...زادت المـــــهـــــور القطرية بــــنسبـــة 60%؟

[عابر سبيل]

لو...
العنوان الصحيح..قبله كلمة (لو)؟؟

*
*
،،
تسائل ولي امر..منصف..
احتار في امر ابنته..
فقد تقدم لها شاب..
باين انه (ينشرى)..و من عيلة طيبة..

فقرر انه ما يطلب عليه اي شي..
و يقول له..جاتك عطية ما من وراها جزية!

لكن..(الولية) قالت خاف ربك يا بو البنية..
هذي جوهرة تنشرى بالغالي و النفيس..
و تتلبس الالماس من راسها لين اصابع قدميها!!

قال..بس ..
قالت: لا بس و لا افكار تنظيرية..

لازم بنتي يكون مهرها..
اكثر من مهر بنت جارتنا "نوريّة"..

خاصة انها بتتزودج بعد المكرمة الاميرية..
و الولد اكيد زاد معاشه هو و ابوه و يمكن امه
اذا كانت مدرسة او مديرة في شركة (عقارية)!!
*
*
،،
احتار الاب..
و قال..ليتنا من القومية الهندية
او حتى بقية العالم..اللي الزوجة و ابوها
هم اللي يدفعون المهر!! بس احنا في زمان
الابو لازم يحط بنته و يقول (بكم اقول) هالبنت العروس؟؟
*
*
،،
فالحين السؤال..
في تحديد المهور يا سيدات وسادة..
ايش هي الآلية؟؟

هل يعني..ننصحه..يزيد على وطر الاول..
60% ان كان الزوج مدني..
و لا 120% ان كان احد ضباط الشرطة او القوة العسكرية؟

و هل هذا بيكون قانوني و مسموح به
في ادارة حماية المستهلك .. القطرية؟؟

[ahmaaaddd]

ليه هي سلعة تنباع وتنشرى ؟



عيل التجار معهم حق يزيدون علينا لان الرواتب زادت الله المستعان

[sara jsm]

لا تفتح العيون يااخوي ..
خلنا نطالب بتوحيد المهور ابرك من النظر لراتب المغلوب على امره ,, :o

[المسك1969]

اضحك الله سنك ياعابر سبيل على سؤالك...

بس حلوه الصياغه عجبتني

ولنقل حفظك الله أقلهن مهرا أكثرهن بركه... لا يشوف بنت فلان ولا علان ومالها خص الزيادة بزيادة المهور

وياما ناس مهورهم عالية وأعراس ولا في الأحلام وفي الأخير يا ترد بيت أهلها يا تعيش وياه في مشاكل وهموم

وطبعا ما نقول ما يدفع ولا ريال؟ ولكن كل انسان ومقدرته وعلى الأهل ألا يسخلوه حيا بل يرحموه ويتركوا الأمر له... مثلا: يقول له الأب عطها مثل مهور خواتك أو أن ماعنده خوات عرسوا... يقول مثل بنات عمك أو خالك أو خالتك (مثل أهلك).. أو حطه في الشيمه واللي يدفعه يدفعه

واللي اييها عشره الاف أو عشرين أو خمسين أو مئه الف ريال... وتقول الحمدلله وعقب بيعوضها إن شاء الله... وترى حرام الشبكه اللي فوق السبعة آلاف أحس فيه ظلم للرجل .. تخيل باربعين ألف شبكه ... حق شنو وأن ييت تبيعها ما تييب شيء


عاد وربي المهر ما يهم بقدر ماتهم أخلاقه ودينه ... والعرس فرحته تكون بالقلب وأن كان في ساحة عاديه... وناس أفراحهم خياليه وفرحتها مزيفه بس عشان الكشخه قدام الناس

وفي الأخير كل رجل وحسب مقدرته ولا يكلف الله نفسا إلا وسعها وأن طلبوا كثير يترك لهم بنتهم ويروح لغيرها بس عقب ما يقاصصهم بالمهر(أي عادي يصير أن يبي البنيه)

ولكن الأسرة العاقله تتمنى لأبنتها رجلا طيبا يقدرها ويحترمها فيما بعد... ايه وقول حق الاب أن المسك1969 تقول لك لو الريال والنعم فيه لو تعطيه البنيه بالاقساط عادي والله... والمهر سهالات ويمكن باجر بتعفيه منه... بس قول له لا يأخذ أكثر من سبعين ألف والعرس على المعرس

ربي يوفق الجميع إن شاء الله وييسر أمر من يريد الحلال آمين يارب

جزاك الله خيرا:nice:

[بطل الفريج]

المهور لازم تنزل 60%

[المـهـفـة والـســفـرة]

ههههههه ،،

كلمة لو تفتح أبواب الشيطان ،،

شكلك متملل وتحب تسولف بسوالف عفوية ههه،،
وماراح تنخطب الإبنيـــــة ههههه.
مادري شفيني اليوم أضحك وايـد بدون حاسية ،، .:nice:

[meeemz]

مافي حد يقول بنتي مهرها كذا وكذا الريال هو اللي يحدد وهو اللي يعطي ومراات ام المعرس تكون السبب في غلاء المهور لانها تبي تسوي كل شي
هالاشياء بدو فيها الاغنياء يعني المعرس يتكفل باشياء وااايد الى جانب المهر ..والناس قلدوهم وفيه اشياء خذناها من برع مثل انه القاعه تكون على اهل المعرس بس الفرق انه المهر عندهم يكون بسييط والمصيبه الكبرى انه قاعاتنا غاااليه و والمهر غااالي
قبل العروس تدفع من مهرها لاشياء وايد الحين المعرس يدفع معظم الاشياء

[خزامئ]

هلا
كلامي موجه لرجال
انا ضد كل شي يزيد عن حده
بس كم اتم سيارتك عندك من سنه؟؟؟؟؟؟؟؟؟
واذا جيت بتشتري سياره كم بيكون سعرها
انا اتكلم عن الي يشترون تيوتا الي هم الوصط مش الي يشترون المرسيدس و
والا الي يشترون الكوريه او الهنديه
اقل شي مع البنك 250 الف والا انت متخصرها فيها بلعكس بتكون مبصوط انك شريت سياره

عجل ليش اذا الواحد جاء يتزوج ماخلاء شكواء ولا كلام عن غلاء المهور
والواحد اذا توفق في الاختيار الزوجه تمت معه طول عمره وجابت له الذريه الصالحه
ترا انا ضد المهور الغاليه بس انقهر من الشباب

[ام ناصر1]

صج لاتفتح عيونهم ...ترى بجعل مهر المرأة عالي وغالي ...لن يصل له الشاب الفقير العفيف
وبنفتح باب ماودنا نفتحه على المرأة القطرية..وان تم فتحه مابيتسكر ....منافسة الاجنبية لها في قلة المهر
ومب كل شباب قطر ...احوالهم المادية تساعدهم على فتح بيت ...فيه من يصرف على هله
وفيه الي قايم على امه الارملة وخواته الصغار ...وفي ...وفي ...فاتقوا الله في شباب وبنات قطر

[شـرشبيـل]

تمنيت ما يكون في زيادة شاملة للجميع
تمنيت بكون تعديل لبعض الناس فقط
تمنيت حماية. للمستهلك.
تمنيت ضبط المتلاعبين من الشركات
تمنيت قرار الزيادة ما يكون قرار سياسي
تمنيت وتمنيت وتمنيت الخ ........

[Rashid554]

هلا
كلامي موجه لرجال
انا ضد كل شي يزيد عن حده
بس كم اتم سيارتك عندك من سنه؟؟؟؟؟؟؟؟؟
واذا جيت بتشتري سياره كم بيكون سعرها
انا اتكلم عن الي يشترون تيوتا الي هم الوصط مش الي يشترون المرسيدس و
والا الي يشترون الكوريه او الهنديه
اقل شي مع البنك 250 الف والا انت متخصرها فيها بلعكس بتكون مبصوط انك شريت سياره

عجل ليش اذا الواحد جاء يتزوج ماخلاء شكواء ولا كلام عن غلاء المهور
والواحد اذا توفق في الاختيار الزوجه تمت معه طول عمره وجابت له الذريه الصالحه
ترا انا ضد المهور الغاليه بس انقهر من الشباب

السياره الي بـ 200 و 250 الف بتتم معاه على الاقل 4 سنين وعليها تأمين لو صار لها حادث او تكنسلت وبتتم معاي وبتتصلح لو صار لها شي
لكن العروس الي مهرها بـ 200 الف ماعليها تامين لو تطلقت بتحمل باقي الاقساط ( النفقه ، مصاريف العيال ، اقساط بيتها

[البحار00]

يقولون الواحد يشتري راحته بالفلوس

لكن في الزواج يشتري تعاسته بالفلووووووس

مع احترامي للحريم

[ام رويشد]

انتوا ليش حاطين في بالكم بس المهر .....المهر امره هين لو فرضنا يعني 100 الف يله مقدور عليها

حفلة الخطوبة اللي مالها داعي خساير عالفاااضي

وتكاليف العرس هي اللي تقص الظهر...من حجز قاعه وتصوير و.....و......

[وطن]

لا حول ولا قوة الا بالله

الرسول عليه الصلاة والسلام قال من ترضون دينه وخلقه

المهر هديه من الزوج لزوجته
على قدر استطاعته
مو اهلها اللي يحددونه

هو وقدرته

العملية مو بيع وشراء
والبنت مب سلعه تنباع للي يدفع اكثر

[بوطويشم]

السلام عليكم

ولي ما شملتهم الزياده :)

شوف من وجهة نظري ارتفاع المهور اغلبه حق فشخره وكلام فاضي

البنت لازم تكون صاحبة القرار في هالحظة مب الأب ولا الأم الي يحددون المهر

لان

البنت لو صج تبغي اتزوج مراح تطلب مهر مرتفع

واستغرب اذا احد قارن سيارة ببنت فالبنت مب سلعة تباع وتشترى

و بالتوفيق للجميع

[همسه]

اهل البنت ما يفنون يخلونها على الشيمه

المعرس و مايدفع

هي مب سلعه و مسعرينها عيب هالكلام عن العرب

البنت غاليه عند اهلها يعني مهما يدفع مبالغ سواء قليل او كثير هذي هديه من الرجال لمرته مب معناه هذا ثمن العروس لأنها عندهم اغلى من كنوز الدنيا كلها

ومالها علاقه الزياده في الراتب بزياده المهور الا عند الناس الطماعين اللي ما شافو خير

[ريتويت]

اخي الكريم:

كل شي نفس ماعليه ماتغير شي

[بنت حواء]

المهور مازادت...
اللي زاد هو الفشخرة والهياط اللي على غير سنع...
حفله خطوبه { قاعه فندق ولا خيمه ولا حوش بيتهم حتى+ بوفيه+ ضيافه شامله عاملات وحلويات ومقبلات ومشروبات +
تصوير+ دي جي+ تجهيز طاولات وكراسي ومسرح للرقص}

حفله ملكه { نفس المذكور اعلاه بس بزياده عدد كل شي خل نقول بنسبه 60٪ }

حفل الزواج{ تتضمن ما ذكر اعلاه بزيادة النسبه 120٪ + طقاقات + وحدة ماادري وش يسمونها
بس مهمتها تحمس الحريم على الرقص o.O +
مبلغ مالي وقدره ولازم يكون كاش... الفايده منه مسحه على رؤوس الحريم اللي يرقصون ثم رميه على الارض >_<

وعاد لا دخل المعرس .... اوووووه كل وحده تحلف انها فلوسها اكثر o_O....



الزبده:
المشكله مب بالمهر..... بالخبال الي بعد المهر

[فرحة ايامي]

لو...
العنوان الصحيح..قبله كلمة (لو)؟؟

*
*
،،
تسائل ولي امر..منصف..
احتار في امر ابنته..
فقد تقدم لها شاب..
باين انه (ينشرى)..و من عيلة طيبة..

فقرر انه ما يطلب عليه اي شي..
و يقول له..جاتك عطية ما من وراها جزية!

لكن..(الولية) قالت خاف ربك يا بو البنية..
هذي جوهرة تنشرى بالغالي و النفيس..
و تتلبس الالماس من راسها لين اصابع قدميها!!

قال..بس ..
قالت: لا بس و لا افكار تنظيرية..

لازم بنتي يكون مهرها..
اكثر من مهر بنت جارتنا "نوريّة"..

خاصة انها بتتزودج بعد المكرمة الاميرية..
و الولد اكيد زاد معاشه هو و ابوه و يمكن امه
اذا كانت مدرسة او مديرة في شركة (عقارية)!!
*
*
،،
احتار الاب..
و قال..ليتنا من القومية الهندية
او حتى بقية العالم..اللي الزوجة و ابوها
هم اللي يدفعون المهر!! بس احنا في زمان
الابو لازم يحط بنته و يقول (بكم اقول) هالبنت العروس؟؟
*
*
،،
فالحين السؤال..
في تحديد المهور يا سيدات وسادة..
ايش هي الآلية؟؟

هل يعني..ننصحه..يزيد على وطر الاول..
60% ان كان الزوج مدني..
و لا 120% ان كان احد ضباط الشرطة او القوة العسكرية؟

و هل هذا بيكون قانوني و مسموح به
في ادارة حماية المستهلك .. القطرية؟؟

خل بناتهم يقعدون عندهم خل يغزون عليهم اللي زادوا المهر 60% كل تكاليف البنت السعودية ما يوصل 60 ألف ريال يحدون عيالنا يروحون السعودية الصراحة الزواج في قطر بالكثير يوصل المليون مع تجهيز البيت.

[غايه الطواش]

اخوي الي اعرفه ..وعند الناس الي تعرف السنع وتشتري الريال

يخلون المهر فالشيمه ...على الاقل انا اتكلم من المحيط الي حولي ..ماسمعت..ان بيت فلان قالوا يبون مهر معين ..والي اعرفه ان المهر هو الريال الي يقوله ....
ثاني شي حتى لو المهر 100 الف ماشوفه وايد...
لما تتكلون عن العرس تضنون ان العرس بس مهر ..المهر امره هين ومقدور عليه ..
لكن التكاليف الثانيه الي مهب بيد ابو ابنت القاعه..والذباح ..والتجهيزات ...هاي خاضعه لسعر السوق...
ثاني شي والي انا استغرب منه ....
يعني واحد يبي يدفع مهر 40 الف يروح يخطب عند ناس مهور بنتاهم 100 و150 ليش؟؟؟
مد رجيلك على قد لحافك ...بس امدحوا البنت واهلها ..خلاص بتروح تخطب حسبالك انت (لؤطه وكلن يبيك)
الي مهب كفو ام 200 الف لايروح يخطب عندهم والي عنده 200 الف لايروح يخطب عند ام 400 الف ....
كلن يروح يخطب من عند ناس في نفس مستواه ..هم الي بقدرون ..

واعتقد ان الريال مهب ملزوم يدفع مصاريف مايقدر عليها او مايقدر يتحملها ....
والي يبي يتجمل جدام نسباه ..من جيبه الخاص وتكا ليف تقص الظهر اعتقد محد اجبره ..كل ريال عقله براسه ...
وبنات وايد من هل قطر يدورون الستر والقناعه ...

ارجع واقول المهر مهب مشكله ....وفالاخير القرار يبد الريال يا نه يقبل الشروط المزعومه....او الوجه من الوجه ابيض
بقولك سالفه صاحبتي توها معرسه ماكلمت شهر ...

راحت محل تجهيز افراح سعره رخيص ...اتصل فيها ريلها وقالها طلعي من المحل خواتي يقولون روحي المحل الفلاني ولاتروحين غيره صاحبته رفيجتهم وهو محل راقي وبسون لي خصم ...
راحت المحل الي لزموا عليها فيه وطلعت تجهيزات العرس فوق ال 100 الف وخوات المعرس يقولون عادي هاي هي الاسعار والمعرس يرد يتصل في رفيجتي يقولها خليتني ادفع فوق طاقتي قالت له انتو الي جبرتوني اروح هالمحل قال شاسوي مع خواتي مع ان المحل الي راحته اول شي شغله احلى وارخص بوايد بس ماعجب برستيج هل المعرس ... لانه من محلات الغرافه العاديه
يعني مهب كل شي على هل العروس

[همسه]

غايه الطواش

كلامج صحيح مانخبر العرب اللي فيهم خير يفنون مهر لبنتهم دايم هالشي حدده المعرس

و المشكله مب في المهر المشكله في تكاليف العرس وهذا الشي لا العروس ولا اهلها لهم ذنب فيه لانه على المعرس و اهله وهم اللي يختارون هي شذنبها

:)

[همسه]

خل بناتهم يقعدون عندهم خل يغزون عليهم اللي زادوا المهر 60% كل تكاليف البنت السعودية ما يوصل 60 ألف ريال يحدون عيالنا يروحون السعودية الصراحة الزواج في قطر بالكثير يوصل المليون مع تجهيز البيت.



هذي نصيحتج للشباب يخلون بنات ديرتهم و يروحون للسعوديه ؟؟

انتي قطريه ؟؟

اذا انتي قطريه فعلا استغرب تحريضج للشباب انهم يتركون القطريات ويتزوجون من برا

الله يهديج

آمين يارب

[cavok]

الله يستر عليهم يا رب

[سيف الحرية]

الرجل يبث عن المرأة الصالحة المتدينة والمطيعة بالمعروف والجميلة والمؤدبة والودودة..
وأتصور أن هذه النوعية موجودة في كل مكان وعلى أختلاف بالنسبة والاكثر وجوداً لهم في ارياف سوريا وبالتحديد حماه وحمص ...
أسال الله أن يتم تسهيل موافقات الزواج من الخارج ...
المواصفات المشار إليها هي طلبات الرجال الصالحين ...

[همسه]

ما شاء الله طلبات الرجال الصالحين موجوده و بكثره انتبهو بكثره في ارياف سوريا وتحديدا حماه و حمص

خوش دعايه

والاخ من وين في سوريا

:)

[ام ناصر1]

الرجل يبث عن المرأة الصالحة المتدينة والمطيعة بالمعروف والجميلة والمؤدبة والودودة..
وأتصور أن هذه النوعية موجودة في كل مكان وعلى أختلاف بالنسبة والاكثر وجوداً لهم في ارياف سوريا وبالتحديد حماه وحمص ...
أسال الله أن يتم تسهيل موافقات الزواج من الخارج ...
المواصفات المشار إليها هي طلبات الرجال الصالحين ...
:funny:
وليش ماعندهن رجال بسوريا ...ياحيف على هيك شوارب

والحمد لله بناتنا ماعليهن قصروا بس انت اطلع منها :playball:

[وطن]

الرجل يبث عن المرأة الصالحة المتدينة والمطيعة بالمعروف والجميلة والمؤدبة والودودة..
وأتصور أن هذه النوعية موجودة في كل مكان وعلى أختلاف بالنسبة والاكثر وجوداً لهم في ارياف سوريا وبالتحديد حماه وحمص ...
أسال الله أن يتم تسهيل موافقات الزواج من الخارج ...
المواصفات المشار إليها هي طلبات الرجال الصالحين ...

على خير ان شاء الله

الا صحيح بسألك يا سيف الحرية
رجالكم ما يبون بناتكم ولا شالسالفة؟؟

[سفير الدوحة]

على قولته الرجال ينشري ،، يسوي نفس الاصول
يقول له المهر ريال
وهو (المعرس) يحدد اللي بخاطره ،، الهدف من الزواج الستر وليس المباهاه

[عابر سبيل]

ثاني شي والي انا استغرب منه ....
يعني واحد يبي يدفع مهر 40 الف يروح يخطب عند ناس مهور بنتاهم 100 و150 ليش؟؟؟
مد رجيلك على قد لحافك ...بس امدحوا البنت واهلها ..خلاص بتروح تخطب حسبالك انت (لؤطه وكلن يبيك)
الي مهب كفو ام 200 الف لايروح يخطب عندهم والي عنده 200 الف لايروح يخطب عند ام 400 الف ....
كلن يروح يخطب من عند ناس في نفس مستواه ..هم الي بقدرون ..




()؟؟

*
*
،،
فالحين السؤال..
في تحديد المهور يا سيدات وسادة..
ايش هي الآلية؟؟

.. ؟؟

هل من مجيب...

يعني..شمعنا ..و من كلامج..
ناس "مهور" بناتهم 40 و ناس يكون 5 أضعاف الاربعين الف؟؟!!

طيب ما راح نقول ليش موب الكل يوزهم ال 40 الف..
بس ليش موب الكل 200 الف على ما تذكرين؟؟

[رمادي]

هناك عوامل تدفع الانسان ان يدفع مبالغ دون ان يحسب اي حساب ..

الشاب لو احب فتاة يتم استغلاله فيدفع اي مهر لقاء الحصول على الحبيبه ..

وهناك شاب يفكر تفكير تجاري فيدفع على قدر ما يجني .. فيكون المهر متناسب طرديا
مع مقدار راتب الخطيبه ..فكلما زاد راتبها زاد المهر .

وهناك رجل صاحب خلق ودين يبحث عن فتاة مثله تعفه ويعفها .. ولم يحدد احد المهر
ولكن البركه بالقليل ..

[العنيده]

اللي يزيد المهر يتحمل النتيجة الواحد في هالوقت يحمد ربه اذا لقى الشخص المناسب
الستر والعفاف للشباب المطلب الأهم ومثل مانلاقي اللي رفع المهر نلاقي ناس تبغي الستر بس المشكله الكلام شمل الكل

[فرحة ايامي]

هناك عوامل تدفع الانسان ان يدفع مبالغ دون ان يحسب اي حساب ..

الشاب لو احب فتاة يتم استغلاله فيدفع اي مهر لقاء الحصول على الحبيبه ..

وهناك شاب يفكر تفكير تجاري فيدفع على قدر ما يجني .. فيكون المهر متناسب طرديا
مع مقدار راتب الخطيبه ..فكلما زاد راتبها زاد المهر .

وهناك رجل صاحب خلق ودين يبحث عن فتاة مثله تعفه ويعفها .. ولم يحدد احد المهر
ولكن البركه بالقليل ..

صدقت رمادي

لكن من هو الذي يقتدي بهذه المقولة..؟

[العنيده]

الرجل يبث عن المرأة الصالحة المتدينة والمطيعة بالمعروف والجميلة والمؤدبة والودودة..
وأتصور أن هذه النوعية موجودة في كل مكان وعلى أختلاف بالنسبة والاكثر وجوداً لهم في ارياف سوريا وبالتحديد حماه وحمص ...
أسال الله أن يتم تسهيل موافقات الزواج من الخارج ...
المواصفات المشار إليها هي طلبات الرجال الصالحين ...

موفق محد منعك يالله يرزقك بالذريه الصالحه يارب وشكلك عارف المكان عدل :con2: زواجك ماراح يتعطل ان شاء الله
اهم شي طلبات الرجال الصالحين تعرفهم عدل الله يجزيك خيرر :telephone::telephone:*

[الـخـالـدي]

العقل نعمه مب زينه .. اظن مايرفع سعر المهر الا ناقص دين و عقل الا اذا كان المعرس مستحب

للعلم ان في ناس تزوج عيالها بـ 30 و 40 الف ..

[غايه الطواش]

هل من مجيب...

يعني..شمعنا ..و من كلامج..
ناس "مهور" بناتهم 40 و ناس يكون 5 أضعاف الاربعين الف؟؟!!

طيب ما راح نقول ليش موب الكل يوزهم ال 40 الف..
بس ليش موب الكل 200 الف على ما تذكرين؟؟

الاليه الي تحدد هي ...
المستوى الاقتصادي لاهل البنت المراد خطبتها ....

يعني اخوي بالعقل انت بتروح تخطب عن ناس مستواهم الاقتصادي جدا عالي وبتقول بعطي بنتكم مهر 40 الف ؟؟ حتى انت بتستحي:shy:

هل المرسدس الـ c
نفس المرسدس الـ S

امزح لحد ياخذها على محمل الجد طبعا لا :nice:

[نور الزين]

عيل ليش الرجل يطمعون في فلوس البنت
مثل
شوفوا لما يجيكم رجل حق اختك او بنتك
قوله بثلاثين الف و العرس علينا
وقول حق بنتك ساعدي زوجك حتى في زواجه لانك سوف تسعدي الناس
و حتى لو اظلم و اجرك على الله
مب صح شي ارخص من سوريا والبلاد المجاوره

[وطن]

الاليه الي تحدد هي ...
المستوى الاقتصادي لاهل البنت المراد خطبتها ....

يعني اخوي بالعقل انت بتروح تخطب عن ناس مستواهم الاقتصادي جدا عالي وبتقول بعطي بنتكم مهر 40 الف ؟؟ حتى انت بتستحي:shy:

هل المرسدس الـ c
نفس المرسدس الـ s

امزح لحد ياخذها على محمل الجد طبعا لا :nice:

غاية الطواش
نقطة ان اللي مهورهم 200 الف ليش يخطب منهم وهو قدرته مهر 40 الف انا ما اتفق فيج معاها

مافي شي يمنعه
ولا في شي يمنع اهل البنت لو مستواهم الاقتصادي عالي ان يرفضون الواحد لان ما عنده يدفع مهر 200 او 300 او اكثر
في ناس يشترون الرجال مب فلوسه
والمهر عمره ما يدل على قيمة البنت

اللي بيعطيها مهر 20 ولا 40 الف
اكيد انه بيحط الباقي حق مستقبلهم في بيت واشياء ثانية مهمه


يعني عشان انا عندي مرسيدس وهو كروزر ما راح اوافق مثلا ;)

[عابر سبيل]

الاليه الي تحدد هي ...
المستوى الاقتصادي لاهل البنت المراد خطبتها ....

يعني اخوي بالعقل انت بتروح تخطب عن ناس مستواهم الاقتصادي جدا عالي وبتقول بعطي بنتكم مهر 40 الف ؟؟ حتى انت بتستحي:shy:

هل المرسدس الـ c
نفس المرسدس الـ s

امزح لحد ياخذها على محمل الجد طبعا لا :nice:


يعني انتي تأكدين انها معاملة مساومة..
او تبادل تجاري!!؟؟

اجل انتي تأيدين زيادة ال 60%!!؟؟ بشكل ضمني!!

فاللي كانوا يطلبون 40 الحين ..و بناءا على المنطق
اللي تفضلتي به..لازم يطلبون 60-70

و اللي كانوا يطلبون 150...الحين موب غلط لو اطلبوا 240 الف

اما اللي كانوا يطلبون 200 الف..
فما راح يقدر يناسبهم اي موظف مدني/عادي..
الا ان كان ضابط عسكري..و لا زم يدفع ع الاقل 440 ألف!!؟؟

موب انتي ربطتي المسألة بالمستوى الاقتصادي..
للمخطووووبة (و اهلها)؟؟ هذا ان كانوا موظفين..
اما لو تجار..فالمسألة بيكون لها حسبة من ميزان ثاني..

[غايه الطواش]

غاية الطواش
نقطة ان اللي مهورهم 200 الف ليش يخطب منهم وهو قدرته مهر 40 الف انا ما اتفق فيج معاها

مافي شي يمنعه
ولا في شي يمنع اهل البنت لو مستواهم الاقتصادي عالي ان يرفضون الواحد لان ما عنده يدفع مهر 200 او 300 او اكثر
في ناس يشترون الرجال مب فلوسه
والمهر عمره ما يدل على قيمة البنت

اللي بيعطيها مهر 20 ولا 40 الف
اكيد انه بيحط الباقي حق مستقبلهم في بيت واشياء ثانية مهمه


يعني عشان انا عندي مرسيدس وهو كروزر ما راح اوافق مثلا ;)

وطن الزواج مو بس مهر هناك امور اخرى ومن ضمنها التكافي المادي ...

يمكن فالبدايه مايبين بس صعب ببنت عايشه في مستوى اقتصادي عالي وتتزوج واحد بمستوى اقل بوايد منها راح تتعب نفسيا

[غايه الطواش]

يعني انتي تأكدين انها معاملة مساومة..
او تبادل تجاري!!؟؟

اجل انتي تأيدين زيادة ال 60%!!؟؟ بشكل ضمني!!

فاللي كانوا يطلبون 40 الحين ..و بناءا على المنطق
اللي تفضلتي به..لازم يطلبون 60-70

و اللي كانوا يطلبون 150...الحين موب غلط لو اطلبوا 240 الف

اما اللي كانوا يطلبون 200 الف..
فما راح يقدر يناسبهم اي موظف مدني/عادي..
الا ان كان ضابط عسكري..و لا زم يدفع ع الاقل 440 ألف!!؟؟

موب انتي ربطتي المسألة بالمستوى الاقتصادي..
للمخطووووبة (و اهلها)؟؟ هذا ان كانوا موظفين..
اما لو تجار..فالمسألة بيكون لها حسبة من ميزان ثاني..

لا اخوي الكريم يا انا وصلت المعلومه غلط او انت مافهمتني ...

الي اقصده ان الي اصلا مهورهم عاليه تلقاها في الغالب من مستوى اقتصادي زين وماله خص بالراتب
المساله مو مساله تجاريه ...
مساله مساله حاله اجتماعيه ...
يعني الي اقوله كلن يخطب وحده تناسب امكانياته الماديه ..على اساس بكره تعيش في نفس مستواه ...مو ينرهق بكره مصاريفها وطلباتها الي كانت تحصل عليها بسهوله في بيت ابوها وتلقاها بشق الانفس عند زوجها ....

[AL ZUBARAH]

متى موسم التنزيلات في المهور؟

[جان دارك]

السلام عليكم

الغالي مهره غالي وسلامتكم

نظرتي الشخصية

[الوسيط العقاري]

لازم نشتكي لحماية المستهلك خخخخخخخ

:)

[سارا البدر]

لازم هالنظريه ماتتعم على كل بنات قطر
اختي ملكت من شهر مهرها 70 الف ومافي عرس
والمهر مافيه تقليل لا للبنت ولا للولد

ماقلت هالكلام لغرض الله يشهد اني قلته
علشان الكل يعرف ان البنات وايد اللي يبون الستر
واهل البنت مايكون لهم ذنب في وايد امور

الله يوفق الجميع :)

[عازف العود]

ياكثر البنات اللي طايحين في جبد اهلهم في قطر يتمنون حد يتقدم لهم مافي امل الشباب القطري واعي وقام يتزوج من الخارج لانه الزواج من القطريه اصبح يترتب عليه مصاريف وعوار راس وايجار مسكن واقساط للبنك

[اسباير]

زيدوا مهورهم ياابهات وطيحوهم في جبودكم ماتدري عالبنيه باجر لي اكبرت اهي بتقط نفسها وبتقول خذني وانا بصرف على نفسي بس اتكون وياي والسبة ابوها يبي فيها غالي جنها زيارة لامبرجيني والا رولزرايز خيسوهم في زمن البنات جريئات الله يستر عليهم بس باجر ترفع عليكم قضيه شنسوي حريه لا

[ام ناصر1]

ياكثر البنات اللي طايحين في جبد اهلهم في قطر يتمنون حد يتقدم لهم مافي امل الشباب القطري واعي وقام يتزوج من الخارج لانه الزواج من القطريه اصبح يترتب عليه مصاريف وعوار راس وايجار مسكن واقساط للبنك

اممم ..الي يدورون النسب الصح عليكم بالقطرية ...بكره يعيرون ولدك بامه
وبيقولون له أنت اصيل والا فصيل ...:omen2:
وليتأكد الكل أن اول خيار للشباب القطري هم القطريات إذا ماتوفقوا ساعتها يقولون خلاص
نبي نتزوج وبناخذ اي وحده ...وكانا ثالث شاب نزوجه بعايلتنا و الله ثم والله ماسمعت واحد منهم يقول
احنا نبي نريح راسنا ... او بندور برع وغيره من الكلام المدسوس
الا شددوا على أنها تكون قطرية واصيلة ...ومب قطرية مكس بعد ، الا في حالات استثنائية طيب السمعة والخلق والجمال ومرتاحة ماديا
ويعدون الشباب عندنا ... اليمن والخليجين فقط هم المقبلوين بالمكس...والباقي السموحة

[ريتويت]

الوحده هالوقت تتمني تلقي رجال بالفعل بمعني الكلمه يحافظ عليها ويصونها .. المهر مايهم

[المسك1969]

لين الحين ياعابر بعد ماحصلت إجابة على سؤالك من كل اللي شاركوا في الموضوع وأبدوا أرائهم:secret:

[همسه]

زيدوا مهورهم ياابهات وطيحوهم في جبودكم ماتدري عالبنيه باجر لي اكبرت اهي بتقط نفسها وبتقول خذني وانا بصرف على نفسي بس اتكون وياي والسبة ابوها يبي فيها غالي جنها زيارة لامبرجيني والا رولزرايز خيسوهم في زمن البنات جريئات الله يستر عليهم بس باجر ترفع عليكم قضيه شنسوي حريه لا




ليتك تمسي بس لا

:)

[alma3ani]

بنسبة لي اشوف الموضوع من جهه ثانية

طبعا المهور لها عوامل كثيره منها الحاله الاجتماعية للبنت واهلها ونفس الي للشاب واهله

بنسبة لعرف اهل قطر فمعروف انهم ما يفنون او يامرون بمهر معين ممكن يقولون نبي بيت للبنت ابروحها وهذي صارة واتوقع هذا من حق البنت وهو المسكن الخاص فيها

وبنسبة للمهر فرجال وشيمته واكيد معروفه ان في عوايل مهورهم اعلى من عوايل ثانية وهشي يرجع للاصل والفصل والحاله الاجتماعية انا ما ابي اكون عنصري بس هشي موجود فعلا

ويولك حلات الثوب رقعته منه وفيه والواحد دامه يبي يتزوج لازم يسال عنالبنت واهلها قبل لا يقعد يقول والله هذي مهرها غالي ولا رخيص وبعدها يتاكد ويسال كم بلعاده يدفعون المهر ويشوف قدرته

ومن غير ان اساسا اهل البنت مايخصهم بلعرس لان المعرس هو الي عليه كل شي وهو الي يتحمل

والمهر من حق البنت اتجهز فيه وياما بنات يتجهزون لهم ولبيتهم الي بيسكنون فيه بعد

وصدقني حتى الاباء يدفعون بعد تدري ليش لان كل شي غلى وصار المهر مايكفي شي

تدري في حركة بدة اتصير وهي ان اهل المعرس يقولون لاهل العروس بنعطيكم المهر وبنعطيكم تكاليف الحفله وانتو سوها على ذوقكم ودايم العذر يكون لانهم مو فاضين

واتحصل يجيهم المهر مثلا قول 100 الف ريال ويجيك الحلفه مثلا 100 الف ريال

واترح البنت علشان اتجهز حفلتها وتنصدم بالاسعار وهشي صار عند ناس اعرفهم

العرس كلفهم قريب ال 300 الف ريال يعني تخيل مهر البنت مع فلوس العشى مع الي ساعدها فيه ابوها راح كله ومع ذالك رد ابوها يعطيعا مبلغ اتجهز فيه

لان لمى اتصير القاعه ب 100 الف ريال واتصير الكوشه ب 20 و30 الف ريال والبوفيه 50 الف ريال والضيافه 10 الاف ريال وتزين الطاولات بكلف قول 40 او 50 الف ريال وعندك الشوكلاته والحلويات بتكلف 15 الف ريال وعندك فستان العروس اقل شي بكلف 20 الف ريال وعندك الفرقه بتكلف اقل شي 20 الف ريال بطقات العرس بتكلف بعد على حسب وعدد المعازيم بس بعد مبلغ وهاي كله وتخيل بعد العرس اهل المعرس ما عجبهم العرس ويتكلمون يقولون والله احنا دفعنا 200 الف ومع ذالك ماشفنا شي

فتخيل اشلون الوضع يصير انا مالوم البنات الي اتزيد في امهورهم لان فعلا الحياة غالية

وانصحهم الصراحه ما يتدخلون لا بلعرس ولا بلويت العرس لان اي شي بصير فيه بيطلعون وكانهم مقصرين او اذا سوو شي غالي وكان على المعرس وكانهم طمعانين

يقولون لاهل المعرس هذا عرس ولدكم وتكفلو فيه احنا ماعلينا لاا البنت بشنطتها وانا هذا افضل شي يسونه علشان مايقولون امهور غالية ولا غه وخل المعرس يروح لسوق ويشوف العرس كم يكلف

انا تكلم عن موقف صغير لان الكل يحط اللوم ان اهل البنت يبالغون في المهر ومايحطون في بالهم ان ايام قبل لو كانت المهور اشوي بس الاعراس كانت بلبيت ومايبيلها قاعه ولا كشه ولا غيره لهشي كان مافي مصاريف والمهور اشوي بس الحين الدنيا تغيرت

وبنهاية كل واحد ياخذ من مواخيذه لان محد يفكر بلمهر كثر مايفكرون بلريال باخلاقه ودينه واهله

[بـــــــنت النوخـّــــذه]

الفلوس اتروح وتجي00 في اشياء أهم

[عابر سبيل]

الاخت/ غاية الطواش..
لا ي ااختي..انا مثل (بن علي)..
فاهمكم فاهمكم...
بس يبدوا اني
على قوة (اختج) المسك..
صعّبت "المسألة" على البعض منكم!





لين الحين ياعابر بعد ماحصلت إجابة على سؤالك من كل اللي شاركوا في الموضوع وأبدوا أرائهم:secret:

من طق هالباب..جاه هالجواب


لازم نشتكي لحماية المستهلك خخخخخخخ

:)

*
*
،،
هل ممكن نقترح آلية جديدة..
مع انه لا توجد في المسألة الا "المزاجية"
او عادات "غير موروثة" بل أوهام بالية و مصطنعة..
ما انزل الله بها من سلطان
و لا حكم بمثلها الحكام!
*
*
،،
في الخليج ناس من (الاسر الحاكمة)
نعرف عن اطلاع .. انه ما توصل مواصيل اعراسهم
للبذخ و "الفنتك" اللي ابتدعه غيرهم...

فمن اللي على راسه ريشة..
لوبنتكلم بمنطق (جدلي)..

و من يعانون من عقدة نقص
يطلعونها في اعراسهم..
الشباب (الزباي) قبل بنات (الشو)..حتى!!

[بوالبيض]

والله هل الراتب مادري علي شنو بيعطي اقساط السياره البيت فيزا بنوك معاش الخدامه الدريول
ااااااخ والله حاله

[سهاير]

((( والله ضمنت مستقبل بناتي ))))
يحط فلوسه حق زوجته احسن
((((؟؟؟؟؟؟؟؟؟؟؟؟؟)))

[المرسى الأخير]

لازم هالنظريه ماتتعم على كل بنات قطر
اختي ملكت من شهر مهرها 70 الف ومافي عرس
والمهر مافيه تقليل لا للبنت ولا للولد

ماقلت هالكلام لغرض الله يشهد اني قلته
علشان الكل يعرف ان البنات وايد اللي يبون الستر
واهل البنت مايكون لهم ذنب في وايد امور

الله يوفق الجميع :)


الف مبروك عزيزتي الله يوفقهم و يجمع بينهم على خير

انا مثل اختج تزوجت من كم سنة و كان مهري اقل منها بعد :victory:



و بالنسبة للي يقول المهر يعتمد على المستوى الاجتماعي للبنت او الولد

الحمدلله انا و زوجي ثنينا مستوياتنا الاجتماعيه زينة واهلنا عندهم خير و تجارة

بس مثل ما قالوا الاخوان و الاخوات ان المهر اخر شي يتم التفكير فيه لانه هدية للزوجه و اهل المعرس هم الي يحددون مو اهل العروس

اهم شي الاخلاق و الدين في الخاطب و الحمدلله هلي كانوا يدورون الرجال السنع الي يقدر يحافظ على بنتهم

الله يطول بعمره بو عيالي مو مقصر علينا بشي لا ماديا ولا معنويا معيشنا عيشة امراء :shy:



اتوقع ارتفاع المهور عند بعض العوائل لعدة اسباب:

* يعرفون الخاطب الجاد الي يدور الستر من اللعاب المستهتر
* العرف الاجتماعي السائد عندهم
* وسيلة تخلي بس الاسر الي تماثل مستواهم الاجتماعي هي الي تتناسب معاهم
* بنتهم غالية عليهم ما يتخلون عنها برخيص
* متطلبات و تكاليف تجهيز العروس في الوقت الحالي و اذا العرس على اهل العروس الله يعين بعد :secret:



وبلأخير الله يعين بعض البنات على شروط اهاليهم و الله يعين بعض البنات على نفوسهم


تسلم اخوي عابر عالموضوع

[العنيده]

ليتك تمسي بس لا

:)

هههههههههههههههههههههههههههههههههههههههههههههههه حبيت الرد

[بوحارب]

يعني اللي تزوج الثانية قبل الزيادة استفاد على الأقل مازاد السعر عليه 60% هههههههههههههههه

[R 7 A L]

البلى من بعض الامهات
لو يطلعون من السالفة ويهتمون بامور اخرى لبناتهم يكون احسن
بس الطمع الله يكفينا شره

[سارونه]

موضوع شيق :)

الحين نسبة العوانس بقطر 80% وبعد كم شهر بيصيرون 100% من المهور المبالغ فيها ..

انا مو مع الي يزيدون بالمهور (العقل زين) (( ان يكونوا فقراء يغنهم الله من فقرهم )) ..

[طموحي عالي]

انا اقول في بنات واجد يبون الستر
واذا تشتغل تدفع من جيبها وتسوي اللي بخاطرها
واذا ماتشتغل تسوي الشي اللي على قدها

من ناحيتي المهور ماكثرت ولا ارتفعت مع الزياده واللي تطلب فوق 100 الف ذي بطرانه وداشه على طمع او تبي تفوشر

اعرف ناس لو الرجال يعطي بناتهم 100 يردون الباقي وياخذون 60 او 70 الف