افيدونا ولكم الأجر انشالله

[توغي]

ممكن جزاكم الله خير في الدنيا والأخره تفيدوني بالتخصصات المطلوبه بالنسبه للقطرين في سوق العمل وهذا بالنسبه لأبني لأن وده يدخل تخصص في الجامعه يكون فيه نقص في الأيدي العامله القطريه

[khaldoon]

information technology

it

[التميمي 3]

أخوي الله يرضى عليك
أتمنى تصحيح كتابة موضوعك من إن شالله وهي خطأ
وتكتب إن شاءالله هذا الصحيح

بالتوفيق

[OM_OMAR_QATAR]

الله يوفقه احسن شي هندسة ياليت بعد عمارة ..
لان البلد في مجال تقدم معماري
او ادارة رياضية

[توغي]

جزاكم الله خير جميع
وبالنسبه لكلمة ان شالله حاولت وما قدرت وبحاول مره ثانيه اذا الله قدرني

[Right]

هناك العديد من التخصصات المطلوبة


على سبيل المثال وليس الحصر


مثل


IT

Business Administration



وهناك تخصص ما يبي له شهادة ألا وهو " لعب الكورة " !!!


وموضوعك خاااااااااااااااالص :nice:

[توغي]

حللللللوه سالفة لعب الكوره هي صج اسهل تخصص لعب في لعب بس لوتعطي ولدي مليون يورو ما لعب دقيقه وبالنسبه لاقتراحات الاخوه جزاكم الله خيييير على تعاونكم معاي

[البدع]

1. خله يدرس التخصص الي (يحبه) عشان يبدع فيه

2. افضل التخصصات هي الهندسة

وخاصة Reservoir engineering

واهم شيء الانجليزي

والافضلية في قطر للي يتخرج من امريكا وبريطانيا

وابتعد عن الادراة

ماتاكل عيش

[تحداني]

القانون
الشؤون الدوليه
العلاقات سياسيه
الاعلام
التمريض " بكالوريوس "
الطب والهندسه " دائما بحاجه ماسه "

في الاداره والاقتصاد " موارد بشريه hr "


جملك الله برضاه

[بلوتنيوم]

تخصص (واو)
عمره مايصير له اكتفاء :)

[الاجتماعي]

ادارة مالية
finance

بوجهة نظري القليل من الشباب القطري متخصص في هذا المجال ، معظم الشباب يتجهون الى

ادارة الاعمال بشكل عام والقليل القليل من يتخصص بان يكون مدير مالي . والدليل على

كلامي هناك شهادة احترافية تخصصية في مجال الادارة المالية تسمى cfa

لم يحصل عليها الى وقتنا الحاضر الا واحد او اثنين من اخوانا القطريين بحسب علمي .

ولكن يجب ان يكون الابن لديه رغبة وحب لهذا المجال في المقام الاول .

تحياتي / الاجتماعي

[qataria]

اخوي نصيحة: خلي ولدك يختار التخصص اللي يحبه ويبيه، لا تختار عنه، لان هالتخصص بيدرسه و بيشتغل فيه طول عمره فلا يضيع حياته على شي ما يحبه لانه بيكره شغله و ما بيبدع فيه.

[أخت الكل]

أخوى خله يدرس قانون او محاسبة

[توغي]

أولا : جزاكم الله خير بكل انواعه والله يسخر لكم عباده لما فيه الخير .

ثانياً : ولدي محتار ويبي النصيحه وكان يبي يعرف وشو المطلوب والقليل عندنا عشان يضمن أن يكون عنده مجال يختار في المستقبل .

هو يبيني اجهز له المطلوب عشان هو يختار ومساعدتكم لنا قيمه جداً ماقصرتو وبيض الله وجهكم .

[بحّار]

السلام عليكم ورحمة الله وبركاته

أنا بتكلم من الواقع اللى حاصل قدامي.

اولا : العلم الشرعي

حنا في حاجة لمتفقهين في الدين هم اعلم بحال اهل البلد بدل من الاستيراد من الخارج
يتأخر علم الفقه المالي
او الحديث
او التفسير
او يتجه لسلك القضاء

ثانيا : باقي العلوم الدنيوية

يختار من التخصصات المرغوبة اكثر شي حسب وجهة نظري
الهندسة.
اتصالات
الآلات دقيقه
هندسه كهربائيه
هندسة نوويه

الادارة المالية
المحاسبة
واذا يقدر يأخذ سي بي إيه ،،، بعد مايخلص الجامعة طبعا. لانها نادره.

القانون
شريعة وقانون
قانون تجاري
قانون جنائي

هذي التخصصات اذا اشتغل وزاول المهنة ممكن يفتح له بعدها مكتب خاص ويكون افضل من شغل الحكومة لانه راح يكون حر القرار والرأي في مجال عمله.

وبالتوفيق ان شاء الله.

[رُفق المجنّا]

شوف الشئ اللي هو مبدع فيه وع حسب نتائجه في الثانويّة

أمّا اللي بقول شوفي هذا وخلّ هذا فلا تأخذ بكلامه لأن اجباره ع تخصص ما يبيه مشكلة يمكن توقفه عن مواصلة التعليم

الله يوفقه وتفرح به ان شاء الله

[توغي]

ارائكم كلها ممتازه وانشالله انه اذا اختارمنها بيكون ربحان بس عساه يركز ويختار واحد منها لأن التخصصات الي ذكرتوها كلها مهمه
تشكرون على تفاعلكم البناء معانا وبالنسبه للي راسلوني على الخاص يسامحوني لأن كان بودي أن اشكرهم شخصياً بس للأسف مالي حق الأرسال علخاص للحين

[مابدل العادات]

هو ترى في النهايه يعتمد على الولد وهو وشو ميوله

يعني لو يحب الرياضيات خله يدخل هندسه وبعد ينفع يدخل محاسبه

ولو مايحبهم يقدر يشوف تخصصات البزنس بشكل عام

والله يوفقه ان شاء الله

[شميرام]

خلي يدرس عل حسب مستواه
يعني اذا شاطر في العلوم او الهندسه اغلب التخصاصات مطلوب بس نادر ما نحصل دكتور يدرس عدل خاصه رياضيات اذا ولدك عبقري خلي يدرس طب

اذا من النوع الشاطر بس ما يحب الدراسه القانون هو الحل وايد ناس يقلون انه يعتمد على الحفظ ،،،لا هو يعتمد علي الفهم قبل الحفظ اذا الشخص فهم الحفظ يصير سهل بس الفرق بين التخصص العلوم والقانون ان العلوم يحتاج دراسه على طول اما القانون الوحد يقدر يلحق عمره قبل فتره كافيه

الاعلام زين بس اهم شي في الاعلام يكون شخص يحبه ،لغه مهمه عربيه كانت او اجنبيه

[sweet qatar]

الله يوفقك يااخوي.. ويوفق ولدك ويكتب له الخير في اختياره...

الشباب ما قصروا وماشالله عليهم تعمقوا..

لكن حبيت اساعدكم في الاختيار..

بيكون كلامي عام بس ولدك من يحدد الاتجاه الي يبيه.. لازم يسال اكثر عن التخصصات بالضبط..

ادارة الاعمال - الاعلام بالنسبة لي نفس المستوى.. دراستهم سهله ومستقبلهم حلو.. (( شهادة البزنس توكل شهد مب بس عيش للي يعرف يستثمرها ))

القانون تخصص رائع بالنسبة للشباب ومستقبله ممتاز .. والمحاسبة بعد لان تنبني على مثل هالتخصصات مسميات وتدرج خاص في سلم الوظائف ولهم علاوات خاصة .. و دراستهم مب صعبة وايد ..

الهندسة - الطب .. للي يحب المجال بيبدع فيه..


الحين عشان ولدك يختار.. عليه بالاستخارة..

ويفكر بالوظيفة الي يبيها.. اذا قدر يحددها بيقدر يختار التخصص الصح .. و ممكن يجرب الشغل في الصيف في بعض الوزارات او يتطوع في بعض الشركات عشان يحدد اختياره..

السموحة اذا كان في كلامي تكرار .. وبالتوفيق...