استفسار : بسافر امريكا وودي بالنصايح الطيبة [الأرشيف]

مشاهدة النسخة كاملة : استفسار : بسافر امريكا وودي بالنصايح الطيبة

متعاون000

13-11-2011, 11:44 AM

بسافر امريكا وودي بالنصايح الطيبة من حيث اجمل الولايات الي ممكن نروح لها والأمان

وتخطيط لتذاكر الطيران وبالنسبة للمواصلات والفنادق وهل يوجد شقق فندقية اما لا

وكل شي طيب من الطيبين مثلكم

Aaziz

13-11-2011, 12:00 PM

وارث العز

13-11-2011, 02:25 PM

امريكا بلاد اروع من اوروبا وشعبها فعلا شعب ودود ومحترم بالتوفيق

متعاون000

13-11-2011, 07:14 PM

اخوي امريكا قاره ... لازم تحدد وجهه معينه

لازم تذكر بعض الامور .. مثل

هل سفرتك شبابيه او عاذليه و هل سفرتك سياحيه بحته او ناوي تزور اشياء معينه مثلا معارض سيارات او كباين او او او

كم مده السفره و كم الميزانيه هل مفتوحه مثلا .
هل تبي تزور ولايه بارده (ثلوج مثلا) ولا تبي جو معتدل ؟

بشكل عام ارشح لك كاليفورنيا و نيويورك مع انهم بعاد عن بعظهم

السفرة عائلية طبعا وحبيت ازور اجمل المناطق في امريكا المدة شهر ونصف ابي اروح نيويورك بس ابي اعرف اجمل مافيها وكم يوم تحتاج وابي ازور كاليفورنيا يعني ابيها سياحة صح

متعاون000

13-11-2011, 07:15 PM

امريكا بلاد اروع من اوروبا وشعبها فعلا شعب ودود ومحترم بالتوفيق

الله يحفظك يالغالي والجميع اموفقين

قطر77

27-11-2011, 06:03 PM

قبل السفر للولايات المتحده الامريكية لابد من التخطيط للسفره.
١- كم ولاية بتروح؟
٢- كم يوم بتجلس؟
٣- معاك أطفال ؟
لوتحدد أقدر أفيدك بتخطيط

kuwaiti

27-11-2011, 09:01 PM

ميامي لوس انجلس

حمد بن خالد

01-12-2011, 09:10 AM

دام السفرة عائلية انصحك بفلوريدا ( اورلاندو ) وكاليفورنيا ( لوس انجلوس , سان دييغو )

وتروح وترد بالسلامة

أسد الجزيرة

11-12-2011, 09:00 PM

خليك دايماً مبتسم و بتتسهل امورك بأذن الله و ترى الشعب الامريكان ودود

قطر77

28-12-2011, 12:10 AM

لوس انجلوس :
تقدر تسكن في هوليود لمده ٥ ايام وتروح اليونفرسال استوديو ، و ملاهي six flag و تتمشي في شارع النجوم طبعا هوليود خطره و نصيحه اطلع من الصبح و ارجع الساعه ٩ وفيها مجمعات مثل the grove مجمع حلو ومفتوح .

اناهيم منطقه حلوه و هاديه و فيها مطاعم عربيه واجد و ماننسى ديزني لاند السكن في داخل ديزني غالي قريب ال ٤٠٠ دولار لليله انصحك تسكن احذى ديزني فندق بست و رستن فندق ٣ نجوم لا كن ممتاز و الليله ب ٨٢ دولار مع الضرايب و الغرفه تستوعب ٤ اشخاص .
و المنطقة امنه واجد ومب شايف الحوش الي في هوليود

لابد من تاجير سيارة في لوس انجلوس التكاسي ما تنفع .

للاسفسار عن اي ولاية ثانية انا حاضر و في الخدمه و مستعد ازودك بمعلومات اكثر

محامية قطر

28-12-2011, 12:39 AM

مثل ماقالوا الشباب وماقصروا لازم تحدد كم ولاية تبي تزور
وأمريكا فيها طبعا ولايات كثيرة تصلح للسياحة العائلية
وخل في بالك أن الأسعار تختلف من ولاية لولاية وفي كل ولاية شيء يميزها عن الأخرى
في ولايات رخيصة وفي طبعا الغالية
عندك من الولايات الغالية نوعا ما - ميامي - لوس أنجلوس - واشنطن دي سي - شيكاغو
على فكرة - لاس فيجاس جدا رخيصة وبعض مناطق في فلوريدا
موفق أنشاءالله

AL-MAYSTRO

28-12-2011, 12:48 AM

الشباب فيهم الخير والبركه ماقصروا بالمعلومات القيمه
وانا انصحك مثل ماقالوالك فلوريدا

واذا السفر في صيف لاتفوتك عبارة الكروز تاخذ فيك جوله تقريبا ٩ ايام وتوقف في مناطق وايد

تروح وترجع بالسلامه

مــــلاك

01-01-2012, 08:31 AM

قبل السفر للولايات المتحده الامريكية لابد من التخطيط للسفره.
١- كم ولاية بتروح؟
٢- كم يوم بتجلس؟
٣- معاك أطفال ؟
لوتحدد أقدر أفيدك بتخطيط

ممكن اجاوب انا بعد اذن صاحب الموضوع عشان يستفيد اكبر قدر من الاعضاء

ودي اروح امريكا في الصيف ان شاء الله لمده 25 يوم
معانا اطفال تتراوح اعمارهم بين 4 و12 سنه

محتاره بين الولايات يمكن لاني ماقريت عنهم لين الحين عدل ...

الشباب فيهم الخير والبركه ماقصروا بالمعلومات القيمه
وانا انصحك مثل ماقالوالك فلوريدا

واذا السفر في صيف لاتفوتك عبارة الكروز تاخذ فيك جوله تقريبا ٩ ايام وتوقف في مناطق وايد

تروح وترجع بالسلامه

ممكن تكلمنا عن الكروز وهل جربتها ؟ وشنهي المناطق الي توقف فيها ؟؟

مشتاقة لقطر

10-01-2012, 04:03 AM

متاااابعة

al-sadd

24-01-2012, 01:47 PM

أهم شي كالفورنيا وفلوريدا و نيويورك !
واذا قدرت واشنطن دي سي !
بس لاتطول في واشنطن مال بو 4-5 ايام بالكثير

الجوهره 2012

25-01-2012, 01:51 AM

واشنطن ممله الواحد مايطول فيها

نيويورك تجنن وانصحك بزيارتهااا

وبهالوقت موت موت موت برد يعني لو معك اطفال ماتصلح اللحين :rolleyes2:

احلى ولاية من بعد نيويورك - ولايتي كاليفورنيا :victory: انصحك بزيارتها واذا في اي شي انا موجوده وبالخدمة :nice:

كاليفورنيا حلوه لانها تجمع لك كل شي .. فيها جزيرة حلوه قد رحتها .. وفيها ديزني و جبل هوليود و بيفرلي هيلز اكبر شارع يضم الماركات ويحبونه المشاهير و فيها الله يسلمك Universal Studios Hollywood طبعا بعجز وانا اقول روعه و فيها Madame Tussauds متحف الشمع وفيها six flags ملاهي روعه وفيها big bear lake اذا تبي تلعب عالثلج :tease: يعني هذي منطقة ينزل عليها الثلج وهي بعد في كاليفورنيا و بعد los vegas بس كلش ماتصلح للاطفال لان :secret: و سان فرانسسكو و سانتياغو :shy:

و مستحيل بكتب لك عن كل الاماكن السياحية في هذه الصفحه فـ اللي اقدر اقوله لك توكل على الله وعزم على كاليفورنيا و نيويورك و بينهم ترا 6 ساعات تقريبا يعني كانك طالع من قطر و رايح لندن :eek5: < صج انها قاره ههههههههآي .. وحبيت ولاية تكسس .. و شيكاغو جدا جميله لكن خطره وفيها احصائية ان في الدقيقة تصير اكثر من جريمة قتل :eek5:

و معلومه لك اخوي و الله ان امان ومافي اي شي يخرع يعني استغرب من اللي يقولون لاتطلعون بعد مادري اي ساعه والله ان نطلع والحمدلله نقرا الاذكار والله الحافظ و نرجع البيت على الساعه 1 او 12 عادي مافيها اي شي ونسهر في هيولود لين 11 و 12 بالليل عادي وبالعكس ماشوف اي شي الحمدلله ولازم الانسان يكون بعد حريص يعني مثلا ما اقدر اطلع وانا لابسه مجوهرات و ساعه تبرق من بعد 300 متر و كلي ماركات واقول اسرقوني ..!! حدث العاقل بما يعقل اكيد بيسرقوني .. عموما امريكا لبسهم كاجول مب مثل اوروبا لازم كشخة مبالغ فيها مثل الاشكال اللي تشوفها فالصيف :eek5: .. في امريكا حياه ثانيه :shy: كشخة على كجول يعني اللبس مايبالغون فيه :victory: واروع مافيها مستحيل يجي شي في بالك ماتشوفه قدامك ولا موضوع الشوبينق هاي شي ثاني و ترا امريكا غالية خاطري اعرف من يقول انها رخيصة يعني باقل طلعه يمكن انا شخصيا اتكلم عن روحي اصرف 700 دولار هاي وانا مابي شي

واي سؤال انا حاضره يا خيووو :victory:

مشتاقة لقطر

12-02-2012, 08:32 AM

بعد

اضيفوووو لنا

almaf1a

12-02-2012, 09:11 AM

انصحك بلوس انجلس
اذا مارحتها اعتبر نفسك مارحت امريكا