شنهو أفضل محل حق كهربة الأمريكي غير الوكاله

[فــلان]

عندي جمس ٢٠٠٨ جاماته اليمين صارت ماتنزل و الكرسي مايتحرك وباب الشنطه الكهرب مخترب وش تنصحوني به وين اوديه اذا فيه محل زين غير الوكاله؟

جزاكم الله خير

[الماضــــي]

اخوي كهرائي عون بشارع سلوى بعد التضامن القديمة وانت رايح دوار عين خالد بشارع الخدمة بيجيك مطعم السفير بعدة مجمع تجاري هو بعدة واذا انت بلوكرة عندك سوق بروة الي على يمينك وانت رايح الوكرة كهربائي امريكي معرووووف

[نشمي 2022]

الشيخ عون نفس ماقلك اخونا مالك غيره

[بطل الفريج]

>>>>>>>>بالتوفيق ..<<<<<<<<<<

[فــلان]

بييض الله وجيهكم يالذيابه و جزاكم الله خير على الافاده

الاقتراحات السديده مستمره لزيادة الفائده العامه

[حمد بن سعد]

شركة اي سي ديلكو في المطار شغلهم دقيق ونضيف في الكهربا

[فــلان]

شركة اي سي ديلكو في المطار شغلهم دقيق ونضيف في الكهربا

لو رحت لهم على مشكلة الموتر بيقولون لك وده الوكاله ,, تسلم اخوي على المشاركه جزاك الله خير

[البرونزي]

قبل لاتوديه المحل اللي بينصحونك به الشباب
روح اي كهربائي وخل يشيك لك على الفيوزات كلها يمكن
واحد من الفيوزات محترق ومسوي لك هالمشكله والسالفه ماتكلف 5 ريال
جرب مب خسران شي :)
طبعاً انا تكلمت من تجربه صارت لي
واخرتها فيوز مسوي هالمشاكل
,
,
والله يوفقك

[محمد الجفيري]

ان شاءالله يفيدونك باقي الاعضاء

بالتوفيق ان شاءالله

[الشاااهين]

اخوي روح حق محل اسمه مركز العنايه بالمحرك في شارع سلوى جنب الدولي الاسلامي كهربائي مايحتاج اسمه احمد شغل عدل وفنان وعنده ذمه واسأل مجرب وبالتوفيق انشاءالله.

[JMR]

ماعندي خبر والله

[فــلان]

قبل لاتوديه المحل اللي بينصحونك به الشباب
روح اي كهربائي وخل يشيك لك على الفيوزات كلها يمكن
واحد من الفيوزات محترق ومسوي لك هالمشكله والسالفه ماتكلف 5 ريال
جرب مب خسران شي :)
طبعاً انا تكلمت من تجربه صارت لي
واخرتها فيوز مسوي هالمشاكل
,
,
والله يوفقك

جعل من جابك الجنه قول آمين

بالفعل ولله الحمد اطلعت مشكلة فيوز ومادفعت غير 40 ريال وانحلت مشكلة الدرايش و الكرسي

وبالنسبه للباب الخلفي قال لي عندك اللوك يسلب أخذه من الوكاله وجيبه بنركبه لك ,, جزاك الله خير و الحمدلله على كل حال :)

[فــلان]

جزاكم الله خير يا اخوان على التفاعل اللي اكيد مثل ما فادني بيفيد كثير من الاعضاء

[ولد قحطان]

فيوزات تقدر تفحصها انت