تم إقتحام المنزل في أول أيام العيد من قبل ....

[Qtr95]

السلام عليكم ورحمة الله وبركاته ..

في البداية , اللي ما قرا موضوعي السابق , لازم يقراه !
http://www.qatarshares.com/vb/showthread.php?t=472807


في أول ايام العيد , رجعت من المعايد والحمدالله ..
وكانت الساعة 12 ونصف , ولما رجعت البيت , الخدامة
جاتني وهي خايفة وقالت : في باكستانيين اطفال مع امهم دخلوا البيت يبون عيدية , عاد انا قلت لهم ان محد في البيت , ومافي عيدية , وراحوا الباكستانيين.

وبعد 3 دقايق !

دشوا 4 باكستانيين (الشغالة تقول انهم مب اطفال , لكن في سن المراهقة وأطول منها )
البيت , ودشوا الصالة وانتشروا فيها ! , وقاموا ينبشون في كل الأغراض , ويفتحون الأدراج
وراحوا صوب الفالة اللي كنا مجهزينها حق الضيوف , وباقوا صينية , وقاموا يحطون اشياء في مخابيهم طول الوقت .
والباكستانيين يقولون حق الخدامة : في الجنة ان شاء الله .. في الجنة ان شاء الله..
.
والخدامة تقول : انا كنت احاول امنعهم , لكنهم كانوا كبار , واطول مني !! وهم اربع اشخاص , وكانوا منتشرين في كل مكان وماعرفت شا سوي.

عاد انا انصدمت يوم دريت , وتوقعاتي كانت في محلها ...
انا حذرت منهم العيد اللي طاف , وانا ابتليت فيهم !

وانا كنت مأمن البيت على الخدامة .. ولكنني اكتشفت ان الخدامة ما قدرت تسوي شي
وكل شي كان يصير قدامها وهي خايفة !!


واليوم الصبح , احرقوا جرس البيت , ودرعموا الصالة , ولقوني في ويههم ..
وكانوا يغنون : عيدكم مبارك ياهل البيت!!
لكنني طردتهم وقلت لهم مافي عيدية !

كل واحد يسكر باب بيته في العيد ..
للعلم , ان هالحداثة صارت من قبل عند ناس !

شنو الحل إذا درعموا بيوتنا مرة ثانية !!؟
نبي حل أمني حازم من وزارة الداخلية , نقدر نأمن بيوتنا من هالباكستانيين ..

حتى اللي جووا اليوم , اشكالهم كبار في سن المراهقة وكل واحد صوته اخشن من الثاني..
شلون نردعهم !؟\

ماخذين العيد طرارة !! ؟

وعلشان محد يقول اني بخيل :-
لما اكون في بيت العايلة , يجونا اعيالنا من هل قطر يعيدون , ونعطيهم أحلى عيدية , و شفوتهم تسر القلب :) :shy:..

لكن لما يجوون باكستانيين ويدرعمون بكل همجية !!
فلا .. والف لا !! :anger1:

[.خالد]

عطهم عيديتهم وخلهم ياكلون من فوالة العيد والامور طيبة انشالله ...

[سلطان23]

فعلا

الباكستانيين كثروا بشكل غير طبيعي

٦٠٪ من الي يعيدون باكستانيين

وهذا كل سنة

يجيك مازدا تارسهم عيال وينزلهم الفرجان يعيدون

وش موضوعهم

[بنت الدوحه]

صحيح وهالشي صار لنا من قبل حتى بالقرقيعان
ماصرنا نشوف الا باكستانيين ويدشون بطريقه غير محترمه كلش
وفعلا كبار مب صغار ولايراعون عادات ولا تقاليد البلد

[بوسنافي]

في اي منطقه ساكن الشيخ. والحمد لله انها جأت عالفاله. وحاسبو المره الجايه

[شنب]

صارت من قبل في بيت جدي
باكستاني عوود دخل على الحريم !!

[STAR]

نفس الحالة في الوكرة..بتان اشطولهم. اونه بزران يبون عيدية

ولما يشوفون الفوالة يقعدون يخمون الأكو والماكو ...!!!

[honey]

الله يعينكم

[nooora]

حتى الهنود يعيدون بس عندنا يدشون صوب الميلس لكن ما نزعل اليهال ما نبغى ياخذون فكره عنا الافضل تدفع له وتنصحه انه كبير ويستحي على نفسه وما يدش على طول
والله حلوه في جنة ان شاءالله هههههههههههههههههههههههههههههههههه

[الراقيه سبشل]

هههههههههههههههههههههههههه ضحكني "في الجنه ان شاء الله"

الله يعينك .. لازم تنبه على الخدامة ماتفتح لأي حد مهما كان .. اما انتو عندكم مفاتيح البيت

[nadeemy]

الحذر ثم الحذر

[توشيبا]

الله يعين

[شميرام]

في الجنه ان شاالله وعليه كسرو خاطري ما شفو خير الله يعطيهم عل قد نياتهم سكرو بيوتكم

[الخزرجي قطر]

الله يعينكم بس لازم الواحد يحتاط منهم اذا هم كبار في السن

[JN000N]

حتى وهل البيت موجودين

امي مسكينه دخلو عليها شله من هذول اللي اخر شي "...ان" مايندرا باكستان والا شنو
المهم وهي تعطيهم العيادي سحبوها من يدها ووحده تحاججها ليش تعطين ذي مادري كم وذي مادري كم
زين ماطبو عليها هههههه

[المهندس عبدالعزيز]

الباكستانين ممنوعة عليهم الفيز منذ فترة طويلة جداً، لأن الهنود والفلبينين والمصريين يرجعون لبلادينهم ولكن الباكستانين لا يرجعون إلى بلادينهم

[المسك1969]

السلام عليكم ورحمة الله وبركاته ..

في البداية , اللي ما قرا موضوعي السابق , لازم يقراه !
http://www.qatarshares.com/vb/showthread.php?t=472807


في أول ايام العيد , رجعت من المعايد والحمدالله ..
وكانت الساعة 12 ونصف , ولما رجعت البيت , الخدامة
جاتني وهي خايفة وقالت : في باكستانيين اطفال مع امهم دخلوا البيت يبون عيدية , عاد انا قلت لهم ان محد في البيت , ومافي عيدية , وراحوا الباكستانيين.

وبعد 3 دقايق !

دشوا 4 باكستانيين (الشغالة تقول انهم مب اطفال , لكن في سن المراهقة وأطول منها )
البيت , ودشوا الصالة وانتشروا فيها ! , وقاموا ينبشون في كل الأغراض , ويفتحون الأدراج
وراحوا صوب الفالة اللي كنا مجهزينها حق الضيوف , وباقوا صينية , وقاموا يحطون اشياء في مخابيهم طول الوقت .
والباكستانيين يقولون حق الخدامة : في الجنة ان شاء الله .. في الجنة ان شاء الله..
.
والخدامة تقول : انا كنت احاول امنعهم , لكنهم كانوا كبار , واطول مني !! وهم اربع اشخاص , وكانوا منتشرين في كل مكان وماعرفت شا سوي.

عاد انا انصدمت يوم دريت , وتوقعاتي كانت في محلها ...
انا حذرت منهم العيد اللي طاف , وانا ابتليت فيهم !

وانا كنت مأمن البيت على الخدامة .. ولكنني اكتشفت ان الخدامة ما قدرت تسوي شي
وكل شي كان يصير قدامها وهي خايفة !!


واليوم الصبح , احرقوا جرس البيت , ودرعموا الصالة , ولقوني في ويههم ..
وكانوا يغنون : عيدكم مبارك ياهل البيت!!
لكنني طردتهم وقلت لهم مافي عيدية !
كل واحد يسكر باب بيته في العيد ..
للعلم , ان هالحداثة صارت من قبل عند ناس !

شنو الحل إذا درعموا بيوتنا مرة ثانية !!؟
نبي حل أمني حازم من وزارة الداخلية , نقدر نأمن بيوتنا من هالباكستانيين ..

حتى اللي جووا اليوم , اشكالهم كبار في سن المراهقة وكل واحد صوته اخشن من الثاني..
شلون نردعهم !؟\

ماخذين العيد طرارة !! ؟

وعلشان محد يقول اني بخيل :-
لما اكون في بيت العايلة , يجونا اعيالنا من هل قطر يعيدون , ونعطيهم أحلى عيدية , و شفوتهم تسر القلب :) :shy:..

لكن لما يجوون باكستانيين ويدرعمون بكل همجية !!
فلا .. والف لا !! :anger1:




انزين اهم نفسهم اللي يوكم وخذوا الفوله وإلا غيرهم

انا مره صادفني هالشيء بس من زمااااان... بس مررتها وحسيته طفل مع انه يمكن يكون في الـ15 سنه.. بس كسر خاطري وقلت تلميذ ..طالب ويبي يستانس ان جمع فلوس

وبصراحه احس ان صدقه عليهم أكثر من عيالنا أن احتسبناها صدقه... أولا أجانب وثانيا مب مثل عيالنا يروح ويقطون الفلوس كل شوي في مكان وتنباق من الشغالات وإلا يروحون بالفلوس الدكان والا العاب والا يشترون خرابيط

بس هذولا والله أعلم يمكن الأب يستفيد منها في دفع ايجار أو تسديد فاتوره كهرباء او اقامات والله أعلم

نعم التصرف خطأ بس كان علينا التوجيه والنصح دام أنه ما صار في ضرر ولله الحمد


ولا تسكرون بيوتكم لأن احنا في أمن وأمان وماهم إلا فئة من الاطفال نستطيع أن نكلمهم فيعتبرون إن شاء الله

جزاكم الله خيرا وعيدكم مبارك


الله أكبر الله أكبر الله أكبر لا إله إلا الله
الله أكبر الله أكبر ولله الحمد
التكبير مقيد دبر كل صلاة

[حسن]

يا خوك تكفي طرشهم لنا حشى امحق فريج فريجنا كانك ساكن بين اموات كلن مصكر بابه كانه تقول طاعون مارعليهم ولا حد يمر عليك غير البلوش ولا الباكستانيين صارو هم اللي يعرفون السنع
مادري وش صار فيهم الناس عقب الزياده ماكنه عيد

[Hamada-Sama]

والله اليوم نفس الحاله ... جو ياهال باكستانيين صغار يبون عديه و عطيتهم بس السالفه مب اهني ... السالفه إنه بنت من هالياهال قالت لي أبي عيديه حق أخوي بره قلت مافي مشاكل وعطيتها ... بس لما رحت فوق وطليت من الدريشه وأتفاجأ بخوها اللي راكب كامري وملتحي بعد ... وازيدكم من الشعر بيت الأخو هذا راحو الياهال يعطونه كل العيادي اللي عطيتهم اياها ... ماشاءالله عليهم مستغلين العيد حق الطراره ... هو صح انك تكسب فيهم أجر بس بعد الواحد يبي يشوف أطفال مستانسين وفرحانيين ... مب يجونك كأنهم يؤدون مهمه حتى إنك ماتسمعهم يقولون (( عيدكم مبارك ياهل البيت ))

[Best Man]

في الجنه ان شاءالله :nice:

[nadeemy]

يا جماعة اعتبروها صدقه , ولا تتبعوها اذى
وعساها في ثواب موتاكم ان شاء الله يا اهل قطر
بصرف النظر عن ايش بيسوون بالفلوس هم اكثر الناس المستحقين لها , لان معروف عن الباكستانيين كثرة الانجاب
على الاقل احسن من الطاولات اللي في المجمعات والجمعيات وعليها عشرين نوع من التذاكر , وفي النهايه وين الفلوس تروح؟ الله اعلم

[مهره]

إحنا مثلهم اولاد كبار ولا الحين الخدامات قامو يدورون بدون يهال يبون عيدية وطول اليوم الجرس ما يوقف ازعاج غير طبيعي من البلوش

[El-Asmarani]

كرهونا في العيد استغفر الله العظيم ،، انا اقعد لهم حارس عند الباب شغلتي بس اذلفهم

[مشتاقة لقطر]

لاحول ولا قوة الا بالله

انا بهالعيد ما شفتهم كثر زمان

[بوسلمان 2010]

كل عام وانت بخير ياابن الكواري يااخوي والله مالهم الا العصى والعقال سود الله وجيهم

[nooora]

كرهونا في العيد استغفر الله العظيم ،، انا اقعد لهم حارس عند الباب شغلتي بس اذلفهم

هههههههههههههههههههههههههههههههههههههههههههههههههه هههههههه

[.خالد]

يا جماعة اعتبروها صدقه , ولا تتبعوها اذى
وعساها في ثواب موتاكم ان شاء الله يا اهل قطر
بصرف النظر عن ايش بيسوون بالفلوس هم اكثر الناس المستحقين لها , لان معروف عن الباكستانيين كثرة الانجاب
على الاقل احسن من الطاولات اللي في المجمعات والجمعيات وعليها عشرين نوع من التذاكر , وفي النهايه وين الفلوس تروح؟ الله اعلم

ونعم فيك تذكرني باخلاق اهل قطر اول ...

[البربهاري]

مرة ثانية حطي لهم سمبوسة وبكورة مع الفالة وامورك بتمشي

[basma222]

والله ما عندك سالفه
اى اقتحام

كل البيوت مفتوحه وهم يبون عيدية واحنا دوم يدخلون بيتنا ونعطيهم

صدقه عنا وعن امواتنا

[التيما]

اخوي اكبر غلط تخلي البيت مفتوح ومحد فيه .. حتى الخدامة مسكينه صج ماتقدر تسوي شي .. احنا هالباكستانيين والله سندرونا وماشاء الله يجون في سيارة وحول 20 واحد ومراهقين .. معليش ماقلنا شي يهال بس مب لهالدرجة ونقول عيد والامور طيبة ! انا ما يهمني الجنسية لكن لو تكلمنا بصراحة يجونك هنود يهال صغار 2 ولا 3 ولا اخوانا العرب 4 لكن الباكستانيين سيارة !!! كم بتعطي ! والمصيبه يجونك ياخذون ويرجعون يلفون حولك ويقولك ماعطيتني وانت معطيه وماتقدر ماتعطيه لانهم وايد بتضيع وهالحركة مادرينا بها الا لمن بالصدفة اختي تصورني وانا مبتلشه فيهم ومن قعدنا نضحك انتبهت ان اربع منهم خذوا مني مرتين وبالعمالة وهم يضحكون وهالسالفة من كم سنه صارت وتوبه ..
عن نفسي ماندخل اي حد وهذولا المراهقين نطرشهم صوب مجلس الرياييل يتكفلون بهم ..

[مستر قطر]

اخوي اذا ادخلوا البيت وكلوا الفواله هم احق فيها مساكين وانشأ الله لك الأجر وأما هلك وجماعتك ماعليهم اقصور ولو انك حاط العيديه عند الخدامه قبل ماتطلع من البيت ماكان سار شي وكله 100 ريال تخردها وتحطه عند الخدامه*

[STAR]

بخصوص المأيدين البزران ...


اعتقد البيت لها حرمتها ...


أنا قاعدة في الميلس وما اوعى الا كومة يهال بتان داشين لا احم ولا دستور وقعدوا ياخذون الفوالة كلها بصحنها..!!

أنا من الصدمة ماعرفت شاقول اشوة اخوي لحق عليهم والا جان شلوني مع الفوالة...!!!


اعتقد لو طلبوا مني باحترام راح اعطيهم ماقول لا

لكن يدخلون البيت باسلوب الحرامية هالشي مرفوض..

[المسك1969]

بخصوص المأيدين البزران ...
اعتقد البيت لها حرمتها ...
أنا قاعدة في الميلس وما اوعى الا كومة يهال بتان داشين لا احم ولا دستور وقعدوا ياخذون الفوالة كلها بصحنها..!!
أنا من الصدمة ماعرفت شاقول اشوة اخوي لحق عليهم والا جان شلوني مع الفوالة...!!!
اعتقد لو طلبوا مني باحترام راح اعطيهم ماقول لا
لكن يدخلون البيت باسلوب الحرامية هالشي مرفوض..


اضحك الله سنكِ والحمدلله ما شلوج ويا الفوله... ينعاد عليج يالغاليه وانتي بخير ومحققه كل ما تتمنين إن شاء الله

ولست من المؤيدين ولكن من الناصحين المعلمين لمثل هذه الفئة وإن استدعى الأمر أن البس عباتي وأخرج لمن أحضرهم وأعلمه فنون دخول بيوت المسلمين

وانتي قلتي لكل بيت حرمه... وهو صحيح ولكن راعي هم صحيح مسلمين ولكن ليسوا بعرب؟ فهمتي

ثم ذكرتي حفظكِ الله أنهم "يهال" والطفل مرفوع عنه القلم وعلينا اخباره بكلمة طيبه أو تبليغ الرجل العاقل الذي معهم.... وإن كان الطفل يبلغ فوق العشر سنوات ويعرف عربي فنكلمه أفضل

في المرة اليايه ان تكرر الأمر فلكِ أن أردتِ أن تفعلي التالي:

أن دخلوا قسرا أن أوقفهم ولا أسمح لهم بأخذ شيء ثم أن كانوا من متحدثي اللغه العربيه أو الانجليزيه أبدأ بتحيه وأعيد عليهم ثم اعطائهم العيديه ثم أكرمهم بالفوله ثم أنصحهم وأوجهم للصح

عاد ان كانوا لا عربي ولا انجليزي:rolleyes2: شنو بتسوين مادري... والله المستعان



الله أكبر الله أكبر الله أكبر لا إله إلا الله
الله أكبر الله أكبر ولله الحمد
التكبير مقيد دبر كل صلاة

[محمد الجفيري]

انا لله وانا اليه راجعون

[STAR]

اضحك الله سنكِ والحمدلله ما شلوج ويا الفوله... ينعاد عليج يالغاليه وانتي بخير ومحققه كل ما تتمنين إن شاء الله

ولست من المؤيدين ولكن من الناصحين المعلمين لمثل هذه الفئة وإن استدعى الأمر أن البس عباتي وأخرج لمن أحضرهم وأعلمه فنون دخول بيوت المسلمين

وانتي قلتي لكل بيت حرمه... وهو صحيح ولكن راعي هم صحيح مسلمين ولكن ليسوا بعرب؟ فهمتي

ثم ذكرتي حفظكِ الله أنهم "يهال" والطفل مرفوع عنه القلم وعلينا اخباره بكلمة طيبه أو تبليغ الرجل العاقل الذي معهم.... وإن كان الطفل يبلغ فوق العشر سنوات ويعرف عربي فنكلمه أفضل

في المرة اليايه ان تكرر الأمر فلكِ أن أردتِ أن تفعلي التالي:

أن دخلوا قسرا أن أوقفهم ولا أسمح لهم بأخذ شيء ثم أن كانوا من متحدثي اللغه العربيه أو الانجليزيه أبدأ بتحيه وأعيد عليهم ثم اعطائهم العيديه ثم أكرمهم بالفوله ثم أنصحهم وأوجهم للصح

عاد ان كانوا لا عربي ولا انجليزي:rolleyes2: شنو بتسوين مادري... والله المستعان



الله أكبر الله أكبر الله أكبر لا إله إلا الله
الله أكبر الله أكبر ولله الحمد
التكبير مقيد دبر كل صلاة

:shy:

اتوقع لو حجمي اشوي اصغر جان تم اختطافي ..



الاعمار تتراوح مابين 8- 11 سنة ويمكن 12


الله يسلمج اكلمهم ولا يردون علي مطنشين لي :anger1:

بس اظاهر افهموا حق اخوي :omen2:


مع ان في يهال بتان غيرهم يجونا لما يعيدون يكونون محترمين جدا معاي ومع بيتنا حتى اعطيهم شوكلت .. بس ذيلا لالالا الله لا يوريج اشلون انتشروا في الميلس... عبالي مداهمة :omg:

[فواز1976]

بس انا اشهد انكم طيبين يا اهل قطر وتنحبوا ..... وفعلاً المفروض يتوعوا سواء عن طريق سفارتهم ولا ائمة مساجدهم ولا مدارسهم ..... لانه الفكره مقبوله عندكم لا وبالعكس حابين تفرحوهم بالعيد بس الاسلوب فعلاً غير مقبول

انا ما اتخيل احد يدخل على وانا قاعد مع عيالي ويحوس البيت ..... كان اعلقه والله

[بصمة قطرية]

ذكرتوني قبل في بيت هلي كانوا جذي فجأة يشنون هجوم و يدخلون علينا الصالة ..:eek5:
الخدامات يحاولون يمنعونهم ما في فايدة ..
كنا نقول لهم ما في عيدية اطلعوا عشان تحصلون عيدية ..
و بصراحة ما كانوا صغار ..
هاي اللي يقهر ..
كنا نقول لهم عيب ما تدخلون البيت مافي فايدة والله مطنشين ..

الحمدلله للحين ما وصلوا عندنا ..:secret:
الله يستر جان ما يجون العيد الجاي :(

[جنون قطر]

يا جماعة الخير الموضوع صار أكبر من عيديه ، لانهم دخلوا البيت بطريقه غير لأئقه وما حترموا هلا

[QTR-SOUL]

اخوي عليك ب بوليسي هده في الحوش:strong3:

[قطرية كشخه]

هههههههههه .. يلا بميزان حسناتك اللي راح ..

بس حط بالك مره ثانيه يا اخوي هذيل عمالقه زين ما باقو خدامتكم بعد :eek5:

اي والله وياريت الداخليه تحط لنا حل معاهم حتى عيالنا نخاف عليهم من الطلعه في المناسبات بسبه هالاشكال :rolleyes2:

[قطر 2012]

الحمدللة أهل قطر كرام :) :nice: و ما يبخلون بالعيادي لكن البيوت لها حرمة ولازم الكل يحترمها و هذه تعاليم ديننا الحنيف.