خبراء يحذرون: أجهزة "بلاك بيري وآي فون" تنقل صورك

[PIX]

http://sabq.org/sabq/misc/get?op=GET_NEWS_IMAGE&name=news39184683.jpg&width=512&height=320


سبق - القاهرة:

حذّر المركز القومي للبحوث الاجتماعية والجنائية في مصر،

من استخدام هواتف "بلاك بيري وآي فون"

لأن بها خاصية التتبع التي يمكن من خلالها تتبع الشخص في أي مكان‏،

جاء ذلك خلال افتتاح الدورة الخامسة لإدارة الأزمات والجرائم المستحدثة،

الذي يستمر ثلاثة أسابيع.


ونقلت صحيفة "الأهرام" القاهرية عن الدكتورة نجوى خليل مديرة المركز،

أن كاميرات هذه الجوالات تصور دون أن يدري صاحبها.

ونصحت مستخدمي هذه الجوالات بعدم وضع صورهم الشخصية عليها

لأنه يتم نقلها عبر القمر الصناعي دون معرفة صاحبها،

ولذلك هناك بعض الدول تمنع هذا الاستخدام،

وتمنع دخول هذه الأجهزة في الأماكن الحساسة والحيوية في الدولة.

وطالب الدكتور فتحي قناوي رئيس قسم بحوث الجريمة بالمركز بعدم إعطاء بيانات شخصية،

أياً كانت، لمواقع التواصل الاجتماعي "فيس بوك" وغيره من المواقع،

وألا يقل الرقم السري "ID" عن أربعة عشر رقماً

بالإضافة إلى عدم فتح الكاميرا بجهاز الكمبيوتر أثناء التشغيل،

وألا تكون موجهة لغرفة المعيشة أو النوم، على أن تكون موجهة للحائط عند عدم الاستخدام، لأن هناك برامج تؤدي إلى تشغيلها وهي مغلقة.

[عندي أمل]

اشدعوه ماحد علق على الخبر !!!
الظاهر الكل عنده بلاك بيري !!!

[بصمة قطرية]

خخخخخخخخخخخخخ
من ما عنده بلاك بيري الحين :secret:
الله يكفينا شر هالاجهزة ..
و يحفظ الجميع ~
يسلمو على الخبر ~

[sara jsm]

انا ماعندي ومفتكه :p
يالله تنبيه لاصحاب الايفون والبيبي ,,
والله يحفظ المسلمين من هالامور كلها ,, :)
ثانكس عالخبر ,,

[المفترسه]

انزين شنهي خاصية التتبع دورت فالجهاز مالقيت شي

[doha000]

وين بنروح مثلا عشان نخاف حد ايتتبعنه

[رجل مثالي]

ممكن الخبر الاصلي من المصدر المصري للحد من هذه الاجهزة

[ريتويت]

???????????????????????????

[PIX]

ممكن الخبر الاصلي من المصدر المصري للحد من هذه الاجهزة

http://sabq.org/sabq/user/news.do?section=5&id=31556

[miss cute]

من زيينهم .. اخيس جهاازين جتمعوو
لو اموت مأشتري بلاك ولا ايفوون قاال سمارت فون قاال
مافي احسن من السامسونج والنوكياا
والبلاك خلوه حق اللي طول ايدي!!

[شنب]

خلكم على Samsung Galxy S2 ابرك لكم

ماخذ جائزة افضل هاتف نقال لعام 2011 و خرب على Apple اللي خذت الجائزة لثلاثة سنين ورى بعض

و الـBlackberry كل ما تمر عليه نص سنه او اكثر يقوم يعلق و تضطر انك تفرمته (طبعاً مع استعمال شباب قطر لازم ينفجر من كثر الصور اللي فيه!) .. و غير هذا نظامه فاشل

[المسك1969]

مادري من بيتبعون؟ وكم شخص بيتتبعونه؟ العالم كله على البلاك بري...

وعن الصور ما بيلقون شيء إلا خرفان العيد... جان بيتتبعون الخرفان فهي لين الحين على البي بي:omg: أمبيه وبيعرفون مكاني:omg:

بس سؤال: وأن عرفوا فرضا مكان شخصا ما... شنو يعني؟ وأن فرضا قدروا يلقطون صور بعض الناس من البلاك بري شنو يعني؟

شنو بيستيفدون؟

اعتقد الامر مقصود به أصحاب الشخصيات المعروفه والعلامات المميزة مب عموم الناس والله أعلم

[بوعلي2]

كلام جرايد مؤخوذ خيره

كل عام وانت بخير

[عضو قديم]

الحل الوحيد اخواني هو ان يتم الغاء خاصية الجي بي اس لتفادي هذا النوع من المشاكل سواء في الايفون او البلاك بيري

[AL ZUBARAH]

ياللهول ..... ممكن يصوروني وانا راقد في السرير.:shy::secret::eek5::omg::(:telephone:escape :pilot:

[العقل المدمر]

والله حتى حجي الجرايد والمجلات ما عاد فيه مصداقيه
ماصدق هالكلام ولا يدش عقلي
شدخل يصورون بجوالي وانا مادري ؟!
هاكرز ع غفله ؟!
ويعرفون مكاني بالاقمار الصناعيه ؟!
ما شا الله هالكثر انا مهمه عشان يدوروني ؟!
انا بنفسي يوم اطلع اكتب اني طالعه واكتب وين اروح :shy:
حجي فاضي وشبعنا من هالتحذيرات
ذكروني باللي قالوا فيه برنامج يصور البنات من تحت الثياب بالاكس ري
يا كثر خرابيطهم والله :)

[الفا برافو]

خاصية التتبع ( GeoTagging Option ) موجوده في جهاز البلاك بيري واعتقد بعد في ال اي فون . ويمكن اغلاق او فتح هذي الخاصيه وقت التصوير والقصد منها حفظ الاحداثيات اللي اخذت الصوره فيها . فمثلا لو احد صور منظر طبيعي في مكان ما مع تشغيل خاصية التتبع فانه يمكن معرفة مكان التقاط الصوره بواسطة برنامج ثاني يستطيع قراءة هذه الاحداثيه . اما من ناحية انه الصور اللي يتم التقاطها فانه ترسل تلقائيا الى مادري اي جهة فالصراحه شوي صعب تصديقه لانه لو صح فالجهه راح توصلها ملاييين الصورمن كل انحاء المعموره وتخيل من عنده وقت يفرز ويشوف ويطالع. عموما الاحتياط واجب لاحتمال فقدان الجهاز اللي يحتوي على الصور الخاصه ... ويعطيكم العافيه

[ام السعف]

من زيينهم .. اخيس جهاازين جتمعوو
لو اموت مأشتري بلاك ولا ايفوون قاال سمارت فون قاال
مافي احسن من السامسونج والنوكياا
والبلاك خلوه حق اللي طول ايدي!!

الموضوع يخص كل الجواويل الذكية ،،

الهدف في الأساس عدم الاحتفاظ في الصور على هذه الأجهزة
وعدم الاحتفاظ ايضا في موقع الفيس بوك ،


بالنسبة لي حاطة صوري ولا لهم شي عندي ولا يهمني يتبعوني او لا :shy:

http://dc07.arabsh.com/i/01880/1mw31fwdofc0.jpg