استفسار عن صبغ الجرانوليت او حبيات الجرانيت للصبغ

[هبوب الشمال]

السلام عليكم ورحمه الله وبركاته

الأخوة الأفاضل حبيت استفسر اذا حد عنده فكره عن صبغ الجرانوليت هو عباره عن حبيبات الجرانيت او الرخام احيانا وامدحوه لي فهل حد جربه من قبل وكم تقريبا سعر المتر فيه واذا فيه مجال اشوفه ع الطبيعه

لقيت في الانترنت صور حلوه وواضحه وألوان كثيره منه بس ابي اشوف تجاربكم عنه


وحبيت اعرف في اي شركة احصل هالصبغ

وشكرا *

[فنجان قهوة]

اخي هل تقصد صبغ كسر الرخام للواجهات ......ادخل هذا الرابط قد يفيدك .... هذه صناعة سعودية ..... اعجبني و ابحث عنه في قطر .... واذا عرفت من يمكنه ان ينفذ هذا الشغل ارجو ان ترسل لي برسالة خاصة.... و بالتوفيق

http://www.marfixmamco.com/Specifications.htm

[هبوب الشمال]

لا اخي الكريم اللي اقصده حبيبات الجرانيت مش كسر الرخام

وبالنسبة لكسر الرخام اي معلم رخام يقدر يسويه لك اسالهم وان شاء الله يفيدونك

[ولد المنصور]

مرحبا ...
انا شفته في محل اسمه اعتقد ديكوراما في السوق اللي مقابل المشري قبل دوار الجيده وقالي سعر المتر 60 وبينزل......

[هبوب الشمال]

جزاكم الله خير وبالفعل لقيناه عند ديكوراما

[بن غيث]

معلومة بسيطة قبل ما تصبغ
ان هذا النوع من الاصباغ موضة قديمة جدا
وتحتاج فني محترف
مب صباغ عادي
والله يوفقك

[ورقــة أمــل]

شنو الموضه اليديده من الصبغ يا جماعه

[هبوب الشمال]

صحيح يابن غيث

هذي موضه قديمه جدا ولكنها راقيه ايضا وعجبتني كثييير اكثر من الصبغ العادي

وهذا النوع من الصبغ يستخدم في مصر في المباني التراثيه والقديمه لانه يعمر كثير ويعطي منظر رائع

والحمدلله توفقنا بفني صعيدي شاطر في هذا الصبغ

[تميم بن خالد]

فيه فيلا كبيره في الخليج الغربي مصبوغة بهذا الصبغ .......... وسئلت الفورمن قالي السعر يتراوح مابين 50 الى 55

[المنسى]

ممكن نشوف الصبغ المذكور شوقتونى

[هبوب الشمال]

صحيح لقيناه عند ديكوراما حدود 50ريال تقريبا للمتر

[هبوب الشمال]

http://www.m5zn.com/uploads/2011/4/6/photo/040611130432682mut9xpx38m.png

هذي هي المادة المقصودة ولكن اللون اللي اخترته مش موجود لان هذي الالوان ذوقها مش خليجي نهائيا انا اخترت البيج والمشمشي مع الابيض سيتم خلط ثلاث الوان والنتيجه روعه ماشاء الله