للبيع بالصناعيه - ستور كبير + 44 غرفه

[bu shhab]

السلام عليكم ورحمة الله وبركاته


بالصناعيه بالقرب من الريدي مكس شارع 38 على شارع واحد

ارض بمساحة 5000 متر مربع مبني عليها ستورين على شكل ستور كبير

بالاضافه الى سكن عمال بعدد 44 غرفه وملحقاتها

للبيع وبسعر نهائي 9 مليون ريال قطري



وبالتوفيق ان شاء الله

[إنتعاش]

حي الله بوشهاب :

ياغالي بالنسبة للستورين يتأجرون على كم هالايام ؟

نقول 20 الف للواحد ؟ يعني 20 + 20 = 40 الف ريال

44 غرفه * 1000 ريال للغرفه = 44.000 ريال

يعني مدخول شهري : 84.000 ريال

سنوي : 84.000* 12 = مليون ريال تقريبا سنويا ً

يعني راس المال يرجع لي بعد 9 سنوات

1 / 9 = 11 % مدخول سنوي

اخوي الخدمات واصله او لا ؟

الماي والكهرباء ؟

2- ما تشوفه غالي شوي ؟

[مهاوي]

:looking:




9 مليون على ستور؟

[عبـــــادي]

والله اشوفه غالي


9 مليون في صفقة وحدة في البورصة اطلع 500الف

500*18= 9 مليون

يعني في 18 صفقة اجيب راس المال


وزيادة على هالشكل ان في كل صفقة راس المال بيزيد

الله يوفقك يالغالي

[bu shhab]

الله يحيك اخوي انتعاش


اول شي بخصوص ايجار الستور 20 الف نعم وما اقدر اقول اكثر مع العلم فيه

اللي يؤجر باكثر من 25 الف


اما بخصوص الغرف ولا غرفه بالصناعيه اقل من 1500 ريال شهري

والاسبوع الماضي اجرنا كامب ضخم 2500 ريال للغرفه مفروش

ممكن تستغرب بس اذا حبيت العقد عندي ،، صحيح غالي بس البناء كانه فندق مفروش


عموماااااا

الخدمات واصله ( ماء وكهرباء)

وبخصوص السعر ، مادري وجهة نظر

بس اللي حاصل بالصناعيه اراضي بمساحة الف متر فاضيه تنباع على مليون 200 الف

ان وجدت ،، ونفس المساحه هذه 5000 مطلوبه 6 مليون و500 الف فاضيه

ما بالك وهي مبنيه اللي عرضتها عليكم ،،،

هي كستثمارر فيها تعب بالاول ،، اما كاستخدام خاص لشركه بعمالها في فوق الممتازه


شكراااااا لك

[bu shhab]

مهاوي

9 مليون سعر الارض والستور و44 غرفه وملحقاتها

الارض الفاضيه سعره بسته مليون ل5000 متر مربع

هذه فيها بنيان

[bu shhab]

عبادي الله يوفقك ويوفقنا جميعا ان شاء الله

كلامك صحيح في استثمارات كثيره ومنها البورصه

كل شي متوفر والحمدلله

في ناس ما تحط ريال في البورصه وتحطها بالعقار والعكس صحيح

وفي ناس بتجاره ثانيه على حسب كل ومعرفته واسبابه

بس للأمانه انا ما عرضت الموضوع الا لصاحب شركه يحتاج ستور + سكن عمال

او شخص ممكن يعرف يستثمر بشكل جيد والموضوع راجعله


بالتوفيق للجميع

[bu shhab]

للرفع

...............

[إنتعاش]

اخوي اذا تراجع المالك

على سعر 8.200.000 ريال

تشوف شيقول لك

[ذيب البورصة]

الله يوفقك بالبيعه

[bu shhab]

اشوفه واشوفه وان شاء الله يقتنع

حاضرين يا مدير المنتدى


ذيب المنتدى

الله يوفق الجميع