تجمع الصغيرات في بيتي .. اقتراحات

[إنّ]

كل عــام والجميع بخيــر .. وأسأل الله أن يختم علينـا هذا العام والجميع في خير وعافية ..
كل مـا في الموضوع أن صديقات بنتي الصغيرات حابين يزورونها في البيت .. ويشوفون صورها وهي توها صغيره .. مــا أوده منكم .. فضــلاً لا أمراً .. اقتراحاتكم لي ..

مـا هي الوسيلة التي استطيع من خلالهـا ادخال الفرحة على قلوب تلك الصغار ؟
كيف تكون في رأيكن طريقة عرض الصور ؟؟ فصور ابنتي أكثرها على الكمبيوتر ؟
مـاذا أقدم لهن ؟ ..
هل هنـاك محلات لعمل توزيعات هديا للأطفال بعمر 5 سنوات .. ؟

انتظر اقتراحاتكم لي ... فالزيارة يوم الخميس .

[بوحارب]

اول اقتراح من عندي

اتفقي مع محل يسوي لهم فشار

والله يحفظهم جميع

يصير اجيب بنتي ام اربع سنين معاهم تراها طيبة :(

موفقه

[وطن]

الله احس وناسه
:)

شوفي اول شي اذا عندج وصله تشبكين اللاب توب على التلفزيون
وتعرضين الصور عليه
بيكون شي حلو

و اذا عندج بعد فيديو لها وهي صغيره بعد عرضيه لهم

واذا خلصتي خيريهم بأفلام كرتون يشوفونها
تكونين محضره كم فيلم مع بنتج ومجهزتهم
وتسوون تصويت بين البنات بعدين


سوي لهم بوب كورن مثل ما قال بو حارب
وانا افضل يكون من البيت مو من بره

اليهال عادة يحبون الحلويات والكيك والخرابيط هذي

بس انا افضل الاكل الصحي
اللي هم ما يحبونه هاهاهاهاها

يعني ممكن تقطعين لهم جزر وخيار و تسويين لهم صلصه خفيفه ديبينغ
وتحطين لهم بسكوت و فواكه

و اذا عندج العدد صففي لهم كراسي مثل السينما قدام التلفزيون
مع طاولات صغيره

<=== اندمجت حدها

وفي هذا كله لازم تخلين بنتج تساعدج وتشاركج بالأفكار

:victory:

بخصوص الهدايا

مممممممم

مادري لو تفترين على محلات الالعاب ممكن تلاقين افكار واشياء حلوة وبسيطة

[وطن]

ايه تذكرت

بخصوص التوزيعات للأطفال

اخبر اخر مره شفت
كانو موزعين اكياس صغيرونه شكلها مربع ومن القماش
داخلها كوكي "بسكويت" من عند تصميم على شكل حلو
وقلوس من البودي شوب
البنات يحبون هالحركات

[بـــــــنت النوخـّــــذه]

يحليلهم 5 سنوات الله يحفظهم

شوفي يالغاليه اذا بغيتي اساعدج بعمل فيديو كليب لهم اهههههه احط صورة بنيتج واغاني اطفال عليها ماعندي مانع
راسليني على الخاص وعطيني ايميلج ودزي الصور كلها 00وان شاء الله بيسرج العرض ,, حلو اتخلينه مشغل لهم وهم يلعبون مع بعض <<خبره :)

وبالنسبة للهدايا هالسن يحبون لعب ادوات المطبخ من اكواب وصحون وملاعق وفواكه لان الاحظ عليهم يحبون اذا اجتمعو يمثلون انهم معزومين عند ناس اههه روحي تويز آر اص واشتري لهم وحطي مع كل لعبه دبدوب صغير وبس

واشتري علب ايس كريم من الجمعيه واشويه شوكلت ملون وبسكويت الي ينحط فوقه كور الايس كريم وسويلهم بالبيت واشتري لهم نكتس وسويه بالبيت وحطيه بعلب حلوه



موفقه عزيزتي

[إنّ]

اول اقتراح من عندي

اتفقي مع محل يسوي لهم فشار

والله يحفظهم جميع

يصير اجيب بنتي ام اربع سنين معاهم تراها طيبة :(

موفقه


تسلم أخوي بو حــارب ..
حيــاها الصغيرة على الراس والعين ..
والله جد اتكلم ..
ترى الزيارة بتكون صباحية بإشراف معلمات الروضة :) ..

[إنّ]

الله احس وناسه
:)

شوفي اول شي اذا عندج وصله تشبكين اللاب توب على التلفزيون
وتعرضين الصور عليه
بيكون شي حلو

و اذا عندج بعد فيديو لها وهي صغيره بعد عرضيه لهم

واذا خلصتي خيريهم بأفلام كرتون يشوفونها
تكونين محضره كم فيلم مع بنتج ومجهزتهم
وتسوون تصويت بين البنات بعدين


سوي لهم بوب كورن مثل ما قال بو حارب
وانا افضل يكون من البيت مو من بره

اليهال عادة يحبون الحلويات والكيك والخرابيط هذي

بس انا افضل الاكل الصحي
اللي هم ما يحبونه هاهاهاهاها

يعني ممكن تقطعين لهم جزر وخيار و تسويين لهم صلصه خفيفه ديبينغ
وتحطين لهم بسكوت و فواكه

و اذا عندج العدد صففي لهم كراسي مثل السينما قدام التلفزيون
مع طاولات صغيره

<=== اندمجت حدها

وفي هذا كله لازم تخلين بنتج تساعدج وتشاركج بالأفكار

:victory:

بخصوص الهدايا

مممممممم

مادري لو تفترين على محلات الالعاب ممكن تلاقين افكار واشياء حلوة وبسيطة


اقتراحـات وايد حلوة ..
أشكرك يا الوطن :) ..
حاسة والله نفسي متلخبطة .. ومب قادرة أسوي شي ..
ما شي وقت .. :( ..
الله يعين بس .

[إنّ]

يحليلهم 5 سنوات الله يحفظهم

شوفي يالغاليه اذا بغيتي اساعدج بعمل فيديو كليب لهم اهههههه احط صورة بنيتج واغاني اطفال عليها ماعندي مانع
راسليني على الخاص وعطيني ايميلج ودزي الصور كلها 00وان شاء الله بيسرج العرض ,, حلو اتخلينه مشغل لهم وهم يلعبون مع بعض <<خبره :)

وبالنسبة للهدايا هالسن يحبون لعب ادوات المطبخ من اكواب وصحون وملاعق وفواكه لان الاحظ عليهم يحبون اذا اجتمعو يمثلون انهم معزومين عند ناس اههه روحي تويز آر اص واشتري لهم وحطي مع كل لعبه دبدوب صغير وبس

واشتري علب ايس كريم من الجمعيه واشويه شوكلت ملون وبسكويت الي ينحط فوقه كور الايس كريم وسويلهم بالبيت واشتري لهم نكتس وسويه بالبيت وحطيه بعلب حلوه



موفقه عزيزتي


فديتك يا بنت النوخذة ما تقصرين ..
وما أبي اتعبك وياي ..
وحده قريبتي قالت بتسويهم بالموفي ميكر ..
جمعت صورها من وهي في اللفة لين 5 سنوات ..
وقعت أسوي لها بروفة ..
لأن فكرتي اسوي لها فيديو منزلي مصغر ..
تعرف بنفسهـا وترحب فيهم .. وتتكلم عن أخوانها ..
ومن بعدها اعرض الصور ..

أفكر اييب لهم فطور ..
وأييب لهم هديا توزيع ..
وأفكر أييب شخصيتين دمى مثل سبونج بوب ..
يستقبلوهم ..

هذا اللي يحضرني الحين ..
أكرر جزيل امتناني وشكري عزيزتي بنت النوخذة ..
وإذا اسمحوا لي بالتصوير بصورهم واراويك الصور ..

[qatar girl]

هلا اختي
انا سويت حفله بنات بس نفس عمر بنتك
سويت كب كيك وشريت لهم من اللولو كريمة الكب كيك والزينة وخليتهم يسون الزينة بروحهم
جبت وحدة تسوي لهم مناكير
سويت قسم في دفاتر رسم والوان
سويت قسم (سويت كورنر) فيه نفس محلات الحلويات انواع مشكله من الحلوو ومعاه اكياس ورقية صغيره وهم يختارون اللي يحبونه
انا ماحب الشخصيات الكرتونية لانه كثير من الاطفال يصيبه الرعب اذا شافهم نصيحة ابتعدي عنهم
حطي لهم نفس لوحة بيضة كل واحد يطبع يده ويكب الاسم دخلها كذكرا
وفري لهم وجبات خفيفة
الهدايا أنا خذت اكواب بشخصية الاميرات وحطيت فيه لب جلوس وتاتو واساور الي نفس الخيوط وحلاوة وحطيته في كيس بلاستك

[qatar girl]

روحي دايسو بتحصلين عنده افكار حلوة حق هدايا

[إنّ]

شكراً لبنت قطر وما قصرتي عزيزتي .. مشكلتي الوقت بلغوني قبلها بيوم ونص .. :) .. فما مداني اسوي اشياء وايد ..
وشكراً لكل من قدم لي اقتراحات ..

هذي بعض الصور ..

كان يوم رائع .. والجديد انهم ضيوف من نوع آخر .. فديت البنات ما احلاهم :) ..
وايد لستنانسوا على سبونج بوب .. وما فارقهم طول الزيارة ..
سويت فيديو منزلي بطولة الأسرة ابتداء من الأب إلى أصغر عضو .. والبطولة المطلقة لبنتي الحبوبة ..
وعليه قامت المعلمة واشرحت للبنات مفهوم الأسرة وعدد افرادها ومن هم اعضاءها ..
عرضت صور لاستعداداتنا لهالزيارة من شراء الهدايا .. لتجهيز الوجبات .. لبروفات فيديو الأسرة .. إلخ وطلع شي خيااااال :) ..
عرضت صور بنوتي من وعمره يوم لين 5 سنوات ..
واهديت الروضة فيديو كليب عن زيارتهم .. من وإلى .. :) ..
وايد انبسطواالطالبات ومعلماتهم .. وما توقعوا كل اللي شافوه .. والحمد لله
وآخر شي عطوني شهادة شكر :victory:
وسلامتكم ..


http://upload.traidnt.net/upfiles/eXu87613.jpg (http://upload.traidnt.net/)

http://upload.traidnt.net/upfiles/HzU82653.jpg (http://upload.traidnt.net/)

http://upload.traidnt.net/upfiles/hRm82336.jpg[/url
]

http://upload.traidnt.net/upfiles/q8388494.jpg[/url
]

[URL=http://upload.traidnt.net/]http://upload.traidnt.net/upfiles/gtz82909.jpg (http://upload.traidnt.net/)

http://upload.traidnt.net/upfiles/iGd90051.jpg (http://upload.traidnt.net/)

[URL=http://upload.traidnt.net/]http://upload.traidnt.net/upfiles/nbx89784.jpg

[غايه الطواش]

شي وايد وايد حللوه

حلو نشارك المدارس والروضه في التعليم

الصراحه فرضه اغبطج عليها ...
ربي يوفقج ويوفق عيالج ان شاء الله

[وطن]

الحمدلله انهم استانسووو

والله يعطيج العافية :)

[الخيالة]

الاااااااااااااااي وناسه
الله يحفظهم

آه ياااااااااااااااااريت اصير صغيرونه مثلهم وانسي كل همومي

[غزلان]

ماشاء الله

ماقصرتي بكل الى سويتيه شكلهم استانسوا

يعطيج العافيه

[حليتان*]

ماشاء الله

وفكره حلووه من المدرسه انهم يسون رحلة للطالبات ويعرفونهم بصديقتهم وبيئتها الي عايشه فيها


الله يحفظهم ان شاء الله

[إنّ]

شي وايد وايد حللوه

حلو نشارك المدارس والروضه في التعليم

الصراحه فرضه اغبطج عليها ...
ربي يوفقج ويوفق عيالج ان شاء الله


الله يجزيك خيــر ..
ويحفظ عيالك يا رب ..

[إنّ]

الحمدلله انهم استانسووو

والله يعطيج العافية :)


يعافيك ربي ..
فيه صور وايد للطالبات في هالزيارة ..
بس تظل الصور بدون أذن للنشر صعب عرضهـا ..
شكراً لمرورك ..

[إنّ]

الاااااااااااااااي وناسه
الله يحفظهم

آه ياااااااااااااااااريت اصير صغيرونه مثلهم وانسي كل همومي


ليتني طفلة أكبر همومي لعبتي :) ..

[إنّ]

ماشاء الله

ماقصرتي بكل الى سويتيه شكلهم استانسوا

يعطيج العافيه


لو كنتي موجودة معاي يا أختي غزلان كان فطستي عليّ من الضحك ..
المشكلة يوم الخميس الصبح ..
كنت انتظر الفطاير وباقي الأكل يوصل من المطعم ..
وأجهز الفواكه والخضراوات وأجهز الوجبات ..
وكنت انتظر سبونج بوب يشرف ..
وهو نفس الوقت اللي اسوي العصاير للمعلمات والشاي والقهوة وأجهز الحلى ..
وكان لابد من التصوير .. أول ما يجهز شي أصوره وأروح أحطه في الموفي ميكر ..
ضغط على الأعصاب بشكل غير طبيعي ..
خاصة أن جيتهم الساعة 9 ونص ..
لكن توفيق الله سهلت كل الأمور :) ..

[إنّ]

ماشاء الله

وفكره حلووه من المدرسه انهم يسون رحلة للطالبات ويعرفونهم بصديقتهم وبيئتها الي عايشه فيها


الله يحفظهم ان شاء الله


وأزيدك من الشعر بيت ..
بنتي قامت تصيح بعد ما راحوا على الهدايا ..
تقول لي ( ليه ياخذون حقناااااااااااااااااا ) .. :cry2:
لاحظت إن في هالعمر ..
ما فيه صداقات ..
كل وحدة من هالبنات في عالم بروحهـا ..
الله يحفظهم ويحفظ عيال المسلمين :)

[بـــــــنت النوخـّــــذه]

اههههههههههههههههههههههههه

وناسه والله عاد وين هديتنا احنا ^_^