Bhs ونصب صريح

[سعد]

السلام عليكم ورحمة الله

قبل العيد رحنا ناخذ شوية اغراض من Bhs ولاحظنا انهم حاطين سعر بالباوند وجهه ثانيه السعر بالريال

الغريب في الامر ان السعر اللي بالريال القطري ضعف السعر اللي بالباوند !!!!!!

وعلى فكره بعض التاق شاطبين على السعر اللي بالباوند وبعضها ناسينها الظاهر


شوفوا معاي السعر واضح 16 باوند ولو حولناها بالريال القطري تطلع 92.8 ريال


بينما السعر اللي على الجهه الأخرى من التاق 185 ريال !!!!!! يعني المحل زايد السعر 100% !!!!!!!

معليش لاتبيعون بضاعتكم بنفس سعر لندن وربحوا 10 % والا 20% والا خل نقول 40% لكن مب تتضاعف سعر البضاعه علينا ،،،

علما بأني شيكت على نفس الايتم في Bhs اللي بالنت وحاطين سعرها 14 باوند !!!!!!! يعني اللي بيشتري اون لاين من المتجر بيستفيد 2 باوند عن سعر لندن

هذا السعر بالباوند


http://www.dohaup.com/up/2011-11-08/admin1525545004.jpg

وهذا السعر بالريال القطري !!
http://www.dohaup.com/up/2011-11-08/admin2042535850.jpg


واترك لكم التعليق

[كازانوفا]

حسبي الله عليهم الكل عينه على الزياده
مش اول مره اشوف هالشي شفته بكذا مكان

[mohd89]

في حل
شوفي القطعه اللي تبينها في bhs
بعدين طلبيها من النت بتطلع اوفر لج بنص السعر !
من 16 باوند الى 185ريال الصراحه وايد

[كازانوفا]

في حل
شوفي القطعه اللي تبينها في bhs
بعدين طلبيها من النت بتطلع اوفر لج بنص السعر !
من 16 باوند الى 185ريال الصراحه وايد


انا وحده من الناس ما اعرف اطلب شي عن طريق النت ؟؟؟
فايش العمل ؟؟؟؟
يعني الكثير منا يجهل التعامل عن طرق النت

[QTR-SOUL]

تعلمي عشان توفرين

[khaldoon]

كلامك صحيح و جزاك الله خير وهالشي موجود في كذا مكان مثل ما قالت كازنوفا مب بس في البي اتش اس

بس كم رسوم شحن البضاعة لو شرينا عن طريق النت؟

بعد شهر من الحين بالضبط بتبدأ تنزيلات بي اتش اس و شوف كيف انهم بالاول بيسوون تنزيلات بنسبة 33% و بعدين لما تقرب تنتهي بتصير 50% على كل قطعة و اغلب البضاعة راح تنفد

[التيما]

انا الحمد لله بطلت من سنتين اشتري من هني والله يخلي النت ولا البوقه عيني عينك هني .. يا اسافر واشتري بالمره .. ولا اطلب من النت وافك عمري وارخص بوايد

[mohd89]

انا وحده من الناس ما اعرف اطلب شي عن طريق النت ؟؟؟
فايش العمل ؟؟؟؟
يعني الكثير منا يجهل التعامل عن طرق النت

أختي الطلب عن طريق النت مب صعب
وأعتقد انه صار ضروري ه الايام نظرا للفرق الشاسع بس اسعار المحلات والاسعار الموجوده
في النت
في شوية خطوات لازم تسوينها في البدايه بعدين كل شي سهل
في بطاقه تعبئه تسوينها في بنك الدوحه مثل فيزا كارد بس مسبوقة الدفع تعبينها بالمبلغ اللي تبين تشترين فيه وتتم عندج كل ما فضت تعبينها على كيفج
تسوين حساب في شركة ارامكس مكانها قريب من دوار قطر للديكور
بس وانتهت السالفه تطلبين اي شي من النت وبيوصل على ارامكس وتستلمينه من هناك
واذا حد يبي يتعلم يطلب من النت ان شاء الله اقدر اساعده بالخطوات اللي لازم يسويها



بس كم رسوم شحن البضاعة لو شرينا عن طريق النت؟



سعر الشحن اخوي تقريبا 15$ لاول كيلو وبعدها 6$ لكل كيلو هذا في ارامكس وهي الاشهر في الشحن في الوقت الحالي
يعني لو تاخذ 5 كيلو مثلا بتطلع 39 دولار قريب 110 ريال

5 كيلو ملابس تقدر تقول 10-12 قطعه
بتكون انت شاريهم بنص السعر ودافع عليهم 100 ريال شحن شوف كم بتوفر

[khaldoon]

أختي الطلب عن طريق النت مب صعب
وأعتقد انه صار ضروري ه الايام نظرا للفرق الشاسع بس اسعار المحلات والاسعار الموجوده
في النت
في شوية خطوات لازم تسوينها في البدايه بعدين كل شي سهل
في بطاقه تعبئه تسوينها في بنك الدوحه مثل فيزا كارد بس مسبوقة الدفع تعبينها بالمبلغ اللي تبين تشترين فيه وتتم عندج كل ما فضت تعبينها على كيفج
تسوين حساب في شركة ارامكس مكانها قريب من دوار قطر للديكور
بس وانتهت السالفه تطلبين اي شي من النت وبيوصل على ارامكس وتستلمينه من هناك
واذا حد يبي يتعلم يطلب من النت ان شاء الله اقدر اساعده بالخطوات اللي لازم يسويها



سعر الشحن اخوي تقريبا 15$ لاول كيلو وبعدها 6$ لكل كيلو هذا في ارامكس وهي الاشهر في الشحن في الوقت الحالي
يعني لو تاخذ 5 كيلو مثلا بتطلع 39 دولار قريب 110 ريال

5 كيلو ملابس تقدر تقول 10-12 قطعه
بتكون انت شاريهم بنص السعر ودافع عليهم 100 ريال شحن شوف كم بتوفر

جزاك الله كل خير على التوضيح

[khaldoon]

اعتقد عندنا مسألة ثانية لازم ما نهملها بخصوص شراء الملابس عن طريق النت ....المقاس يكون فعلا صحيح

يعني مثلا دبنهامز في السيتي سنتر ملابس و بنفس المقاس قطعتين بلونين مختلفين و تلاقي قطعة واحدة اطول من الثانية !!!!

[<اضرب واشرد>]

انا وحده من الناس ما اعرف اطلب شي عن طريق النت ؟؟؟
فايش العمل ؟؟؟؟
يعني الكثير منا يجهل التعامل عن طرق النت

تعلمي أو خلي واحد أو وحده من هلج تعرف تطلب لج

[النواخذة]

جزاك اللة خير

[سعد]

شاكر لكم اخواني واخواتي على مداخلاتكم ،، وبالفعل الشراء عن طريق النت ارخص بكثير لكن مب هذا الحل لهالمشكله ،، الحل انهم يغيرون الاسعار ويلقون رادع قوي من حماية المستهلك ،،أو على الدنيا السلام

[راشد محمد]

جزاك الله كل خير على التوضيح

[مهره]

والله صارت أسعارة ناررررررررر الكفرات عندة وصلت ب 590 و ب 550

[سعد]

اليوم كلمت حماية المستهلك استفسرعن موضوع البجامه اللي سعرها 16باوند ( 93 ريال )وحاطين عليها 185 ريال يعني زياده 100% وكان ردهم كالتالي :


في البدايه حاولوا يبررون الفرق في السعر - 100% زياده عن لندن لان البضاعه يدفعون عليها جمرك وهي طالعه من بريطانيا وايضا يدفعون عليها جمرك وهي داخله لقطر وهذا كلامه بالحرف الواحد ولا اعلم مدى صحة هالكلام ،،

لكني قلت له حتى لو دافعين عليها جمرك مرتين ماراح يتضاعف سعرها 100% !!

قال يحق للتاجر وضع السعر الذي يريده ولايمكننا اجباره ،،، ،، يعني لو بكره حطوا 300 ريال او 400 حتى حماية المستهلك مالهم حق يعترضون عليهم ..

عندما سألته اين دور حماية المستهلك.. قال ينحصر دورهم بعد دخول البضاعه واعتماد سعرها .. يعني لوكان سعرها ب 50 ريال وجبتها وحطيت 500 راح يعتمدون السعر من قبل وزارة الاقتصاد وراح يعرض للبيع .
بعد ااعتماد السعر لايحق للتاجر رفع السعر !! يعني بهالطريقه يكونون خدموا المستهلك ؟؟!!

صراحه كان ردهم مخيب للآمال وانت تتحدث معهم كأنك تكلم خصمك لا الحكم !!

اقول للتجار الآن بوقوا وانهبوا عليكم الأمان ..

والسلام ختام

[للصبر اخر]

اخوي تقدر تحط هالرد باحدى الصحف
مع الصور او لا ؟؟؟
لازم حمله ياجماعه
لين متى نسسسسكت
ونظل شعب محطوط ع الصامت