البلدية تغلق قسم الخضراوات بمجمع تجاري شهير

[(الفيصل)]

[B]تحميل (http://www.qzal.net/)http://www.qzal.net/2011-11-1/13206409521.jpg

أغلقت وزارة البلدية والتخطيط العمراني قسم الخضراوات والفواكه في أحد المراكز التجارية الشهيرة لمخالفته الشروط الصحية.

ولاحظ المتسوقون من رواد المركز التجاري في أول أيام عيد الأضحى المبارك، اختفاء الخضراوات والفواكة من المركز، وبدت المساحة الكبيرة المخصصة لهذا الغرض فارغة من أية صناديق أو غيرها من مستلزمات الخضراوات والفواكه، ومحاطة بسياج حديدي ومعلق عليها لافتات كثيرة مكتوب عليها (تم حظر هذا المكان من طرف البلدية لمخالفة الشروط الصحية).


[COLOR="Red"]كفو والله ، وعساكم على القوة
والعيد عليكم مبارك وعساكم من عواده
وبالمبارك عليكم الحيا :nice:

[(الفيصل)]

مكرر ، تحيه لأخوي سيف:nice:

[ريتويت]

كفو والله

[شميرام]

اي واحد ...؟؟؟؟؟؟ ما هي. الأسباب عشان العصافير اللي تطير ول فيران

[al-obaidly]

كارفور

[sendarala]

اي كارفور اللي بفيلاجيو

[دنيا الاسهم]

كارفور اللي في فيلاجو من يوم الجمعة اللي طافت

[المسك1969]

كارفور سبحان الله أما قسم اللحوم أو الخضروات يتسكر... خلهم يسكرونه كله أفضل حتى يعرف أن الامانه لابد منها في العمل

جزاكم الله خيرا وعساكم من العايدين الفايزين آمين



الله أكبر الله أكبر الله أكبر لا إله إلا الله
الله أكبر الله أكبر ولله الحمد
التكبير مقيد بعد الصلوات

[hamoor4ever]

جزاهم الله خير خل يكونون عبره لغيرهم

[مواقف النجادة]

كفو.. كفو.. كفو

بارك الله فيهم

[كاد الهندسية]

تصرف سليم من الحكومة.. المفروض دائماً متابعة تطبيق الشروط الصحية من قبل المحلات العامة

[Dawn]

هذا شي ليس بغريب على البلديه ،، يمكن احنا كقطريين ما نحس بالنعمه اللي احنا فيها
لكن اذكر من كم سنه دكتوره من بلد عربي قالت لي انها لفت كذا بلد بما فيها دول الخليج وما شافت حرص من الحكومات مثل حرص قطر على صحة شعبها والدليل الرقابه على المطاعم والمحلات واغلاق المخالف منها .. وهذي كلمة حق تنقال دون مجامله ،،، قواهم الله وزارة البلديه يستاهلون التقدير والشكر على اهتمامهم .. ولو انني كنت افضل لو يتم التشهير بالمحل المغلق لضمان عدم تكرار المخالفات ..

انا اعتقد ان المشكله هي في سوء اختيار العماله في المحلات التجارية لان هالشغلات يبيلها شخص مسلم ( نظيف ) وعنده ذمه مب بس مسلم بالاسم ،، اما الجنسيات الثانيه والاديان الثانية فهي لا تقدر النظافه ولا يهمها رضا الزبون عن مستوى الخدمه .

يعطيك العافيه

[essa66]

على فكرة هذي ثاني مرة يسكرونه اللي في فيلاجيو شكلهم ماتأدبوا من ذيك المرة لازم يسكرونه هذي المرة شهر او ازيد علشان يتأدبون عدل ،،،،
لكن ماحد قال ايش السبب علشان الناس تعرف

[موضي قطر]

على فكره انا كنت هناك بتاريخ 30/10/2011

وحصلته مسكر وصورت 3 صور للمكان بس ماعرف من متى سكروه




http://up.3ros.net/get-11-2011-m72aousp.PNG (http://up.3ros.net)


http://up.3ros.net/get-11-2011-svou6bfv.PNG (http://up.3ros.net)


http://up.3ros.net/get-11-2011-0wxxglbq.PNG (http://up.3ros.net)

[mouhajare]

جزاهم الله خير خل يكونون عبره لغيرهم:telephone::telephone::telephone:

[فتى الجود]

السلام عليكم

الحمدلله

بدأت البلديات

تشوف شغلها
نشد على ايديهم


وتسلم على الموضوع

[بولينجر]

شفته يوم الخميس والمضحك ان كان من اهداف زيارتي لكارفور اني امر على قسم الخضار والفواكه.... خلاص توبة امر عليهم حتى لما يفتحونه بعدين... المخازن جنبه ابرك....

[شميرام]

عاد البلديه ما تشاطرت الا على كارفور !!!! الخضره بتغسلونها ول بتقشرونها واذا طعمها غاز رجعوها عليهم السوبرماركات الثانيه مب احسن منهم لكن المطاعم والمعاصر التعبانه اللي في كل مكان

[بوسلمان 2010]

كفو والله بس ودك يشهرون باالمكان الي يسكرونه علشان يكون عبرة لمن يعتبر ويتادبون الثانين

[لمعة الالماس]

بس ما قالوا شنو سبب الاغلاق عشان نعرف

[قلم صادق]

كفو والله بس ودك يشهرون باالمكان الي يسكرونه علشان يكون عبرة لمن يعتبر ويتادبون الثانين


والله معاك حق المفروض

[شميرام]

لا وجودها مهم جداً جداً جداً طبعا اليوم شريت مشروم قواطي لان الخضره مسكره ودين اندلوكا بعيد يوم حاسبنا وخلصنا ولد اختي تم يصيح يبغي خيار ،،،،، من وين أجيب له خيار
نلغي نعرف السبب هل هو فيراني ول وشو

[بصمة قطرية]

كارفور فيلاجيو
و سبب الاغلاق مخالفته للشروط الصحية ..يستاهلون ..
كفو عليهم والله خلهم يشتغلون جذي على باقي الاماكن
و ياليت يشهرون بالمكان عشان غيره يعتبر ..

[qtr.wolf]

قبل العيد باسبوع تقريبا مسكرين كارفور اللي في فيلاجيو والسبب عدم توافر الشروط الصحيه في قسم الخضار و الفواكه ... خل الناس تعرف اي مجمع لان في السعوديه صار نفس الشي الاكل بعضه كان فاسد واعتقد الكل شاف مقطع الشاب السعودي وهو عند الخضار الفاسده

الله يعينكم يا كارفور فيلاجيو تم اغلاق الخضار حتى اشعار اخر