لأصحاب الخبرة .. ممكن اي اقتراح لشراء فيلا

[A.Al-Kuwari]

السلام عليكم و رحمة الله و بركاته

اخواني .. ممكن لأصحاب الخبرة يعطوني نصيحتهم او اقتراحهم في الأتي:

بغيت اشتري فيلا كبيرة عن طريق بنك او اي نوع تمويل اسلامي!
و عندي فيلا ملك افكر ااجرها و اجارها يكون تسديد لهالفيلا الجديدة.

الحين اللي انا ماعرفه .. شلون ممكن اسوي هالشي؟ شنو الخطوات اللي لازم اتبعها عشان اشتري فيلا جديدة بضمان الفيلا الحالية؟؟

مشكورين و جزاكم الله خير.

[أبو البنات]

أخوي أنا ما عندي خبرة كافية في الموضوع ، لكن قالي واحد من موظفي الإسكان الحكومي أن عقود الأجار إللي هم يبرمونها ممكن ياخذها المالك وبعض البنوك ممكن تعتمد عليها بأن يكون سداد جزء من الأقساط بقيمة الأجار

[A.Al-Kuwari]

مشكور أخوي ماقصرت

يا جماعة اي اقتراحات ثانية؟

[Finder]

الله يوفقك

ماعندي معلومه وأسال الله تعالى بأن يفتح لك باب الخير

[استغفرالله]

هل عندك راتب ....

وممكن ترهن الفيلا اللي عندك او توديلهم عقد الايجار

ممكن تاخذ دين على الراتب وتشتري فيلا

في المصرف والدولي الاسلامي قروض تمتد فوق العشر سنوات لشراء منزل

اسال عن هالنوع من القروض

[مستثمر 999]

انصحك تتصل في بنك بروه الي في الدائري الثالت مقابل الاولى للتمويل

انا شريت على 20 سنه

ونسبة المرابحه 3.5 %

طبعا التمويل اسلامي 100%

شرطهم فقط تحويل الراتب وعقد ايجار بيتك لثلاث سنوات

الدفعة الاولى 30 % من اجمالي القرض

سعيد جلال 77143097
55947301

بالتوفيق

[ورقــة أمــل]

الله يعين

عرض بروة حلووة بس تعجبني خدمة المصرف اكثرر

[حقيقه]

انا ابي اشتري بس ماعندي غير راتبي

ياليت تفيدونا

[wadha-qa]

انا سئلت المصرف من فتره قال لي فيه تمويل بس العقار يتم مرهون للبنك فتره طويله
و ممكن تاخذ قرض على الراتب و هم بيحددون اللمت اب للقرض المسموح لك و يكون عندك 30% من قيمة القرض كدفعه اولى

[tameemqa]

اخوي اشتر فلتين بسند واحد وحدة تسكنها والثانية تاجرها
وبعد فترة ترهن الفلتين وتشتر فلا غيرها

[ورقــة أمــل]

اذا شريت فلا واجرتها بمبلغ معين مثلا 25 الف وخل نقول القسط للفيلا 10 الاف ريال خلال كم سنة ممكن اخلص دينها لو عالمصرف وسعرها مثلا مليونين و 500 الف