مصرف الريان

[مواطن]

شباب حد جاه مسج من بنك الريان؟

[mirage]

وصلني مسج عن متوسط السعر لاول يوم وهو 95 ريال

[الجوكر]

شباب حد جاه مسج من بنك الريان؟


وصلني مسج يقول:
متوسط سعر مصرف الريان هو 95 ريال قطري لليوم الاول من ادراج السهم بالسوق

[مواطن]

نفس المسج وصلني يعني ممكن يكون في دعم على السهم على 95

[سحايب]

ماجاني مسج

[العديد]

وصلني مسج عن متوسط السعر لاول يوم وهو 95 ريال
من الجهه التي ارسلت المسج هل البنك ام رسائل تتنقال بين الاشخاص:con2:

[مواطن]

مسج من البنك المرسل الريان

[شمعة الحب]

الله كريم:D ..بس انشاء الله مايصير له مشاكل مع المكتتبين والبطايق مثل ماصار في الناقلاتomen

[alhilam]

مسج من البنك المرسل الريان

اي رقم اللي طلع لك في الرساله

[الأستشاري]

وصول سعر بنك الريان ل 95 ضرب من الخيال. السعر الحقيقي للسهم سيتحدد يوم التداول . والمسجات التي يتم أرسالها تبين العروض الوهمية للسهم وقد رأيناها في الناقلات ودلاله وبروه وفي النهاية وصلت الأسعار الى مستوى لا أحد يتخيلها .

وارجو من الجميع عدم متابع المسجات وماهو الى دعوة لزيادة العروض على السهم .

[ابو الاسهم]

كل شي ممكن في اوّل يوم

[الأختصاصي]

ناس وناس تجيها المسجات من ادك يا عم
ان شاء الله يكون افضل من 95 ريال

[مواطن]

سوري تأخرت ، واحد يقول جاه نفس المسج وبضبط المرسل الريان وحتى في تفاصيل الرساله المرسل الريان

[ضرغام]

ماجاني مسج
ولا انا جاني مسج
[:nice: :nice: CENTER]اشمعنا[/CENTER]

[الأختصاصي]

يمكن مطرشينه لك بالبلوثوث اخوي وانت فكرته مسج !!!!! تذكر وين كنت جالس في اي كوفي شوب

[kappa]

والله كل شي جايز


بس قـــويــه :)

[heez1]

والله عاد انا حطيت السعر 35 ريال

واذا جابت الاسهم في هذه الظروف هذا السعر زين والله

والرزق على الله

وسلامتكم

والله ايبارك للكل على بيعته

انشاء الله بس احصل شراي مب مثل يوم بروه ما لقيت شراي الا بعد اسبوعين من العرض
في المجموعة لابعد السالفه فيها واسطه

[الرحال]

اسمع القوية مني
سمعت وعلى ذمة الراوي أن السهم ينباع بالبحرين ب 90 ريال
أكيد يشتريه ب 90 ويبيعه ب 95 والحساب عليك !!!!!!!!!!!!

[ملك الناقلات]

مسج:con2: :con2: :con2:
95 :con2: :con2: :con2:
عالعموم الله كريم
ولكن اعتقد انه سعر بالخيال

[يابعدهم كلهم]

crazy crazy crazy خاطري ازنطه راعي المسج crazy


الله كريم :nice:

[مواطن]

على العموم المسج عندي، واحد من شباب النتدى من غير ذكر نكه شافه عندي حتى هو تعجب وبعدين أنا ما كتبت الموضوع إلا وأنا مستغرب من المسج

[d0llar]

رد على المشككين الريان راح يوصل الميتين في اول يوم تداول مثل ما قلت غن نا قلات ودلالة ومن قبل
ترست مي

[سهم واحد]

مساء الخير على الجميع

الريان لن يتعدى 30 في افضل الظروف

[الجوكر]

مساء الخير على الجميع

الريان لن يتعدى 30 في افضل الظروف


لماذا هذا التشاؤم اخوي سهم واحد
بعدين اذا كان ماعندك في السوق الا ( سهم واحد ) انا بشتريه وبريحك من البورصه
ولا انك تتكلم هذا الكلام عن مصرف الريان

[الصقر10]

السلام عليكم ورحمة الله وبركاته
توقعي ان يكون سعره اول يوم بين 30-و45
والله اعلم

[ريـم]

توقعاتي يكون سعره 21 ريال اول يوم

وبعد اسبوع 17 ريال والايام تثبت كلامي

[khaleel]

مستحيل وانا اقول للجميع لا يصدق هذه الرسائل ............... وتستطيع من خلال بعض المواقع ان ترسل مثل هذه الرسائل وتضع الاسم الذي تريده في خانة المرسل وانا سمعت عن ناس حاطين اسعار بيع تشيب لها راس الوليد ................ واول يوم تداول حيكون تاريخي والله يعين ............ مع العلم ان هناك اجماع على حرمة بيع السهم قبل بدء عمل البنك رسميا فاتقو الله ........ ومن يتقي الله يجد له مخرجا

[حمد911]

:nice: :nice:
السلام عليكم ورحمة الله وبركاته
توقعي ان يكون سعره اول يوم بين 30-و45
والله اعلم

[السهم الفضي]

تفائلو خير الريان فوق فوق
ان شاء الله

[محمد2]

اش دعوة المسجات وصلت للكل 0 الا انا الفقير المسيكين 0 :con2: :con2: :con2:


لا تطرشو لي مسج ( على ألأقل صرة رويد):dance :dance :dance



على قولة عادل امام 0 مابعتوا لى حتى سبت فجل:app: :app: :app:

[A.L.I]

ماجاني مسج

[mam]

يا إخوان مساكم الله بالخير، بالنسبة للمسج الواصل للأخ العضو أعتقد بأنه نوع من أنواع الإشاعات، والسبب هو إذا كان المسج من المصرف نفسه فهناك تلاعب يجري بإدارة السوق لكشف النتائج وتخصيصها لمعلومات الشركة فقط قبل الإدراج، والأصح من باب أولىومن وجهة نظري بأن تكشف إدارة السوق هذه النتائج عبر القنوات الرسمية وهي الجرائد لإطلاع جميع المساهمين على هذه النتائج دون خص بعض الناس بمعلومات على هذه الدرجه من الأهمية والتي بدورها قد تؤثر على السوق بصفة عامة.

هذا رأيي الشخصي وقد أكون مخطئ أو مصيب، ومن لديه رأى قد يخالف هذا الرأى فليتفضل مشكوراً ليفيدنا، ولكم جزيل الشكر.

تحياتي
:con2:
بوعبدالرحمن

[iTaLy]

شباب حد جاه مسج من بنك الريان؟

ماوصلنا شي بالكويت !!!!

[سباق النمل]

اش دعوة المسجات وصلت للكل 0 الا انا الفقير المسيكين 0 :con2: :con2: :con2:


لا تطرشو لي مسج ( على ألأقل صرة رويد):dance :dance :dance



على قولة عادل امام 0 مابعتوا لى حتى سبت فجل:app: :app: :app:



شباب

كم واحد جاه المسج

لو صدق جانا المسج احنا بعد

والا احنا عيال البطه السوده

[مستر كول]

هلا يا شباب صدقوني اسهم الريان ماهي مثل الاسهم اللي بالي بالكم .. هذا مصرف اسلامي واعد وموسيسينه ناس فوق الريح !!! الاسهم ليست للبيع قبل 12 شهر (( ونصيحة من اخووووو )) من ارد ان لا يهان فليحتفظ با سهم الريان .. السوق واعد وابو مشعل . الله يعطيه الصحة . مفتح عيونه على السوق والاقتصاد عدل . الله يوفقه لمل فيه الخير . تحياتي....

[d0llar]

انا مافهم ولا عندي سالفة
وكلامي الله لا يهينكم ترى راح يصير محسوب علي
انا مو رجال ولا عندي سالفة ومستعد احلق شنبي واي شي تبونه
اذا ما وصل فوق 150 وراح يشم ريحة 200
احلق اشنبي واذا نزل بثلاثين بسوي طلب انا بربعين بكل ما املك \مستعد ابيع بيتي
بس للاسف ما راح يوصل الثلاثين اتمناء انا الخمسين وراح اشتري

[movado]

لا تتسرعون يا شباب اتوقع سعر سهم الريان ان يتجاوز حاجز توقعاتكم الخائفة والغير متطلعة للمستقبل
ولا تنسوا أن شركات وساطة خليجية ستدخل في البيع والشراء عن طريق الوسطاء المحليين وستكون هناك مضاربات قوية من قبل الأخوة الخليجيين للأستحواذ على اكبر كمية ممكنه من اسهم هذا البنك العملاق والإسلامي فنصيحتي لكم اخواني هو ان لا تتسرعوا وتبيعوا أسهم هذا البنك وان لا تفرطوا فيه كي لا يأخذه غيركم بسعر رخيص ويستفيد هو
وخلكم انتوا اللي تتحكمون في السوق ولو لفترة محدودة وتجنون ارباح خيالية
وتشترون البورش والمرسيدس وتبنون بيوت حق الاجار

[rt2225]

:court: خلكم من المسجات اشلون تبون تستثمرون اموالكم اذا بتركضون ورى هذي التفاهات انت خبير نفسك لاحد يلعب عليك