انه ما استحى على وجهه رجال طول بعرض يطلب من مره !!!

احلى تحكيره ههههههه :nice::victory:

[الـراسي]

البعض منهم يشتري سيارة من دولة اخرى قديمة بلوحة الدولة الاخرى

ويستغل اللوحه بحجة السفر مثلا سعودي ياخذ سيارة عمانية والعكس صحيح

[ثابت]

هههههههههه

ذكرتني بموقف مع هذي النوعية والله مت ضحك علية

اسمع الموقف

مرة كنت راجع من الامارات وقفت بمحطة على الطريق اعبي بترول ومريت صوب السوبر ماركت قلت اخذ لي ماي للخط ويوم وقفت الا جاني واحد من هالنوعية وتم يشكي لي الحال بس انا يوم شفت عيونة دريت انة نصاب وعمرة مب كبير في الثلاثينات كنت انا جالس داخل السيارة وهو يكلمني ما رديت علية بطلت الباب ونزلت الله اما لك الحمد انا على قولتهم قهمة طويل وعريض يوم شافني نزلت تمت عيونة تلعب اكثر مسكتة مع كتفة وقلت لة ابشر بالخير تعال معاي وديتة جنب السوبر ماركت ويدي على كتفة والمكان صاد محد يشوف مسكت يدة بقو وزويتها وقلت لة طلع بوكك تم يصيح وطلع بوكة اخو الذينا يوم شفت بوكة الا فية حول 4000 وانا ما معاي الا 600 وسحبت منة الفلوس ورحت قلت لة ليش تكذب علي انا بعد مفلس و ابي اشتري ماي و اعبي بترول وراي خط وخذيت منة 500 وقلت لة هذا رقمي لو جيت قطر كلمني وبرجعها لك قال اسمح لي والله انا غلطان وجهة طاح معاد شفت الا غبارة بالمحطة ههههههههههههههههه

[أسير الاسهم]

هههههههههه

ذكرتني بموقف مع هذي النوعية والله مت ضحك علية

اسمع الموقف

مرة كنت راجع من الامارات وقفت بمحطة على الطريق اعبي بترول ومريت صوب السوبر ماركت قلت اخذ لي ماي للخط ويوم وقفت الا جاني واحد من هالنوعية وتم يشكي لي الحال بس انا يوم شفت عيونة دريت انة نصاب وعمرة مب كبير في الثلاثينات كنت انا جالس داخل السيارة وهو يكلمني ما رديت علية بطلت الباب ونزلت الله اما لك الحمد انا على قولتهم قهمة طويل وعريض يوم شافني نزلت تمت عيونة تلعب اكثر مسكتة مع كتفة وقلت لة ابشر بالخير تعال معاي وديتة جنب السوبر ماركت ويدي على كتفة والمكان صاد محد يشوف مسكت يدة بقو وزويتها وقلت لة طلع بوكك تم يصيح وطلع بوكة اخو الذينا يوم شفت بوكة الا فية حول 4000 وانا ما معاي الا 600 وسحبت منة الفلوس ورحت قلت لة ليش تكذب علي انا بعد مفلس و ابي اشتري ماي و اعبي بترول وراي خط وخذيت منة 500 وقلت لة هذا رقمي لو جيت قطر كلمني وبرجعها لك قال اسمح لي والله انا غلطان وجهة طاح معاد شفت الا غبارة بالمحطة ههههههههههههههههه


ودي اسوي نفسك بس اخاف اندبغ

بس ياخي ترى صدق مب كل من يقدر يميز النصاب من الصادق .. تخيل زويت يده ورصيته وطلعت بوكه واخر شي فللللس .. انا بنحرج :weeping:

ابوي دايم يقول أما السائل فلا تنهر .. اذا قلت له يبه هذا نصاب يقول يا رجال انت احتسبها عند الله .. اذا نصاب ربي يحاسبه

[ثابت]

ودي اسوي نفسك بس اخاف اندبغ

بس ياخي ترى صدق مب كل من يقدر يميز النصاب من الصادق .. تخيل زويت يده ورصيته وطلعت بوكه واخر شي فللللس .. انا بنحرج :weeping:

ابوي دايم يقول أما السائل فلا تنهر .. اذا قلت له يبه هذا نصاب يقول يا رجال انت احتسبها عند الله .. اذا نصاب ربي يحاسبه

ههههههههه صادق اخوي بس انا كنت قابض خط بنفسي ومتملل وطلع لي هذا الصعلوك وقدني عارفهم قلت خلني اتسلة بس انصدمت من الفلوس اخو الذين بوكة

[الماريّة]

اذا تبي هالمواقف موجوده في سوق العلي

مره واحد دش علي وانا في الخياط
وقام يترجاني اعطيه حق اخوه عنده عمليه

وقلت له ماعندي شي حاليا الا خرده قال عادي هاتيها
وهم لابسين سعودي بس مش سعوديين اشكالهم من العرب
ولما راح قال لي الخياط هذا كل مره يشوف حرمه تدخل الخياط يسوي معها هالشكل

هذي طراره بطريقة جديده

[شبح الصمت]

هههههههههه

ذكرتني بموقف مع هذي النوعية والله مت ضحك علية

اسمع الموقف

مرة كنت راجع من الامارات وقفت بمحطة على الطريق اعبي بترول ومريت صوب السوبر ماركت قلت اخذ لي ماي للخط ويوم وقفت الا جاني واحد من هالنوعية وتم يشكي لي الحال بس انا يوم شفت عيونة دريت انة نصاب وعمرة مب كبير في الثلاثينات كنت انا جالس داخل السيارة وهو يكلمني ما رديت علية بطلت الباب ونزلت الله اما لك الحمد انا على قولتهم قهمة طويل وعريض يوم شافني نزلت تمت عيونة تلعب اكثر مسكتة مع كتفة وقلت لة ابشر بالخير تعال معاي وديتة جنب السوبر ماركت ويدي على كتفة والمكان صاد محد يشوف مسكت يدة بقو وزويتها وقلت لة طلع بوكك تم يصيح وطلع بوكة اخو الذينا يوم شفت بوكة الا فية حول 4000 وانا ما معاي الا 600 وسحبت منة الفلوس ورحت قلت لة ليش تكذب علي انا بعد مفلس و ابي اشتري ماي و اعبي بترول وراي خط وخذيت منة 500 وقلت لة هذا رقمي لو جيت قطر كلمني وبرجعها لك قال اسمح لي والله انا غلطان وجهة طاح معاد شفت الا غبارة بالمحطة ههههههههههههههههه



هههههههههههههههههههههههههههههههههههههاي من صجك

:strong

[ثلجة فوشية]

نرا هالسعوديين النصااابين موجوديييين بكل مكااااااااااااان والله صار لي نفس الموقف بس يوم كنت مسااافرة دبي سياحة بالصيف جاتني وحدة في دبي مووول تقولي انا من السعوديه وحالتي حاله ماااااعندي حتى بترول حق سيارتنا عشااان نرجع بلادنا وانا جاااايبة بنتي عند شيخ يقرا عليها وبنتي مريضة مب صاحية وفتحت بوكي مالقيت الاقطري قالت لي ماااعليه اللي عندج ومالقيت عندي خردة عطيتها 500 ريال كاااااااامله الا تقولي والله ماتسوي شي ورحت عطيها 500 ثاااانية وعقب قالت يعني لو تزيدين شوي والله ماتكفي هني عرفت انهاا نصااااابه قلت لها هذي اللي عندي ورحت وخليتها شوي وانا ادووور فالمجمع اشووووفها عند محلاااااااااااااات الذهب

[Roo7MooT]

انا من بعد سالفتي في البحرين والله مايطلع مني فلس لو اشوفه بدون يد ورويل

السالفة من 4 سنين كنت في البحرين شباب

رحت اجيب الغدى للربع ورحت المحطة القريبة من الشقة عبيت بترول ونزلت أسحب ويجيني ذاك السعودي

الي يصيح ويترجاني انه مع اهله في الموتر وماعندهم فلوس للخط ومن هالكلام بس جابها باسلوب أقنعني

المهم عطيته 40دينار بحريني قلت له تكفيك للخط تم يتشكرني ويدعي لي

استانست انا وقلت الله يتقبلها مني

عبيت من المحطة وحركت

بعد يومين نفس الموضوع وفي نفس الوقت تقريبا على 2 ظهر انا ورفيجي نزلنا نجيب الغدى للربع

وسبحان الله قلنا نمر المحطة نعبي قلت له روح المحطة القريبة وحنا نعبي بترول يطلع لنا الاخ

الي يطر مني ولا شعوريا تم يقول حق رفيجي نفس القصة بس الثور ماعرفني وانا عرفته

المهم قلت حق رفيجي عطه وانا نزلت من السيارة ومسكته قبضته

قلت له هذا الي بيسافر هذا الي معاه اهله قلت له بطلع 40 دينار لا شلون وتيمعوا علينا العالم

وعطاني الاربعين دينار فعلا

ومن يوميتها ويهي بليتة مع الطرارين بيطر بقول له الله يعطيك بيكثر حجي بنزل له هههههههههههههه


واخواني انصحكم نصيحة لحد يوقف حق السيارات الغير قطرية في الليل بالذات

نصيحة اتمنى تاخذونها بعين الاعتبار

[سلطان23]

عن نفسي خير شر ما اعطيهم

حسبي الله على الطراروة

ماعندهم عزة نفس