مشورتكم في الحجر عندي مشكلة !!!

[PGR]

السلام عليكم ,,, اكيد ما شاء الله الناس الموجودين مرت عليهم هالمشاكل ,, انا تعاقدت مع شركة تركيب حجر , المهم بدى الشغل ومب ملتزم بالوقت والحجر اللي ركبه تعبان يكون فيه كسر ويمشي والشغل مب لين هناك ,, المهم قلت له وقف الشغل عقب ماشتغل في الواجهه ربعها والملحق, احين مشورتكم هل اكنسل العقد وياه واروح لشركه ثانيه ؟؟ مع العلم انه دافعله دفعه كبيره وماتوقع بيرجع الفلوس الا خاصم منها والفلوس مابيرجعها خلال اقل من شهرين لين 3 شهور ؟؟ هو يقولي العامل اللي كان يشتغل على بيتك طردناه بسبب شغله التعبان وانه هو بيشرف على شغل البيت مع العلم انه عطيته 3 فرص من قبل عشان يصلح الاخطاء

محتاج مشورتكم ومشكورين مقدما

[هدوء العاصفة]

اخوي جيب لك شخص او اثنين يشوفون الشغل ويقيمونه .. وأنصحك اذا كان فيه مشاكل كثيرة تحط لك واحد جديد وبشروط جديدة والله يعينك حاول تاخذ فلوسك من القديم وياخذ على الشغل اللي سواه بالفعل ..

[PGR]

اخوي جيب لك شخص او اثنين يشوفون الشغل ويقيمونه .. وأنصحك اذا كان فيه مشاكل كثيرة تحط لك واحد جديد وبشروط جديدة والله يعينك حاول تاخذ فلوسك من القديم وياخذ على الشغل اللي سواه بالفعل ..

من هم الناس اللي يقدرون يقيمون تقييم صح ؟ وهل المحاسبه اتم على اساس الحجر اللي ركبه واللي شراه ؟ والا بس على شغل اليد والمواد اللي استخدمها ؟

[المنسى]

ياخوى انا حاليا ادور شركات تركب حجر وخايف اطيح فى نفس الشركه ولا عليك امر اسم الشركه على الخاص

[ولد المنصور]

هذا طبع فيهم لازم التاخير ..... بس ياخوي حط اسم الشركه عشان تعم الفايده على العام

[مستثمر_]

يالليت اسم الشركه اخوي لان في مرحله تركيب الحجر

[حسن الاحمد]

اهي شركة ولا عمال من الشارع؟؟

اذا شركة اكيد عندك عقد وشيك ضمان تقدر تهددهم لكن اذا عدلو شغلهم كمل وخلك حذر

واذا عمال من الشارع الله يعوضك

[PGR]

يعطيكم العافيه الجميع هي شركة بس ماحب اذكر اسمها لانه صاحبها مايقصر وطرد العامل اللي عنده بسبب شغله السئ وانا الحين في مرحلة التفكير بين تغير الشركه او البقاء على نفس الشركه

[فويرط]

اسم الشركة اخوي على الخاص

اذا ممكن ، واذا مش ممكن خلاص

جزيت خيراً