@@ استقبال الحجاج !! @@

[بنـ الدحيل ـت]

السلام عليكم



تعرفون موسم قدوم الحجاج والناس فرحانة ..

وإحنا بعايلتنا واايدين مسافرين للحج ..
ومهم ( أمي وأخوي وأخواتي )

فأبغي منكم أفكار لاستقبال الحجاج ..
شو اللي نقدر نسويه
مثل تزيين المكان والاكسسوارات
و طرق تقديم الحلويات بشكل جميل
يدل على مناسبة الحج . .



وياليت اللي عنده ..
بغيت أناشيد تناسب الحجاج
وقت وصولهم للبيت ..
يعني نشغلها أول ما يدخلوا
كزفة يعني



واللي عنده أي فكرة
أو أي مادة صوتية كانت أو مرئية ممكن تفيد
ياليت محد يبخل علينا فيها ..




أنا صراحة عصرت مخي ..
ماكو أفكار ,,
أغلبها قديمة و تكلف واايد . .


بالانتظار

[بو الجوري]

هلا اختي :..

الله يرجعهم بالسلامه و يتقبل منهم :..

و الله اغلب محلات الحلويات مسويين توزيعات للحجاج :..

و من ناحية الاكسسوارات مادري

بس اللي اعرفه يحطون علم قطر عالبيت اللي فيه حجاج :)

و طبعا لازم تذبحون لهم خرفان :..
و يسمونه غدا او عشا حجاج ؛ تعزمون فيه المقربين و الاصحاب ان امكن :..

بس ماعرف بعد :) لاني ماجربت :..

بس مره رفيجي رجع من الحج وسويتله عشا حجاج له و لربعنا :..


و يوصلون بالسلامه ان شاء الله

[غرِيبهـ]

عليكم السلام و رحمة الله وبركاته

الله يرجعهم بالسلامه و يتقبل منهم

انا لما رجعت من الحج كتو على راسنا فلوس

وكان شي حلو


لاتكلفين على نفسك

احلى شي حطي اعلام نفس اول

واحتفلي بهم عادي

مب لازم فناتك

[sara jsm]

وعليكم السلام ,,
الله يتقبل منهم ان شاءالله ويوصلون بالسلامة يارب ,,
احنا بعد اغلب اللي في العيله رايحين ,,
عن نفسي باخذ لهم هدايا وباضبطهم على ستاند ورد ,, ^ ^
واكيد ننثر عليهم ورد وفلوس خاصه اللي اول مرة رايحين بيت الله ,, :victory:
وسالفة الزفة مالها داعي :o توهم متطهرين من الذنوب بعد نحملهم ذنب الاغاني ماتسوى عليهم :(



بس اللي اعرفه يحطون علم قطر عالبيت اللي فيه حجاج :)


اقدم شوي ههههههههههههههههههههه :tease:

:

لاتكلفين على عمرج ,, الورد يغني عن وايد اشياء ,,
وممكن تسوين لهم عقد ورد يوم يوصلون البيت تلبسونهم ^ ^
دام انكم بتحتفلون هالشكل صوروا فيديو هاللحظات ;)
ويوصلون بالسلامة

[barod]

ابرك شي تسوين لهم عشا حجاج وفواله وحطي علم على البيت وتكفي عن الفناتك الي مالها داعي

[بو الجوري]

ساااره
عاد انا شدراني :(