شباب جامعة قطر..ضروري بخصوص الغياب..!!

[تصانيف]

السلام عليكم ورحمة الله وبركاته..

بداية تقبل الله طاعاتكم وكل عام وانتم بخير..

مثل ماهو موضح في العنوان..

هل هناك طريقة أقدر أحذف فيها الغياب الي علي في جامعة قطر لأني قربت أوصل الحد الاقصى(25 بالمية)..مع العلم اني طالب ماخذ كورس انقلش لفل 3..

ألي عنده الحل تكفون يفيدني..

أنا فكرت أجيب لهم اجازة مرضية عن بعض الايام الي كنت غايب فيها بحيث أخفف عن نفسي..تتوقعون يكون كافي بالنسبة لهم؟؟

[.Qa6ar]

وعليكم السلام ورحمة الله وبركاته


والله ياخوك اذ كلمت الدكاتره وشرحت لهم ظرووفك بيساعدونك بشرط اكيد ماعاد تغيب

يعني يقدر ينقص كم حصه عشان مايوصل اللمت

الززززبده كل شي بيد الدكتور

والله يوفقك أن شاء الله دامك ماوصلت اللمت لاتحاتي بس اهم شي لاتغيب ولا تتأخر لأن تاخرين = غياب

واتمنى أن الشباب يفيدونك

[roma27]

الله يعينك اخوي هذا لامر صعب شوي لان جامعه قطر اصبحت لا تتهاون في ايام الغياب المسموح بها لكن ممكن تكلم دكتور الماده شخصيا وتجيب معاك ورقه غياب مرضيه من مستشفى حمد العام راح يقدر يساعدك هذا الشي،الله معاك .

[الخـود]

ما اعتقد في دكتور يحذف او يقلل ايام الغياب
والدكاترة دوم يقولون: ايام الغياب المسموحة لكم هو للاعذار الطبية ،،

الحل انك تحاول تلتزم بالحضور وما تغيب
و بس :)

[شميرام]

ما اعتقد في دكتور يحذف او يقلل ايام الغياب
والدكاترة دوم يقولون: ايام الغياب المسموحة لكم هو للاعذار الطبية ،،

الحل انك تحاول تلتزم بالحضور وما تغيب
و بس
*
لامب شرط عذر طبي في ايام مسموح تغيبون فيها احنا كنا نخشهم حق المدتيرمات يعني اذا عندنا مدتيرم في ماده نغيب الماده اللي قبلها بس الغيابات عل حسب الساعات يعني يمكن مسموح سبع مرات وعقب نلجأ حق الإجازات المرضيه طبعا في دكاتره يحطون خمس درجات عل الغياب عشان يفرقون بين اللي يغب اكثر واحنا سعات نكلمهم اذا عندنا ظروف



اخوي جرب كلم الدكتور اشرح ظروفك لا تكررها مره ثانيه ،، اجازات طبيه صعب يعطونك خاصه اذا عقب فتره

[إينشتاين]

لوكانت مادة ثانية غير الانجليزي كان ممكن يتساهلون يعني تكلم الدكتور كلمتين وتبين له ان الغياب بسبب ظروف خارجة عن ارادتك ويقدر يتغاضى عن الغياب...

لكن مواد اللغة مافيها تهاون يعني يبي لك جهد مضاعف في اقناع الدكتور..

نتمنى لك التوفيق.

[سما الوطن]

على فكره قانون الجامعه هو 25% غياب هذا تشمل التقارير الطبيه
بمعنى لو غبت اكثر من 25% بمحاضره وحده وكان كل الغياب بعذر طبي وبتقارير طبيه فأنك تحرم من امتحان اخر الفصل
طبعا الدكتور يقدر يتجاوز هذا القرار لو اقتنع باسباب الغياب ولكنه يكون بذلك يخالف قوانين الجامعه

القصد انه من غاب اكثر من ربع الفصل حتى لو بعذر طبي فانه سيفقد ولن يكتسب مهارات ضروريه للمقرر وتضر الطالب لو تجاوز تلك المهارات ويجب ان لا يسمح له بذلك

[khalid Qtr]

والله اخوي اذا تجاوزت 25% بدون عذر طبي صعب تلقى دكتور يتساهل معك

انت حاول تشرح للدكتور ظروفك ممكن يساعدك ويرفع عنك بعض ايام الغياب

[كحيلآن]

نفس الحاله صارت معاي ... اخوي لو تطير غير محاضرة وحده ما يعطونك يعني تغيب محاضرة خلاص تروح عليك .. بس دامك للحين ما وصلت اللمت التزم بالحضور .... ونسبة التاخير 3 تاخيرات = غياب مب تاخيرين غياب .. وبعدين لا تخاف ...... إذا باقي عندك سنه من التأسيسي تقدر تعوض الكورس الجاي تاخذ ليفل 3 والي عقبه 4 .. انا دخلت الجامعه على طول حطوني ليفل 3 نجحت فيه واخذت سنه بريك عن الانقلش ورجعت اخذت ليفل 4 وعديته ودخلت التخصص مع الايلتس 5 لآن تخصصي بزنس

[قطر 2012]

على فكره قانون الجامعه هو 25% غياب هذا تشمل التقارير الطبيه
بمعنى لو غبت اكثر من 25% بمحاضره وحده وكان كل الغياب بعذر طبي وبتقارير طبيه فأنك تحرم من امتحان اخر الفصل
طبعا الدكتور يقدر يتجاوز هذا القرار لو اقتنع باسباب الغياب ولكنه يكون بذلك يخالف قوانين الجامعه

القصد انه من غاب اكثر من ربع الفصل حتى لو بعذر طبي فانه سيفقد ولن يكتسب مهارات ضروريه للمقرر وتضر الطالب لو تجاوز تلك المهارات ويجب ان لا يسمح له بذلك


اللة يعطيك العافية سما الوطن كلام صحيح 100%

[fhd4]

دامك تقول قربت من الحد الاقصى … يعني للحين ما وصلت …

ما بقى شي على نهاية الفصل شد حيلك واحضر المحاضرات الباقية …

والله يوفقك