البالون على اللكزس [الأرشيف] - منتديات شبكة الأسهم القطرية

مشاهدة النسخة كاملة : البالون على اللكزس

لابس بشت

13-11-2011, 09:17 PM

السلام عليكم

عندي استفسار للخبراء انا ركبت شنابر وبوالين 17 على لكزس وطلعوا يحكون لما اكسر للسكان حده
ايش الحل مع هالمشكله مع اني اشوف وايد مركبين بوالين على اللكزس

لحد يقولي ارفع الموتر لانه هيدروليك مش نفسً التويوتا

وجزاكم الله خير *

qatar_son

13-11-2011, 09:28 PM

اول شي كم موديل سيارتك

وانا اعرف واحد عنده لكزس 2008 والله مثل العسل ما تحك ولا شي هو مركب شنابر وبالون

لكن مشكلتك ما ادري او ركبلك بالون مقاس 16 ورنقات مقاس 16

لابس بشت

13-11-2011, 09:36 PM

الشيخ موديل ٢٠٠٩ وبوالين ١٧
مايصير مايحك اكيد سوى شي تقدر تتاكد لي الشيخ

qatar_son

13-11-2011, 09:43 PM

انا ما اعرف اخوي في الكزس لكن بسألك سوأل صدام (دعاميه) الكزس 2009 نفس 2008 او لا يمكن 2009 اكبر من 2008 وتحك

لابس بشت

13-11-2011, 10:07 PM

لا الشيخ نفس الشي بالضبط

qatar_son

13-11-2011, 10:09 PM

ان شاء الله بستفسرلك عند واحد عنده لكزس 2008 وبردلك خبر والله يعرف السبب تكفون لا تبخلون

Qatar1987

13-11-2011, 10:11 PM

السلام عليك

اذا انت مركب بوالين جداد

بتم معاك الحكه اسبوع ..

وتاكد ا هوى الموتر 40

مزاجي الاصلي

13-11-2011, 10:30 PM

انت مركب بوالين نوع ماكسس رفاع علشان كذا يحك ركب بوالين مالون او هيرو وماراح يحكون لانهم اقل ارتفاع من الماكسس

فـيـراري قطر

13-11-2011, 11:04 PM

الشيخ الحكه عاديه كانت عندي تمت اسبوعين وراحت لكن انا كان يحك لين لفيت السكان كامل لكن لو لفيته شوي ماكان يحك يعني وانا الف دوار وله شي جي ماكان يحك لكن لفه قويه شوي كان يحك وبعدين نسم عليهم شوي يمكن الهوا فالتاير اكثر من 38 لان مكتوب عندك كم لازم يكون هوا التاير

حمد بن سعد

14-11-2011, 08:50 AM

الشيخ التاير يحك في البرغي مال الدواسه ان عندي فكسار 2010 ونفس الشي ايحك اذا كسرت السكان عادي جنه العيد ليش انت اموسوس امورك في الروب ههههههههه

تمون

14-11-2011, 10:02 AM

اخوي عادي ركب ربلة لاتقولي بعد ربلة ماتركب لان واحد من الربع مركب الربله وحجمها ٢سم لاتركب اكبر من هالربله و ركب قدام و ورى

لابس بشت

14-11-2011, 10:30 AM

مشكورين وبيض الله وجهكم ماقصرتوا
صحيح انا مركب ماكسيس وقالوا لي انهم كبار ويحكون اكثر من غيرهم
حتى باقي الانواع تحك بس اقل من الماكسيس
وقالوا لي اشيل النسافه وواحد من الشباب ودى الموتر عند بيرللي وضبط ميزانيه الرودات وحرك المقص شعره بسيييطه عشان مايحك انا عندي قالي اذا قدمها شعره بتحك من جدام واذا ردها بتحك من ورا فالنسافه فقالي مالك الا تشل النسافات:)
وبخصوص الربله باسال عنها ماعندي فكره

على العموم اللي عنده فكره اكثر لا يبخل علينا
ومشكورين ماقصرتوا الشيوخ :)

EJ-RAM-QTR

14-11-2011, 03:19 PM

انت مركب بوالين نوع ماكسس رفاع علشان كذا يحك ركب بوالين مالون او هيرو وماراح يحكون لانهم اقل ارتفاع من الماكسس

صحيح الـ مكسس رفاع ويحكون ركب مالون افضل
جاتني مثل هل مشكله من قبل ....

EJ-RAM-QTR

14-11-2011, 03:24 PM

بعد مثل الشي اذا شال النسافات اسئل مجرب لان التاير يحك في الصدام اخر الصدام من تحت
الحل انك تغير التاير

والله يوفقك

mE mYself & i

14-11-2011, 03:28 PM

خله يحك ولا بيصير شي

نفسي عزيزه

14-11-2011, 03:38 PM

منعو البوالين وانتوا تركبونهم

ههههههههه من وين تجيبونهم علمونا خلونا ناخذ ههههههههه

qatari1

14-11-2011, 05:11 PM

الله يهداك.... بوالين على لكزس؟!

شكل الموتر قبيح جداً!

حسستني عندك ستاندر

لابس بشت

14-11-2011, 06:03 PM

منعو البوالين وانتوا تركبونهم

ههههههههه من وين تجيبونهم علمونا خلونا ناخذ ههههههههه

طال عمرك الله لا يهينك ساعه الا ربع لين سلوى محطة ساسكو فيه محل يبيع واحذاه مطعم مندي وقهوه قط موترك واضرب لك على ذاك المندي ولا تكي فالقهوه نص ساعه بالكثير موضوعك خالص وترجع بالبوالين مب تحملهم وترجع بيجمركونها اهم شي تكون مركبهم

مزاجي الاصلي

14-11-2011, 09:47 PM

طال عمرك الله لا يهينك ساعه الا ربع لين سلوى محطة ساسكو فيه محل يبيع واحذاه مطعم مندي وقهوه قط موترك واضرب لك على ذاك المندي ولا تكي فالقهوه نص ساعه بالكثير موضوعك خالص وترجع بالبوالين مب تحملهم وترجع بيجمركونها اهم شي تكون مركبهم

والله اني احبكم في الله ياهل قطر ضرب الخطوط عندكم زي شربة الماي هههههههه مرحبابكم في كل حين

لابس بشت

15-11-2011, 08:50 AM

الله يهداك.... بوالين على لكزس؟!

شكل الموتر قبيح جداً!

حسستني عندك ستاندر

الناس اذواق
وتبي الصراحه انا مش عاجبتني الرنقات ولا البالون على اللكزس لكن هالايام موسم بر وسيلين ورنقات 20 ماتنفع كلش وللاسف ماعندي موتر فورويل غيره فمالي الا البالون :)

لابس بشت

15-11-2011, 08:53 AM

والله اني احبكم في الله ياهل قطر ضرب الخطوط عندكم زي شربة الماي هههههههه مرحبابكم في كل حين

احبك الله الذي احببتنا فيه :)

الشارع الله يسلمك 4 خطوط ومن احسن مايمكن والحمدلله والا 90 كيلو هذا مايعتبر خط :)

ووجودكم يجيبنا لكم حتى من غير خط :)

Q-tr

23-11-2011, 11:50 AM

فعلا انا مركب اذا اكسر له يسار كسره كامله يحك التاير اللي على اليسار شوي مب وايد بس عادي

بوحارب

23-11-2011, 12:04 PM

محمد الجفيري

23-11-2011, 08:31 PM

بالتوفيق ان شاءالله