باص أجرته أربعة آلاف ريال

[المسك1969]

السلام عليكم ورحمة الله وبركاته

تفاجأت حقيقة هذه السنة من مدرسة الفتاة المسلمة بأن أجر الباص لديهم لمدة سنه طبعا 4000 ريال... وفي الفرقان بـ1800 ريال... والمها الروضه بألف ريال

طيب 4000 ريال أدفعها مضطره لعدم وجود دريول؟ لكن مب وااايد المبلغ:(

كم طالبة في الباص؟ كل وحده تدفع 4000 ريال للباص وباص عادي... يعني مافيه خدمات أن مثلا الفراشه تنزل الصغيره بشنطتها أو تشيل عنها...

ويجيها من خمس وربع الفجر وترجع على 2 الظهر

استغرب جدا على مثل هذه المدارس... تأخذ على الكتب مبلغ وقدره منفصل وعلى الباص منفصل وعلى رسوم الدراسة بعد منفصل

والمنهج للتعليم العالي ياليته غريب أو فيه مواد من خارج قطر لا وكتاب الاجتماعيات مصور مب الكتاب الأصلي؟

وأذكر وحده من الأخوات تهاوشت في ذاك اليوم مع المحاسبة أن مبلغ الباص كبير بس أنا وقتها طلعت وماعرف ان نقصوا لها... بس ما اعتقد لأن المفروض المبلغ واحد والله المستعان

[النواخذة]

الله المستعان

[بوحارب]

وايد 4000

هذي تعتبر رسوم فصل كامل للدراسة !!!

[حمد بن سعد]

4000 × 100 طالب = 400000 اوف هذا 100 طالب تقديري

الله المستعان

[مرتبش]

وايد وايد 4000 للباص
يمكن المدرسة ماقدرت ترفع رسوم الدراسة فقررت رفع رسوم الباص.. المفروض ان المجلس الاعلى للتعليم يدقق على هذي الاجراءات المتخذة من المدارس وان يعتبر قرار منع زيادة الرسوم يعني كل الرسوم سواء رسوم الدراسة او التسجيل او الباص او مايسمى رسوم اختبار تحديد مستوى الطالب المستجد وغيرها حتى المقصف والرحلات المدرسية

يعني ببساطة ياالمجلس الاعلى كملوا جميلكم واخضعوا جميع الزيادات لقرار منع الزيادة الا بعد اخذ الموافقة منكم

[شيزكيك]

اوف الصراحة المبلغ وايد كبير وعلى ايش تقولين نفس مناهج المدارس المستقلة يعني لماالمميز في هالمدرسه اذكر مره قريت شكوى عن مدرسة خاصة وقلتها حق موظفة مسؤولة عن المدارس الخاصة في هيئة التعليم الا تقول ليش ما قلتي لنا. قلت لها الشكوى قريتها في المنتدى تقول لو اي حد عنده شكوى يروح يقابلهم ويقول لهم وهم بيتصرفون*

[R 7 A L]

لو اولياء الامر يجتمعو ويتقاطون ويشترون باص
ويجيبون دريول اوفر واحسن لهم

[al-obaidly]

وايد من قلب

[ام غاده]

وايد وايد .. سعر خيالي ..

[بوالبيض]

وايد من قلب شنو 4000 وين قاعدين احنا حدهم 1000 وايد باص عادي سعره 50 الف
فراشه باص راتبها ما يتعدي 1500 .... 4000 علي كم طالب عليكم الحسبه مصيبه والله
لا حسيب ولا رقيب وين حماية المستهلك عنهم

[alwahesh]

على فكره 4000 في السنه سعر معقول

يعني 400 ريال في الشهر


انا ادفع مصاريف بترول فقط يمكن 600 ريال في الشهر غير معاش السواق والأيل والصيانه والمخالفات والحوادث

[alkuwari4u]

خل نحسبها حبه حبه

اتوقع الباص صغير 21 راكب , يعني المدرسة تاخذ 84000 ريال في السنه على الباص

الحين خل نشوف تكلفتهم

سواق الباص ( تقريبا 2000 ريال شهريا ) 24000 ريال

الفراشة ( 1500 تقريبا ) 18000 ريال

البترول ( 1500 ريال تقريبا ) 18000 ريال

صيانه الباص خل نقول 10000 الاف ريال تقريبا

وصلنا 70000 الف ريال في السنة , والحين ما حسبنا تكلفه شراء الباص ( تقريبا قيمته 120 الف على خمس سنوات ) يطلع 24000 سنويا.

يعني تكلفة المدرسة على الباص 94000

يعني بعد خسرانة , انا ما ادافع عن المدرسة او اي شي بس , بس ترا السوق القطري وايد مبالغ فيه من الغلاء احيان كثيره التاجر ما ينلام ( وانا اقول احيان مو دايم ) ان يرفع الاسعار

وشكرا

[المسك1969]

الله المستعان

وبه نستعين وعليه نتوكل وإليه ننيب


وايد 4000
هذي تعتبر رسوم فصل كامل للدراسة !!!

تخيل كم طالب في الباص... والباص عادي وياليت الفراشه تشيل ويا الطالبه شنطتها اللي شكبر... لا الرسوم غير ربي يحفظك
ولو جهة عملك تدفع لك حق رسوم الدراسه فيرفضون يدفعون حق الكتب والمواصلات وتدري الكتب تتراوح من مدرسة لمدرسة من 600 ريال إلى 1600 ريال:(
وفي المستقله الكتب لغير القطريين بـ150 ريال والمصيبه أن الكتب هي نفس كتب المستقله



وايد وايد 4000 للباص
يمكن المدرسة ماقدرت ترفع رسوم الدراسة فقررت رفع رسوم الباص.. المفروض ان المجلس الاعلى للتعليم يدقق على هذي الاجراءات المتخذة من المدارس وان يعتبر قرار منع زيادة الرسوم يعني كل الرسوم سواء رسوم الدراسة او التسجيل او الباص او مايسمى رسوم اختبار تحديد مستوى الطالب المستجد وغيرها حتى المقصف والرحلات المدرسية
يعني ببساطة ياالمجلس الاعلى كملوا جميلكم واخضعوا جميع الزيادات لقرار منع الزيادة الا بعد اخذ الموافقة منكم

وياليت يراقبونهم وليش كل مدرسة غير عن الثانيه وفي مدارس واقصد الأجنبيه تشحط باسعارها والدوله تدفع لقطري أو غير قطري موظف عندها.. بس أنا ما احب المدارس الأجنبيه مسخره احسها


اوف الصراحة المبلغ وايد كبير وعلى ايش تقولين نفس مناهج المدارس المستقلة يعني لماالمميز في هالمدرسه اذكر مره قريت شكوى عن مدرسة خاصة وقلتها حق موظفة مسؤولة عن المدارس الخاصة في هيئة التعليم الا تقول ليش ما قلتي لنا. قلت لها الشكوى قريتها في المنتدى تقول لو اي حد عنده شكوى يروح يقابلهم ويقول لهم وهم بيتصرفون*

تصدقين بروح لهم الأحد أن الله أحياني إن شاء الله


لو اولياء الامر يجتمعو ويتقاطون ويشترون باص
ويجيبون دريول اوفر واحسن لهم

فكرة ماخطرت في بالنا والباص يضم 21 طالب ترى


وايد من قلب

الله المستعان


وايد وايد .. سعر خيالي ..

والمشكله انا ما أمن على الدريول والخدامه لأني اشوف أنهم يوصلون الياهل المدرسة الصبح وعقب ترد وياه البيت بروحهم في السيارة... وانا ما احب هالخلوه واخاف على اليهال بعد


وايد من قلب شنو 4000 وين قاعدين احنا حدهم 1000 وايد باص عادي سعره 50 الف
فراشه باص راتبها ما يتعدي 1500 .... 4000 علي كم طالب عليكم الحسبه مصيبه والله
لا حسيب ولا رقيب وين حماية المستهلك عنهم

صج حماية المستهلك لهم خص ممكن بموضوع مثل ذي؟

جزاكم الله خيرا الجميع واشكر مروركم الكريم:nice:

[المسك1969]

على فكره 4000 في السنه سعر معقول
يعني 400 ريال في الشهر
انا ادفع مصاريف بترول فقط يمكن 600 ريال في الشهر غير معاش السواق والأيل والصيانه والمخالفات والحوادث

اخوي ربي يحفظك من كل شر أنت شخص لسيارة وحده وهذولا عدد كبير من الطلاب لباص واحد


خل نحسبها حبه حبه
اتوقع الباص صغير 21 راكب , يعني المدرسة تاخذ 84000 ريال في السنه على الباص
الحين خل نشوف تكلفتهم
سواق الباص ( تقريبا 2000 ريال شهريا ) 24000 ريال
الفراشة ( 1500 تقريبا ) 18000 ريال
البترول ( 1500 ريال تقريبا ) 18000 ريال
صيانه الباص خل نقول 10000 الاف ريال تقريبا
وصلنا 70000 الف ريال في السنة , والحين ما حسبنا تكلفه شراء الباص ( تقريبا قيمته 120 الف على خمس سنوات ) يطلع 24000 سنويا.
يعني تكلفة المدرسة على الباص 94000
يعني بعد خسرانة , انا ما ادافع عن المدرسة او اي شي بس , بس ترا السوق القطري وايد مبالغ فيه من الغلاء احيان كثيره التاجر ما ينلام ( وانا اقول احيان مو دايم ) ان يرفع الاسعار
وشكرا


شدعوه الصيانه هالكثر مستحيل أخوي...
لو مافي ربح يرضيهم ما بيسيرون الباصات ولا بيفتحون مدارس خاصة

عيل ليش الفرقان أجرة باصها 1800 ريال بالسنه يعني هذولا مب كسبانين شيء والا مسوينها حسنة...
مايصير ربي يحفظك واكيد لهم حسبتهم الخاصة فيهم والله أعلم

جزاكم الله خيرا على المرور

[qatary 2022]

حسبنا الله

[<اضرب واشرد>]

أوووف وين قاعدين 4000