استراحـــــة العيــــد ،، وكل عام وانتم بخير

[شيط ويط]

شلون العيد عندكم ؟

[شيط ويط]

انا هالصورة ابكتني كثيييييييييييييييييييييييييير

http://img14.imageshack.us/img14/2864/presentation1zs.jpg

[وطن]

من هني؟

[وطن]

عيدك مبارك شيط ويط
عاش من شافك اخوي

[شيط ويط]

اخوي رحال ممكن ترجمة لهالكلمة Divorced ؟

[شيط ويط]

من هني؟

كل هالطوووووووول بعد تسألين من هني ؟

[وطن]

ما شفنا طووول
لوووووووووووول



ديفورسد يعني مطلق

طلاق يعني

[شيط ويط]

عيدك مبارك شيط ويط
عاش من شافك اخوي

عيدج مبارك وسعيد

عاشت ايامج أوخيتي

[شيط ويط]

ما شفنا طووول
لوووووووووووول



ديفورسد يعني مطلق

طلاق يعني

اكيد ماتشوفين لانج قزمه

لكن الطويل يقدر يشوف الاقزام

اها مطلق

سندروني ع الايميل موقع تعارف اجنبي وكله حاطين صور ادخل ع البروفايلات للمشتركين

وكله ديفورسد

[وطن]

توني متعرفه على لعبة الانغري بيردس
و تولعت فيها
والحين اشووفها كل ما اغمض

للحين المكعبات تتكسر قدام عيني

crazy

[وطن]

اكيد ماتشوفين لانج قزمه

لكن الطويل يقدر يشوف الاقزام

اها مطلق

سندروني ع الايميل موقع تعارف اجنبي وكله حاطين صور ادخل ع البروفايلات للمشتركين

وكله ديفورسد

لووووووووووووول

الله يخلي لنا الكعب

:tease:

[R 7 A L]

مرحبا ياشيط
والله مافية عيد ذاك الزود صلينا العيد وبس
بالنسبة للكلمة الى تبي ترجمتها هي المطلقات والذمة على الدكشننري

[شيط ويط]

توني متعرفه على لعبة الانغري بيردس
و تولعت فيها
والحين اشووفها كل ما اغمض

للحين المكعبات تتكسر قدام عيني

crazy

ادمان بس توصلين لمرحلة راح تحسين بالملل والضجرررررررررررررر

[شيط ويط]

لووووووووووووول

الله يخلي لنا الكعب

:tease:

نفس ذي

http://www.virtualshoemuseum.com/vsm/files/giantplatform-1.jpg

[وطن]

ادمان بس توصلين لمرحلة راح تحسين بالملل والضجرررررررررررررر

في مراحل اطوفها بسرعه بس اقعد اعيد و اعيد
لان ابي اطوووفها بـ 3 نجوووم
مب بس اطوفها والسلام


مشكله البرفيكشن

:secret:

[شيط ويط]

مرحبا ياشيط
والله مافية عيد ذاك الزود صلينا العيد وبس
بالنسبة للكلمة الى تبي ترجمتها هي المطلقات والذمة على الدكشننري

طانكيو مان

ما احتفلتوا مع الاصدقاء والصديقات من زملاء الدراسه ؟؟؟؟

[وطن]

لا لا وش هالكعب البشع اللي حطيته

ذكرتني بادماني لووووووووووول

الجواتي كرمك الله
لدرجة ان في منهم للحين ما انلبسوو ومنسيين بعد

:(

[شيط ويط]

في مراحل اطوفها بسرعه بس اقعد اعيد و اعيد
لان ابي اطوووفها بـ 3 نجوووم
مب بس اطوفها والسلام


مشكله البرفيكشن

:secret:

تعرفين حق البيض والا لا ؟؟؟

في بيضه في الانترودكشن الخاص باللعبه .. نطري لين تخلص اخر شي بتظهر لج بيضه خخخخ

على فكره في ابلكيشن اسمه انقري بيرد قايد .. يعلمج طريقة اللعب ووين لازم تصوبين

وطريقة استخراج البيض

[شيط ويط]

لا لا وش هالكعب البشع اللي حطيته

ذكرتني بادماني لووووووووووول

الجواتي كرمك الله
لدرجة ان في منهم للحين ما انلبسوو ومنسيين بعد

:(

حطي لنا من صور العم قوقل خل نشوف اشكالهم

[شيط ويط]

يعني شنهو البريفكشن ؟؟؟

[وطن]

لا ما اعرف حق البيض
بس في مرحلة طلعت لي مره
بس ما ادري شلون



وش تبي بأشكالهم
:omg:

خلنا في الانغري بيرد احسن



البيرفكشن الله يسلمك
الكمال

:secret:

[شيط ويط]

وين وصلنا ؟؟

سوري انشغلت عنكم في البي بي

[شيط ويط]

ابي اعرف ذوقج ههههههههه

[زقرتي ومزاجي]

عيدكم مبارك وكل عام وانتو بخير :nice:

[وطن]

هاهاهاهاهاها

وش لك بذوقي

قول لي
شنو طريقة البيضة في الانغري بيردس

[شيط ويط]

عيدكم مبارك وكل عام وانتو بخير :nice:

عيدك مبارك وعساك من عواده هلا خالي

[وطن]

ابرك الاعياد عليك زقرتي مزاجي

شلونك اخوي

[زقرتي ومزاجي]

عيدك مبارك وعساك من عواده هلا خالي

منور الاستراحة :)

[شيط ويط]

هاهاهاهاهاها

وش لك بذوقي

قول لي
شنو طريقة البيضة في الانغري بيردس

ابي استمد منه شنهو يعني وش لك بذوقي

ماعرف شنهو بالضبط سالفة البيض بس عشان تفتح لج مستويات اعلى لازم تعرفين وين مخشوش البيض

[زقرتي ومزاجي]

ابرك الاعياد عليك زقرتي مزاجي

شلونك اخوي

هلا بج ياوطن .. اشتقت لكم
انا بخير يسرج حالي

[شيط ويط]

حركات ابرك الاعياد

شلون شذيه ؟

[شيط ويط]

منور الاستراحة :)

منور بوجودكم جميع

[وطن]

اشتاقت لك العافية اخوي زقرتي


شيط ويط عبالي عندك الطريقه :mad:

[وطن]

حركات ابرك الاعياد

شلون شذيه ؟

:yawn:

[شيط ويط]

اشتاقت لك العافية اخوي زقرتي


شيط ويط عبالي عندك الطريقه :mad:

سوي سيرش في الابستور حق انقري بيرد قايد .. ونزليه عندج شرح بالصور

[وطن]

لووووووووول

شيط ويط
تراني منزلته على النوكيا

;)

[شيط ويط]

:yawn:

http://img192.imageshack.us/img192/5770/oy665345.jpg

[شيط ويط]

لووووووووول

شيط ويط
تراني منزلته على النوكيا

;)

:rolleyes2:

[وطن]

http://img192.imageshack.us/img192/5770/oy665345.jpg

مجافيني صار له فترة

ارقد ولا كأني رقدت
ما اخذ كفايتي

[زقرتي ومزاجي]

اكتفي بالمتابعة من بعيد :victory:

[شيط ويط]

مجافيني صار له فترة

ارقد ولا كأني رقدت
ما اخذ كفايتي

الحب عذاب ههههههه

[وطن]

تعال
ليش من بعيد

تعال سولف مع شيط ويط

انا شكلي بروووح

لان مخي مشغووول مب مركزه

[وطن]

الحب عذاب ههههههه

مب حووووووووووولي

لوووووووووووووووووووول

[شيط ويط]

العنود ام حظين ههههه

[شيط ويط]

مب حووووووووووولي

لوووووووووووووووووووول

الحياة بلا حب مالها طعم :omen2:

[وطن]

الحياة بلا حب مالها طعم :omen2:

ما نبي الطعم

الا تعال منهي العنود ام حظين

[شيط ويط]

ما نبي الطعم

الا تعال منهي العنود ام حظين


نك نيم وحده في قيمزر

[وطن]

اها

انزين انا جعت
شنو الحل مع هالجووووووووع crazy

[شيط ويط]

اها

انزين انا جعت
شنو الحل مع هالجووووووووع crazy

حتى انا جعت

الحل انج تعرفين مبررات هالجوووع

[وطن]

والله اظنها مبررات نفسيه لوووووووووول

مب ماكله بشرب ماي
مب حزة اكل

شوف الام بي سي 2
الفيلم حلو

[شيط ويط]

والله اظنها مبررات نفسيه لوووووووووول

مب ماكله بشرب ماي
مب حزة اكل

شوف الام بي سي 2
الفيلم حلو


الحب عذاب دام نفسيه ههههههههه


ماعندي تلفاز في المكان اللي انا فيه

وش اسمه ؟

[وطن]

اسم الفيلم
نسيت

بس هذا اللي يخطفون بنته
وبعدين يطاردهم عشان يرجعها

ويحطون فيه السيارة القطرية

[شيط ويط]

taken

فلم عجيب شفتها اكثر من مره

احب نفس هالافلام

فيه بعد فيلم قصة واقعية يتكلم عن البغاء في اوروبا وشلون يخطفون البنات من المكسيك ويخلونهم يدمنون ع المخدرات ويجبرونهم ع البغاء ويتاجرون فيهم .. ويهربونهم لاوروبا وغيره

الفلم عن قصة واقعية وسوى ضجة بس ما يحضرني اسمه

[شيط ويط]

شنهو فيلم عجيب شفتها ههههه

[وطن]

لووووووووووووول

شفتها وطوفتها لك


شفت النوكيا الجديد ان 9 ؟؟؟

[وطن]

http://www.malaysia-kini.com/blog/wp-content/uploads/2011/10/nokia-n9-family.jpg

[شيط ويط]

مادري انا شفت نوكيا عند واحد من الربع نفس هالشكل مادري ان 8 يمكن ..

نفس الايفون صاير

[شيط ويط]

النوكيا خسرت سباق الهواتف الذكية خلاص راحت عليها

[شيط ويط]

في عالم الماركيتينق في الجوالات هناك 3 مراحل او اكثر

نوكيا وقفت عند المرحلة الاولى والثانية فقط ...

الاولى انه الجوال يؤدي الغرض بالنسبة للمستخدم ( اتصال - ارسال مسجات ... إلخ )

الثانية انه الجوال موثوق فيه بحيث يحافظ لي على اداء الغرض

باقي الاجهزة البلاك بيري والايفون واجهزة الاندرويد .. تجاوزت هالمرحلتين وفكرت في اضافة

الترفيه والقيمة للمستخدم

يعني جانب نفسي .. انه يكون عندي ايفون يعتبر شي مش عادي قاعد يضيف لي شعور وانطباع معنوي

لذلك نوكيا الان مهما حاولت راح تكون خسرانه

لان القطار طافها

الحل الوحيد تدخل في استراتيجية تحالف مع شركات ثانيه

[وطن]

هاهاهاهاها
زين انا هدفي من هالجهاز الاتصال والمسجات بس


ما عندي وقت للترفيه
توني من يومين بس منزله الانغري بيرد
من الفضاوه

باجر يرد الدوام
وما الاقي وقت حق شي

للحين احب النوكيا
ما اقتنع لا ببلاك بيري ولا الاي فون

مالي حاجه فيهم

[شيط ويط]

تفلسفت وايد هههههههه

[وطن]

لا عادي

يالله تصبح على خير خيوووو

انا طفيت

[شيط ويط]

هاهاهاهاها
زين انا هدفي من هالجهاز الاتصال والمسجات بس


ما عندي وقت للترفيه
توني من يومين بس منزله الانغري بيرد
من الفضاوه

باجر يرد الدوام
وما الاقي وقت حق شي

للحين احب النوكيا
ما اقتنع لا ببلاك بيري ولا الاي فون

مالي حاجه فيهم

شعندها اللي مب لاقيه وقت حق شي ههههههه

[شيط ويط]

وانتي من اهله

حياج الله

[جرح الزمان]

السلام عليكم ورحمة الله وبركاته

صباح الخير

[جرح الزمان]

مشكلتنا انام في احلى اوقات

ونضيع على نفسنا الاستمتاع بأفضل وأحلى وقت

قوموا يا نايمين .... أصحوووووووووووووووا

[جرح الزمان]

شيط ويط

متى رديت من سويسرا :p

[الحياة الخالدة]

صباح الخير يا جرح الزمـــــان

أنا قعدت في أحلى الأوقات :nice:

[جرح الزمان]

صباح الخير يا جرح الزمـــــان

أنا قعدت في أحلى الأوقات :nice:

صباح النور والسرور

الظاهر متعودة على القعدة بدري

خلاص لكي جائزة

[الحياة الخالدة]

شيط ويط

متى رديت من سويسرا :p


ما شاء الله

صار له كم شهر في سويسرا !! و انا اقول وين مختفي :secret:

[الحياة الخالدة]

صباح النور والسرور

الظاهر متعودة على القعدة بدري

خلاص لكي جائزة


:nice:
صحيح متعــــودة .. راحت أيام النوم المطـــــــول :(

أبي جايزتي كرك و جباتــــــــي :shy:

[جرح الزمان]

ما شاء الله

صار له كم شهر في سويسرا !! و انا اقول وين مختفي :secret:

هو فارض تكتيم اعلامي على سفراته

بس هالخبر .... تسريب من أحد المقربين :telephone:

[جرح الزمان]

:nice:
صحيح متعــــودة .. راحت أيام النوم المطـــــــول :(

أبي جايزتي كرك و جباتــــــــي :shy:

اي والله راحت ... أحسن

المهم انتي تأخرتي في طلبك

انا طرشت لكم عصفور من معيذر

وعطيته خارطة الطريق حق بيتكم

علشان يسمعكم نغمته الجديدة

المرة الثانية طلبي جائزتك بسرعة

[الحياة الخالدة]

هو فارض تكتيم اعلامي على سفراته

بس هالخبر .... تسريب من أحد المقربين :telephone:


ههههههههههه ..
أتمنى ما تكون سويسرا اللي في بالي
اللي منتدانا يطرش لها بعض الأعضاء لأسباب معينة ( الله يبعدنا عنها ) :rolleyes2:


المهــــــم ..
شخبار جولاتك المكوكية في أرجاء البلاد وراء المطــــــر :)

[الحياة الخالدة]

اي والله راحت ... أحسن

المهم انتي تأخرتي في طلبك

انا طرشت لكم عصفور من معيذر

وعطيته خارطة الطريق حق بيتكم

علشان يسمعكم نغمته الجديدة

المرة الثانية طلبي جائزتك بسرعة


بل ما يمديني أتأخر :anger1:

وانا اقول شهالعصفور المنطرب على هالصبح .. طلع ياي من معيذر :nice:
زين كنت ربطت في ريوله 500 ريال و الا شي .. عيدية عالأقل :tease:

[جرح الزمان]

ههههههههههه ..
أتمنى ما تكون سويسرا اللي في بالي
اللي منتدانا يطرش لها بعض الأعضاء لأسباب معينة ( الله يبعدنا عنها ) :rolleyes2:

بسئل المصدر :p




المهــــــم ..
شخبار جولاتك المكوكية في أرجاء البلاد وراء المطــــــر :)

الحمد لله كللت بالنجاح ...

احب ادور والف في الشوارع اذا كان في مطر

[الحياة الخالدة]

الحمد لله كللت بالنجاح ...

احب ادور والف في الشوارع اذا كان في مطر


زين انها تكلكلت بالنجـــــاح
طيب .. من خبرتك في الحياة .. تهقى بيطلع فقـــــع السنة ؟؟ :(
يعني نجهــــــــز العدة ؟؟

[جرح الزمان]

بل ما يمديني أتأخر :anger1:

وانا اقول شهالعصفور المنطرب على هالصبح .. طلع ياي من معيذر :nice:
زين كنت ربطت في ريوله 500 ريال و الا شي .. عيدية عالأقل :tease:

انا نشيط :)

500 ريال :eek5: ما في هالحالة أنه يوصل

[جرح الزمان]

زين انها تكلكلت بالنجـــــاح
طيب .. من خبرتك في الحياة .. تهقى بيطلع فقـــــع السنة ؟؟ :(
يعني نجهــــــــز العدة ؟؟

امس كان كاتب واحد من أخوانا في المنتدى ..إنه إن شاء الله في نهاية شهر 12 بيكون في فقع ... ويرواة .. والله أعلم
انتي أخذي الفقع وعطيني اليرواة

[جرح الزمان]

الأرصاد: طقس غائم اليوم
ولا تغيير في الملاحة الجوية

[الحياة الخالدة]

انا نشيط :)

500 ريال :eek5: ما في هالحالة أنه يوصل


زين .. 5 ريالات عالأقل :anger1:

[الحياة الخالدة]

امس كان كاتب واحد من أخوانا في المنتدى ..إنه إن شاء الله في نهاية شهر 12 بيكون في فقع ... ويرواة .. والله أعلم
انتي أخذي الفقع وعطيني اليرواة


ان شاء الله يطلع توقعه صح .. الله يجيب الخيــــــر :omen2:

يا سلام عليك .. و انت شنهي شغلتك بالله ..
شمر عن ساعديك و دور بروحك .. توك تقول نشيــــــط
جان تبي حوا و حميض بنعطيك :secret:

[جرح الزمان]

زين .. 5 ريالات عالأقل :anger1:


كلمة (( أضمن )) ساقطه من الجملة اللي كتبتها :shy:

خلاص بكرة الصبح بربط في ريله ريال كامل طبعاً اذا قمتي أول وحدة وفزتي بالجائزة

[جرح الزمان]

ان شاء الله يطلع توقعه صح .. الله يجيب الخيــــــر :omen2:

يا سلام عليك .. و انت شنهي شغلتك بالله ..
شمر عن ساعديك و دور بروحك .. توك تقول نشيــــــط
جان تبي حوا و حميض بنعطيك :secret:

اللهم آمين

في نهاية شهر 12 الجو يكون بارد جداً

فـ أدخل المبيت الشتوي ..

[الحياة الخالدة]

كلمة (( أضمن )) ساقطه من الجملة اللي كتبتها :shy:

خلاص بكرة الصبح بربط في ريله ريال كامل طبعاً اذا قمتي أول وحدة وفزتي بالجائزة


انا لاحظت .. بس ما حبيت أحرجك :shy:

خلاص أنا بواصل الليل بالنهار .. عشان افوز بالجايزة
العوض و لا القطيعـــــة :(

[الحياة الخالدة]

اللهم آمين

في نهاية شهر 12 الجو يكون بارد جداً

فـ أدخل المبيت الشتوي ..


شدعــــــوة بارد جداً .. أخاف صج بس

ابتســـــم أنت في قطر
آخــــــر شهر 1 و يمكن بعد :discuss:

[جرح الزمان]

انا لاحظت .. بس ما حبيت أحرجك :shy:

خلاص أنا بواصل الليل بالنهار .. عشان افوز بالجايزة
العوض و لا القطيعـــــة :(

:rolleyes2:

[جرح الزمان]

شدعــــــوة بارد جداً .. أخاف صج بس

ابتســـــم أنت في قطر
آخــــــر شهر 1 و يمكن بعد :discuss:

آخـــر شهر 1 وموجة الاربعينية ... أسميها عذاب الشتاء ... الله يعينا احنا الاضعاف :(

[الحياة الخالدة]

آخـــر شهر 1 وموجة الاربعينية ... أسميها عذاب الشتاء ... الله يعينا احنا الاضعاف :(


وللييييييييين .. هذا للحين ما شفنا البرد و انت تتشكـــــى منه

اللي يسمعك يقول عايشين في القطب الشمالي

كلهم يومين ثلاثة و يرد الصيف

خلنا نحس بأجواء الشتاء شوي
و انت اقعد في البيت .. شغل الدفايات و اشرب زنجبيـــــــل

[جرح الزمان]

وللييييييييين .. هذا للحين ما شفنا البرد و انت تتشكـــــى منه

اللي يسمعك يقول عايشين في القطب الشمالي

كلهم يومين ثلاثة و يرد الصيف

خلنا نحس بأجواء الشتاء شوي
و انت اقعد في البيت .. شغل الدفايات و اشرب زنجبيـــــــل

حاضر :(

[غرِيبهـ]

صباح الخير

شحالكم على هالصبح

راح الغيم :(

[الحياة الخالدة]

حاضر :(


خلاص سامحتك

البس كل اللي في الكبت و اطلع من البيت :(

[الحياة الخالدة]

صباح الخير

شحالكم على هالصبح

راح الغيم :(


صبـــــاحج ورد يا ريحة الورد :)

احنا الحمد لله طيبيــــــن .. انتي شحالج

لا لا تقولين .. توني اجهز العدة بطلع استمتع بالجـــــو :(

[جرح الزمان]

صباح الخير

شحالكم على هالصبح

راح الغيم :(

صباح النور

الحمد لله بخير

فعلاً راح الغيم بس

متفائلين خير إن شاء الله :victory:

[غرِيبهـ]

الحمدلله بخير

ان شاء الله يرجع

بس السماء صافيه مافي ولا تنتوفة غيمه

مجهزه يالحياة الخالدة وين بتروحين ؟

[جرح الزمان]

ريحة الورد

خل الشباب يعالجون أثار امطار

أمس على مخيماتهم :(

[الحياة الخالدة]

الحمدلله بخير

ان شاء الله يرجع

بس السماء صافيه مافي ولا تنتوفة غيمه

مجهزه يالحياة الخالدة وين بتروحين ؟


ان شالله يا رب

اي و الله .. توني شيكت السما صافية .. و كأن شيئاً لم يكــــــن :(

يعني كنت بطلع على خط الشمال .. أشوف آثار المطر
بس حلاة الطلعــــة و الجو مغيــــــم :weeping:

[غرِيبهـ]

ليش شصار على مخيماتهم ؟

شفت صورة بالمنتدى عن الشمال


انا ما اتجرى اسوق للشمال. كيف بتروحين ؟

[جرح الزمان]

ليش شصار على مخيماتهم ؟

شفت صورة بالمنتدى عن الشمال


انا ما اتجرى اسوق للشمال. كيف بتروحين ؟

شوفي الصورة في مشاركتي رقم 193

كثير من المخيمات صارت بدون خيام

[غرِيبهـ]

حاضر بشوفها احين

[الحياة الخالدة]

ليش شصار على مخيماتهم ؟

شفت صورة بالمنتدى عن الشمال


انا ما اتجرى اسوق للشمال. كيف بتروحين ؟


يعني ما قط سويتها .....
بس باخذ الخط سيييييييدة .. و ارد :rolleyes2:

ايش رايج امر عليج :nice:

[غرِيبهـ]

:eek5: هاي بحر ولا مطر

ماشاء الله

هاي في الشمال عيل المزرعة غرقت و المحميات طارو :shy:

[غرِيبهـ]

يعني ما قط سويتها .....
بس باخذ الخط سيييييييدة .. و ارد :rolleyes2:

ايش رايج امر عليج :nice:

موافقة يالله مري <<<< ماصدقت على الله وهقتج هاه :shy:

امشي بوديج لين مزرعتنا نطمن على الاحوال و بعطيج صندوق طماط وخيار
ان حصلنا المحميات

[جرح الزمان]

:eek5: هاي بحر ولا مطر

ماشاء الله

هاي في الشمال عيل المزرعة غرقت و المحميات طارو :shy:

بحر الغارية

[الحياة الخالدة]

موافقة يالله مري <<<< ماصدقت على الله وهقتج هاه :shy:

امشي بوديج لين مزرعتنا نطمن على الاحوال و بعطيج صندوق طماط وخيار
ان حصلنا المحميات


لا و الله بالعكس ما وهقتيني .. أتشرف
بس ادري مب من صجج

اذا معزمة صج .. أمر عليج باجر الصبح
بس عطيني مسج عالخاص :)

الحين اتفقت مع أختي

يلا .. في أمان الله :)

[جرح الزمان]

موافقة يالله مري <<<< ماصدقت على الله وهقتج هاه :shy:

امشي بوديج لين مزرعتنا نطمن على الاحوال و بعطيج صندوق طماط وخيار
ان حصلنا المحميات

لا تنسوا من حضر القسمة معاكم :shy:

إن شاء الله المحميات ....محميات
ولا في هالحالة بنغير اسمهم :secret:

[جرح الزمان]

لا و الله بالعكس ما وهقتيني .. أتشرف
بس ادري مب من صجج

اذا معزمة صج .. أمر عليج باجر الصبح
بس عطيني مسج عالخاص :)

الحين اتفقت مع أختي

يلا .. في أمان الله :)

الله يحفظكم

[غرِيبهـ]

لا و الله بالعكس ما وهقتيني .. أتشرف
بس ادري مب من صجج

اذا معزمة صج .. أمر عليج باجر الصبح
بس عطيني مسج عالخاص :)

الحين اتفقت مع أختي

يلا .. في أمان الله :)

صادوه لا والله ودي واتشرف بج

بشاور الحكومة وببلغك

تحملي على نفسك و صوري لنا بالانتظار

[غرِيبهـ]

بحر الغارية

اشوى بعيد المزرعة في بولظلوف

في بحر بس بعيد وكله رايح

[غرِيبهـ]

لا تنسوا من حضر القسمة معاكم :shy:

إن شاء الله المحميات ....محميات
ولا في هالحالة بنغير اسمهم :secret:

ههههههه مب ناسين :shy:


كلمت العمال يقولون كل شي بالسليم

البقرات والعنزات والمحميات مبسوطين بالمطر هههه :shy:

[جرح الزمان]

ههههههه مب ناسين :shy:


كلمت العمال يقولون كل شي بالسليم

البقرات والعنزات والمحميات مبسوطين بالمطر هههه :shy:

أهم شي أنهم مبسوطين بالمطر

[غرِيبهـ]

أهم شي أنهم مبسوطين بالمطر

يس يس :shy:

http://www.shabaktqatar.com/up/uploads/images/domain-1c5d21aa66.jpg

http://www.shabaktqatar.com/up/uploads/images/domain-192190f578.jpg

[مسك روز]

صباح الورد

[Red rose]

صباح الفل والياسمين

اخبارج مسك والعيد عليج مبارك

[Bin.Yousef]

صبحكم الله بالخير :)

[مسك روز]

رد روز ..

علينا وعليج يتبارك وعساج من عواده ..

انا طيبه فديتج انتي شخبارج ؟




مابنكسر صابر ..

صبحك الله بالنور وعطر الزهور

[Red rose]

انا الحمد لله فديتج يسرج الحال :victory:

[بنـ الدحيل ـت]

وعليكم السلام ورحمة الله وبركاته
وانتي بخير وصحة وسلامة يا روز
وعيدج مبارك

وتقبل الله منا ومنكم صالح الأعمال

[بنـ الدحيل ـت]

يا ليت لو تساعدوني

http://www.qatarshares.com/vb/showthread.php?t=484360

[جرح الزمان]

السلام عليكم ورحمة الله وبركاته

شوفو هالبغبغاء

http://ysv.me/640

[جرح الزمان]

يا ليت لو تساعدوني

http://www.qatarshares.com/vb/showthread.php?t=484360

ما عندي فكرة ....

اكيد الاخوات بيفيدونك بأدق التفاصيل

الله يرجعهم بالسلامة ... وحجاً مبرور

وذنباً مغفور وسعياً مشكور .. لحجاجكم

[Red rose]

اشلونك اخوي جرح الزمان عساك بخير ان شاء الله :)

[جرح الزمان]

الحمد لله بخير

انتي شخبارك ؟

كم جمعتي/وزعتي عيدية :rolleyes2:

[Red rose]

الحمد لله جرح الزمن طيبه طاب حالك

انا ناطرة منك تقرقش مخباك :shy:

[جرح الزمان]

وين نظارتي ضاعت

مب قادر اشوف الشاشة عدل

استأذن الى حين العثور على نظارتي

v



v



v




v


بس نظارتي شمسية


حاضر بحط اسمك في القائمة

[جرح الزمان]

حــان الان موعـــــــد اذان

الظهـــــــــــــــــــــــــــــر

لمدينه الدوحه وضواحيها

[Red rose]

وين نظارتي ضاعت

مب قادر اشوف الشاشة عدل

استأذن الى حين العثور على نظارتي

v



v



v




v


بس نظارتي شمسية


حاضر بحط اسمك في القائمة

هههههههههههههههه

تراك مب سهل جرح الزمان :p

[نــــظــــره]

http://www.up.6y6y.com/uploads/images/qataryat.net-0d29bb3d9a.gif (http://www.ksayat.com)




أدري أخر الناس :shy:

أن تأتي متأخراً خير من أن لا تأتي أبداً

[شيط ويط]

شيط ويط

متى رديت من سويسرا :p


قبل العيد

[شيط ويط]

السلام عليكم جميع

مساكم أحلى بوجودي

[شيط ويط]

يوعاااااااااان

خاطري في شي حلو ودسم

[شيط ويط]

نحن نمشي على شفرات السيوف ونأتي المنيه من أبوابها

[مسك روز]

عيدج مبارك اختي نظره ..

عيدك مبارك اخوي شيط ويط ..



برب ساعه

[شيط ويط]

http://www.safeshare.tv/w/wXfxWbliAD

[شيط ويط]

عيدج مبارك اختي نظره ..

عيدك مبارك اخوي شيط ويط ..



برب ساعه


ابغي اسمي بروحي لو سمحتي

[شيط ويط]

هدية الروح .. الشهاده

[الحياة الخالدة]

مساكم الله بالخيــــــــر

شلونكم .. شخباركم

[شيط ويط]

الله اكبر الله اكبر الله اكبر لا اله الا الله

الله اكبر الله اكبر ولله الحمد

[Red rose]

http://i1081.photobucket.com/albums/j348/Redrose118/e9c413fe.jpg

حيا الله شيط ويط عاش من شاف اسمك :)

اتفضل حلاوة العيد

[Red rose]

مساكم الله بالخيــــــــر

شلونكم .. شخباركم

مساج الله بالنور والسرور غاليتي

الحمد الله انا يسرج حالي :)

[نــــظــــره]

عيدج مبارك اختي نظره ..



برب ساعه



وعيدج يالغلا :)

عساج من عواده بصحه وخير وسلامه

[شيط ويط]

http://i1081.photobucket.com/albums/j348/redrose118/e9c413fe.jpg

حيا الله شيط ويط عاش من شاف اسمك :)

اتفضل حلاوة العيد

الله يحييييييييييج هلا وغلا والله بشيخة الحضور

عاشت ايامج

عيدج مبارك وعساج من عواده

والله يحفظج له احبابج وكل من يعز عليج

وتسلمين على حلاوة العيد ياذوووووووووووووووووق

اخاف يخترب الرجيم عندي او يصير تضارب خبرج حلو وياكل حلو ما يوارج ههههههههههه


كم جمعتي في العيد ؟

[شيط ويط]

آآآه لو هالكرسي بيحكي

[الحياة الخالدة]

مساج الله بالنور والسرور غاليتي

الحمد الله انا يسرج حالي :)


دوم ان شالله يا وردتنا الحمرا :omen2:

وين رحتي في العيد :)

[نــــظــــره]

غير البشر


http://www.up.6y6y.com/uploads/images/qataryat.net-bd536f9446.jpg (http://www.ksayat.com)


:(:(:(

[Red rose]

الله يحييييييييييج هلا وغلا والله بشيخة الحضور

عاشت ايامج

عيدج مبارك وعساج من عواده

والله يحفظج له احبابج وكل من يعز عليج

وتسلمين على حلاوة العيد ياذوووووووووووووووووق

اخاف يخترب الرجيم عندي او يصير تضارب خبرج حلو وياكل حلو ما يوارج ههههههههههه


كم جمعتي في العيد ؟

تسلم على هالترحيب الجميل :shy:

علينا وعليك يتبارك

والله يحفظ لك كل غالي ياارب

العفو شي بسيط حق اخوي شيط ويط من زمان ما بينت

اها اذا تسوي رجيم عيل بس شوفه يكفيك :nice:

جمعت 500 بس

اغلبهم مسافرين رايحين الحج :(

[نــــظــــره]

آآآه لو هالكرسي بيحكي


صاحبة هالاغنيه تراجعت عنها وقالت أنا ما بكره بشار

[الحياة الخالدة]

غير البشر


http://www.up.6y6y.com/uploads/images/qataryat.net-bd536f9446.jpg (http://www.ksayat.com)


:(:(:(


اي لاحظت .. و غيري لاحظ
مكانه في الاستراحـــــة مبين :(
بس ليش ؟؟!! حد عنده فكـــــرة ؟؟!!

[نــــظــــره]

الحياه الخالده

رد روز


شيط ويط

عيدكم مبارك وكل عام وانتوا بخير

شخباركم ؟؟؟

[Red rose]

دوم ان شالله يا وردتنا الحمرا :omen2:

وين رحتي في العيد :)

والله امس رحنا دوارة بالسيارة مع الجو الممطر

واليوم بنروح فيلاجيو مع عيال خواتي يلعبون شوي

[شيط ويط]

تسلم على هالترحيب الجميل :shy:

علينا وعليك يتبارك

والله يحفظ لك كل غالي ياارب

العفو شي بسيط حق اخوي شيط ويط من زمان ما بينت

اها اذا تسوي رجيم عيل بس شوفه يكفيك :nice:

جمعت 500 بس

اغلبهم مسافرين رايحين الحج :(


تستاهلين

يله مب مشكلة بتعوضين لا ردوا من الحج ع الاقل تمشين بضاعتج عليهم هههههه

يعني ما بقتي عيدية عيالج ؟؟ خخ

[Red rose]

الحياه الخالده

رد روز


شيط ويط

عيدكم مبارك وكل عام وانتوا بخير

شخباركم ؟؟؟

علينا وعليج يتبارك هلااا والله بنظرة

الحمد لله طيبه فديتج

[شيط ويط]

صاحبة هالاغنيه تراجعت عنها وقالت أنا ما بكره بشار

كيف ولماذا ومتى :omen2:

[الحياة الخالدة]

الحياه الخالده

عيدكم مبارك وكل عام وانتوا بخير

شخباركم ؟؟؟


هلا هلا و كل الغلا
عيدج مبارك .. و تقبل الله طاعتــــــج
احنا الحمد لله تماميـــــن و طيبين
ومشتاقين لكم و لسوالفكم الحلــــــوة :)

[شيط ويط]

الحياه الخالده

رد روز


شيط ويط

عيدكم مبارك وكل عام وانتوا بخير

شخباركم ؟؟؟


بغيت اسمي بروحي لو سمحتي حتى يتسنى لي معايدتك

[Red rose]

تستاهلين

يله مب مشكلة بتعوضين لا ردوا من الحج ع الاقل تمشين بضاعتج عليهم هههههه

يعني ما بقتي عيدية عيالج ؟؟ خخ

هههههههههه

الظاهر انت اتسوي هالحركه صح ؟

اعترف :tease:

[شيط ويط]

مع نفسك

[شيط ويط]

هههههههههه

الظاهر انت اتسوي هالحركه صح ؟

اعترف :tease:

اي اسويها اعد لهم لفلوس وساعات اقولهم بوديكم سنا ويستانسون ينسون ابو الفلوس هههههههههه

بعد لازم استرجع العيدية اللي اوزعها على اليهال :anger1:

[Red rose]

اي لاحظت .. و غيري لاحظ
مكانه في الاستراحـــــة مبين :(
بس ليش ؟؟!! حد عنده فكـــــرة ؟؟!!

اي والله مكانه وااااايد مبين :(

هو مسافر رايح تركيا

[شيط ويط]

احس العيدية غسيل اموال وتدوير محافظ

انت تعطي غيرهم والغير يعطي عيالك هههههههههه

[Red rose]

اي اسويها اعد لهم لفلوس وساعات اقولهم بوديكم سنا ويستانسون ينسون ابو الفلوس هههههههههه

بعد لازم استرجع العيدية اللي اوزعها على اليهال :anger1:

هههههههههههههههههههههههههههههه

[الحياة الخالدة]

والله امس رحنا دوارة بالسيارة مع الجو الممطر

واليوم بنروح فيلاجيو مع عيال خواتي يلعبون شوي


أما أمس كان الجو عجييييييييييب .. من أروع ما يكون .. زين ما سافرنا ( اللي يقول عرضوا علينا نسافر و قلنا لأ )
و سبحان الله .. اليوم الصبح و لا كأن كان في شي :)

عاد فيلاجيو .. أم الزحمـــــــة .. بس اليهال الله يحفظهم .. ما عندهم مشكلة :)

[نــــظــــره]

اي لاحظت .. و غيري لاحظ
مكانه في الاستراحـــــة مبين :(
بس ليش ؟؟!! حد عنده فكـــــرة ؟؟!!




والله ماعندي فكره :(

[شيط ويط]

هههههههههههههههههههههههههههههه

اخيرا ضحكتي

سجل ياتاريخ هههههههههههههه

[شيط ويط]

انزين بخصوص توقيعج .. احس انه كتيب سياحي عن قطر مب توقيع هههههههههههههههه

[الحياة الخالدة]

اي والله مكانه وااااايد مبين :(

هو مسافر رايح تركيا


آهاااااااااااا .. الله يحفظــــه و يرده بالسلامة

بس ليش الوداع .. و ليش تغير من .. إلى .. ؟؟!! :secret:

[شيط ويط]

المذيع الكويتي نواف القطان يعايد عليكم جميع وقالي سلم على كل الحبايب في قطر

معاي ع البلاك بيري

[Red rose]

اخيرا ضحكتي

سجل ياتاريخ هههههههههههههه

ليش قالوا لك انا ابو الهول ما اضحك :anger1:

عاد اش رايك انهم يفتقدوني في البيت لما اطلع

عاد انا ام الغشمرة :shy:

[شيط ويط]

صلوا على رسول الله

[Red rose]

المذيع الكويتي نواف القطان يعايد عليكم جميع وقالي سلم على كل الحبايب في قطر

معاي ع البلاك بيري

عيد عليه وقول له كل عام وانت بخير واهل الكويت كلهم بخير ان شاء الله

عاد اشلون الجو عندهم ؟

[شيط ويط]

ليش قالوا لك انا ابو الهول ما اضحك :anger1:

عاد اش رايك انهم يفتقدوني في البيت لما اطلع

عاد انا ام الغشمرة :shy:

ههههههههههههههه لا محشومه

بس صايره رسميه بزيادة مع انه ذي اسمها استراحه

ما تفقدين غالي

بس لحد يمدح نفسه واجد

بعدين بقولج شي

ترى الديناصورات ما انقرضت الا من التغلي والنفس الخايسه هههههههههههه

وفي كلام ان البشر جايهم الدور بركات بعض البنات يتغلون وخياس نفس

[Red rose]

صلوا على رسول الله

الله صلي وسلم على الحبيب المصطفى

[شيط ويط]

عيد عليه وقول له كل عام وانت بخير واهل الكويت كلهم بخير ان شاء الله

عاد اشلون الجو عندهم ؟

يبلغ

الجو مثلنا جو بونفرين عاد شنهو بونفرين ماعرف سندروني الربع وانا مفهي :rolleyes2:

[نــــظــــره]

علينا وعليج يتبارك هلااا والله بنظرة

الحمد لله طيبه فديتج


ان شاء الله دوووم


كيف ولماذا ومتى :omen2:


في مؤتمر صحفي قالت انا لا اكره بشار والاغنيه لا تناسب شخصيتي
والمؤلف نسبها الي دون علمي مبين عليها الخوف





هلا هلا و كل الغلا
عيدج مبارك .. و تقبل الله طاعتــــــج
احنا الحمد لله تماميـــــن و طيبين
ومشتاقين لكم و لسوالفكم الحلــــــوة :)


ياربي دووم والله انا مشتاقه لكم اكثر
شنسوي الدنيا تلاهي ولابد للفراق


بغيت اسمي بروحي لو سمحتي حتى يتسنى لي معايدتك


ان شاء الله عمي

[سلوى حسن]

مساء الخير
كل عام وانتم بخير
كيفك شيط ويط

[شيط ويط]

كسبت من وراكم اجر

[Red rose]

ههههههههههههههه لا محشومه

بس صايره رسميه بزيادة مع انه ذي اسمها استراحه

ما تفقدين غالي

بس لحد يمدح نفسه واجد

بعدين بقولج شي

ترى الديناصورات ما انقرضت الا من التغلي والنفس الخايسه هههههههههههه

وفي كلام ان البشر جايهم الدور بركات بعض البنات يتغلون وخياس نفس

افاااا يعني انا نفسي خايسه ورسميه :omg:

خلاص عيز بخليكم :weeping:

[شيط ويط]

مساء الخير
كل عام وانتم بخير
كيفك شيط ويط

مساء النور هههههههههههههههههههههههههههههههههههههههههههههههههه هههههه

اسف بس ماقدرت امسك نفسي من الضحك

كل عام وانا اطيب منج

انا بخير بس هدني الجوع

ورد روز خبصت معاي في حلاوة العيد

ونظره انشبت لي تبي عيديه وانا ناطر منها بحكم فارق السن بيني وبينها

[نــــظــــره]

عمي شيط ويط

كل عام وإنت بخير :)

عساك من العايدين والفايزين

[شيط ويط]

افاااا يعني انا نفسي خايسه ورسميه :omg:

خلاص عيز بخليكم :weeping:

لا لا محشومة والحاضرين انا قلت البعض

وانتي للامانه ما شفنا منج الا كل خير وطيبه

يكفي ابتسامتج من خلف الشاشة

احس انها تشبه ابتسامة ولدي بو 6 شهور

[شيط ويط]

عمي شيط ويط

كل عام وإنت بخير :)

عساك من العايدين والفايزين

كل سنة وانتي طيبة وحاجه وعودة للاوطان ههههههههههههه


انا مب عمج :anger1:

عمت عين العدو

بعدني في ريعان الشباب تاريخ 17 نوفمبر القادم بدخل في الـ 19 :shy:

[نــــظــــره]

مساء النور
ونظره انشبت لي تبي عيديه وانا ناطر منها بحكم فارق السن بيني وبينها



:eek5:

أنا متى

عاد انا مسيجينه أحصل عيديه ما احصل عادي كلو واحد

المهم الأمور طيبه وحنا بخير والحمدلله

[نــــظــــره]

كل سنة وانتي طيبة وحاجه وعودة للاوطان ههههههههههههه


انا مب عمج :anger1:

عمت عين العدو

بعدني في ريعان الشباب تاريخ 17 نوفمبر القادم بدخل في الـ 19 :shy:



ودي اصدقك

بس الصوره الرمزيه ما تساعد عمي شيط ويط

[شيط ويط]

لحد ينسى التاريخ 17 نوفمبر

نستقبل الهدايا في هاليوم المجيد من مسيرة حياتي العامرة بالمصاعب والمتاعب والوناسة :unsure:

يعني اللي بيواعدني بايباد2 ماعندي مشكلة نستقبل جميع انواع الهدايا والمنح :eek2:

[شيط ويط]

:eek5:

أنا متى

عاد انا مسيجينه أحصل عيديه ما احصل عادي كلو واحد

المهم الأمور طيبه وحنا بخير والحمدلله

ايه لان نفسج هنيه وطيبه

بس حلو الدعم المادي والمعنوي في العيد مو غلط :secret:

[الحياة الخالدة]

مساء الخير
كل عام وانتم بخير



مساء الورد

و انتي بالصحة و السلامة :)

[شيط ويط]

ودي اصدقك

بس الصوره الرمزيه ما تساعد عمي شيط ويط



يعني انتوا تحكمون ع الواحد من صورته الشخصية :(

تحملي تنخدعين باللي يحطون صور جميله ...

أنا على مدار مسيرتي في النت والمنتديات التي بدأت منذ العام 1996 صارت عندي فلسفه

في الصور اللي يحطونها الاعضاء والاسامي اللي يختارونها

نسبة كبيرة تحط شي يعوض الشي المفقود بداخلها

يعني لما تجي وحده وتختار نك نيم دلوعة وحلوه

تاكدي ان بينها وبين الدلع 70 باب ههههههههههههههههههههههههههه

[الحياة الخالدة]

ان شاء الله دوووم



ياربي دووم والله انا مشتاقه لكم اكثر
شنسوي الدنيا تلاهي ولابد للفراق






الله يلهيكم في خير يا رب

و الله لا يخليج من حبايبج

[نــــظــــره]

ايه لان نفسج هنيه وطيبه

بس حلو الدعم المادي والمعنوي في العيد مو غلط :secret:



يكفي فرحة الاطفال أكبر دعم معنوي

اما المادي يجي ويروح في العيد وبغيره

[شيط ويط]

ولما يجي واحد يحط صورة رمزية حق توم كروز والا مهند تأكدي ان خشمه كبييييير وأصلع ههههههههههههه

[شيط ويط]

يكفي فرحة الاطفال أكبر دعم معنوي

اما المادي يجي ويروح في العيد وبغيره

انا احلى شي احبه فيهم لين يوصخون ملابسهم

[الحياة الخالدة]

وردتنا الحمـــــرا

ردي فديت قلبج .. ما عليج من أهل سويسرا .. طول عمرهم يقطون خيط وخيط :secret:

[نــــظــــره]

يعني انتوا تحكمون ع الواحد من صورته الشخصية :(

تحملي تنخدعين باللي يحطون صور جميله ...

أنا على مدار مسيرتي في النت والمنتديات التي بدأت منذ العام 1996 صارت عندي فلسفه

في الصور اللي يحطونها الاعضاء والاسامي اللي يختارونها

نسبة كبيرة تحط شي يعوض الشي المفقود بداخلها

يعني لما تجي وحده وتختار نك نيم دلوعة وحلوه

تاكدي ان بينها وبين الدلع 70 باب ههههههههههههههههههههههههههه



ههههه

ما شاء الله من سنة 96 في عالم النت

يعني معمر وعمرك بين ال60 وال70

الله يعطيك الصحه والعافيه عمي شيط

تصدق فيك شبه من ابوي الله يطول بعمره

[شيط ويط]

ههههه

ما شاء الله من سنة 96 في عالم النت

يعني معمر وعمرك بين ال60 وال70

الله يعطيك الصحه والعافيه عمي شيط

تصدق فيك شبه من ابوي الله يطول بعمره

ايام باسوردات مؤسسة حمد الطبية هههههههههههههههههههه

كان عمري 9 سنوات :shy:

الله يعطيه ويعطينا طولة العمر .. ويختم بالصالحات أيامنا

كم عمر ابوج ؟

[مسك روز]

باك ...


نزلت لعبة انجري بيرد على لابتوبي :p

[بوحارب]

السلام عليكم ورحمه الله وبركاته

كل عام وانتم بخير وعساكم من عوادة

وتقبل الله طاعاتكم:)


وين عيديتي :omg:

[شيط ويط]

الليله جدولي مزدحم بمناسبات اجتماعية

عرس - معايده - عزاء

وانا تو ما تغديت والوضع متأزم والوحده متعبه

[شيط ويط]

مب وقتك كلش ههههههههههههههههههههههههههه

[شيط ويط]

من عقب قيمزر انقري بيرد الله يرحم

[شيط ويط]

السلام عليكم ورحمه الله وبركاته

كل عام وانتم بخير وعساكم من عوادة

وتقبل الله طاعاتكم:)


وين عيديتي :omg:

وعليكم السلام والرحمة

وانت بصحه وسلامه ياهلا بك

عيديتك عند عمتنا نظره هي المسؤولة عنها في الاستراحه

[شيط ويط]

اضرب خمس بطات هذي احدث لعبة حاليا ههههههههههه

[نــــظــــره]

ايام باسوردات مؤسسة حمد الطبية هههههههههههههههههههه

كان عمري 9 سنوات :shy:

الله يعطيه ويعطينا طولة العمر .. ويختم بالصالحات أيامنا

كم عمر ابوج ؟



آآآمين

الوالد عمره بعمر نكبة فلسطين

[مسك روز]

من عقب قيمزر انقري بيرد الله يرحم

والله لعبت مع وحده نفسها خايسه ومعقده
وتصرفاتها مالها اي تفسير ..

من عقبها كرهت القيمزر بكبره :tease:

[شيط ويط]

الله اكبر اذن العصر حسب توقيت ساعة مؤذنا الموقر

[شيط ويط]

آآآمين

الوالد عمره بعمر نكبة فلسطين

الله يعطيه طولة العمر .. بعده شباب انا قلت يمكن من ايام الحرب العالمية الاولى ههههه

[M S A]

بسم الله الرحمن الرحيم

كل عام و انتوا بخير. والله يجمعكم دايماً
على خير إن شاء الله

و عيدكم مبارك



http://img12.imageshack.us/img12/7281/eidmibarak.jpg

[نــــظــــره]

السلام عليكم ورحمه الله وبركاته

كل عام وانتم بخير وعساكم من عوادة

وتقبل الله طاعاتكم:)


وين عيديتي :omg:


وعليكم السلام ورحمة الله وبركاته

وانت بخير اخوي بو حارب

هذي العيديه :shy:


http://www.up.6y6y.com/uploads/images/qataryat.net-33d872360a.jpg (http://www.ksayat.com)


الليله جدولي مزدحم بمناسبات اجتماعية

عرس - معايده - عزاء

وانا تو ما تغديت والوضع متأزم والوحده متعبه


أنا بعد بروح عزا الطفله ساره :(

[شيط ويط]

والله لعبت مع وحده نفسها خايسه ومعقده
وتصرفاتها مالها اي تفسير ..

من عقبها كرهت القيمزر بكبره :tease:

يعني هالحين تركتي كل الحلوين وداشه تلعبين مع وحده معقده هههههههههههههههههههههه

[شيط ويط]

وعليكم السلام ورحمة الله وبركاته

وانت بخير اخوي بو حارب

هذي العيديه :shy:


http://www.up.6y6y.com/uploads/images/qataryat.net-33d872360a.jpg (http://www.ksayat.com)



أنا بعد بروح عزا الطفله ساره :(


سارة اللي في الخريطيات صح ؟؟؟؟ والا غيرها

انا كنت في المقبره امس ولا قدرت امر عليهم والليله ناوي ان شاء الله

يعني بحصل ابوج هناك ؟؟ :secret:

[شيط ويط]

موتو قهر حبيبي قمر ههههههههههههههههههههه

[نــــظــــره]

بسم الله الرحمن الرحيم

كل عام و انتوا بخير. والله يجمعكم دايماً
على خير إن شاء الله

و عيدكم مبارك



http://img12.imageshack.us/img12/7281/eidmibarak.jpg



وانت بخير وصحه وسلامه

ان شاء الله يااارب وياج حبيبتي

[مسك روز]

يعني هالحين تركتي كل الحلوين وداشه تلعبين مع وحده معقده هههههههههههههههههههههه

شسوي الحب ماله عنون :shy:

مع ان في البدايه كانت طبيعيه والله

وكنت احب العب معاها هي بالذات ..


بس فجأه استخفت وتصرفاتها كلش مالها تفسير

[مسك روز]

انزين قوموا صلوا يله

لاحقين على الهذره



برب

[نــــظــــره]

سارة اللي في الخريطيات صح ؟؟؟؟ والا غيرها

انا كنت في المقبره امس ولا قدرت امر عليهم والليله ناوي ان شاء الله

يعني بحصل ابوج هناك ؟؟ :secret:



اي ساره اليزيدي في الخريطيات

جان زين يقدر يروح ويجي
ابوي مايدري عن الدنيا :(

الله يشفيه ويرحمه برحمته الواسعه

[شيط ويط]

من رخصتكم نراكم بعد الفاصل ان شاء الله

[مسك روز]

الله يرحمها برحمته

ويصبر اهلها ..





برب الميره :playball:

[الحياة الخالدة]

باك ...


نزلت لعبة انجري بيرد على لابتوبي :p


مسك روز .. شلونج حبيبتي

للحين مع هاللعبــــــة :nice:

[مسك روز]

انا بخير فديتج

شنو للحين ، توني منزلتها ههههههههههههه

يله سي يو عقب مادري كم ساعه

[الحياة الخالدة]

السلام عليكم ورحمه الله وبركاته

كل عام وانتم بخير وعساكم من عوادة

وتقبل الله طاعاتكم:)


وين عيديتي :omg:


عيدك مبارك يا راعي الكرك .. و تقبل الله طاعتك

خلصت الخردة .. وايد تأخرت :(

[الحياة الخالدة]

بسم الله الرحمن الرحيم

كل عام و انتوا بخير. والله يجمعكم دايماً
على خير إن شاء الله

و عيدكم مبارك



http://img12.imageshack.us/img12/7281/eidmibarak.jpg


عيدك مبارك .. و تقبل الله طاعتك

أجمعين إن شاء الله

[الحياة الخالدة]

اي ساره اليزيدي في الخريطيات

جان زين يقدر يروح ويجي
ابوي مايدري عن الدنيا :(

الله يشفيه ويرحمه برحمته الواسعه



الله يرحمها و يصبر أهلهـــــا :(

الله يشفي لكم الوالد .. و يأجره خير يا رب :omen2:

[الحياة الخالدة]

انا بخير فديتج

شنو للحين ، توني منزلتها ههههههههههههه

يله سي يو عقب مادري كم ساعه


عســـــاج دوم بخير

ههههههههههههه .. ماعليه دار راسي
خربطت .. البارحة وطن كانت تقول أدمنت عليها .. حسبت انتي :shy:

الله يحفظج من كل شر :omen2:

[شيط ويط]

انا بااااك

[شيط ويط]

بسم الله الرحمن الرحيم

كل عام و انتوا بخير. والله يجمعكم دايماً
على خير إن شاء الله

و عيدكم مبارك



http://img12.imageshack.us/img12/7281/eidmibarak.jpg

عيدك مبارك .. و تقبل الله طاعتك

أجمعين إن شاء الله

[شيط ويط]

شسوي الحب ماله عنون :shy:

مع ان في البدايه كانت طبيعيه والله

وكنت احب العب معاها هي بالذات ..


بس فجأه استخفت وتصرفاتها كلش مالها تفسير

الله يعينج على نفسج هههههههههههههههههه

[شيط ويط]

اي ساره اليزيدي في الخريطيات

جان زين يقدر يروح ويجي
ابوي مايدري عن الدنيا :(

الله يشفيه ويرحمه برحمته الواسعه


اللهم آمين ويشفي جميع المسلمين .. ويحسن خاتمته

اشفيه مريض ؟؟؟

[شيط ويط]

بخصوص الحلوه اللي افتتحت الاستراحه وشلت عليه

مادري احس افتتحت الاستراحه من صالة المطار ههههههههههه

[الحياة الخالدة]

عيدك مبارك .. و تقبل الله طاعتك

أجمعين إن شاء الله


التقليــــــــد مشكلة :anger1:

[شيط ويط]

ستغلق العيادات النفسية ابوابها
في الوقت الذي يكون فيه القران في ايدي الناس وعقولهم كالجوال بالنسبة لافراد المجتمع

[شيط ويط]

ههههههههههههههههههههههههههههههههههه

يعني محد يقتدي فيكم

[شيط ويط]

ياللي اشعلت الشوق فيني

ليه رحلت وخليتني احترق

[شيط ويط]

http://www.m5zn.com/uploads/2010/11/22/photo/112210211135vgclcjeu68os21e0ob.jpg

[الحياة الخالدة]

ههههههههههههههههههههههههههههههههههه

يعني محد يقتدي فيكم


اقتــــــــدي :nice:

زين شنو فعل الأمر من الوقاية ؟؟ يعني اذا تبي تأمر حد يقي نفسه من شي معين شنو بتقول له ؟؟

[شيط ويط]

سئل حكيم عن المرأة فقال :

جسد فيه اغراء
وقلب به صفاء
وعقل رغم نقصه به دهاء
ان وضعتك في قلبها رفعتك للسماء
وان وضعتك في عقلها فلن يحل عليك مساء هههههههههههههه

[شيط ويط]

اقتــــــــدي :nice:

زين شنو فعل الأمر من الوقاية ؟؟ يعني اذا تبي تأمر حد يقي نفسه من شي معين شنو بتقول له ؟؟

الحين يوم جاز لج الكلام قلتي اقتدي .. ومن اشوي تقليد :anger1:

اففففففففففف من الحريم

حرف القاف مع كسره

[الحياة الخالدة]

الحين يوم جاز لج الكلام قلتي اقتدي .. ومن اشوي تقليد :anger1:

اففففففففففف من الحريم

حرف القاف مع كسره


لا ما ياز لي الكلام .. بس ما حبيت أحرجك أكثــــــر :secret:

يعني قصدك : قِ
وش هالكلمة العجيبة :omg: لغتنا العربيـــــــة فنانة

شنو في كلمات ثانية مشابهة ؟؟

[نــــظــــره]

من يعرف موقع نت لوق ؟؟؟

[شيط ويط]

لا ما ياز لي الكلام .. بس ما حبيت أحرجك أكثــــــر :secret:

يعني قصدك : قِ
وش هالكلمة العجيبة :omg: لغتنا العربيـــــــة فنانة

شنو في كلمات ثانية مشابهة ؟؟

والله انا ماعرف حق الالغاز عشان تحرجيني واحرجج :rolleyes2:

[شيط ويط]

من يعرف موقع نت لوق ؟؟؟

قصدج هالموقع

http://ar.netlog.com/

هذي نفس الفيسبوك اخبر

[الحياة الخالدة]

والله انا ماعرف حق الالغاز عشان تحرجيني واحرجج :rolleyes2:


ومن قال لك اني داشة أحرج أحد :)

و لا انا قاعدة احط ألغاز
بس حب استطلاع

[شيط ويط]

إلى اللقاء انتهى اللقاء .. نراكم لاحقا إن شاء الله

[نــــظــــره]

قصدج هالموقع

http://ar.netlog.com/

هذي نفس الفيسبوك اخبر



ابي اسوي مدونه وبلوجر والورد برس خبلوا بيه :rolleyes2:

شفت موقع نت بلوق سهل الاستخدام مب معقد
قلت اطلق مدونتي من هالموقع
بس بالأول هل يصلح للتدوين وانشاء مدونه فيه ؟؟؟

[معلم فكري]

عيدكم مبارك وكل عام وانتوا بخير ياهل الاستراحه

[وطن]

في حد هني ؟؟

:)

[وطن]

لو ﺂنت غآيب ( بفقدك ) .. واتحرآك
وأقول " هين " كلهآ - ايآم : وتعود

مازعل على غيآبك وفقدك وفرقآك
زعلآن لأني فآقدك وﺂنت ~» موجود

[القناص]

عيدكم مبارك

باااااااااااااااااااك

بعد انقطاع طويل

[مسك روز]

الله يعينج على نفسج هههههههههههههههههه

وعلى نفسك :tease:

[وطن]

القناص ابرك الاعياد عليك اخوي
ولكم باك


مسك روز هلا هلا
اي ليفل وصلتي
;)

[بو الجوري]

مساء الخير و الاجازه اللي قاعده تخلص بسرعه :(

[بو الجوري]

وطن الانجري بيرد شخباره ؟

انتي فاي واحد
Rio
Hd
والا العادي ؟