اول عيد يمر علي خارج قطر!! انت /انتي اشلون العيد

[عضو قديم]

السلام عليكم

اتقدم بأسمى ايات التهاني بمناسبة عيد الاضحى لسيدي صاحب السمو الشيخ حمد بن خليفة ال ثاني،،،،،،
وولي عهده الامين صاحب السمو الشيخ تميم بن حمد ال ثاني ولي العهد

وللامة الاسلامية والعربية وكل اعضاء منتدنا منتدى الاسهم القطرية

بمناسبة قدوم الاضحى المبارك اعادة الله علينا وعليكم باليمن والبركات

لكن ما يحزنني ويحز في خاطري اني اول مرة في حياتي ال40 اتجنب اي سفره او دورة خارج قطر سواء في عيد الفطر او عيد الاضحى لانهم مناسبة جدا عزيزة على كل واحد يحب يتواجد في هذه المناسبة مع اهله واصدقائة لكن قدّر الله اني اقضي العيد في لندن لظروف الدراسة ولكن يشهد الله ان من ليلة العيد لين الحين وانا في ضيق وهم وحزن مايعلم فيه الا الله قامت هواجيس فكري تصارعني مع ذكريات وتخيلات اهمها صباح العيد لا عيد على الوالد الله يطول في عمرها واحب يدها وراسها هاللحظة تسوى عندي الدنيا
ومافيها وبتواجدي مع العيال وتخيلت اشلون شعورهم وانا بعيد عنهم
لكن عزاي الوحيد في هالمناسبة قول الله تعالى في محكم كتابة في سورة يوسف (( صبراً جميل والله المستعان)

انا كتبت هذه المشاركة لمجرد افضفض عن احاسيسي ومشاعري بمناسبة
العيد وانا بعيد عنكم
سؤالي للكل :
انت / انتي اشلون قضيت العيد !!!!!؟

وسامحوني *على طرحي للموضوع اذا كان مزعج لاي حد او ما اعجبه الموضوع

تحيتي للكل

[we-r-sawa]

كل عام وانت بصحة وسلامة،عيد عادي لا شي جديد سوى زيارة الأهل ونزول المطر اليوم وبغزارة والحمدلله والناس كلها عالكورنيش اليوم مستانسة لدرجة مالقينا موقف للسيارة!!وناس كثير سافروا بره الديرة لطول الاجازة

[مستر بن]

كل عام وانت بخيير ..

والله العييد

امس مب شيء

اليووم تماام لان في مطر .

ترد بالسلامة

[nooora]

عضو قديم :) يعطيك العافيه وكل عام وانت بخير مافي احلى من عيد قطر مع الأهل وزيارة الاقارب :victory:

[هنت المهونه]

عضو قديم ..
شدعوه ياخي ..عشان عيد بتشكى

وش خليت لطول الليل وللثلوج الي جايتك في بدية 12
هههههههههههه

انا مثلي مثلك ..برى الدوحه
بس الفرق بينا اني قد الاحساس منعدم عندي
دقيت تلفون للوالد ثم الوالد بعد ذالك << لاحظ ثم يعني الشيبه الاول ..

الباقي مشفر ..
ههههههههههه

شد الهمممممممممممممه ياقدييييييييييم ..

[Chambray]

السلام عليكم

اتقدم بأسمى ايات التهاني بمناسبة عيد الاضحى لسيدي صاحب السمو الشيخ حمد بن خليفة ال ثاني،،،،،،
وولي عهده الامين صاحب السمو الشيخ تميم بن حمد ال ثاني ولي العهد

وللامة الاسلامية والعربية وكل اعضاء منتدنا منتدى الاسهم القطرية

بمناسبة قدوم الاضحى المبارك اعادة الله علينا وعليكم باليمن والبركات

لكن ما يحزنني ويحز في خاطري اني اول مرة في حياتي ال40 اتجنب اي سفره او دورة خارج قطر سواء في عيد الفطر او عيد الاضحى لانهم مناسبة جدا عزيزة على كل واحد يحب يتواجد في هذه المناسبة مع اهله واصدقائة لكن قدّر الله اني اقضي العيد في لندن لظروف الدراسة ولكن يشهد الله ان من ليلة العيد لين الحين وانا في ضيق وهم وحزن مايعلم فيه الا الله قامت هواجيس فكري تصارعني مع ذكريات وتخيلات اهمها صباح العيد لا عيد على الوالد الله يطول في عمرها واحب يدها وراسها هاللحظة تسوى عندي الدنيا
ومافيها وبتواجدي مع العيال وتخيلت اشلون شعورهم وانا بعيد عنهم
لكن عزاي الوحيد في هالمناسبة قول الله تعالى في محكم كتابة في سورة يوسف (( صبراً جميل والله المستعان)

انا كتبت هذه المشاركة لمجرد افضفض عن احاسيسي ومشاعري بمناسبة
العيد وانا بعيد عنكم
سؤالي للكل :
انت / انتي اشلون قضيت العيد !!!!!؟

وسامحوني *على طرحي للموضوع اذا كان مزعج لاي حد او ما اعجبه الموضوع

تحيتي للكل

ثالـث عيد اعيده في الغربه بروحي :weeping:

[فرحة الكواري]

كل عام وانتم بخير

.
.

انا الحمدالله كنت بين اهلي بس ماقدرت اعيد بسبب ظروفي الصحيه
مب حلو الشعور الكل يجهز والناس رايحة جاية وانا قاعده اتفرج مقدر اتحرك :(

لكن الحمدالله .. يكفي اني عيدت بينهم وحسيت بالعيد على الأقل

[صندح]

كل عام وانت بخير والجيات اكثر ان شاء الله وترد بالسلامه يالشيخ



صندح

[بوعلي-Qtr]

الله كريم ياخوي
هاي ثاني عيد لي في الغربة
وللاسف ماتحس انه عيد
الله يصبرنا بس

[بولينجر]

رمضان صمته في الغربة وكذلك عيد الفطر عيدته في الغربة واعرف شعورك.... الله يهون الغربة عليك يا اخوي وتعيد بين اهلك واحبابك.... وعيدك مبارك.... والحمد لله على كل حال....

[ابوسعود]

كل عام والجميع بخير

انا قضيت العيد خارج قطر

بس ماحسيت بالغربه لاني في ارض

الحرمين السعوديه

[المسك1969]

من صجك والله متضايق وانت برا قطر في العيد ومب مونس روحك؟

أنا كنت طالبه في امريكا وكان الوالد ربي يحفظه محرم لي وقتها... وهالكلام من زمااان

بس والله كنت استانس في العيد هناك... تجمع للمسلمين من كل بقاع العالم عرب وخليجين واجانب ونصلي وعقبها نبدأ في احتفالات العيد من دروس إلى مسابقات واللي عنده محاضرات يروح لها

عقب الخليجين يسوون رحله كلها أكل وشوي ووناسه
أنا صج استمعت هناك ووسط المسلمين وما حسيت أيام العيد بالغربه بس ماعرف عن شعور أبوي وقتها الصراحه

وربي يرد الجميع بالسلامه إن شاء الله وتستانسون بأهلكم ويستانسون فيكم ويرفعون راسهم بنتايجكم ...

بالتوفيق للجميع إن شاء الله



الله أكبر الله أكبر الله أكبر لا إله إلا الله
الله أكبر الله أكبر ولله الحمد
التكبير مقيد دبر كل صلاة

[طالب]

نفس الشعور :(
أمحق عيد فالغربة ولا كنه عيد
الا بعد كان عندنا دوام اليوم الصبح
الله يصبرنا

[الـقـاسـي]

والله ياخوي أنا من زمان ماعيدت فالدوحة بس هالعيد اول يوم فالدوحه وسافرت
اخر خمس او ست اعياد مب فالدوحة صح تحس بضيقه شوي ودك انك بين اهلك وربعك بس بعد لازم تأقلم نفسك
اهم شي دق تعايد على هلك ولاتضايق ولاشي

[نووون]

عيد مب بين الاهل والاصحاب والاحباب .. مب عيد :(

الله يهون عليكم غربتكم ويرجعكم سالمين غانمين

[almaf1a]

الصراحه العيد هذا كان عيد مختلف
الدوحه فاضيه والشوارع من احلى ما يمكن
في المقابل لا يوجد هناك اي شئ يوحي بالعيد
والسبب سفر الجميع

[العقل المدمر]

ملل وايد
اكتشفنا ان اهلنا كلهم مسافرين
نعيد على منو عيل لو مسافرين ومستانسين ابرك :(

[R 7 A L]

3 عيد لي بعيد عن الاهل والوطن

هونها وتهون اخوي

ودام اهلنا طيبين وبخير فنحن بخير
ومصير الحي يتلاقى

[رُفق المجنّا]

الحمدلله رب العالمين

هذا سابع عيد لي في الخارج والإحساس بالغربة في مثل هذه المناسبات له أثره ولكن هذا عيد الله والفرحة ولو باشعار الغير بها سنّة

الشباب القطريين في دنفر كان لهم إجتماع نهار العيد نشكرهم عليه ونشكر الجهات الرّاعية

الحمدلله أولاً وآخراً

[fahad123]

السلام عليكم

اتقدم بأسمى ايات التهاني بمناسبة عيد الاضحى لسيدي صاحب السمو الشيخ حمد بن خليفة ال ثاني،،،،،،
وولي عهده الامين صاحب السمو الشيخ تميم بن حمد ال ثاني ولي العهد

وللامة الاسلامية والعربية وكل اعضاء منتدنا منتدى الاسهم القطرية

بمناسبة قدوم الاضحى المبارك اعادة الله علينا وعليكم باليمن والبركات

لكن ما يحزنني ويحز في خاطري اني اول مرة في حياتي ال40 اتجنب اي سفره او دورة خارج قطر سواء في عيد الفطر او عيد الاضحى لانهم مناسبة جدا عزيزة على كل واحد يحب يتواجد في هذه المناسبة مع اهله واصدقائة لكن قدّر الله اني اقضي العيد في لندن لظروف الدراسة ولكن يشهد الله ان من ليلة العيد لين الحين وانا في ضيق وهم وحزن مايعلم فيه الا الله قامت هواجيس فكري تصارعني مع ذكريات وتخيلات اهمها صباح العيد لا عيد على الوالد الله يطول في عمرها واحب يدها وراسها هاللحظة تسوى عندي الدنيا
ومافيها وبتواجدي مع العيال وتخيلت اشلون شعورهم وانا بعيد عنهم
لكن عزاي الوحيد في هالمناسبة قول الله تعالى في محكم كتابة في سورة يوسف (( صبراً جميل والله المستعان)

انا كتبت هذه المشاركة لمجرد افضفض عن احاسيسي ومشاعري بمناسبة
العيد وانا بعيد عنكم
سؤالي للكل :
انت / انتي اشلون قضيت العيد !!!!!؟

وسامحوني *على طرحي للموضوع اذا كان مزعج لاي حد او ما اعجبه الموضوع

تحيتي للكل





^
^
^
اذا انت اول سنه تعيد فيها ف لندن وبعيد عن اهلك وعيالك شتقول عن
اللي له 5 سنين يعيد ف لندن :(

السنه ذي الحمدلله عيد الفطر عيدتها في الدوحه وعند اهلي


انت استدليت ب الاية الكريمة
وهذا اللي المفروض تمشي عليه

صج العيد بين اهلك حلو لكن الحمدلله اذا وياك ربع نشاما وفيهم خير
ماراح تحس انك ف غربه


الله يوفقك و يوفقنا وياك ي رب
وترد لهلك سالم غانم


((عيدك مبارك بعد الزحمه :nice: ))

[حقيقه]

حتى أنا هذا أول عيد لي برئ بدون أهلي

بس البيبي ماقصر أنقلو لي يومهم من قبل العيد حق تجهيزات العيد لين صباح العيد لين ثاني يوم بالصور

وحاسه بشعورك

وعيدكم مبارك

[مشتاقة لقطر]

كل عام وانته طيب

انا بالنسبة لي على حسب الاجازات

مرات اعيد عند اهلي بقطر

ومرات عندزوجي ببيتي بالامارات بس ماله طعم ببيتي بروحي انا وعيالي

اما عند بيت اهلي لمة وحشرة وكل العايلة تجتمع يوم العيد الصبح اهم شي


صدق عيد

[بوسلمان 2010]

كل عام وانت بخير اخوي والجيات ان شاء الله اكثر والله يردك سالم غانم الي بلادك وهلك يااخوي

[alma3ani]

جبتها على الجرح فديتك

انا والله كنت بسوي مثلك واعيد بلندن علشان الدراسه بس اتفقت ويا ربعي يوقعون لي مدة اسبوعين
وانا رجعت الدوحه ويوم اسالوني الاهل قلت لهم اجازة لان فعلا معاااااااانة العيد بلغربه ومحد بحس فيها الا بالي مثل وضعنا

لان في فرق بين الي يسافر فترة العيد لسياحه وبين الي بغربه اساسا لدراسه او غيره

انا اهلي يسافرون دايم بلعيد مع ذالك انا اتم بدوحه لاني ما احب اعيد برا ما احس بطعمه

والعيد الي فات عيدة في بيروت وكانت سفرة سياحه واستانسة لان السياحه غير والي مثل حالنا غير

تبي تضحك قبل كم سنه عيدة بلندن وقلت عادي ومافي شي وثاني يوم ما اتشوفني الا بلمطار ساحب شنطتي من الملل احيانا عقلي يوقف واسوي اشياء غريبه هههههههههه

الله يعينك اخوي والعيد بدووووووحه وايد وايد حلو والله انا مرات البيت كله يسافر واتم ابروحي بس بعد ارحم من العيد في الغربه ما ابي اضايقك بس هونها واتهون واجازة الكرسمس قريبه
والله يوم قريت موضوعك تذكرت الحال اهناك ومن الحين تمللت لاني برد بعد كم يوم اهناك حق الملل

بس متى انتخرج ونفتك من هلعذاب

والله يعينك اخوي

[GCC]

الحمدلله عيدي كان بين اهلي وناسي

الغربة كربة ولكن اصبر فمن صبر ظفر وبإنه تعالى ترجع لأهلك وانت متسلح بسلاح العلم

وفق الله الجميع لما يحبه ويرضاه
*

[مابدل العادات]

أييييه لا تقلب المواجع وانا اخوك

عااادي تعودنا هاي يمكن خامس ولا سادس عيد اعيده في الغربه خلاااص تعودنا

وكل عام اونت بخير

[الراقيه سبشل]

ماعيدت ولا حسيت بالعيد

الله كريم

[ذيب ازغوى]

رمضان اللي راح كان في الغربه وماعودت الا 27 رمضان وحااس فيك ياخوك ولاكن اللحمدلله على كل حال

[حكآية آحسآس]

كل عآآآم وانتوو بخير ... ومنتدى الاسهم القطرية يقرب كل بعيد.. يكفي احنا هنا نحس بآاحسااس بعضناا..ونتشاررك هموم بعض وافراحنا...


والله يرد كل غايب ويشفي كل مريض.. والله يديم الوصل يارب.

[التيما]

انا حسيت فيك لاننا في البيت ناقصين ثنتين من خواتي واخوي رايحين دراسة في بريطانيا واول مرة مانعيد سوا وقعدنا نصيح ونسالهم عن حالهم فديتهم وشلون عيدهم هناك .. ويشكرون الطلاب الكويتيين اللي مسوين جمعة للعيد وعازمينهم عشان يحتفلون في العيد ويقولون الطلاب القطريين كلن فهوا ليله ماله خص بغيره .. كسروا خاطري صراحة .. الغربة في هالايام صعبة ..

كل عام وانت بخير اخوي ..

[R.S.C]

صار لي اكثر من 6 اعياد وانا برع قطر :( بس ان شاء الله نرجع قطر ونفرح بالعيد وبالشهاده الجامعيه

[عضو قديم]

كل عام وانت بصحة وسلامة،عيد عادي لا شي جديد سوى زيارة الأهل ونزول المطر اليوم وبغزارة والحمدلله والناس كلها عالكورنيش اليوم مستانسة لدرجة مالقينا موقف للسيارة!!وناس كثير سافروا بره الديرة لطول الاجازة

وانت بخير واسعدني مرورك
تقبل تحيتي

[عضو قديم]

كل عام وانت بخيير ..

والله العييد

امس مب شيء

اليووم تماام لان في مطر .

ترد بالسلامة

الله يسلمك واسعدني مرورك
تقبل تحيتي

[عضو قديم]

عضو قديم :) يعطيك العافيه وكل عام وانت بخير مافي احلى من عيد قطر مع الأهل وزيارة الاقارب :victory:

وانتي بخير واسعدني مرورك
تقبل تحيتي

[عضو قديم]

عضو قديم ..
شدعوه ياخي ..عشان عيد بتشكى

وش خليت لطول الليل وللثلوج الي جايتك في بدية 12
هههههههههههه

انا مثلي مثلك ..برى الدوحه
بس الفرق بينا اني قد الاحساس منعدم عندي
دقيت تلفون للوالد ثم الوالد بعد ذالك << لاحظ ثم يعني الشيبه الاول ..

الباقي مشفر ..
ههههههههههه

شد الهمممممممممممممه ياقدييييييييييم ..

اسعدني مرورك
تقبل تحيتي

[عضو قديم]

ثالـث عيد اعيده في الغربه بروحي :weeping:

ربك كريم واسعدني مرورك
تقبل تحيتي

[عضو قديم]

كل عام وانتم بخير

.
.

انا الحمدالله كنت بين اهلي بس ماقدرت اعيد بسبب ظروفي الصحيه
مب حلو الشعور الكل يجهز والناس رايحة جاية وانا قاعده اتفرج مقدر اتحرك :(

لكن الحمدالله .. يكفي اني عيدت بينهم وحسيت بالعيد على الأقل

اجر وعافيه اختي فرحة وماتشوفين شر ان شاءالله وبالفعل اسعدني مرورج
تقبلي تحيتي

[عضو قديم]

كل عام وانت بخير والجيات اكثر ان شاء الله وترد بالسلامه يالشيخ



صندح

وانت بخير اخوي صندح ولاتنسى موضوعنا بارك الله فيك واسعدني مرورك
تقبل تحيتي

[عضو قديم]

الله كريم ياخوي
هاي ثاني عيد لي في الغربة
وللاسف ماتحس انه عيد
الله يصبرنا بس

مأجور اخوي بو علي واسعدني مرورك
تقبل تحيتي

[عضو قديم]

رمضان صمته في الغربة وكذلك عيد الفطر عيدته في الغربة واعرف شعورك.... الله يهون الغربة عليك يا اخوي وتعيد بين اهلك واحبابك.... وعيدك مبارك.... والحمد لله على كل حال....

وانت بخير واسعدني مرورك
تقبل تحيتي

[عضو قديم]

كل عام والجميع بخير

انا قضيت العيد خارج قطر

بس ماحسيت بالغربه لاني في ارض

الحرمين السعوديه

ترجع بالسلام اخوي بسعود واسعدني مرورك
تقبل تحيتي

[عضو قديم]

من صجك والله متضايق وانت برا قطر في العيد ومب مونس روحك؟

أنا كنت طالبه في امريكا وكان الوالد ربي يحفظه محرم لي وقتها... وهالكلام من زمااان

بس والله كنت استانس في العيد هناك... تجمع للمسلمين من كل بقاع العالم عرب وخليجين واجانب ونصلي وعقبها نبدأ في احتفالات العيد من دروس إلى مسابقات واللي عنده محاضرات يروح لها

عقب الخليجين يسوون رحله كلها أكل وشوي ووناسه
أنا صج استمعت هناك ووسط المسلمين وما حسيت أيام العيد بالغربه بس ماعرف عن شعور أبوي وقتها الصراحه

وربي يرد الجميع بالسلامه إن شاء الله وتستانسون بأهلكم ويستانسون فيكم ويرفعون راسهم بنتايجكم ...

بالتوفيق للجميع إن شاء الله



الله أكبر الله أكبر الله أكبر لا إله إلا الله
الله أكبر الله أكبر ولله الحمد
التكبير مقيد دبر كل صلاة

هذا لما تكون المدينة فيها عرب لكن المدينة اللي انا فيها نسبة العرب تكاد تكون معدومة ولكن اسعدني مرورج اختي
وتقبلي تحيتي

[ريتويت]

كل عام وانت بصحة وسلامة

[عضو قديم]

نفس الشعور :(
أمحق عيد فالغربة ولا كنه عيد
الا بعد كان عندنا دوام اليوم الصبح
الله يصبرنا

موفق خير اخوي طالب واسعدني مرورك
تقبل تحيتي

[we-r-sawa]

كل عام وانتم بخير

انا الحمدالله كنت بين اهلي بس ماقدرت اعيد بسبب ظروفي الصحيه
مب حلو الشعور الكل يجهز والناس رايحة جاية وانا قاعده اتفرج مقدر اتحرك :(

لكن الحمدالله .. يكفي اني عيدت بينهم وحسيت بالعيد على الأقل

ربي يشافيج ويعافيج من كل مرض وسقم ويبعد عنج ضيقة الخلق ويشرح قلبج ياأخت فرحة وعسى أيامج الجاية كلها أفراح يارب مثل مايعني اسمج والله لا يحرمج من أهلج ولا من حبايبج وكل عام وانتي بخير وصحة وسعادة وراحة بال

[Qt.1]

اذا انت اول عيد ابعيد عن الااهل , عيل انا يمكن رابع عيد خلاص تعودنا وربك كريم. :)

[بو نايف]

العيد مو عيد بري قطر

باكر اليا جا العيد وبلادك بعيد = مع من تعيد ياغريب بجيزان

ومع من تقول العيد مبروك وسعيد = وتزاور اللي زارك الكل فرحان

عيد (ن) بدار (ن) غير درك مهو عيد = والا الصيام صيام في كل الاوطان

وشوفك لاهلك يجدد العمر تجديد = هم يفرحون بشوفتك وانت طربان

من قصيده مشهوره لشاعر من مرافقين السدير بجيزان من شعراء قبيله عتيبه

[Qatar_us]

السلام عليكم
انا عن نفسي عااااشر عيد وانا في امريكا
بس صراحه مب مثل عيد الدوحه بين اهلك
لكن السفير واهل السفاره ما قصروا سوالنا جوي
صلينا في السفاره صلاه العيد وعقبها تغدينا مع بعض
استانسنا لله الحمد

[شموخ]

كل عام وانتم بخير-العيد في بلادي احلى مليون مرة من ان اعيد خارج بلادي وهذاعندي من سابع المستحيلات اني اعيد في اي دولة خليجية اوعربية بس اللي يدرسون اواللي عندهم دورةخاج البلد فهذا غصبا عنهم وان شاءالله يرجعون بالسلامةحق اهاليهم ويعيدون وياهم السنة القادمةباذن الله-عيدالدوحةغيرحتى لومافي احتفالات كفاية التواصل والزيارات للاهل والاقارب والجيران والحمدلله على هالنعمه-

[ولد الخوالد]

وانت بخير وصحة وسلامة اخوي
وعساك من العايدين
انا هذا ثاني عيد لي بعيد عن الأهل
وفي العيدين كنت في نفس المكان
والمكان هو : جزيرة حالول
ومن المصادفات الغريبة اني رجعت الدوحة ثاني أيام العيد في المرتين
بس الحمدلله .. انا كـ عسكري تعودت على البعد والغربة .. لأن وظيفتي تتطلب مني هالشي
وربي لك الحمد العساكر اللي عيدوا معاي في حالول مثل اخواني واكثر وفرحنا واستانسنا ولا حسينا بالبعد او بالفرق عن العيد بين اهلنا
وربي يوفقك يا اخوي في دراستك ويردك لاهلك سالم ان شاء الله