سحابه سوداء في سما الدوحه .. اللهم اجعله خير

[شموع قطريه]

اشوف سحابة دخان كثيف غطت سما قطر وماعرفنا من وين مصدرها .. حد يعرف شالسالفه ياجماعه ؟؟

[البارع]

الله يحفظ البلاد والعباد

[قطر دزاين]

اي والله سحابه كبيره شكله حريق كبير

[إلا..إذا]

مهب غيم؟

[المهندس عبدالعزيز]

http://desmond.yfrog.com/Himg860/scaled.php?tn=0&server=860&filename=ywqpw.jpg&xsize=640&ysize=640


حريف في منطقة مخلفات

[أخت التفاؤل]

وأنا أقول شسالفة .. السما صحوة جزء منها والجزء الثاني شمس
والجزء الثالث غيمه سوده

http://www.majaless.com/up/get-11-2011-kht5jzu9.jpg

[قطر دزاين]

مخلين مخلفات ها التواير في العاصمه او قريب منها وهي معروفه دخانها كثيف الله يعين اللي فيهم حساسيه وربو

[ملاك]

لا حول ولا قوه الا بالله

من مسؤول عن هالتخلف؟

[الماريّة]

الحمدالله

وانا مستانسه حسبته غيم هههه

[ريتويت]

الله يستر

[almaf1a]

عاد البعض من يشوف حمامه سوده والا قطو اسود قام يتنافض
ما استغرب الهلع من هل السحابه

[غير عنهم]

اذ كان حريق مخلفات ماعندهم سالفه حطينه بالقرب من منطقة الدوحه ((تلوث الجو عدل بعد المطر))

[الوسيط العقاري]

بأختصار هذي سحابة دخانية ناتجة عن حريق الإطارات المهملة القديمة بروضه راشد وتوني جاي من هناك والحريق احسه بفعل فاعل

[بن موسى]

هذي جريمة في حق البيئه والصحة العامة


والاطارات لاتحرق بهذا الشكل

[Class]

http://forums.5ligi.com/imgcache/838f7c66ce05d21a6e9a86ba0c89a389.gif

عند رؤية السحاب ونزول [ المطر ] :

عن عائشة أن النبي صلى الله عليه وسلم: كان إذا رأى ناشئا في أفق
السماء ترك العمل وإن كان في صلاة ثم يقول (اللهم إني أعوذ بك من شرها) .
فإن مطر قال اللهم صيبا هنيئا )، (أخرجه أبو داود و صححه: الألباني)

وعند البخاري في الأدب المفرد ( اللهم صيبًا نافعًا ) وعند البخاري ومسلم
( مطرنا بفضل الله ورحمته)
الناشئ : السحاب الذي لم يتكامل اجتماعه
الصيب : هو المطر الذي يجيء ماؤه

[ألعب بعيد]

http://forums.5ligi.com/imgcache/838f7c66ce05d21a6e9a86ba0c89a389.gif

عند رؤية السحاب ونزول [ المطر ] :

عن عائشة أن النبي صلى الله عليه وسلم: كان إذا رأى ناشئا في أفق
السماء ترك العمل وإن كان في صلاة ثم يقول (اللهم إني أعوذ بك من شرها) .
فإن مطر قال اللهم صيبا هنيئا )، (أخرجه أبو داود و صححه: الألباني)

وعند البخاري في الأدب المفرد ( اللهم صيبًا نافعًا ) وعند البخاري ومسلم
( مطرنا بفضل الله ورحمته)
الناشئ : السحاب الذي لم يتكامل اجتماعه
الصيب : هو المطر الذي يجيء ماؤه




اي مطر يبا

اخاف من هالسحابة تمطر بوالين عشان يطيح سوق ربعنا

[bohilal191]

غريبه هالحدث مانتشر في البلاك بيري ،الظاهر اي حدث ينتشر بسرعة البرق اعرفوا انه اشاعه واذا صار شيء كبير ومانتشر اعرفوا انه حقيقة

[وطن]

غريبه هالحدث مانتشر في البلاك بيري ،الظاهر اي حدث ينتشر بسرعة البرق اعرفوا انه اشاعه واذا صار شيء كبير ومانتشر اعرفوا انه حقيقة

امبلا وصل مسج حق ما بنكسر صابر
بس ما قالوا تواير

:secret:

[Class]

اي مطر يبا

اخاف من هالسحابة تمطر بوالين عشان يطيح سوق ربعنا



أنا أتكلم بصفة عامة عن المطر وما يجب فعله كما فعله سيدنا سيد الخلق نبينا - صلى الله عليه وسلم

ولم أتحدث عن سحابة تواير محروقة

أتمنى أن المعلومة وصلت لك بشكل واضح

وبنفس الوقت أتمنى أن سحابة البوالين ما أثرت على إستيعابك !

[عليه العوض]

الحمد لله الي طلع حريق مخلفات تواير فكرة حريق شي مهم الله يلطف بس ما عنده سالفه الي احرق
هالتواير كان صدرهم الى بلدان تعيد صناعتهم

[فيروزه]

ايش قصة حريق امس الساعة اربعة صوب المركز

[Qtr Denver]

مرحبا

اللي اعرفه ان حارقين البواليين المستعمله

[ملك المشاعر]

حرق التواير جريمه في حق البيئه:telephone:

[خبير أقتصادي]

وزارة البيئه مستحيل توافق على حرق الاطارات بهذا الشكل اكيد الحريق غير مقصود

الحريق اذا كان غير مقصود فيدل على ان المخلفات غير مرتبه بشكل صحيح و آمن و على وزارة البيئه متابعه مثل هذة المواقع

[وحيد-الشوق]

سبحان الله ووصلت عندنا الوكرة :rolleyes2:

وانا كنت احسبها غيمة وقلت يمكن ينزل مطر

[كازانوفا]

وانا قاعده انتظر متى بتمطر هههه
بس من المسؤل وليش ما في مكان يتم حرق هالمخلفات بمكان بعيد ما يضر البشر ؟؟؟؟؟

[بوذياب]

هذي حريق في روضة راشد
صوب الكساره
صارلها من امس الصباح
واليوم توني قبل شوي مريت عليها ساعه 8 ونص الصباح وللحين شغاله
والظاهر انها بتم ايام لان كمية المخلفات كبيره

[راسي براسك]

امس سوينا حفله حسبالنا غيم وبيجي مطر ,,


يجب على المسؤولين إيجاد الطرق لتفادي مثل هذي الحرائق ..

[Rashid554]

http://im19.gulfup.com/2011-11-12/1321092907871.gif

http://www.urstorm.com/ups/do.php?img=10176

http://hh7.an3m1.com/Sep/an3m1.com_13211404351.bmp

تم رصد دخان الحريق بالاقمار الصناعية بتلاحظون جزء اسود طالع من شرق قطر
الله اعلم صح او لا مادري

[مجنون زعلاتك]

الله المستعااان

[موووج قطر]

كلكم شفتوا السحابه السوده اللي مغطيه سما الدوحه
طبعا البعض عباله سحاب
لكن هي دخان جريق مولعينة المجلس الاعلى للبيئة وهو عباره عن حريق (تواير البالون) اللي تصادرت بعد إصدار قانون منع استيراد البالون بسبب عدم مطابقته لشروط المجلس الاعلى للبيئة ..




طبعاَ التاير إذا على الموتر يلوث البيئة أما أذا حرقوه في روضه راشد و غطى أكثر من نص قطر مايلوث البيئة ..


منقول من البلاك بيري ..

:)

الله المستعان ..

[القحطاني505]

:)
اي مطر يبا

اخاف من هالسحابة تمطر بوالين عشان يطيح سوق ربعنا

:)

[القحطاني505]

وين البيئة ما يخالفونهم

[الـخـالـدي]

لو مصدريهم لبلدان تسوي اعادة تصنيع التواير كان افضل من حرقها

[jeep-srt8]

لازم الي حرقهم يتحاااااسب الغيمة الي هي الت الحريق قعدت فوق الساعة ونص يعني كبيييرة

وهي بتضر اكيييد بالامازون وووووو

هذه طريقة لحرق التواير ؟؟؟؟ المفروض يروحون مصنع اعادة التدوير وهم يصرفونهم مو نحرق ونخرب البيئة

[الـجـنـاحـي]

لا حول ولا قوه الا بالله

[ابن قطر]

والله اطالب الحكومه بفتح تحقيق ونرى كيف حصل ذلك

اين الاتفاقيات التي وقعت من قبل وزارة البيئه والشراكات الدوليه وفي الاخير تصرف

فيه نحر للبيئه كلنا ضد البالون او الاغلبيه ولكن لا تدار العمليه بهذا السؤ

[هام السحاب]

الحين البيئه يحوطون الاراضي بحجه المحميات
يردون يحرقون تواير !!
ههههههههههه
الحمدلله والشكر