حج ياحاج مالك إلا الاجر

[هسلان]

السلام عليكم ورحمة الله وبركاته
عيدكم مبارك وحج مبرور إن شاء الله
الموضوع كما هو موضح في العنوان حج ياحاج مالك الا الاجر
كلمات نسمعها كثيراً في الحج وبالاخص من اصحاب الحملة والاداريين ويزيدون عليها كلمات اخرى مثل الحج جهاد والصبر زين والحج تعب
وكل هالكلمات في اصلها تدل على التقصير من قبل الشخص الاخر سواء المقاول أو الاداري أو بعض المستفزين من الحجاج والاهم اصحاب العربيات في الطواف والسعي لما يشيل رجلك يقولك حج ياحاج
كلمات تستفزني شخصياً وكأن المطلوب هو التنازل عن حق أو التسلمح لأنك حاج وحج ياحاج
طيب نبتدي بالمقاول لم يقصر في الاكل أو المواصلات أو السكن يستعمل هالعبارات المسكنة بس لو تنقص الخردة مايقول حج ياحاج بل يقول فين الفلوس ومش ياحاج :tease:
وقس على هالكلام
السوأل ليه احنا نخاف من موضوع الحج وأن الواحد يرضى بأي شيء مقابل أنه حاج ومايبي يخرب حجته وفي المقابل شخص مستفيد يلعب على هالوتر
ليه مانعرف أن الواجب علينا أن نتمسك على ما اتفقنا عليه مع الطرف الاخر ومانتنازل عن حق من حقوقنا مقابل كلمة حج ياحاج أو مالك إلا الاجر

تحياتي للجميع والى اللقاء مع موضوع يقهر صار لي بالحج بكتبه قريباً بعنوان وأنا اعمل أيه بأأأأأأأ

[mrs.spoon]

مثل ما كتبت في العنوان حج يا حاج مالك الا الأجر، وطريق يا حج بعد مالك الا الأجر
حاولت اكتب بعض الكلام بس مسحته وقلت المسامح كريم وعفا الله عما سلف.
ومالك الا الأجر والله يتقبل منا ومنكم حجتنا .

[ع.م]

بعد حج ياحاج..

[R 7 A L]

حج يا حاج
الواحد خايف يخترب حجه على شان كذا يسكت

[نورالهدى]

الحين الحج وخلص
غفر الله لكل الحجاج
ما راح تستفيدوا شي
بل بالعكس
الشيطان بيستفيد
وكلوا أمركم لله عز وجل
وأهم شي
حج مبرور وذنب مغفور وسعي مشكور
و

حج يا حاج

[عبدالعزيز881]

في بعض الاحيان افضل ان تردد هذي الكلمه

بعطيك مثال

انا كنت ماشي وبالغلط اذيت حد مثل دهست على قدم احد ( بدون قصد )

على طول بقول حج ياحاج

ليش..؟؟

لأني ماعرف نفسيت كل الناس

في الي يتنرفز بسرعه ويحس انك مستقصده

وفي الي قلبه وسيع مهما أذيته مايعصب على طول

فإذا قلت حج ياحاج تذكر الشخص بسرعه قبل لايغلط ويخرب حجته اهو

لان كذا انت تذكره

بعد كذا تتأسف منه وتطلب انه يسامحك وتدعيله قدامه ووراه

لان الغلط وارد

وصدقني هذا كله ابتلاء من الله

تبي تمسح ذنوبك كلها ببلاش (:

لازم الله يختبرك

------------------

اما بخصوص الي ياذيك ومايهتم بس يبي يسكتك

الله يهدي هذي النوعيه من الناس

مشكور اخوي على الموضوع

الله يتقبل منك ومن جميع المسلمين

[هسلان]

اشكر الجميع على المشاركة

[OM_OMAR_QATAR]

السلام عليكم ورحمة الله وبركاته
عيدكم مبارك وحج مبرور إن شاء الله
الموضوع كما هو موضح في العنوان حج ياحاج مالك الا الاجر
كلمات نسمعها كثيراً في الحج وبالاخص من اصحاب الحملة والاداريين ويزيدون عليها كلمات اخرى مثل الحج جهاد والصبر زين والحج تعب
وكل هالكلمات في اصلها تدل على التقصير من قبل الشخص الاخر سواء المقاول أو الاداري أو بعض المستفزين من الحجاج والاهم اصحاب العربيات في الطواف والسعي لما يشيل رجلك يقولك حج ياحاج
كلمات تستفزني شخصياً وكأن المطلوب هو التنازل عن حق أو التسلمح لأنك حاج وحج ياحاج
طيب نبتدي بالمقاول لم يقصر في الاكل أو المواصلات أو السكن يستعمل هالعبارات المسكنة بس لو تنقص الخردة مايقول حج ياحاج بل يقول فين الفلوس ومش ياحاج :tease:
وقس على هالكلام
السوأل ليه احنا نخاف من موضوع الحج وأن الواحد يرضى بأي شيء مقابل أنه حاج ومايبي يخرب حجته وفي المقابل شخص مستفيد يلعب على هالوتر
ليه مانعرف أن الواجب علينا أن نتمسك على ما اتفقنا عليه مع الطرف الاخر ومانتنازل عن حق من حقوقنا مقابل كلمة حج ياحاج أو مالك إلا الاجر

تحياتي للجميع والى اللقاء مع موضوع يقهر صار لي بالحج بكتبه قريباً بعنوان وأنا اعمل أيه بأأأأأأأ

اقوى اقوى شي من يدخل عليك داعية وبنص كلامه يقول
لازم نكون ايجابيين ونشجع الناس على الحج
لما ترجع / لاتقووول ان الحملة ماكانت اوكيه ! لاتقوول ان تعب واجهدنا وتبهذلنا ......

قول كله حلو وسهل والله يبارك للجميع :omg:

[غدير البورصه]

الحج مثل صيام شهر رمضان

في رمضان اذا حد ضرك تقول اني صائم صح ولا انا غلطانه؟؟؟؟؟؟


كذالك الحج من تنوي وتلبس الاحرام وتحرم لازم تحاسب على كلامك وافعالك لين تتحلل من حرامك صح ولا انا غلطانه ؟؟؟؟

عيل تبون الجنه ببلاش

(((الجنه عرووووووس مهرها النفوس)))


ولا انا غلطانه

[NEW LOOK]

من باب من لايشكر الناس لايشكر الله

لله الشكر والثناء والمنه
على اتمام الركن الخامس

الحمدالله حجينا مع حملة التوبه
وبيض الله وجيهكم يامن سهلتوا علينا
اشكرهم من صاحبها جاسم الحردان
وناصر فخرو
وعيال الهواجر الاربعه
الي شلوا الحمله مشالله شيل
ماقصرتوا والله
والشكر موصول للشيخه؛ ام محمد حرم جاسم ونعم الاداريه البشوشه
وام ابراهيم الله يقومها بالسلامه
الاداريه الي ماقصرت بعد
اشكركم كلكم ياحملة التوبه
اشكر نفوسكم الطيبه اشكر روحكم الرياضيه
اشكر اخلاقكم العاليه الي كل ماطلبنا لبيتوا بوجيهكم السمحه
انا مابذكر بوفيه ولا اكل ولا مواصلات
لانكم ماقصرتوا صراحه وشوف عيني محد قالي من كثر النعمه كانت تتوزع للفقارى بادرة طيبه فرحتني كثير
جاسم وناصر فخروا وعيال الهواجر
روحوااااا والله مافيكم حيله

السموحه اذا نسيت حد انا ذكرت الي اعرفه بس


وكل عام وانتم بخير

[ANONYMOUS]

وبعدين بأاه

متحج ياحج

ماتبويضش حجك ياحج

[sweet qatar]

(حديث مرفوع) أَخْبَرَنَا أَبُو عَبْدِ اللَّهِ الْحَافِظُ ، وَأَبُو سَعِيدِ بْنُ أَبِي عَمْرٍو ، قَالَا : حَدَّثَنَا أَبُو الْعَبَّاسِ مُحَمَّدُ بْنُ يَعْقُوبَ ، حَدَّثَنَا مُحَمَّدُ بْنُ إِسْحَاقَ ، حَدَّثَنَا أَبُو جَعْفَرٍ مُحَمَّدُ بْنُ الْأَصْبَهَانِيُّ ، حَدَّثَنَا أَبُو مُعَاوِيَةَ ، عَنِ الْأَعْمَشِ ، عَنْ إِبْرَاهِيمَ التَّيْمِيِّ ، عَنِ الْحَارِثِ بْنِ سُوَيْدٍ ، عَنْ عَبْدِ اللَّهِ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " إِنَّ أَحَبَّ الْكَلَامِ إِلَى اللَّهِ عَزَّ وَجَلَّ ، أَنْ يَقُولَ الْعَبْدُ : سُبْحَانَكَ اللَّهُمَّ وَبِحَمْدِكَ ، وَتَبَارَكَ اسْمُكَ ، وَتَعَالَى جَدُّكَ ، وَلَا إِلَهَ غَيْرُكَ ، وَإِنَّ أَبْغَضَ الْكَلَامِ إِلَى اللَّهِ ، أَنْ يَقُولَ الرَّجُلُ لِلرَّجُلِ : اتَّقِ اللَّهَ ، فَيَقُولَ : عَلَيْكَ بِنَفْسِكَ " .

اخوي كلمة حج يا حاج من اجمل الكلمات الي سمعتها في الحج..

بس هي تعتمد عليك اذا بتتقبلها او لا .. والمفروض تطوع نفسك عشان تتقبلها..

مثل كلمة الله يهديك لما تنقال لك وانت معصب..

لو شكرت الشخص الي ذكرك بالله.. ثم فعلا تذكرت الله واجر كظم الغيظ.. كنت كسبت اجر والاحلى كنت جربت شعور عجيب من الطمانينة..

ياليت كل الناس تجربه وتحس فيه..


الله يتقبل طاعتك وتشوف القبول في نفسك المطمئنة الهادية..

[مستجدة]

الحمدلله نحن مع حملة الركن الخامس وبيض الله وجيهم
واللي حصل من بعض الامور البسيطه اللي ماتنعد متاكدين انها خارجه عن إراده اصحاب الحمله

والحج مثل مقال رسولنا الكريم صلى الله وعليه وسلم جهاد
والله من شفنا الحجاج من الدول الفقيره حمدنا ربنا وشكرناه على النعمة اللي حنا فيها

والان جالسين نتذكر الايام الجميله اللي قضيناها وندعي رب العالمين ان تنعاد برغم مشقتها وتعبها

اللي يحج لازم يتوقع المشقه والتعب وبعض الامر اللي خارجه عن الاراده مثل القطار اصحاب الحملات مالهم ذنب المسؤوليه على السلطات السعوديه وتنظيمها وتسير الحجاج



الحمدلله من قبل ومن بعد واسأل الله للجميع حج مبرور وسعي مشكور وذنب مغفور

[سيدة أعمــال]

الحمدلله على نعمة الحج

[الماريّة]

ياااااااااااااااازينها ذا الكلمه

بكل لغات واختلاف نطق العالم

حج يا حاج

هج يا هاج

حق يا حاق <---- بالجيم المصرية

هش يا هاش

بكل اللغات واختلاف الالسن

كلمه حلوة ومريحه وتحبب الناس وتقربهم من بعض
وتدل على التسامح والصفاء

عساااااااااااااااااااااااااااني مانحرم منها واسمعها اعوام واعوام

[نايف لشامخ]

انا اعرف ناس حجوا مع اكثر من حملة هالسنة والكل راجع يشكر في هالحملات الى منها الركن الخامس والى قايم عليها صاحب الحملة وعيالة وبناته هم الاداريين يعني ما معاهم احد غريب ومجتهدين وبيض الله وجيهم على ما قدموه للحجاج وحملة التوبة بعد بيض الله وجيهم والفرقان الى ما تبي لها كلام والهدى الى الله يشفي صاحبها من ما يشكي بعد بيض الله وجهه اما الحملات الاخرى ترا بعد ماقصروا لاكن فيه بعض الناس الى ما اعجبتهم الخدمات المقدمة من هذه الحملات ورضا الناس غاية لاتدرك وحج يا حاج ولاتخرب حجتك بامور انتهت واصبحت من الماضي وتذكر الاجواء الجميله وانت حاج الى بيت الله الحرام

[هسلان]

الحج مثل صيام شهر رمضان

في رمضان اذا حد ضرك تقول اني صائم صح ولا انا غلطانه؟؟؟؟؟؟


كذالك الحج من تنوي وتلبس الاحرام وتحرم لازم تحاسب على كلامك وافعالك لين تتحلل من حرامك صح ولا انا غلطانه ؟؟؟؟

عيل تبون الجنه ببلاش

(((الجنه عرووووووس مهرها النفوس)))


ولا انا غلطانه

طيب في رمضان لو واحد دعم سيارتج يصير يقولج اني صائم ويرح ومايصلح السيارة وتحتسبين الاجر ولا تقولين صلح السيارة ؟ اكيد بطالبينه ولا أنا غلطان