مقاطعة ع فيس............ لتويوتا 2012

[محاسب]

شفت على الفيس بوك (الحملة الشعبية لمقاطعة تويوتا 2012)
في اجتهاد واضح وملموس اشبه بثوره من شباب الخليج على اسعار تويوتا
.
.
.
.
.
.

http://www.facebook.com/pages/%D8%A7%D9%84%D8%AD%D9%85%D9%84%D8%A9-%D8%A7%D9%84%D8%B4%D8%B9%D8%A8%D9%8A%D8%A9-%D9%84%D9%85%D9%82%D8%A7%D8%B7%D8%B9%D8%A9-%D8%AA%D9%88%D9%8A%D9%88%D8%AA%D8%A7-2012/272113026164483?sk=wall

[ن.سهيل]

بالتوفيق

[محمد الجفيري]

بالتوفيق

[تمون]

حطيت اعجابي بالصفحة

[الغالي!]

والله خاطري اعرف على وش التويوتا اسعاره مرتفعه لا خدمه ولا ضمان مثل الناس ولابدي ولا موصفات على وش ماادري !!!!!!!!!!

[التميمي 3]

أتمنى نكون بيد وحده للمقاطعة التويوتا

[المبرمج صلاح]

بالتــــــوفيق أن شــــــاء الله

[Rayane]

حبتين

[تميم بن خالد]

لو النيسان ترتب كراجها وتنزل اسعار قطع الغيار .. بتغطي على التيوتا....... ومشكلتنا الاحتكار

[نشمي 2022]

الاحتكار والناس عبالها انها شطاره هاذي ياويلهم من الله

[تمون]

والله صرنا نشتري سيارات مكسره ولا مصبوغه ب ١٨٠ و ٢٠٠
ناس ماتخاف الله

[mazag]

اي مقاطعه هههههههه اول مانزل 2008 كان ارخص من الحين المعروف العكس
والمعروض 2011 وماشي 20 الف اقل من سعر الشءكه ب6 الاف
مادري ليش وعلى شنو موتر ب200 الف اقلها بدون جلد ولا قارمن اقل ابشن هذا ؟

[OM_OMAR_QATAR]

صراحة اسعارهم اصبحت مبالغ فيها

وبالتوفيق للحملة

[qtr1]

حطيت اعجابي بالصفحه وبالتوفيق للمقاطعه الوضع ماينسكت عليه

[فقط قطر]

والله طالما انكم طايرين بالموتر...الا بيرفعون السعر وبيرفعونه بعد...وانتوا راح تشترونه وانتوا تضحكون...

[نفسي عزيزه]

بتشترونه لو يصير ب ٣٠٠

وكل الي كتب بيقاطعهم بيشتريه

[نفسي عزيزه]

والله طالما انكم طايرين بالموتر...الا بيرفعون السعر وبيرفعونه بعد...وانتوا راح تشترونه وانتوا تضحكون...

:nice:

[عربسات]

خير انشاءالله !!! قال ايش قال مقاطعه

[بوعلي-Qtr]

خله ينقعها ويشرب مايها

[محاسب]

انا رحت اليوم لشركة تويوتا وسألتهم عن سبب ارتفاع الاسعار وقالوا لي ان السبب هو قلة الانتاج في مصانع تايلند بسبب الفيظانان التي تأثرت منها مصانع السيارات لذلك صار الطلب اكثر من العرض حيث ان السيارات الجديدة قليلة والطلب عليها كثير ولو تتو...فر السيارات بحيث تغطي طلبات الزباين كان نقصت الاسعار حوالي عشرة الاف لذلك فأنا اظم صوتي لصوتكم في حملة المقاطعة حتى اذا كثرت السيارات والطلب عليها قليل فسوف تنقص الاسعار غصباُ عنهم وهذي قاعدة اساسية في التجارة بوجة عام ( اذا كان العرض اكثر من الطلب تنقص الاسعار واذا كان الطلب اكثر من العرض ترتفع الاسعار ) وحملة المقاطعة اذا نجحت بتكون في صالح المستهلك اكيد وياليت كل واحد يتحمل مسؤوليته ويكون عضوا فعال فيما يعود علية بانفع وتكون حملة المقاطعة جادة من الجميع حتى يكون لها نتيجة واضحة ولا تستعجلوا النتائج فالتاجر سوف يتمسك بالاسعار الى ان يفقد السيطرة .
(منقول من صفحة المقاطعه)

[CH Engineer]

محد بيقاطع التيوتا والسبب واضح
في كل بيت قطري في موتر او موترين على الاقل والكل مايبي يقاطع وينزل سعر التيوتا وبعدها تنزل اسعار مواتره..
بالعكس لو ينزل الفكسار 2012 بـ300 الف
ال2011 بيتم على 280 وهو مستعمل


التيوتا بريكه تعباااااااااااااااان وفالمطر ينكب توبه اخذ من عندهم موتر..

[Rayane]

تكفون والله العظيم تكفون......

استبدولهم بالنيسان... اللي يبي فورويل ياخذ نيسان واللي يبي بيكم ياخذ عراوي واللي يبي صالون عنده بدل السياره سيارات وانواع... مكسيكا التيما تيدا وغيرها....

وخلوها تصدي عند عبدالغني....

خل الجي اكس v6 ابو 185 الف واخذ لك نيسان بـ 185 الف... لكن 8 سلندر قير عادي أو اوتو (حسب اختيارك) داخليته فخمه ديكوره فخم الحين صار يجي فتحه ومكيفين و320 حصان.... يعني أم الفله

[Rayane]

محد بيقاطع التيوتا والسبب واضح
في كل بيت قطري في موتر او موترين على الاقل والكل مايبي يقاطع وينزل سعر التيوتا وبعدها تنزل اسعار مواتره..
بالعكس لو ينزل الفكسار 2012 بـ300 الف
ال2011 بيتم على 280 وهو مستعمل


التيوتا بريكه تعباااااااااااااااان وفالمطر ينكب توبه اخذ من عندهم موتر..

البريك سستم في الكروزر من 2008 وطالع تعبان ويكذب صاحب السياره...

سياراتنا كلها كروزرات... في البيت 3 كروزرات حالياً لكن آخر سياره خذناها من تيوتا سنة 2008 أول ما نزل الشكل الجديد... ومن استخدمناه واحنا حاطين أكس على الموديل الجديد...

الاثنين الباقين موديل 2002 و 2005..... أحسن من الـ 2008 بمليون مره.

[الفتى]

يارب ما اشوف 2012 فالشارع

[بوعلي2]

لاتوجد مقاطعه

هذا فقط كلام بالشبكه العنكبوتيه

اما على ارض الواقع الي كاتب مقاطعه هو اول واحد بيشتريه

شبعنا من سوالف المقاطعه الي محد قطعها

ومبيعاات 2012راح تكون اكثر من الي قبلها

[جفى الجوارح]

توهم موقعين عقد مع الداخليه بتوريد 240 سيارة