عندي مشكله مع مديري ..وابي اوصل للشيخة موزة

[Master_qtr]

عندي مشكلة مع المدير ..هو مو مديري المباشر ! هو مدير مديري وأبي اوصل للشيخ موزة شلون !طرقت كل الابواب في جهة عملي وماجابت نتيجة ..

الموضوع :بعثة دراسية

جزاه الله كل خير اللي يساعدني

[المليونير الفقير]

وطني الحبيب صباح الخير مالك الا هو اسرع وسيلة لحل المشاكل بالتوفيق

[بـــــــنت النوخـّــــذه]

طالما شكوى عن بعثة دراسية 00 ليش ماتتدرجين بالشكوى !!

يعني وصليها لجهة اخرى ولتكن الامانة العامة مثلا" اوجهة بالدولة مختصة باستقبال شكاوي العمل واذا مافي استجابة راسلي الشيخة موزة على ايميلها الخاص او ايميل سمو الامير الي بموقع الديوان الاميري00 اعرف وحده راسلتهم عن وظيفة رافضين جهة العمل يوظفونها وتمت مخاطبة الجهة وعيونها

موفقه

[هبوب الكوس]

الشكوى لغير الله مذله :(

[تحداني]

ممكن نساعدك هنا في المنتدى
عطنا من وين بدت المشكله وشنو هي المشكله في الاساس اذا لك خاطر
بدون ذكر اسماء .. ورب العالمين راح يفرجها عليك بإذن الله


جملك الله برضاه

[غدير البورصه]

بالتفاهم حاولي وحاولي وحاولي وكلمي مدير مديرج وجابليه وكلميه وحاولي

[شبح الصمت]

الله يصخر لك من يساعدك ويخلص موضوعـك

[المسك1969]

بتتيسر إن شاء الله وليس ببعيد على الله تيسير الأمور...

ربي ييسر أمورج وأمورنا وجميع من له حاجة آمين يارب

[رُفق المجنّا]

لا تتعب , حاولت قبلك دون فائدة

[$بنت شيوخ$]

نتمنى من الشيخه موزه انها تقابل النساء من الشعب وتشوف مطالبهم لان الامير يقابل الرجال وولي العهد لكن احنا البنات اذا عندنا مشكله لازم يكون لنا يوم حتى تقابلنا وتشوف مطالبنا

[AL.SHMOKH]

الله يحقق لج مرادج اختتي يااارب

[Master_qtr]

والله طرقت جميع الأبواب ! والعذر احتياجات العمل ! مع ان العذر هذا مو صحيح ! ناس غيري ماتطبق عليهم القانون !
وللعلم مو مشكلتي بس انا ! مشكلة القطريين اللي في الادارة ! اقصد القطريين اللي ماعندهم حرف الووووواااووو

صار لي 3 سنوات احاول معاه ولا نفع !

علي اية حال اللي بيقولي شلون اوصل للشيخة موزة ..بادعي له بالجنة

ملاحظه: انا واحد مو وحده ! كل الردود ! الله يوفقج ..ج ج ج

[روح الاطلس]

مشكلتك ادارية مع عملك اذا مديرك رافض شوف اللي اعلى منه

او خذ اجازة بدون راتب وادرس

اعتقد انت تبي ماستر والماستر كلها سنة وانت مخلص

لا تعتقد ان حل مشكلتك حلها الوحيد هو بمقابلة سموها

فيه اكثر من حل

ممكن مثلا تجيب احد يحل مكانك اثناء ابتعاثك يمسك الشغل

[Master_qtr]

مشكلتك ادارية مع عملك اذا مديرك رافض شوف اللي اعلى منه

او خذ اجازة بدون راتب وادرس

اعتقد انت تبي ماستر والماستر كلها سنة وانت مخلص

لا تعتقد ان حل مشكلتك حلها الوحيد هو بمقابلة سموها

فيه اكثر من حل

ممكن مثلا تجيب احد يحل مكانك اثناء ابتعاثك يمسك الشغل



يالحبيب عطيتهم كل الحلول ! انا ابي بكلريوس مو ماستر
قلت لهم ابي براتب قالو لا
بدون راتب لا
اللي أعلى منه رجعني له !
صدقني لو وصلت للشيخه موزة او سمو الأمير بتنحل ..

ماقول الا حسبي الله عليه وعلى اشكاله ..

[CH Engineer]

تشتغل في موسسة قطر؟
تقدر ترسل رساله للشيخة موزا على موقعها الخاص عن طريق هالرابط

http://arabic.mozabintnasser.qa/contactus/Pages/default.aspx/

[روح الاطلس]

يالحبيب عطيتهم كل الحلول ! انا ابي بكلريوس مو ماستر
قلت لهم ابي براتب قالو لا
بدون راتب لا
اللي أعلى منه رجعني له !
صدقني لو وصلت للشيخه موزة او سمو الأمير بتنحل ..

ماقول الا حسبي الله عليه وعلى اشكاله ..

دام بكالوريوس خلاص اشتبي فيهم؟؟ قدم استقالتك وخذ بعثة على حساب المجلس الاعلى وادرس وارجع بالشهادة وقدم بمكان افضل بتلقى فرص وظيفية احسن من وظيفتك الحالية! إلا لو كنت مو مستغني كلش عنهم

وسوها حركة لمديرك قول له ابي استقيل عشان ادرس شوف ردة فعله مابيقدر يقولك ممنوع الاستقالة ! يمكن اهني يغير رايه شوي

لو ماكنت قطري كان قلنا لك ادرس انتساب :)

[غايه الطواش]

بما ان قلت لهم من دون راتب ..تقدر تستقيل وتكمل دراسه .....

[Master_qtr]

انا جربت كل الحلول !

مانفع ! انا قلت لهم بدون راتب عشان يعرفون انا صامل ! قالو ماعندنا في القانون اجازه بدون راتب ! يبوني اقدم استقالتي بأي طريقه !

قالو تبي اجازه براتب روح الديوان؟

انا موظف فاهم القوانين عدل ! لو ادري ان الموضوع قانون ماراكضت !

[غايه الطواش]

الله يوفقك ان شاء الله
ماحب حد يوقف في وجه طالب العالم

[Finder]

عليك بالدعاء

ووطني الحبيب اسهل الطرق لتوصيل الصوت
وله فاعليه في التأثير

الله يصلح الجميع

[منهم وفيهم]

اذا وصلت لاتنساني مشكلتي قريبه من مشكلتك

[روح الاطلس]

انا جربت كل الحلول !

مانفع ! انا قلت لهم بدون راتب عشان يعرفون انا صامل ! قالو ماعندنا في القانون اجازه بدون راتب ! يبوني اقدم استقالتي بأي طريقه !

قالو تبي اجازه براتب روح الديوان؟

انا موظف فاهم القوانين عدل ! لو ادري ان الموضوع قانون ماراكضت !

متأكد جربت كل الحلول؟؟ اكيد باقي حلول ماتطرقت لها

مثلا انقل من الادارة وافتك من مديرك بعد جربت؟

اذا انت شايف ان حل موضوعك ماله الا الشيخه موزا اقترح تقابلها شخصياً وهي تتواجد بشكل شبه اسبوعي ومرات تنقطع لمدة شهر او شهرين في مؤسسة قطر تحضر محاضرات في المبنى الرئيسي واذا تبي تفاصيل اكثر كيف تقابلها بالضبط كلمني على الخاص

بس جهز من الحين خطاب بصيغة رسمية يكون معاك افضل

[Master_qtr]

متأكد جربت كل الحلول؟؟ اكيد باقي حلول ماتطرقت لها

مثلا انقل من الادارة وافتك من مديرك بعد جربت؟

اذا انت شايف ان حل موضوعك ماله الا الشيخه موزا اقترح تقابلها شخصياً وهي تتواجد بشكل شبه اسبوعي ومرات تنقطع لمدة شهر او شهرين في مؤسسة قطر تحضر محاضرات في المبنى الرئيسي واذا تبي تفاصيل اكثر كيف تقابلها بالضبط كلمني على الخاص

بس جهز من الحين خطاب بصيغة رسمية يكون معاك افضل

لو انتقلت لازم اقعد سنتين ! من الشروط وانا الحين صار لي 3 سنوات ! يعني اقعد 5 سنوات حرام والله وغيري يطلع في شهر

[naif3]

الله يسهل الامور انشالله